ސްޕެޝަލް އޮލިމްޕިކްސް: ވޯލްޑް ގޭމްސްގައި މާނިޔާ، ބެޑްމިންޓަނުން ރަން މެޑަލް ހޯދައިފި

ފައިނަލް މެޗު ކާމިޔާބު ކުރުމަށް ފަހު މާނިޔާ (ވ)، އޭނާ އާ ދެކޮޅަށް ކުޅުނު ކުޅުންތެރިޔާއާ އެކު.-- ފޮޓޯ: އަފްނާން ރަޝީދު/ ޓްވިޓާ

މުހައްމަދު ޒަޔާން ޒާހިރު، މިހާރު

24 ޖޫން 2023 - 15:39

2 comments

ޖަރުމަންގެ ބާލިންގައި މިހާރު ކުރިއަށްދާ ސްޕެޝަލް އޮލިމްޕިކްސް ވޯލްޑް ގޭމްސްގައި ވާދަކުރާ ރާއްޖޭގެ ބެޑްމިންޓަން ކުޅުންތެރިޔާ އައިޝަތު މާނިޔާ އާދަމް، ރަން މެޑަލް ހޯދައިފި އެވެ.

މާނިޔާ ރަން މެޑަލް ހޯދީ މިއަދު ކުޅުނު ފައިނަލް މެޗުގައި ބަލްގޭރިއާގެ ތިޔަންކަ ޖޯޖީވާ އާ ވާދަކޮށް ސީދާ ދެ ސެޓުން މެޗު ކާމިޔާބު ކޮށްގެންނެވެ. މާނިޔާ ސެޓްތައް ކާމިޔާބު ކުރީ 21-19 އަދި 21-10 އިންނެވެ.

މުބާރާތުގެ ފައިނަލަށް މާނިޔާ ދަތުރު ކުރީ ޖޯޑަން އާއި މޮންގޯލިއާ ކުޅުންތެރިޔާ ބަލިކޮށްފަ އެވެ. މާނިޔާގެ ކޯޗަކީ ރާއްޖޭގެ ގައުމީ ބެޑްމިންޓަން ޓީމުގައި ވެސް ހިމެނޭ އައިޝަތު އަފްނާން ރަޝީދު (ނާނު) އެވެ.

Alhamdhulillah.

Congratulations Maniya on winning Gold Medal 🥇 in Badminton (Division 1), good job coach @afnaanrasheed. 🙌🏾

We all are so proud of you. 🇲🇻❤️

Saabahey @shai_na @PhyruEdam, Ibbe and team. @SolympicsMV @SpecialOlympics #somaldives #Berlin2023… pic.twitter.com/xu6fPRDkJi
— Ahmed Mahloof (@AhmedMahloof) June 24, 2023

މިއީ ސްޕެޝަލް އޮލިމްޕިކްސްގައި ރާއްޖޭން ބެޑްމިންޓަންގައި ވާދަކުރި ފުރަތަމަ ފަހަރެވެ. ރާއްޖޭގެ މުހައްމަދު ރާއިފް ޝަރީފް މިއަދު ކުޅޭނީ ފިރިހެން ޑިވިޝަންގެ ތިންވަނަ ހޮވާ މެޗުގަ އެވެ.

މި ރަން މެޑަލް އަކީ ރަސްމީ ސިފައެއްގައި ސްޕެޝަލް އޮލިމްޕިކްސް ވޯލްޑް ގޭމްސްގައި ވާދަކުރަން ފެށިފަހުން ރާއްޖޭން ހޯދި ދެވަނަ ރަން މެޑަލް އެވެ. އެންމެ ފުރަތަމަ 2019 ވަނަ އަހަރުގެ މުބާރާތުގެ ނިއު ނޭޝަންސް ކެޓަގަރީގެ އަންހެނުންގެ 100 މީޓަރު ދުވުމުން ރާއްޖޭގެ ޝިފްނާ އިބްރާހިމް ރަން މެޑެއްޔެއް ހޯދި އެވެ.

މިއަހަރުގެ މުބާރާތުގައި ރާއްޖޭން ވާދަކުރި ދުވުންތެރިޔާ ޒާނާ އަލީ ޝަރީފް ވަނީ 200 މީޓަރު ދުވުމުން ބްރޯންޒް މެޑަލް ހޯދައިފަ އެވެ.

ސްޕެޝަލް އޮލިމްޕިކްސް ބެޑްމިންޓަން

2 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެތުލީޓް

25 June 2023

މަރުހަބާ ހުރިހާކުދިންނަށް. މިއީ 5 ވަނަ ރަންމެޑަލް. ފުރަތަމަ ރަންމެޑަލް ހޯދީ 2011 ވަނަ އަހަރު ގްރީސްގެ އެތަންސްގައި ބޭއްވުނު ސްޕެސިއަލް އޮލިމްޕިކްސް ވޯލްޑް ގޭމްސް އިން 3 ރަންމެޑަލް، 1 ރިހިމެޑަލް އަދި 2 ބްރޯންޒް މެޑަލް، 2019 ވަނަ އަހަރު ޔޫ.އޭ.އީގެ އަބޫދާބީގައި ބޭއްވުނު ސްޕެސިއަލް އޮލިމްޕިކްސް ވޯލްޑް ގޭމްސްގައި 1 ރަން މެޑަލް އަދި 1 ރިހި މެޑަލް. މީގެން ކޮންމެ ފަހަރަކުވެސް ދިވެހިރާއްޖެއިން ބައިވެރިވީ ރަސްމީކޮށް.