އިންޑޮނޭޝިއާ އަތުން އަތުލި ފުރުސަތު އާޖެންޓީނާ އަށް

2005 ވަނަ އަހަރު މެސީ އާއެކު އާޖެންޓީނާ އިން ވަނީ 20 އަހަރުން ދަށުގެވޯލްޑް ކަޕް ކާމިޔާބު ކޮށްފައި.--

18 އެޕްރީލް 2023 - 11:58

ޖެނީވާ، ސްވިޒަލެންޑް (އޭޕްރީލް 18) - އިންޑޮނޭޝިއާގެ ބާލީގައި ކުޅެން ތާވަލް ކުރެވުނު ފީފާ 20 އަހަރުން ދަށުގެ ވޯލްޑް ކަޕްގައި އިސްރާއީލް ބައިވެރިކުރަން ދެކޮޅު ހެދުމުން، ފީފާ އިން އެ ފުރުސަތު އިންޑޮނޭޝިއާ އަތުން އަތުލައި އާޖެންޓީނާގައި މުބާރާތް ބާއްވާގޮތަށް ނިންމައިފި އެވެ.

މުބާރާތުގެ ގުރުއަތުލުން ބާލީގައި ބާއްވަން ހަމަޖެހިފައި ވަނިކޮށް، މުބާރާތް އެ ގައުމުގައި ނުބާއްވާ ގޮތަށް ނިންމީ ބާލީގެ ގަވަރުނަރު ވަޔާން ކޮސްޓާ، އެ ގައުމުގައި ބާއްވާ މުބާރާތެއްގައި އިސްރާއީލް ބައިވެރިކުރަން ދެކޮޅު ހެދުމުންނެވެ. ގަވަރުނަރު ވަނީ ގުރުއަތުލުމުގެ ރަސްމިއްޔާތު ކެންސަލް ކޮށްފަ އެވެ.

"މި އަހަރުގެ 20 އަހަރުން ދަށުގެ ވޯލްޑް ކަޕް، އާޖެންޓީނާގައި ބާއްވަން ހަމަޖެހިފައި ވާކަން ފީފާ އިން އުފަލާއެކު އާއްމުކޮށް އަންގައި އިއުލާން ކުރަން. ދުނިޔޭގެ ޗެމްޕިއަން އާޖެންޓީނާ އިން ވަނީ މާދަމާގެ ތަރިންނަށް އެގައުމުގެ ދޮރު ހުޅުވާލައިފައި،" ފީފާގެ ރައީސް ޖިއާނީ އިންފަންޓީނޯ ވިދާޅުވި އެވެ.

"ފުޓުބޯލައިން ނޭވާލައި ދިރިއުޅޭ ގައުމެއްގައި މި އަހަރުގެ މުބާރާތް ބޭއްވުމަކީ މާދަމާގެ ތަރިންނަށް ލިބޭނެ ބޮޑު ހިތްވަރަކަށް ވާނެ."

އާޖެންޓީނާގައި މެއި މަހުގެ 20 އިން ޖޫން 11 ގެ ނިޔަލަށް ކުރިއަށް ގެންދަން ހަމަޖެހިފައިވާ މުބާރާތުގެ ގުރުއަތުލުން ބާއްވަން ހަމަޖެހިފައި ވަނީ ފީފާގެ ހެޑްކުއާޓާސް ހުންނަ ސްވިޒަލެންޑްގެ ޒިއުރިޗުގައި އަންނަ ހުކުރު ދުވަހު އެވެ.

އިންޑޮނޭޝިއާ އަށް މުބާރާތް ބޭއްވުމުގެ ފުރުސަތު ދިނީ 2019 ވަނަ އަހަރެވެ. އޭރު އިޒްރޭލް މި މުބާރާތަށް އަދި ކޮލިފައި އެއް ނުވެ އެވެ. މިއީ އިޒްރޭލް މުބާރާތަށް ކޮލިފައިވި ފުރަތަމަ ފަހަރެވެ. އެޓީމު ކޮލިފައިވީ މިދިޔަ އަހަރު ބޭއްވި 19 އަހަރުން ދަށުގެ ޔޫރޯ މުބާރާތުގެ ރަނަރަޕް ޓީމުގެ ގޮތުގަ އެވެ.

ދެކުނު އެމެރިކާ އިން މި މުބާރާތަށް ކޮލިފައިވި ހަތަރު ޓީމުގެ ތެރޭގައި އާޖެންޓީނާ ނުހިމެނެ އެވެ. މި މުބާރާތަށް ކޮލިފައިވާން މި އަހަރު ބޭއްވި ދެކުނު އެމެރިކާގެ 20 އަހަރުން ދަށުގެ މުބާރާތުގައި އާޖެންޓީނާ ވަނީ ގުރޫޕް ސްޓޭޖުން ކަޓައިފަ އެވެ.

އެހެން ނަމަވެސް ހޯސްޓުގެ ގޮތުގައި މި އަހަރު ވާދަކުރާ އާޖެންޓީނާ ވަނީ މީގެ ކުރިން 16 ފަހަރު 20 އަހަރުން ދަށުގެ ވޯލްޑް ކަޕްގައި ކުޅެފަ އެވެ. އަދި ހަ ފަހަރު ވަނީ ޗެމްޕިއަންކަން ހޯދައިފަ އެވެ. ޑިއޭގޯ މަރަޑޯނާ އާއި ލިއޮނެލް މެސީ އަދި ސާޖިއޯ އަގުއެރޯ ވެސް ވަނީ މި މުބާރާތް ކާމިޔާބު ކޮށްފަ އެވެ.

ފީފާ

5 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔިޓްޒެކް ރަބީން ބިން އަލީ ރަމީޒް

19 April 2023

މާތްރަސްކާލާނގެ އިރާދަފުޅާއެކު އަހަރުމެންގެ އަޙް އިޒްރެއިލް ގެ އަހޫދީ ކުދިންކޮޅު މޮޅުވާނެ! އެކަމު އަރޖެންޓީނާ ބަލިކުރަން އެނދަގޫވާނެ! ފިފާ ރަގަޅައް ކަންކުރީ އިންޑޮ އަދި އަފްގާން އަކީ ކުޅިވަރު މުބާރާތް ބާއްވާކަހަލަ ގައުމު ތަކެއް ނޫން! ބައިތައްބާ އެމީހުން މުބާރާތް ކުޅެން ފަހުދުނިޔޭގައި. މިދުނިޔޭގައި އެހެން ހުރިހާ އިންސާނުން މުބާރާތް ބާއްވާނީ!