މައުމޫން ފައުންޑޭޝަނުން ބޭއްވި، ރޭތައް އިހުޔާކުރުމުގެ ޕްރޮގްރާމުގައި ބައިވެރިވި މީހަކަށް، މައުމޫން ސަލާމްކުރައްވަނީ: އެ ފައުންޑޭޝަނުން ވަނީ ރާއްޖެއިން ބޭރުން ކިޔެވުމަށް ސްކޮލަޝިޕް ވެސް ދޫކޮށްފައި.-- ފޮޓޯ: މިހާރު
27 ޖުލައި 2023 - 13:44
22 comments
ކުރީގެ ރައީސް މައުމޫން އަބްދުލްގައްޔޫމް އިޖުތިމާއީ މަސައްކަތްތައް ކުރައްވަން މީގެ 13 އަހަރު ކުރިން އުފެއްދި މައުމޫން ފައުންޑޭޝަން އުވާލަން ޔޫތް މިނިސްޓްރީން އިއުލާންކޮށްފި އެވެ.
ދެހާސް އަށްވަނަ އަހަރުގެ ރިޔާސީ އިންތިހާބުގެ ނާކާމިޔާބީ އަށް ފަހު 2010 ގައި އުފެއްދި އެ ޖަމިއްޔާގެ ބޭނުމަކީ ދިވެހި ޒުވާނުންނަށް ތަފާތު ފުރުސަތުތައް ފަހިކޮށްދިނުމެވެ.
މައުމޫން ފައުންޑޭޝަން އުފެއްދީއްސުރެ، ރާއްޖެއިންނާއި ރާއްޖެއިން ބޭރުން މަތީ ތައުލީމުގެ ގިނަ ފުރުސަތުތަކެއް ވަނީ މިހާތަނަށް ފަހިކޮށްދީފަ އެވެ. އެ ފައުންޑޭޝަނުން ދަރިވަރުންނަށް ސްކޮލާޝިޕް ދިނުމާއި ދިނީ ދަރުސްތައް ވެސް ދެ އެވެ. ނަމަވެސް ކޮވިޑަށް ފަހު އެ ޖަމިއްޔާގެ ކަންކަން ކުރިއަށް ގެންގޮސްފައެއް ނުވެ އެވެ.
ޔޫތް މިނިސްޓްރީން މިއަދު އާންމުކުރި ލިސްޓުގައި މައުމޫން ފައުންޑޭޝަންގެ އިތުރުން 1989 ޖަމިއްޔާއެއް އުވާލުމަށް ނިންމި އެވެ. ޖަމިއްޔާތައް އުވާލަން ނިންމިޔަސް ލިޔެކިޔުންތައް ފުރިހަމަކޮށް، އުވާލުން ހުއްޓުވުމަށް އެދުމަށް އިތުރު ފުރުސަތެއް ދިނެވެ.
ޖަމިއްޔާތައް އުވާލަން ނިންމާފައި ވަނީ:
- ރާއްޖޭގައި ރަޖިސްޓަރީ ކޮށްގެން ހިންގަމުންދާ ޖަމިއްޔާތަކުގެ ތެރެއިން މި އަހަރުގެ ނިޔަލަށް ޖެހިހެހިގެން ދެ އަހަރުގެ އަހަރީ ރިޕޯޓް ހުށަހަޅާފައި ނެތުން.
- ހިންގާ ކޮމިޓީ ރަޖިސްޓަރީ ކޮށްފައި ނުވުން.
މިހާރު އާންމުކޮށްފައިވާ ލިސްޓްގައިވާ ޖަމިއްޔާތަަކަށް ސެޕްޓެމްބަރު 24، 2023 ވާ އަންގާރަ ދުވަހުގެ މެންދުރު 2:00 އާ ހަމައަށް އިތުރު ފުރުސަތެއް ދޭނެ ކަމަށް މިނިސްޓްރީން ބުންޏެވެ.
އެ ފުރުސަތު ދޭން ނިންމީ ރަޖިސްޓަރީ ކޮށްގެން ހިންގަމުންދާ ޖަމިއްޔާތަކުން ނިސްބަތްވާ ރަށާއި އަތޮޅަށް އަދި މުޅި ގައުމަށް ފައިދާ ހުރި މަސައްކަތްތަކެއް ހިލޭސާބަހަށް ކުރާތީ ކަމަށް ޔޫތު މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
30 އަހަރުވީމަ ހަދާން
28 July 2023
30 އަހަރުގެ ދައުރުގަ އަޅާފައި ހުރި އިމާރާތްތަކުގެ ލިސްޓެއް އޮވޭތަ މިގައުމުގަ.
