ޚަބަރު / އަލީ ނިޒާރު، މޭޔަރު (އައްޑޫ ސިޓީ)

އަލީ ނިޒާރު 1.2 މިލިއަން ރުފިޔާގެ ދަރަނި ދައްކައިފި

އައްޑޫ މޭޔަރު އަލީ ނިޒާރު: ބީއެމްއެލްއަށް ދައްކަން ޖެހޭ 1.2 މިލިއަން ރުފިޔާގެ ދަރަންޏެއް އޭނާ ވަނީ ދައްކައިފައި. -- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

05 ފެބުރުއަރީ 2023 - 21:03

15 comments

އައްޑޫގެ މޭޔަރު އަލީ ނިޒާރު 2016 ވަނަ އަހަރު ބޭންކް އޮފް މޯލްޑިވްސް (ބީއެމްއެލް) އިން ނެންގެވި 1.2 މިލިއަން ރުފިޔާގެ ލޯނަކަށް އެއްބަސްވުމާ އެއްގޮތަށް ފައިސާ ނުދައްކަވާތީ ބޭންކުން އެ މައްސަލާގައި އޭނާގެ މައްޗަށް ދައުވާކޮށްފައި ވަނިކޮށް، އެ ދަރަނި އެއްކޮށް ދައްކައިފި އެވެ.

އެއްބަސްވުމާ އެއްގޮތަށް ލޯނަށް ފައިސާ ނުދައްކާތީ، އަލީ ނިޒާރާއި އެ ލޯނަށް ގެރެންޓީ ދިން މީހާއާ ދެކޮޅަށް ބީއެމްއެލް އިން ދައުވާކުރީ ޑިސެމްބަރު 7، 2022 ގަ އެވެ.

މިދިޔަ ބުރާސްފަތި ދުވަހު ސިވިލް ކޯޓުން ކުރި ހުކުމުގައި ބުނީ، އަލީ ނިޒާރާއި އޭނާގެ ގެރެންޓާ މިހާރު އެ ފައިސާ ދައްކައި ހަލާސްކުރައްވާފައި ވާތީ، ބީއެމްއެލްއިން މި މަހު އެކެއްގައި ދައުވާ ފޯމު ބާތިލުކުރަން ހުށަހެޅުމުން އެގޮތަށް ހުކުމްކޮށްފައިވާ ކަމަށެވެ.

އެ ހުކުމުގައި ބުނެފައިވާ ގޮތުގައި، އަލީ ނިޒާރުގެ އެދިވަޑައިގަތުމަށް އެހެން ފަރާތަކާ ބައިވެރިވެގެން އެ ލޯނު ނަންގަވާފައި ވަނީ ރަހުނެއް ބަހައްޓައިގެންނެވެ. ރަހުނެއްގެ ގޮތުގައި ބަހައްޓާފައި ވަނީ ސ. ހިތަދޫ ކްރެސް ގާޑެން ރެސްޓޯރެންޓާއި އެ ތަނުގެ އެންމެހާ މުދަލާއި ސ. ހިތަދޫ ހިޔަލާގެ ބަންޑާރަ ގޯއްޗާއި އެ ގޯތީގައިވާ އެންމެހާ އިމާރާތްތަކެވެ.

އަލީ ނިޒާރާ ދެކޮޅަށް ބީއެމްއެލް އިން އުފުލި ދައުވާގައި އެދިފައި އޮތީ، އެ ލޯނާ ގުޅިގެން ދައްކަން ޖެހި، ނުދައްކާ ހުރި ހުރިހާ ފައިސާ އާއި ސާވިސް ޗާޖާއި އިންޓަރެސްޓާއި ޖޫރިމަނާ ފައިސާ އެކީ އެއްފަހަރާ ހޯދުމަށެވެ. ރަހުނުގެ އެއްބަސްވުމުގައި ހިމަނާފައި ހުރި ހުރިހާ އެއްޗެއް ރަހުނު ކުރެވިފައިވާކަން ކަނޑައަޅައި ދިނުމަށް ވެސް އެ ބޭންކުން ކޯޓުގައި އެދުނެވެ.

އަލީ ނިޒާރު ފޯނު ނުނަންގަވާތީ އެ ލޯނާ ގުޅިގެން އޭނާ ދައްކަން ޖެހުނީ ކިހާ އަދަދެއްގެ ފައިސާ ކަމެއް ސާފުވާ ގޮތެއް ނުވި އެވެ.

އޭނާ 1.2 މިލިއަން ރުފިޔާގެ ބޮޑު ދަރަންޏެއް ދެއްކެވިއިރު، މިިދިޔަ މަހު ބޭއްވި އެމްޑީޕީގެ ޕްރައިމަރީގައި އޭނާ ހުންނެވީ، އެ އިންތިހާބު ކާމިޔާބުކުރެއްވި ރައީސް އިބްރާހިމް މުހައްމަދު ސޯލިހުގެ ފަޅީގަ އެވެ.

