ފާރިސް: ރިޔާސީ އިންތިހާބަށް ނަން ހުށަހެޅުއްވުމަށްޓަކައި ކަމާ ގުޅޭ އިދާރާތަކުން ރެކޯޑް ސާފުކުރުން ފަދަ މަސައްކަތްތައް ވަނީ ފައްޓަވާފައި.
23 ޖުލައި 2023 - 17:11
51 comments
މި އަހަރުގެ ރިޔާސީ އިންތިހާބަށް ކުރިމަތިލައްވަން އެމްއާރުއެމްގެ ރައީސް އަހުމަދު ފާރިސް މައުމޫން ނިންމަވައި އިދާރީ ބައެއް މަސައްކަތްތައް ފައްޓަވައިފި އެވެ.
އެ ޕާޓީގެ އިސް އޮފިޝަލަކު "މިހާރު" އަށް މިއަދު ވިދާޅުވީ، ކުރީގެ ރައީސް މައުމޫން އަބްދުލްގައްޔޫމްގެ ދަރިކަލުން ފާރިސް ތައްޔާރުވެވަޑައިގަންނަވަނީ އެމްއާރުއެމަށް ގާނޫނީ ހުރަސްތަކެއް ކުރިމަތިވެއްޖެ ނަމަ އަމިއްލަ ގޮތުން ވެސް އިންތިހާބުގައި ވާދަކުރައްވަން ކަމަށެވެ.
އެހެންވެ އޮފިޝަލް ވިދާޅުވިގޮތުގައި، ފާރިސް މިހާރު ވަނީ ސެޕްޓެމްބަރު 9 ގައި ބާއްވާ ރިޔާސީ އިންތިހާބަށް ކުރިމަތިލެއްވުމަށްޓަކައި ކަމާ ގުޅޭ އިދާރާތަކުން ރެކޯޑް ސާފުކުރުން ފަދަ ބައެއް ކަންކަން ފައްޓަވައިފަ އެވެ. އޭގެ ތަފުސީލެއް އެމްއާރުއެމުން އަދި ނުދެ އެވެ.
އެމްއާރުއެމަށް ކުރިމަތިވެފައިވާ ގާނޫނީ ހުރަހަކީ 3،000 މެމްބަރުން ހަމަކުރުމުގެ މައްސަލަ އެވެ. ގާނޫނުގައި ބުނާ އަދަދު ކަމަށްވާ 3،000 މެމްބަރުން ހަމަނުވާ ކަމަށް ބުނެ އިލެކްޝަންސް ކޮމިޝަން (އީސީ) އިން ވަނީ އެމްއާރުއެމް އުވާލަން ނިންމައިފަ އެވެ. އެކަމަކު ސިވިލް ކޯޓަށް މައްސަލަ ހުށަހެޅުމުން އެ ޕާޓީ އުވާލުމުގެ އެއްވެސް ކަމެއް ނުކުރަން އީސީގެ މައްޗަށް އޮތީ އަމުރުކޮށްފަ އެވެ. އެ ނިންމުން މުރާޖައާ ކުރަން އީސީން ހުށަހެޅުމުން ވެސް ނިމުނީ ކޮމިޝަނާ ދެކޮޅަށެވެ.
ނަމަވެސް ރިޔާސީ އިންތިހާބާ ގުޅޭ ގޮތުން އިލެކްޝަންސް ކޮމިޝަނުން ބާއްވާ އެއްވެސް ބައްދަލުވުމެއްގައި އެމްއާރުއެމް ބައިވެރި ނުކުރެ އެވެ. އެ ކަންބޮޑުވުން ވެސް އެ ޕާޓީން ވަނީ ފާޅުކޮށްފަ އެވެ.
"މިއީ ކޯޓުގެ އަމުރާ އިލެކްޝަންސް ކޮމިޝަނުން ޚިލާފުވުން، މިގޮތަށް އަމަލުކުރަމުންދާތީ މިނިވަން އިންސާފުވެރި އިންތިހާބެއް ބާއްވަފާނެ ކަމާ މެދު ވެސް ސުވާލު އުފެދޭ،" އެމްއާރުއެމްގެ ނައިބު ރައީސް އައިމިނަތު ނާދިރާ މިއަދު ވިދާޅުވި އެވެ.
