ޑެޑް ޕޫލް 3: އެމްސީޔޫއާ "އެކްސް-މެން"ގެ ގިނަ ކެރެކްޓާއިން ގުޅެނީ؟

ރާޔަން ރެނޮލްޑްސްގެ ޑެޑް ޕޫލް (ކ) އާއި ހިއު ޖެކްމަންގެ ވޮލްވަރިން

އަހުމަދު އަރުޝަމް، މިހާރު

01 ޖޫން 2023 - 06:34

މާވެލް ސިނަމެޓިކް ޔުނިވާސް (އެމްސީޔޫ)ގައި ގިނަ ބައެއްގެ މަގުބޫލުކަން ހޯދާފައިވާ ރާޔާން ރެނޮލްޑްސް ލީޑުކުރާ "ޑެޑް ޕޫލް" ފިލްމު ސީރީޒްގެ ތިން ވަނަ ފިލްމުގައި ވޮލްވަރިންގެ ރޯލު ކުޅޭ ހިއު ޖެކްމަންއާއެކު "އެކްސް-މެން"ގެ ގިނަ ކެރެކްޓާއިން އެނބުރި އައުން އެކަށީގެންވާ ކަމަށް މީޑިއާ ރިޕޯޓްތައް ބުނެފި އެވެ.

ރިޕޯޓުތައް ބުނާ ގޮތުގައި، "ޑެޑް ޕޫލް 3"ގެ މައިގަނޑު ސަމާލުކަން ހުއްޓޭނީ ވޭޑް ވިލްސަން (ރާޔަން) އަށް އެކަންޏެއް ނޫނެވެ.

ޑެޑް ޕޫލް (ވ) އާއި ވޮލްވަރިން.

ސޯޝަލް މީޑިއާގައި ފިލްމުތަކުގެ ހަބަރު ގެނެސްދޭ "ކޭންވީގެޓްސަމްޓޯސްޓް" އެކައުންޓުން ކުރި ޓްވީޓެއްގައި ބުނީ ސްޓޯމް (ހާލީ ބެރީ) އާއި ފަމްކޭ ޖެންސަން (ޖޯން ގްރޭ) އަދި ޖޭމްސް މާސްޑެން (ސައިކްލޮޕްްސް) ވެސް އެމީހުންގެ ރޯލުތަކަށް އެނބުރި އައުމަށް ހަމަޖެހިފައިވާ ކަމަށެވެ.

Birthday scoop 🥳

Hugh Jackman’s Wolverine won’t be the only X-Man returning in #Deadpool3! Halle Berry, Famke Janssen and James Marsden will also reprise their roles as their Storm, Jean Gray, and Cyclops respectively. pic.twitter.com/GkdCIr5ANK
— CanWeGetSomeToast (@CanWeGetToast) May 29, 2023

އަންނަ އަހަރުގެ ނޮވެމްބަރު މަހުގެ އަށް ވަނަ ދުވަހު ރިލީޒްކުރަން ހަމަޖެހިފައިވާ މި ފިލްމަކީ އެމްސީޔޫގެ ހަ ވަނަ ފޭސްގެ ފުރަތަމަ ފިލްމެވެ. އަދި މިއީ "އެކްސް-މެން"ގެ ގިނަ ކެރެކްޓާއިންގެ އެމްސީޔޫއިން ފެންނާނެ ފުރަތަމަ ފިލްމެވެ.

ހޮލީވުޑަށް ބޮޑު ހުއްޓުމެއް ކުރިމަތިލާން ޖެހިފައިވާ ސްކްރީންރައިޓަރުންގެ ހަޅުތާޅާއެކު ވެސް، އަންނަ އަހަރު ފިލްމު ނެރުމުގެ މަގުސަދުގައި ފިލްމުގެ ޝޫޓިން މިހާރު ވަނީ ފަށައިފަ އެވެ.