ކަރެކްޝަންސްގެ އޮފިޝަލަކު "މިހާރު" އަށް ވިދާޅުވީ އަދީބުގެ ބޭސްފަރުވާގެ ކަންކަން ނުނިމޭތީ މުއްދަތު އިތުރު ކޮށްދިނުމަށް އޭނާގެ ފަރާތުން އެދިފައިވާ ކަމަށެވެ.
22 ޖުލައި 2023 - 10:53
26 comments
ބޭސް ފަރުވާ އަށް ސިންގަޕޫރަށް ފުރަން ދީފައިވާ މުއްދަތު އިތުރު ކޮށްދިނުމަށް ކުރީގެ ނައިބު ރައީސް އަހުމަދު އަދީބު އެދިވަޑައިގެންފި އެވެ.
އަދީބުގެ ޕާޓީ އެމްޓީޑީން ބުނި ގޮތުގައި އަދީބު ފަރުވާ އަށް ސިންގަޕޫރަށް ވަޑައިގެންނެވީ ފުރާނައަށް ނުރައްކާވާފަދަ ނާރުގެ ބައްޔަކަށް ފަރުވާ ހޯއްދަވަން އެކި ޑޮކްޓަރުން ލަފާ ދީފައިވާތީ އެވެ.
މި މަހު 12 ވަނަ ދުވަހު ސަރުކާރުން ވަނީ 10 ދުވަހުގެ މުއްދަތެއް އަދީބަށް ދީފަ އެވެ. އެ މުއްދަތު މިއަދަށް ހަމަވެ އެވެ.
އެކަމާ ގުޅޭ ގޮތުން ސުވާލު ކުރުމުން ކަރެކްޝަންސްގެ އޮފިޝަލަކު "މިހާރު" އަށް ވިދާޅުވީ އަދީބުގެ ބޭސްފަރުވާގެ ކަންކަން ނުނިމޭތީ މުއްދަތު އިތުރު ކޮށްދިނުމަށް އޭނާގެ ފަރާތުން އެދިފައިވާ ކަމަށެވެ.
އެކަމާ ގުޅޭ ގޮތުން ބޯޑުން މަޝްވަރާ ކުރަމުން އަންނަ ކަމަށާއި އަދި ވަކި ގޮތެއް ނިންމާފައި ނުވާ ކަމަށް އޭނާ ވިދާޅުވި އެވެ.
"އެހެން ގައިދީންނެކޭ އެއްގޮތަށް ބޭސްފަރުވާ ކުރަން ދީފައިވާ މުއްދަތުގައި ފަރުވާގެ ކަންކަން ނުނިމިއްޖެ އާ ލިޔެކިޔުންތައް ހުށަހަޅައި އެކްސްޓެކްޝަނަކަށް އެދެވޭ. މި ކޮޅުން އެ ޕްރޮސެސް އެބަ ކުރިޔަށް ދޭ،" އޭނާ ވިދާޅުވި އެވެ.
އަދީބުގެ ފަރާތުން އެދިފައި ވަނީ ކިހާ ދުވަހެއް އިތުރު ކޮށްދިނުމަށް ކަމެއް އަދި ސާފެއް ނުވެ އެވެ.
އެމްއެމްޕީއާރްސީގެ ކޮރަޕްޝަން މައްސަލާގައި އަދީބަށް 20 އަހަރުގެ ޖަލު ހުކުމެއް އިއްވައި، ދެ މިލިއަން ރުފިޔާއިން ޖޫރިމަނާ ކުރީ 2020 ވަނަ އަހަރު އެވެ.
އެކަމަކު ދައުލަތާ އެކު ހެދި އިއުތިރާފު އެއްބަސްވުމާ އެކު އެ ހުކުމަށް ފަހު އަދީބު، ޖަލު ބަންދުން، ގޭބަންދަށް ބަދަލުކުރީ ސިއްހީ ހާލަތު ހުރި ގޮތުން ކަމަށް ބުނެ އެވެ. އަދީބު ވަނީ ޕެރޯލްގެ ދަށުން ޖަލު ހުކުމްގެ ލުޔަކަށް ވެސް އެދިފަ އެވެ. ނަމަވެސް، އެ ފުރުސަތު އަދި ދީފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހީހީ ސުލީހް
23 July 2023
މީ ހާދަ ނުބައި ވެރިކަމެކޭ
އުއްޗު
22 July 2023
އާދައިގެ ނިކަމެތި މީހާ ހުކުމެއް އޮތިއްޔާ އެއީ އެންމެ 2 އަހަރުވިޔަސް ކުޑަ ކުށެއް ވިޔަސް ބޭސްފަރުވާއަށް ރާއްޖެން ބޭރަށް ދެވެން ނެތް!! މިކޮން އިންސާފެއްތޮ؟
ފުޅު ބޭ
22 July 2023
ފޮނުވި ސިޓީގައި އިތުރަށް ބޭނުންވާ ދުވަސް ޖަހާފައި ނެތުމުން އެސިޓީވަނީ ކެންސަލް ކުރެވިފައި
ވޮޒީރު
22 July 2023
އަދީބަކީ ދީލަތި ބޭކަލެއް. ރައްޓެއްސަކަށް ވެސް ކަމުދޭ.
