އާރްޑީސީގެ ސީއެފްއޯ ޔާސިރު ހަސަން. -- ފޮޓޯ: އާރުޑީސީ
19 ޖުލައި 2023 - 15:27
36 comments
ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) ގެ އެކައުންޓުން އެތަނުގެ ބައެއް މުވައްޒަފުންގެ އަމިއްލަ އެކައުންޓްތަކަށް ޖަމާކޮށްފައި ހުރި އެތައް މިލިއަން ރުފިޔާއެއްގެ މައްސަލަ ފުލުހުން ތަހުގީގުކުރަން ފެށުމުން ލިޔުނު ޚަބަރުތަކާ ގުޅިގެން އެ ކުންފުނީގެ ޗީފް ފައިނޭންޝަލް އޮފިސަރު ޔާސިރު ހަސަން "މިހާރު" އާ ދެކޮޅަށް އަބުރުގެ ދައުވާކުރައްވައިފި އެވެ.
ޔާސިރު ނެރުއްވި ބަޔާނެއްގައި ވިދާޅުވެފައިވަނީ އޭނާގެ އެކައުންޓަށް ކުންފުނީގެ ފައިސާ ޖަމާކޮށް ކޮރަޕްޝަން ހިންގާފައިވާ ކަމަށް ބުނާ ޚަބަރުތަކަކީ އެއްވެސް ހަގީގަތެއް ނެތް ވާހަަކަތަކެއް ކަމަށެވެ. މިއީ އާރްޑީސީ އާއި އެ ކުންފުނީގެ މުވައްޒަފުންނާއި ކުންފުނީގެ ކްލަޔަންޓުންނާ މެދު އުފެދިފައިވާ އިތުބާރު ނަގާލައި ނުބައި ތަސައްވުރެއް ދިނުމަށް ފެތުރި ދޮގު ޚަބަރުތަކެއް ކަމަށް ވިދާޅުވެ "މިހާރު" ގެ އިތުރުން "ދިޔަރެސް" އަށް ވެސް އަބުރުގެ ދައުވާ ކޮށްފައިވާނެ ކަމަށް ޔާސިރު ވިދާޅުވި އެވެ.
ޔާސިރުގެ ބަޔާނުގައި ވިދާޅުވެފައި ވަނީ އޭނާގެ އެކައުންޓަށް މިދިޔަ ތިން އަހަރު ތެރޭ ކުންފުނީގެ އެކައުންޓަކުން ފައިސާ ޖަމާކޮށްފައި ނުވާނެ ކަމަށެވެ. ބަޔާނުގައި ޔާސިރު މިހެން ވިދާޅުވުމުގެ ކުރިން ވެސް "މިހާރު" އިން މި ތުހުމަތާ ބެހޭ ގޮތުން ޔާސިރުއާ ވާހަކަ ދެއްކުމުން ވަނީ އޭނާގެ އެކައުންޓަށް މުސާރަ ފިޔަވައި އެހެން އެއްވެސް ފައިސާއެއް ޖަމާކޮށްފައި ނުވާނެ ކަމަށް ވިދާޅުވެފަ އެވެ. އަދި އާރްޑީސީގެ އެމްޑީ މޫސާ އަލިމަނިކު (މޫކޭ) ގެ އެކައުންޓަށް ވެސް ޝައްކު ކުރެވޭ ފައިސާ ޖަމާވެފައިވާ ނުވާކަން އެންމެ ކުރިން ރިޕޯޓްކުރީ "މިހާރު" އިންނެވެ.
ތުހުމަތާ ގުޅޭ ގޮތުން ޔާސިރުގެ ބަސް ހޯދައިގެން މީޑިއާގައި ފުރަތަމަ ފަހަރަށް ޚަބަރެއް ޝާއިއުކުރީ ވެސް "މިހާރު" އިންނެވެ. އެ އިންޓަވިއުގައި ޔާސިރު ވަނީ އޭނާގެ މައްޗަށް ކުރާ ތުހުމަތު ދޮގުކުރައްވައި، ކުންފުނީގެ އެކައުންޓުން ޖަމާވެފައިވާ ތުހުމަތުކުރެވޭ ފައިސާ އަކީ ޕެޓީ ކޭޝްގެ ގޮތުގައި، ކުންފުނީގެ އުސޫލުތަކުގެ ތެރެއިން ދޫކޮށްފައި ހުރި ފައިސާ ކަމަށް ވިދާޅުވެފަ އެވެ.
ޔާސިރުގެ ބަޔާނުގައި، ކުންފުނީގެ އެއްވެސް އޮޑިޓަކުން އުސޫލުާ ހިލާފް އެއްވެސް މައްސަލައެއް ފާހަގަވެފައި ނެތްކަން ވެސް ވަނީ ފާހަގަކުރައްވައިފަ އެވެ. އަދި ކުރިއަށް ތަނުގައި ވެސް އެގޮތުގައި އުސޫލުތައް ހިފަހައްޓާނެ ކަމަށް ވިދާޅުވެފައިވެ އެވެ.
