ކެޔޮދޫ މިސްކިތް. މި މިސްކިތަށް ގެއްލުން ދިން މައްސަލައިގައި މީހަކު ހައްރުކޮށްފައިވޭ-- ފޮޓޯ: މިހާރު
26 އެޕްރީލް 2023 - 11:25
5 comments
ވ. ކެޔޮދޫގެ މިސްކިތަށް ގެއްލުން ދިން މައްސަލައިގައި ހައްޔަރުކުރި މީހާ ޝަރީއަތް ނިންމެންދެން ބަންދު ކުރުމަށް ކޯޓުން އަމުރުކޮށްފި އެވެ.
ފެލިދޫ މެޖިސްޓްރޭޓް ކޯޓުން އިއްޔެ ނެރުނު މި އަމުރަށް ފަހު އެ މީހާ މިހާރު ވަނީ އދ. މަހިބަދޫގެ ފުލުހުންގެ މަރުކަޒަށް ގެންގޮސް އެތަނުގައި ބަންދުކޮށްފަ އެވެ.
މަހިބަދޫ ފުލުހުންގެ ކަސްޓޯޑިއަލް އަށް އޭނާ ފޮނުވާލީ ދިގު މުއްދަތަށް މީހުން ބަންދުކޮށްފައި ބައިތިއްބަން އެކަށީގެންވާ ގޮތަށް ވ. އަތޮޅުގައި އެ ނޫން ތަނެއް މިވަގުތު ނެތުމުންނެވެ. ފެލިދޫ ފުލުހުންގެ އިދާރާގައި ހުރި ދެ ގޮޅި އަކީ މީހުން ބަންދުކުރަން އެކަށީގެންވާ ހާލަތުގައި ހުރި ތަންތަން ނޫން ކަމަށް އެޗްއާރްސީއެމް އިން ވަނީ ނިންމައިފަ އެވެ.
މިދިޔަ ހޯދަ ދުވަހުގެ ރޭ 11:50 ހާ އިރު ކެޔޮދޫގެ މިސްކިތުގެ މައި ދޮރުގެ ބިއްލޫރިގަނޑު ތަޅާލި މައްސަލަގައި ހައްޔަރުކޮށްފައިވަނީ އުމުރުން 27 އަހަރުގެ ދިވެއްސެކެވެ.
މިސްކިތަށް ގެއްލުން ދިނުމުގެ އިތުރުން ދެ ފަހަރެއްގެ މަތިން އެރަށުގެ މިސްކިތުގެ ހަތިމުތައް ވީދި މައްސަލައެއް ވެސް ވަނީ ފެންމަތިވެފަ އެވެ.
ހަތިމުތަކެއް ވީދާލައިގެން އެންމެ ފުރަތަމަ ކައުންސިލަށް ރިޕޯޓްކުރީ މިދިޔަ އަހަރު އޮކްޓޯބަރު މަހު އެވެ. އެ ފަހަރު 10 ހަތިމު ވީދާލައިފައި އޮތެވެ. އޭގެ ފަހުން މިދިޔަ ހޮނިހިރު ދުވަހު އިތުރު 20 ހަތިމު ވީދާލައިފައި އޮތް ކަމަށް އެ ރަށު ކައުންސިލުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީނާކުޅެން ނޫޅޭތި
26 April 2023
ތިމީހާ ފަޅާއެރިކަން ނަސީބު. މާލޭން ތިމީހާއަށް ފާރަލާން ބަޔަކު އެރަށަށް ދާން އުޅެނިކޮށް ފަޅާއެރީތި. މިތާނގައި ދީނަށް ފުރައްސާރަކޮށް މިސްކިތް އަންދާ ހަތިމު ވީދައި ބޭނުންހާ ގޮތެއް ނުހެދޭނެ. އެފުރުސަތެއް ނެތް.
ހަހަ
26 April 2023
ތިޔައީވެސް ހަމަ ފާޑެއްގެ ފިކުރެއް ކަންނޭގެ ދޯ ؟
ޑޮކްޓާރ. ބަނާނާ
26 April 2023
މިސްކިތަށް ގެއްލުން ދިނުމުގެ އިތުރުން ދެ ފަހަރެއްގެ މަތިން މިސްކިތުގެ ހަތިމުތައް ވީދި މައްސަލައި ގައި ތިކަލޭގެ އުމުރު ދުވަހަށް ތޭރިފުރަގަހުގައި ބާއްވަން ކެރޭނެތަ؟ ޣާޒީ މިކަން ކޮއްލަ ދެއްވާ!
ޙިނި
26 April 2023
ދީނައް ފުރައްސާރަކުރުމަކީ މުޅި ގައުމުގެ ހަމަޖެހުންނަގާލާކަމެއް، ކައިރި މާޒީ ހަންދާންކޮއްލާ، ގަތުލާ މަރުތައް އަދި އެތައް ބަޔަކު ޖަލުގަ، ތިކަހަލަ މީހުން ރީހެބިލިޓޭޓު ނުކުރެވެންޔާ ދިގުމުއަދަތައް އެކަހެރި ކުރެވެން ޖެހޭ. މިރާއްޖެ މީކީ ޔޫރަޕެއްނޫން،، މިތާއުލެވޭނީ ރާއްޖޭގެ ގާނޫނައް ތަބާވެގެން، އެގޮތައް ނޫޅެވެންޏާ އެހެންތާކައް ހިޖުރަކުރޭ.
އަލިފުޅު3
26 April 2023
ތި މީހާގެ މައްސަލަ އަށް ވުރެ ބޮޑީ ވ.ކެޔޮދޫގައި ދިރިއުޅޭ، އުމުރުން 25 އަހަރާ 50 އަހަރާ ދެމެދުގެ ފިރިހެނުންގެ މައްސަލަ. މި ބުނި އުމުރު ފުރާއިގެ މީހުންގެ ޒިންމާ އަދާކުރިނަމަ، ތިމީހާ އަށް ތިޔަ ކަން ކުރަން ފުރުސަތެއް ނުލިބުނީސް.... މީ ލައްކަ ވާހަކަ.