ޖުމްހޫރީ ޕާޓީން މިރޭ ބޭއްވި ނޫސްވެރިންގެ ބައްދަލުވުމުގައި ގާސިމް އިބްރާހިމްގެ ސްޕެޝަލް އެންވޯއި އަދި މަޖިލީހުގެ ކުރީގެ މެމްބަރު އިލްހާމް އަހުމަދު ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު
29 މާޗް 2023 - 23:49
51 comments
ޖުމްހޫރީ ޕާޓީ (ޖޭޕީ) އިސްވެ އޮވެ، ކުރިއަށް އޮތް ރިޔާސީ އިންތިހާބުގައި ކޯލިޝަނެއް ހަދައިގެން ނުކުންނަން ތައްޔާރުވަމުން އަންނައިރު މިވަގުތު ރާއްޖޭގެ ސިޔާސީ ލީޑަރުންގެ ތެރެއިން ރިޔާސީ ރޭހުގައި ވާދަކުރެވޭ ލެވެލްގައި ހުންނެވި ހަމައެކަނި ބޭފުޅަކީ ގާސިމް އިބްރާހިމް ކަމަށް އޭނާގެ ސްޕެޝަލް އެންވޯއި އަދި މަޖިލީހުގެ ކުރީގެ މެމްބަރު އިލްހާމް އަހުމަދު ވިދާޅުވެއްޖެ އެވެ.
ޖުމްހޫރީ ޕާޓީގެ ދާއިރާ ރައީސުން ހޮވަން ކޮމިޓީއެއް އެކުލަވާލައި، ދާއިރާތަކަށް ކުރިމަތިލުމަށް ހުޅުވާލާފައިވާކަން އިއުލާންކޮށް، މިރޭ ބޭއްވި ނޫސްވެރިންގެ ބައްދަލުވުމުގައި އިލްހާމް ވިދާޅުވީ ޖޭޕީ އިސްވެ އޮވެ ރިޔާސީ ރޭހުގައި ވާދަކުރަން ނިންމި ނަމަވެސް އެ ޕާޓީއާ އެކު ކޯލިޝަން ހެދުމުގެ މަޝްވަރާގައި ބައިވެރިވުމުގެ ފުރުސަތު ހުރިހާ ޕާޓީތަކަށް ވެސް އޮންނާނެ ކަމަށެވެ.
އޭނާ ވިދާޅުވީ ޖޭޕީއަކީ މާބޮޑު ޕާޓީއަކަށް ނުވިޔަސް ޖޭޕީ ތަފާތުވަނީ އެ ޕާޓީގެ ލީޑަރަކީ ރާއްޖޭގެ އެކި ދާއިރާތަކުން މަސައްކަތް ކުރައްވައި ތަޖުރިބާ ހުންނެވި ބޭފުޅަކަށްވާތީ ކަމަށެވެ. ސިޔާސީ ރޭހުގައި ވާދަކުރެއްވޭނެ އެންމެ ތަޖުރިބާ ހުންނެވި ބޭފުޅަކީ ވެސް ގާސިމް ކަމަށް އޭނާ ވިދާޅުވި އެވެ.
ޖުމްހޫރީ ޕާޓީން މިރޭ ބޭއްވި ނޫސްވެރިންގެ ބައްދަލުވުމުގައި އެ ޕާޓީގެ ލީޑާޝިޕްގެ އިސްވެރިން ބައިވެރިވަނީ-- ފޮޓޯ: ނިޝާން އަލީ/ މިހާރު
ރިޔާސީ އިންތިހާބުގައި އެ ޕާޓީން ވާދަކުރައްވާނީ ކޮން ބޭފުޅެއްތޯ ނޫސްވެރިން ސުވާލުކުރުމުން އިލްހާމް ވިދާޅުވީ އިދާރީ ގޮތުން އެކަން ސާފުނުވާ ކަމަށެވެ. އެހެންވެ، މިހާތަނަށް ރިޔާސީ އިންތިހާބުގައި ވާދަކުރެއްވުމަށް ގާސިމް ނިންމެވިކަމެއް ވެސް ނޭނގޭ ކަމަށް ވިދާޅުވި އެވެ.
"އެކަމަކު އެމަނިކުފާނު އަމިއްލަފުޅަށް ނިންމެވުމާ ނުނިންމެވުން އެހެން ކަމެއް. އެކަމަކު މާދަމާ 12 ޖަހާއިރަށް އަޅުގަނޑު ގަބޫލުކުރަނީ މި ޕާޓީން ނިންމާ ނިންމުމެއް ކޮންމެވެސް ސިފައެއްގައި އެނގިގެންދާން ޖެހޭނެ ކަމަށް،" އިލްހާމް ވިދާޅުވި އެވެ.
