ވިއްސާރާގައި އައްޑޫގެ 65 ގެެއަކަށް ގެއްލުން

މިހާރު ކުރަމުންދާ ވިއްސާރައިގައި އައްޑޫގެ ގެއަކަށް ގެއްލުން ވެފައި.---ފޮޓޯ: އައްޑޫ ސިޓީ ކައުންސިލް

06 މެއި 2023 - 21:08

މިހާރު ކުރަމުންދާ ވިއްސާރާގައި އައްޑު އަށް ލިބޭ ގެއްލުންތައް އިތުރު ވެފައިވާ ކަމަށް އައްޑޫ ސިޓީ ކައުންސިލުން މިރޭ ބުނެފި އެވެ.

މޭޔަރު އަލީ ނިޒާރު ވިދާޅުވީ، މިދިޔަ ތިން ދުވަހަށް ބަލާއިރު މިހާތަނަށް އެންމެ ބޮޑަށް ގެއްލުން ވެފައި ވަނީ އެންމެ އާބާދީ ބޮޑު ހިތަދޫގެ އިތުރުން ފޭދޫގެ ގެތަކަށް ކަމަށެވެ.

ފޭދޫން 58 ގެއަކަށް ހިތަދޫން ހަތް ގެއަކަށް ވަރަށް ބޮޑަށް ގެއްލުންވި ކަމަށް އޭނާ ވިދާޅުވި އެވެ. ފޭދޫގެ 128 ގެއަކަށް އަދި ހިތަދޫގެ 28 ގެއަކަށް ފެން ވަދެފައިވާ ކަމަށް ވެސް މޭޔަރު ވިދާޅުވި އެވެ. އަދި މަރަދޫން ފަސް ގެއަކަށް ފެން ވަދެފައިވާ ކަމުގެ ރިޕޯޓް ލިބިފައިވާ ކަމަށް ނިޒާރު ވިދާޅުވި އެވެ. ހުޅުދޫން ފެން ވަދެފައި ވަނީ ސ. އަތޮޅު މަދަރުސާ އަށެވެ.

މޭޔަރު ވިދާޅުވީ، ގެތަކަށް ވެފައިވާ ގެއްލުންތަކުގެ ރިޕޯޓް އޮންނަ އުސޫލުގެ މަތިން ނޭޝަނަލް ޑިޒާސްޓަ މެނޭޖްމަންޓް ސެންޓަރަށް ފޮނުވަމުން އަންނަ ކަމަށެވެ.

މިހާރު ކުރަމުންދާ ވިއްސާރައިގައި އައްޑޫގެ ރަށެއްގެ ގެއަކަށް ފެން ވަންނާތީ ބަސްތާ ޖަހަނީ.---ފޮޓޯ: އައްޑޫ ސިޓީ ކައުންސިލް

"އެއާ އެކު، އެ ގެތަކުގައި މީހުން ދިރިއުޅެވޭނެ ވަރު ކޮށްދިނުމަށް ކައުންސިލުން ވަގުތީ އެހީތެރިކަން ވެސް އަންނަނީ ފޯރުކޮށްދެމުން. ޓިނު ޖަހައި ދިނުން ފަދަ ކަންތައް އެބަ ކުރަން،. ގެއްލުން ލިބޭ ގެތަކަށް ޑިޒާސްޓާ އިން ބަދަލު ވެސް ދޭނެ،" ނިޒާރު ވިދާޅުވި އެވެ.

އޭނާ ވިދާޅުވިގޮތުގައި ބޮޑަށް ގެއްލުންވީ އިއްޔެ އެވެ.

"ކައުންސިލްގެ އިތުރުން އެމެއެންޑީއެފާއި ކައުންސިލާއި ފުލުހުންނާއި އެފްކޮންސްގެ އެހީތެރިކަން ވެސް އެބަ ލިބޭ،" މޭޔަރު ވިދާޅުވި އެވެ.

އެފްކޮންސްއަކީ އައްޑޫގެ މަގުތަކުގައި ތާރު އެޅުމުގެ މަސައްކަތް ކުރާ އިންޑިއާގެ ކުންފުންޏެވެ.ް

އައްޑޫ ފެންބޮޑުވުން އައްޑޫ ސިޓީ ކައުންސިލް އަލީ ނިޒާރު، މޭޔަރު (އައްޑޫ ސިޓީ) މޫސުން

3 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުހައްމަދު..

07 May 2023

ވިއްސާރަ ވެއްޖެއްޔާ އައްޑޫގެ އިމާރާތްތަކަށް ބޮޑެތި ގެއްލުންނުވާއިރެެއް ހަދާނަކު ނެތް. އިމާރާތްތައް ހެދުމުގެ ފެންވަރު ދަށީ ކަމަށްވެސް ވެދާނެ. މަގުތަކުގައި ފެންބޮޑުވަނީ މަގުތައް ރަގަޅަށް ޑިޒައިން ނުކުރުގެ ސަބަބުން ކަމައްވެސް ވެދާނެ. ރައްޔިތުންގެ ފައިސާ ޚަރަދުކުރަންވާނީ ގިނަދުވަސްވަންދެން އިތުރު ޚަރަދެއް ކުރަން ނުޖެހޭ ގޮތަަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

06 May 2023

އައްޑޫސިޓީގެ ހުރިހާ ގެތަކެއް ފެނުއަޑީގައި އޮތްކަމުގައިވިޔަސް އެއީ އެހީތެރިކަން ދޭންޖެހޭ ވަރުގެ ގެއްލުމެއް ނޫންކަމަށް ކ.އަތޮޅު މާލޭގައި އޮފީސްހަދައިގެން އެތަނުގެ ކޮޓަރި ތަކުގައި ހުދު ޤަމީސް ލައިގެން ޓައީ އަޅޢިގެން ތިބިބަޔަކު ވަނީ ފަތުވާ ނެރެފައި. # މީގެދެރަކަމަކީ އަހަރުމެންރައްޔިތުން މިސިޓީގެކަންކަންބެލުމަށް އިންތިޙާބުކުރި މޭޔަރާއި ކައުނސިލަރުންވެސް ތިބީ ހަމަ އެފަދަހާލަތެއްގައިކަން. މިކަންބަދަލުކުރަން އަހަރުމެނަށް އޮތް ފުރުސަތު ނަގާލައިގެންނުވާނެ.