އުދުހޭ
22 July 2023
ބައިތުލްމާލުގެ ތަޅުދަނޑު ބަލަހައްޓަން ކަމުދޭތަ
ބޮޑުމީހާ
22 July 2023
ތި ފަރުވާ އެއް ނުނިމޭނެ ދުވަހަކުވެސް. ތިކަމަށް ބޭނުންވަނީ ސިޔާސީ ފަރުވާއެއް. ސެޕްޓެމްބަރ 9 ގެ ފަހުން އަދީބާއި އެއްގޮޅިއެއްގަ އިބޫ ސޯލިހު ބާއްވަންޖެހޭ
ބަކަގުލް
23 July 2023
ހެއުނުވާނެ ތިކަންނުކުރާތި. އޭރުން އަނެއްކާ އަނެއް ހަރާމްހުކުމް ނެރެވޭނެ. ރޭވެއްޖެއްޔާ މަގުތައްބަންދުވާނެ. އެމީހުން ދޫކޮށްފައި ބަހައްޓާ.
ޢިބޫ ނޫން ގޮތެއް
22 July 2023
ޢެހެން ގައިދީން ބޭސް ފަރުވާ ނުކުރެވި ޖަލުގަ ތިބެން ޖެހެނީ، އެންމެން ހަމަ ހަމަ އެއް ނުވިއެއްނުން، ކޮބާ ޖަލުގަ ދެން ތިބި މީހުންގެ ބޭސް ފަރުވާ، ކުއް ސާބިތު ވެފަ ވާ ކުއްވެރިއަކައް ބޭސް ފަރުވާ އައް ކަމައް ބުނެ ފުރައިގެން ދެވުން އިރު ކުށެއް ސާބިތު ނުވާ ވާނުވާ ބަންދުގަ ތިބި ކިތައް މީހުން ބޭސް ފަރުވާ ނުލިބިފަ ތިބީ، ހައްގު ތައް އޮއްނަނީ ސިޔާސީ މީހުންގެ އެކަނިތަ؟ ގައިމު އިބޫ ބުނި ތިމައްނަ ޖަލު ވެސް ފަށާނީ 0 އިނޭ، ވާނުވާ ވެސް ނުޖަހާނަމޭ، ކޮބާ އެ ވައުދު؟
ރައްޔިތުސޮރު
22 July 2023
ދެން ރައީސްއިބޫއާ ޝާހިދު އަވަސްވެ ވަޑައިގަންނަވަންވީ އަދީބަކީ ދިވެހިރާއްޖޭގެ ނައިބުރައީސްކޮށްފަވާ ޚުލްޤު ހެޔޮ އަދި ޚާއްސަކޮށް އެމްއެމްޕީއާރުސީ މެދުވެރިކޮށް ދިވެހިރާއްޖޭގެ ޓޫރިމު ކުރިއަރުވަން ނިޔަނެތި މަސައްކަތްތަކެއް ކޮށްދެއްވާފަވާ އިއްޒަތްތެރި ބޭފުޅެއްކަން ބަޔާންކޮށް ސިންގްޕޫރު ސަރުކާރަށް ސިޓީފުޅެއް ފޮނުވަން!
ޑިމޮކްރަސީ
22 July 2023
މުއްދަތު އިތުރުކޮށްދޭނެ އަދި ފަހުން ވާނުވާވެސް ނޭގޭނެ ރޭވިގެން ހިގާ ކަންތައް ތިފެންނަނީ
އޮތްހިއްލާ
22 July 2023
އެހެން ގައިދީންނަށް ވެވޭ ވަރަށްބޮޑު ބޭއިންސާފެއް
ކިމް
22 July 2023
ރަތް ދަބަސް އަޅުވައިގެންތަ އެެއީ އަދީބު؟