ޖޭޕީގެ ރިޔާސީ ކެންޑިޑޭޓަކީ ގާސިމް ކަމަށް ބުނެ ސޯޝަލް މީޑިއާގައި ހިންގާ ކެމްޕޭންތަކާ ގުޅިގެން އިލްހާމް ވިދާޅުވީ ޖޭޕީގެ ލީޑާޝިޕްގައި ތިއްބެވި ކޮންމެ ބޭފުޅަކީ ވެސް ގާސިމަށް ތާއީދުކުރައްވައި، އަދި އެމަނިކުފާނު ވެރިކަމަށް އަންނާނެ ކަމުގެ އުއްމީދުގައި ތިއްބެވި ބޭފުޅުން ކަމަށެވެ. އެހެންވެ، ގާސިމްގެ ސަޕޯޓަރުން ކެމްޕެއިން ކުުރައްވާނެ ކަމަށް އޭނާ ވިދާޅުވި އެވެ.
އިލްހާމް ވިދާޅުވި ގޮތުގައި މިވަގުތު ސަރުކާރުގައި ތިއްބެވި އެ ޕާޓީގެ އެކި ބޭފުޅުން ޖުމްހޫރީ ޕާޓީން އިންތިހާބުގައި ވާދަކުރާ ހިސާބުން އެ ޓީމާ އެކު ކުރިއަށް ދާނެ ކަމަށް ގަބޫލުކުރައްވާ ކަމަށެވެ.
ޖޭޕީން ރިޔާސީ އިންތިހާބަށް ތައްޔާރުވަމުން އަންނައިރު އެ ޕާޓީން އަންނަނީ ކޯލިޝަން ހެދުމަށް ޕާޓީތަކާ އެކު މަޝްވަރާކުރަމުންނެވެ. މިރޭ ވެސް އެ ޕާޓީގެ އޮފީހުގައި ވަނީ ރައްޔިތުންގެ މަޖިލީހުގެ ރައީސް މުހައްމަދު ނަޝީދު ފެކްޝަނުގެ ބޭފުޅުންނާ އެކު މަޝްވަރާ ބައްދަލުވުމެއް ބާއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޫސަންގު
30 March 2023
މިއީ ގާސިމުގެ ފަހަރުވަކަން ޔަގީން.
އަސް
30 March 2023
3 ވަނަ ލިބޭނެ މިފަހަުރުވެސް.
ބޮޑުމީހާ
30 March 2023
ބޯކިބާފަޅާ ރިޔާސީ ނިޒާމު އޮވެގެން މިގައުމުގަ ވެރިކަންކުރެވޭނީ ދެގޮތަކަށް. އެއްގޮތަކީ ޔާމީނު ކުރިހެން އެންމެން ޖަލަށްލައިގެން ކުރުން. ދެވަނަ ގޮތަކީ އިބޫ ކުރާހެން އެންމެންނަށް ބައިއަޅައިގެން ކުރުން. (ނަޝީދު މި ދެގޮތްވެސް ބޭނުންނުވީތީ ވެރިކަން ވެއްޓުނީ) ހުރިހާ މައްސަލަތަކުގެ ފެށުމަކީ ރިޔާސީ ނިޒާމު، މިކަންކަން ހައްލުވާނީ ނިޒާމު ބަދަލުކޮށްގެން އެހެން ކުރިއަރާފައިވާ ގައުމުތަކުން މިސާލު ނަގައިގެން ކުރިއަށް ދިޔައީމާ.
ސުނާރު
30 March 2023
އާދެ އާދެ، ނަރުކެނޑި އަކުން ނަރެއް ބުރިކޮއްލެވޭ ފެންވަރު ހުރީވެސް އިލްހާމްގެ އެކަނި
ހަސޯ
30 March 2023
ފަކުރެއްގެ ދިރުމާއިގެން އުޅޭކުދީން ކޮމެންޓްތަކަށް ލައިކް ލިބިފަވާގޮތްބަލުމުން ކުޑަކޮށްމޭކަރާގޮތްވާނެ. އެހެންވީމަ ހުރިހާކޮމެންޓެއް ނުބެލުން އެދެން.