ރިޔާސީ އިންތިހާބަށް ކުރިމަތިލެއްވުމުގެ އިދާރީ މަސައްކަތް ފާރިސް ފެއްޓެވިޔަސް އެމްއާރުއެމްގެ ކައުންސިލުން އަދި ވަކި ގޮތެއް ނުނިންމާ ކަމަށް ވެ އެވެ.
ނާދިރާ ވިދާޅުވި ގޮތުގައި އިންތިހާބުގައި އެމްއާރުއެމް ވާދަކުރުމާ ގުޅޭ ގޮތުން ނުވަތަ ކޯލިޝަނަކާ އެކު ކުރިއަށް ދިޔައަސް ގޮތެއް ނިންމާނީ އެ ޕާޓީގެ ކައުންސިލުންނެވެ. މިހާތަނަށް އިންތިހާބުގައި ވާދަކުރުމާއި ނުކުރުމާ ގުޅޭ ގޮތުން ނިންމުމެއް ނެތް ކަަމަށް ވިދާޅުވި އެވެ.
މި ފަހަރުގެ ރިޔާސީ އިންތިހާބަށް ނުކުންނަން އެމްއާރުއެމް އޮތީ ތައްޔާރަށް ކަމަށް ފާރިސް ވަނީ ކުރިން ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައެކްސިް
25 July 2023
ރިކޯޑު ސާފު ކުރައްވަން ޔޫކޭ ޕޮލިސް އަށް ފޮނުވަން ފެނޭ
ހަލީމް ޢަލީ
24 July 2023
ރައީސް މައުމޫނަކީ މިޒަމާނަށް ބަލާއިރު ވަރަށް ޢިލްމީ ޤާބިލް ބޭފުޅެކެވެ. އަދި ރާއްޖެއަށް ވަރަށް ގިނަ ޚަދުމަތްތައް އެމަނިކުފާނު ކޮށްދެއްވިއެވެ. އެހެނަސް އެމަނިކުފާނުގެ ބޭފުޅުންގެ ތެރޭގައި މިޒަމާނާ އެކަށީގެންވާފަދަ ހިންގުންތެރި ބޭފުޅަކު އަދި މީހުންނާ ގުޅިގެން މަސައްކަތް ކުރަން އެނގޭ ބޭފުޅަކު ނެތޭ ދަންނަވަން މިޖެހެނީ ވަރަށް ހިތާމަޔާއެކުގައެވެ. އެބޭފުޅުން މީހުންގެ ތެރެއަށް ނުކުމެ ގުޅިގެން އުޅުނުނަމަ ރައީސް މައުމޫންގެ ތާޢީދާއެކު ވެރިކަން ލިބިދާނެއެވެ.
ސައިނީސް
24 July 2023
މިހާރު ވޯޓްލިޔަސް އަލީ ވަހީދު މާގިނަ ވޯޓް ހޯދާނެ ފާއިސްއަށް ވުރެ ބޭނުމީ އަގަތެޅޭ އަދި ހަރަކާތް އަވަސް މީހެއް ދޯ! އާއިލީ ލީޑަރއެއް ނޫން ދޯ!