ބޭންކް ލޯން އަލީ ނިޒާރު، މޭޔަރު (އައްޑޫ ސިޓީ)

15 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުހޫ

07 February 2023

ކޮބާތަ އޭސިސީއޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިކޮނޮމިސްޓް އެސޯސިއޭޝަން އޮފް މޯލްޑިވްސް

06 February 2023

އިއްޔެ ދަރަނިވެރިއެއް، މިއަދު އެދައްކާލީ 1.2މިލިއަން އެއްފަހަރާ. މިއީ ހަގީގީ އިކޮނޮމިސްޓުންނަކީ. ސަރުކާރުން އިއުލާން ކޮށްފައި އެއޮތް، ފިނޭންސް މިނިސްޓަރަށް ލަފާއަރުވާ އިކޮނޮމިސްޓްގެ މަގާމު އެއްވެސް ޝަރުތަކާ ނުލާ ނިޒާރަށް ދިނުމަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ކުއްދާ

06 February 2023

އިންތިހާބީ މަގާމެއްގައި ހުރުގެން ލިބޭ ފައިސާގެ ދެފުށް ފެންނަންޖެހޭ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

06 February 2023

މީ ތަހުގީގުކޮށް ބަލަންޖެހޭ މައްސަލަތައް. މަހަކު 40 ހާސް ލިބުނަސް 3 އަހަރު ނަގާނެ 1.2 މިލިއަން ހޯދަން. ވެލާ ހިފުމަށްވުރެ އިސްކަންދީގެން ފުލުހާއި އޭސީސީން މިފަދަ މައްސަލަތައް ބަލަންޖެހޭ..މިގޮތަށް ހޯދާ ނާޖާއިޒް ނަހަލާލު ފައިސާގަ ޖެހި ގައުމުގެ ސިޔާސަތާއި އަދުލު އިންސާފު ނެތި މިދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގޫ

06 February 2023

މިއަށް ކިޔަނީ ނަގޫ ފިތުން. އައްޑޫގެ ރައްޔިތުންނަށް ކިތަންމެހާވެސް ދެރަ މިކަހަލަ ނަގޫ ފިތިފައި ހުރި މޭޔަރެއް ލިބިފައިވާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

06 February 2023

މަޖިލިސް މެންބަރަކަށް ހުންނެވި އިރުވެސް ނިޒާރުއަކީ "ފާޑަކަށް އުޅުނު މީހެއް" ކަމަށްވާތީ ނިޒާރު އާއި އޭރުގެ ބްރޯ "އަދީބް" އާއި ގުޅުވައިގެން މީހުން ވަރަށް ވާހަކަ ކިޔާއުޅުނު. # މިހާރު ވެރިކަމުގައި ހުންނެވިމީހާއަށް "އިތުރު ދައުރެއް ނުލިބޭނެކަން ކަށަވަރުވެފައިވާ ފަދައިން" އައްޑޫގެ މޭޔަރުވެސް ހުންނެވީ ހަމަ އެހާލަތުގައި ކަމަށްވާތީ "ލިބުނު ގޮތަކަށް ލިބުނު އެއްޗެއް ހޯދައިގެން" ދައުރު ނިމުމުގެ ކުރިން ދަރަނިތަކުން ސަލާމަތްވާން އުޅެނީ ކަމަށް ވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާތިބު

05 February 2023

އޭސީސީ އަށް ގޮވާލަން. މިޒާތުގެ މައްސަލަތައް އަވަހަށް ހިހޫ ނުވަނީސް ބަލައި ރައްޔަތުންނަށް ސާފު މަޢްލޫމާތު ހާމަކޮށްދޭން. އެހެނީ މިބޭފުޅާއަކީ އައްޑޫ ސިޓީގެ ރައްޔަތުންގެ ވޯޓަކުން އެސިޓީގެ މޭޔަރު ކަމަށް ހޮވާ މިއަދު އެގޮނޑީގައި އިންނެވި ބޭފުޅާކަމުގައިވާތީ. ރައްޔަތުންގެ ހިތުގައި ޝައްކުއުފެދުނީމަ އެކަން ސާފުކޮށްދޭން ތި މުއައްސަސާއަށް އެބަޖެހޭ ނޫންތޯ؟ ބޭންކް ލޯނު ނުދެއްކި ޝަރީޢަތަށް ދިޔަފަހުން އެފައިސާ އެއްފަހަރާ ދެއްކިގޮތް ރައްޔަތުންނަށް އެނގެންޖެހޭ.