ފިނރުޓޭ
30 March 2023
މި ރާއްޖޭގެ ވެރިކަން ކުރަންވެގެން އުޅޭ މީހުންގެ ފެންވަރު ނިކަން ދެނެބަލަ! ތި އިލްހާމާ މީސްމީހުންނަކި މަދަރުސާއަކުން ކިޔެވުން އެއްކިބާގަ ބާއްވާފަ، އަމިއްލަ އަށް ފޮތެއްހާ ހިސާބުވެސް ކިޔާ ބަޔެއް ނޫން! ނޫސް ނޫހުގެ ސުރުހީ އާ ޓުވިޓާ ކިޔައިގެން އުޅޭ މީހުން! ތަނެއް ދޮރެއް އުޑެއް ބުޑެއް ދަންނަ ބައެއް ނޫން! އެކަމު ރާއްޖޭގެ ވެރިކަން ކުރަންވެގެން ހީވަނީ ފަޔަށް ހިނި އަރައިގެން އުޅޭހެން!
ސިލުނބު
30 March 2023
މިފަަހަރު ޤާސިމްގެ މުދާކޮޅު ޣަނީމާކުރާނެ!
ބަޑިތަކުރު
30 March 2023
ހުރިހާ ޕާޓީއަކާ ކޯލިޝަން ހަދައިފިނަމަ އެޕާޓީއަކަށް ވެރިކަން ދިނުމުން ގައުމަށް ޚިޔާނާތްތެރިވި މީހުންނަށް ނިސްބަތްވާ ޕާޓީއާއެކުވެސް ކޯލިޝަން ހަދާނެތާއެވެ. ރޭހުގައި ކާމިޔާބު ހޯދާނެކަމަށް ގަބޫލުކުރެވުނަސް އެޕާޓީއާއި އެވެރިކަމުގައި ހިންގި ޚިޔާނާތުގައި އިސްކޮށް އުޅުނު މީހުން ތިޔަ ޕާޓީގެ އިސް ސަފުން ފެންނަހާ ހިނދަކު އަމިއްލަ މަޞްލަޙަތަށްވުރެ ގައުމު އިސްކުރާ މީހަކު ތާއީދެއް ނުކުރާނެއެވެ.
ޖަންނަތުލް
30 March 2023
ތިއީ ސިޔާސީ ޕާރޓީއެއް ނޫން. ކޮންގްރެސް އިން ނިންމާގޮތް ކައުންސިލަށް ބަދަލުކުރެވޭ. ކައުންސިލުން ނިންމާގޮތް ޤާސިމް އަށް ބަދަލުކުރެވޭ. ޕްރައިމަރީއަކަށް ހުޅުވާލީޔ. އެކަމަކު ކައުންސިލުން ނިންމީ އިންތިޚާބާގުޅޭ ހުރިހާކަމެއް ނިންމުމުގެ ބާރު އޮންނާނީ ސީދާ ޤާސިމަށް. އަދި ވޯޓުން ކޮންމެ މީހަކު ހޮވުނަސް ރިޔާސީ އިންތިޚާބުގައި ވާދަކުރާނެ ކެންޑިޑޭޓް ކަނޑައެޅުން ވެސް ޤާސިމަށް. ޤާސިމް2023 ޖަހައިގެން ޖޭޕީން މިހާރު ވެސް ޕޯސްޓަރުތައް ހަދައި ޤާސިމް ހޮވޭނޭ ކިޔާއެބަ!
ސިލްމާ ޒާހިރު
30 March 2023
ތި ފޮޓޯގައި ތިތިބަ އެކަކު ވެސް ޤާސިމަށް ވޯޓެއް ނުދޭނެ. އަދި ޢަލީ އާރިފުމެން، ނިހާންމެން އަމުދުން ނުދޭނެ. ޤާސިމް ތިޔަހުންނެވީ މޮޔަފުޅުވެފަ. މިހާރު ތިޔައީ ކިންގް މޭކާ އެއް ނޫން.
އަންޑޭ
30 March 2023
2019 ވަނަ އަހަރު މަޖުލިހަށް ނޮހޮވުނު ޕީޕީއެމް ހުރިހާ އެންމެން މިއުޅެނީ ޤާސިމް ފެލައިގެން މުއްސަނދިވާން. އަނބިދަރީންނަށް އަގުބޮޑު ކާރާ ފްލެޓްތައް ހޯދަން. މިބައި މީހުން ވެސް ޤާސިމަށް ވޯޓެއް ނުދޭނެ.