ގައުމީދޫ:)
24 July 2023
ފާރިސް ދައްކަނީ ވާހަކަ ރަނގަޅު! އަމަލުތައް ކިހިނެއްވާނެ ބާއޭ ހިތައް އަރަނީ! ޒުވާން ޖީލަކަށް ގައުމުގެ ހިންގުމުގެ ޒިންމާ މަތިކުރަން ވީ ވަގުތުހެން ހީވަނީ! މަގޭ ވޯޓް ފާރިސް އަށް
ޢ.ހ
24 July 2023
ވޯޓް ޔަޤީން.، މިހާރު ތިބި ހުރިހާ އެންމެނަށްވުރެ ހުރިހާ ގޮތަކުންވެސް ޤާބިލް ބޭފުޅެއް
އަލީ އަލީ 1
24 July 2023
ވޯޓް ޔަގީން / މިބުނީ މަގޭ ވޯޓް ވާހަކަ އެހެން މީހެއްގެ ގޮތެއް ނޭނގެ
އަންދަލޫސިޔާ
24 July 2023
މައުމޫނު ޢާއިލާއަށް އެންމެގިނަ ކުޑަ ކާފު ލިބޭނެ އިންތިޚާބު!
ބޮޑުރިޔާ
24 July 2023
އެންމެމުނާސަބު ނޫންވަގުތު ސިޔާސީ ހަޔާތް ތިޔަގޮތަށް ދުއްވާލުން އެހާރަނގަޅެއްނޫން އިބޫ ރާއްޖެތެރޭމީހުންގެ ލޯބިހޯޯދައިފި އެމީހުންގެ އިހުސާސްތަށް ދެނެގަނެފި ދެން މިދަނޑިވަޅުގައި އިބޫއާއި ވާދަކުރަން ނުކުތުމުން ދާނީ ތޮއްޑުދަށުން އޭރުން ސިޔާސީ މައިދާނުގައި ތިމާގެ އަގެއްނޯންނާނެ އެހެންވެ މިބުނެލީ
ޑޮނާޑު
24 July 2023
މައުމޫނުގެ,އަނދިރި30އަހަރުގެވާހަކަދައްކާއިރު,އެ30އަހަރުގެ,އުޖާލާވާހަކަވެސްދެއްކެވުންކީއްތޯ?މައުމޫނުވެރިކަމާޙަޥާލުވިއިރު,ރާއްޖެތެރޭގަފުދޭވަރުގެރަށުއޮފީހެއް,ކޯޓެއް,ކަމުދާމިސްކިތެއް,ލަފާފުރޭބަނދަރެއް,ކަމުދާސުކޫލެއްނެތެވެ.މާލޭގަފުދޭވަރެއްގެހުރީ,އިބުރާހިމްމިސްކިތާ,ދިއްލީމިސްކިތެވެ.ލިޔަންކިޔަންނޭގޭތީޤައުމުގެ,ތިންބައިކުޅައެއްބައިނަމާދުގާއިމްނުކުރޭ,ހިނާތޯހިރެއްނުވޭ30އަހަރުނިމުނީ,ކުލާހުންއަސާސީގެލަވައިންމުުޅިޤައުމުހެއްވާލާފަ,ޑިއުޓީއެއް,,ޓެކުހެއްނުނަގާ,މުޅިޤައުމުގާމިސްކިތާ,ސުކޫލާ,ކޯޓުތާކާބަނދަރުތައްހެދިފަ,ނުދަރާ,
މޫސާ ސާއިދު
24 July 2023
ޑިއުޓީވެސ
ނާދިރު
24 July 2023
އޭސިއާގައި އޮތް އެންމެ ބޮޑު ބަލި.. ވެރިކަން އާއިލާގެ ވިޔަފާރިއަކަށް ހެދުން.. ދުނިޔޭގެ ތާރީޚު ގައި ވެރިޔަކު ގައުމުގެ ފައިސާ އަމިއްލަ މުދަލުގެ ގޮތުގައި ދަވާލި ކަމުގެ ރެކޯޑު އޮތް ފިލިޕީންސް ގެ ކުރީގެ ރައީސް މާކޯސް... މިހާރު އަނެއްކާ އޭނާގެ ދަރި އެ ހުންނެވީ ރައީސް ކަމުގައި... މީޑިޔާގެ ހުރިހާ އުކުޅެއް ބޭނުންކޮށްގެން ނިކަމެތީންނަށް އޮޅުވާލަނީ.. ސިޔާސީ ކަނުލޯބީގައި އަނެއްކާވެސް ހޮވަނީ..