ދުނިޔެއާ ދިމާލަށް ގިނިހިލައެއް، ފޯރާނީ 2046 ގައި

ނާސާއިން އަލަށް ހޯދި ޖައްވީ ހިލަ "2023 ޑީޑަބްލިއު"

އަހުމަދު އަރުޝަމް، މިހާރު

12 މާޗް 2023 - 06:38

އަލަށް ފެނުނު ގިނިހިލައެއް ދުނިޔެއާ ދިމާލަށް ދަތުރުކުރަމުން އަންނަ ކަމަށާއި 2046 ވަނަ އަހަރު ދުނިޔެއަށް އެ ފޯރާނެ ކަމަށް ބެލެވޭ ކަމަށް ނާސާއިން ބުނެފި އެވެ.

ނާސާ "އެސްޓްރޮއިޑް ވޮޗް" އިން ކުރި ޓްވީޓެއްގައި ބުނީ، "2023 ޑީޑަބްލިއު" ގެ ނަންދީފައިވާ އެ ހިލަ މިހާރު އަންނަނީ ޓްރެކު ކުރަމުން ކަމަށާއި އޭގެ އަސަރު ދުނިޔެއަށް ކުރިއަސް ކުރާނީ ވަރަށް ކުޑަކޮށް ކަމަށެވެ.

ނާސާގެ ހިސާބުތަކުން ދައްކާ ގޮތުގައި، އެ ހިލަ ދުނިޔެއާ ހަމައަށް ފޯރާނީ 2046 ވަނަ އަހަރުގެ ފެބްރުއަރީ މަހުގެ ތެރޭގަ އެވެ. އެ ހިލަ ދުނިޔެއާ އެންމެ ގާތަށް އަންނާނީ ގާތްގަނޑަކަށް 1.1 މިލިއަން މޭލުގެ ދުރުމިނަކަށެވެ.

We've been tracking a new asteroid named 2023 DW that has a very small chance of impacting Earth in 2046. Often when new objects are first discovered, it takes several weeks of data to reduce the uncertainties and adequately predict their orbits years into the future. (1/2) pic.twitter.com/SaLC0AUSdP
— NASA Asteroid Watch (@AsteroidWatch) March 7, 2023

އެއީ އޮލިމްޕިކް ސްވިމިން ޕޫލެއްގެ ބޮޑުމިނުގެ ހިލައެއް ކަމަށް ވެސް އެ އޭޖެންސީން އަންދާޒާކޮށްފައިވެ އެވެ.

ނާސާއާ ހަވާލާދީ ބީބީސީން ބުނީ، އެ ހިލަ ދުނިޔޭގައި ޖެހުމުގެ ފުރުސަތު ވަރަށް ކުޑަކަމަށެވެ. އެއީ ނާސާގެ، ޖައްވީ އެއްވެސް އެއްޗެއް ދުނިޔޭގައި ޖެހުމުގެ ބިރު އޮތް ލިސްޓުގެ، 0-10 ރޭޓު ސްކޭލުން އެކެއްގެ ރޭޓު ދީފައިވާ ހަމައެކަނި ހިލަ އެވެ. އެ ސްކޭލުގައި އެކެއްގެ ރޭޓަކީ އާންމުން ބިރުގަންނަން ޖެހޭ ވަރުގެ ކަމެއް ނޫން ކަމަށް ނާސާއިން ބުނެ އެވެ.

ނާސާއިން ބުނީ އަލަށް ފެންނަ އެފަދަ ހިލަތަކުގެ އަސްލު މައުލޫމާތު ދެނެގަތުމަށް އަދި ވަރަށް ގިނަ ދުވަސްތަކެއް ނަގާނެ ކަމަށެވެ.

ނާސާ އިން "2023 ޑީޑަބްލިއު" ހިލަ މޮނިޓަ ކުރަމުން ގެންދާނެ ކަމަށާއި، އާ މައުލޫމާތު ލިބޭވަރަކަށް އާންމުންނާ ހިއްސާކުރާނެ ކަމަށް އެ އޭޖެންސީން ވަނީ ބުނެފަ އެވެ.

ނާސާ

15 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސައިން ރަހާ

13 March 2023

މި ރިޕޯޓް ނުވަތަ ލިޔުން މުޅިން ނުބައި، މި އެސްޓްރޮއިޑް 2046 ވަނަ އަހަރު ވެސް އަދި އޭގެ ފަހުން އެއްވެސް އިރެއްގައި ވެސް ދުނިޔެއަށް ފޯރާނެ ކަމަށް މިހާތަނަށް އެއްވެސް އިލްމުވެރިއަކު ނުބުނެ. އެއް ޖުމްލައިގައި މި ހިލަ ދުނިޔެއަށް ފޯރާނެ ކަމަށް ބުނެފައިވާ އިރު، އަނެއް ޖުމްލައިގައި ބުނެފައި އޮތީ، މި ހިލަ ދުނިޔެއާ އެންމެ ގާތަށް އަންނާނީ ގާތްގަނޑަކަށް 1.1 މިލިއަން މޭލަށް ކަމަށް. އެހެންވީމާ މި ކިޔާނުކިޔާއެއް ނޭނގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެޓޭ

13 March 2023

ޖައްވާއި ކައުނުގެ ކަންތައްތަކަށް ނުވިސްނާ ލޯނުހުޅުވޭ ދިރާސާ ނުކުރާ މީހުންނަކަށް މިކަހަލަ ކަންތައްތަކުގައި ވާ ނުވާއެއް ނޭނގޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޝީރުކައިދެގެބެއްޔަބޭ