ފުލުހުން ވަނީ އާރްޑީސީއާ ގުޅޭ ގޮތުން މަރުކަޒީ ބޭންކުގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) އިން ހުށަހަޅާފައިވާ މައްސަލަ އަދިވެސް ތަހުގީގުކުރަމުން އަންނަ ކަމަށް ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުލުމީ
20 July 2023
މިފަދަމީހުްނ ގެންގުޅޭތީ އިބޫ މަށައްކަމު ނުދަނީ
ފޫހި
20 July 2023
ނުކުރެވޭނެ. ސަބަބކީ ތިޔަފަދަ ރައްޔިތުންގެ ކުންފުންޏެއްގައި ހުންނަ މީހުންގެ ވާހަކަ ރައްޔިތުން ދައްކާނެ .
ގެދޮރު ނެތް މާލޭމީހާ
20 July 2023
ކުންފުނީގެ އުޞޫލަށް ވުރެ ބޮޑަށް ޤާނޫނު އޮތްގޮތް ބަލަން އެބަޖެހޭ. 13 މިލިއަން ރުފިޔާ ތިޔަ ބުނާ މީހެއްގެ އެކައުންޓަށް ޖަމާވި. މިހާރު ނޫހުން ކުރި ރެޕޯރޓަކީ އެއީ. އެހެން ވީމަ ސޯޓާ އެކީ ބކސ ނުބޭލެނީސް ތި ދައުވާތައް އަނބުރާ ނެގީޔާ މާ ތާހިރު ވާނެ ކަމަށް ފެންނަނީ.
މުރާސިލް
20 July 2023
އަބުރުގެ ދައުވާކުރަންވާނީ އަބުރު އޮތް މީހުންނެވެ. އަބުރުގެއްލި، ބާރާއި އިއްޒަތް ގެއްލި ވެރިކަން ގެއްލޭ ހިސާބަށް ދިޔައިމައި ދެން ނޫސްތައް ގޯސްކޮށް ތިމާމެން ވައްކަންކުރި ވާހަކަ ރައްޔިތުންނާއި ހަމައަށް ގެނެސްދިން ނޫސްތަކާއި ދެކޮޅަށް ދައުވާކުރުމަކުން އެކަންކަން އެއީ ނުވާ ކަމަކަށް ނުވާނެއެވެ.
Draw
20 July 2023
ގިނަގިނައިން އާރުޑީސީގެ ކޮރަޕްޝަން ވާހަކަ މިހާރު ނޫހުން ގެނެސްދީބަލަ. ކޮންމެ ހަފްތާއަކު 1 ފަހަރު ރަގަޅުވާނެ. އަމީނީމަގު ހަދަން ގެންގުޅޭ މޫކޭފްރެންޑުގެ 2 ހައިމާރކު ވާހަކަ ވެސް ރަގަޅުވާނެ
މިހޮ
20 July 2023
ދެން މިޖެހުނީ މިހާރު ނޫހުގެ ޕެޓީ ކޭޝް ވެސް މީނާއަށ ދޭކަށް ނު ބަދަލުގެ ގޮތުގަ
އައްޑާ
20 July 2023
ވައްކަން ނުކުރާކަމަށް ނުވާނެ ދެއްތޯ؟
ފަހުދު.
20 July 2023
ދޮންކަލޯ މިހާރުވެސް ތިހިރީ ސޯޓުބޭލިފަ. ދެން އަމިއްލަޔަކައް ކޯޓައް ގޮސްގެން ބޭލޭނީ އެހެން އެއްޗެއް
ދައުވާ
20 July 2023
ރަނގަޅީ ތިޔަ ދައުވާތައް ކުރިއްޔާ. ދައުވާކުރިވަރަކަށް ހުޅުބޭލިގެން ދިއުން ނޫން ކަމެއް ނުވާނެ. ހައްތާވާނީ ބޭޒާރު.
ލުތުފީ
20 July 2023
ދައުލަތުގެ ކުންފުނިތަކުންވެސް ތިބެންޖެހޭނީ މާލިއްޔަތު ޤާނޫނުނުގެ އިމުގެ ތެރޭގަ. ކުންފުނީގެ ބޯޑުންވެސް ހިތުރުހުރި ގޮތަކަށް ފައިސާ ޚަރަދުކުރެވޭނެ މަގު ކޮށައިދީގެންނުވާނެ. ކުންފުނީގެ ބޯޑަށްވެސް މިކަމުގަ ސުވާލުކޮށް ތަހުގީގެއް ހިންގަންޖެހޭ. މިހާރު ކުންފުނިތަކުން ބޯޑުން ފާޑުފާޑުގެ ނިންމުންތައް ނިންމައިގެން މިކަހަލަ ސަކަރާތްޖަހަނީ.