13 March 2023

އަހަރުމެން މިލަފާކުރާގޮތުން 2043 ވާއިރު ދުނިޔެ ދޫކޮށް މާސްއަށް ގޮސް ނިމިދާނެ. ބަޔަކު ތިއްބަސް ތިބޭނީ ދިވެހިރާއްޖޭގެ މާލޭސަރަހައްދުގައި ބުރިޖެއްއަޅަން ތިބޭބަޔަކާއި އައްޑު އަތޮޅު ތަރައްގީ ކުރަން އުޅޭބައެއް. ޑީޑަބުލިއު ފެނުނީމަ އެމީހުންވެސް ސޭމުރުގު ދޫނިގޮތަށް މޫދަށް ފުންމާލައި ފިލާފާނެ. ހާސްކަމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންސު

12 March 2023

ހިލަތަކުގެ އަސްލު މައުލޫމާތު ދެނެގަތުމަށް އަދި ވަރަށް ގިނަ ދުވަސްތަކެއް ނަގާނެކަމަށް ބުނެފަ، އެހާ ޔަގީން މައުލޫމާތުތަކެއް މިހާކުރިން ދެނީ ކީއްކުރަންބާ؟ ކޮންމެވެސް ކަރައެއް ފަޅާލަން؟ ނޫނީ ފޫހިވީތަ މާގިނަދުވަހު އެއްޗެއް ނުބުނެ ހުރެވުނީތީ؟!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

12 March 2023

ދުނިޔޭގަ އޮތް މަތިންދާ ބޯޓެއް ނުފެނުނު ، ނަމަވެސް ދުނިޔޭގަ ނުވެސް ނެތް ހިލަގަނޑެއް ފެނިއްޖެ.ގޯހެއް ނޫން.ސައިންސްގެ އަލީގަ މިތިބީ ވަރަށް ކުރީގަ.ވ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯދާ

13 March 2023

ހޯދިނަމަ އެ ހިލަ ވެސް ނުފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެމެލް

13 March 2023

މާސިންގާ ފުންކަޑެއްގެ އަޑީގައި ގެއްލިފައިވާ އެއްޗެއް ހޯދުމަށް ވުރެ ކައުނުގައި ހުންނަ ތަރިތަކާއި އެހެނިހެން ތަކެތި ރޭޑިއޯ ޓެލެސްކޯޕް މެދުވެރިކޮށް ހޯދަން ފަސޭހަވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރުނބާ

12 March 2023

އެހެންވީމަ އެލޮންމަސްކާ ގުޅިގެން ހިނގާބަލަ މާސްއަށް ހިޖުރަކުރަން ހެހެހެ މާސްގަ އޮތަސް ހަނދުގަ އޮތަސް މަރުއައިސް ޖެހުނީމަ ކުރާނެކަމެއް މިނިކަމެތި އިންސާނާ ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމަދަ

12 March 2023

އަހަރުމެން ހަނދާން ކުރަންވީ ކަމަކީ ތި ހިލައިގެ ކުރީގައި ބޮޑު ޖިންނިއެއް ވާނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވޭ

12 March 2023

ހުރިހާ ހިލައަކީ ޖިންނީންނާ ދިމާލަށް ފޮނުއްވާ އެއްޗެހި ކަމެއް އަންގަވާފައެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯބުރާންތި

12 March 2023

ސައިންސްގެ ތިއަރީތައް ކޮންމެ ގޮތަކަށް ހުއްޓަސް ހިލަގަނޑު ދުނިޔޭގަ ޖެހުމާ ނުޖެހުން އެއީ ﷲ ގެ އިރާދަފުޅުގައިވާ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރާންތިއްތި

12 March 2023

އެ ގިނި ހިލަ އިންސާނުނަށް ފެނުމާއި ނުފެނުންވެސް އެއީ ﷲ ގެ އިރާދަފުޅުން ވީކަމެއް، އަދި އެ ފެންނަން މެދުވެރިވި ޓެލެސޯޕުތަކާއި ހިސާބުގެ އިލްމަކީވެސް ﷲ ގެ އިރާދަފުޅުން އިންސާނުނަށް ލިބިފައިވި ކަންކަމެވެ. ﷲ ގެ އިރާދަޔާ ނުލާ އެއްކަމެއް ވެސް ނުވާނެ އެވެ. ނަމަވެސް އަހަރުމެން އިންސާނުނަށް ﷲ ގެ އިރާދައިގަ އޮތް ގޮތް އިނގޭބާއެވެ؟ އަހަރުމެނަށް އޮތީ ﷲ ދެއްވި އިލްމެއް ބޭނުންކޮށްގެ އަހަރުމެނާއި އަހަރުމެންގެ ދަރީން ސަލާމަތް ކުރުން ނޫން ތޯ އެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުކަލޯ

12 March 2023

ޚާލިޤުވަންތަ ﷲ ކާއިނާތު ޚަލްގު ކުރައްވާފަވަނީ އިންސާނާގެ ކޮށި ވިސްނުމާ ފަގީރު އިލްމް ތަކުން ދެނެގަނެވޭވަރަށްވުރެ މާ ފުރިހަމައަށް. އެހެންވީމަ ތިޔަޒާތުގެ ކަންކަމަކީ އެއްގޮތަކަށްވެސް ބިރުގަނެ ކަންބޮޑުވާންޖެހޭ ކަންކަމެއްނޫން. އިންސާނާ އަށް އޮތީ ﷲ ގެ ކުޅަދުންވަންތަކަމާމެދު ވިސްނާ ފިކުރުކޮށް ދެއްވި ނިއުމަތަށް ޝުކުރާ ހަމްދު ކުރުން.