އަލާނުކެނޑުނު
28 July 2023
މައުމޫނު ވިދާޅުވީ 30 އަހަރު ނިންމާލާފަ މަދެން ސިޔާސީ ކަންތަކާ މި ދުރުވީއްޔޭ ހީވޭބާ ކަމެއްހެން
އަބްޑޫޅް +
28 July 2023
މިހާރު، އެމްއެޗު ފައުޑޭސަނު ކޮބައިތަ؟
ސަބަސް
27 July 2023
ތިފައުންޑޭޝަން ފުޅި އެކުސްޕަޔަރވީ ތޯއެއްޗެއް
ރައްޔިތުސޮރު
27 July 2023
އިހުއުޅުނު މީހުން ބުނެއުޅެއްނު ދައްކަވަންހުރިތަނެއް ދައްކަވާފައޭ ގެންދަވާނީ. މަޢުމޫނަކީ ހާދަހާ އާރަކާ ބާރެއްހުރި ވެރިކަމެއްކުރިމީހެކޭ! އެކަމަކު މިއަދު ބަޔަކުކުރާ އިޙުތިރާމު އެކަނިއޮތީ. މިހާރު އަންނިއާ ޔާމީނުވެސް ހަމައެދަތުރު މާއަވަހަށް ނިންމަން އެމަސައްކަތްކުރަނީ ތަޤްދީރުން ކަނޑައެޅިފަވާ އުސޫލުގެތެރެއިން. އެކުދިން ތަންކޮޅެއް ޒުވާންވީމަ ދުވަސްކޮޅަކު ހިފަހައްޓަނީ މަރުފަލީގަ ޚާއްސަކޮށް ނަޝީދު މޭކަށިން ހިތްވަރުނަގައިގެން މަސައްކަތްކުރާތީ.
ތުނޑުހަސަނު
28 July 2023
މިއަކީ ޙައިރާންވާންޖެހޭ ވަރުގެ ބޮޑުކަމެއް ނޫން. މިއީ ދުނިޔޭގެ އާދަ. ގުދުރަތީ ގާނޫނު. އަޑިގަނޑަކަށް ފަހު އުސްގަނޑެއް އަންނަ ބީދައިން އުސްގަނޑަކަށްފަހު އަޑިގަނޑެއް ވެސް އަންނާނެ. މައްސަލައަކީ މީސްތަކުން މިކަން ނުދަންނާތީ!.
އިސްމާލު 2.0
27 July 2023
މައުމޫން ފައުންޑޭޝަނެއް ނޫން. އަހަރީ ރިޕޯޓާ ހުށަނާޅާ އަދި ހިންގާ ކޮމިޓީ ރަޖިސްޓްރީ ނުކުރާ 1989 ޖަމިއްޔާއެއް އުވާލަނީ. މިއީ ރަން ތިރީސް އަހަރެއްނޫން ތިމާ އާއި ތިމާގެ އާއިލާ އަދި ރައްޓެހިންނަށް ވަކި އުސޫލެއް ގެންގުޅެން.
ކިރު
27 July 2023
ރޫޅާލާނަން ރޫޅާލާނަން ރޫޅާލާނަން.
ރަދީފްއޮފިޝަލް
27 July 2023
ޖަމިއްޔާއެއް ހިންގޭވަރު ނެތިއްޔާ ދެން ކޮންކަމެއް ކުރެވޭނީ. އަހަރީ ރިޕޯޓް ހުށަނޭޅުނީ އެއެވެސް ކަމެއް ނުކުރާތީ ތޯއްޗެ. އެކަމަކު ހިނަގާ ކޮމިޓީ ރަޖިސްޓްރީވެސް ކޮއްނުލެވުނީތަ؟
ވަރަބިންދާލި
27 July 2023
ފައުންޑޭޝަންތައް ހެދުން ، ހުރުން އެއީ ގައުމަކަށް ވަރަށް ވަރަށް މުހިއްމު ކަމެއް.ތައުލީމީ މަސައްކަތް ދަސްކޮއްދޭން . މައިން ބަފައިން ގެ އިއްޒަތުން އުފައްދަވާ ފައުންޑޭޝން ތައް ދިރުވާ އާލާކޮއް އެނަން ދިރުވަން އެއީކުރަން ޖެހޭކަމެއް ، ހޮޔޮ ކަންކަން އަދަބަށް ދާއިމަށް ދަމަހައްޓަން ޖެހޭ.
ޣަޒް
27 July 2023
މަހުލޫފު ލަދު ކޮބާ. މައުމޫނު ތި ފުރުސަތު ނުދިންނަމަ މިހާހިސާބަށް އާދެވުނީސްތަ
ޢަހަންމަދާ
27 July 2023
ޢެއީ މަހުލޫފު މައްސަލައެއް ނޫން ގާނޫނު ބުނާގޮތަށް ނުހިންގާ ޖަމުއްޔާތައް އުވަންޖެހޭ. މައުމޫނަކަސް ނަސީދަކަސް ވަހީދަކަސް ބަލާނެ ކަމެއްނެތް
ނޫން
27 July 2023
އިޙްސާންތެރިކަން އެއީ. ރީތި ގޮތަކީ ހުށަހަޅާފައި ނެތް ނަމަ ރީތިކޮށް ވަކިން މަހުލޫފަށް އެވާހަކަ ބުނެވިދާނެ. ފިޔަވަޅު އެޅުމާއި އަދަބު އިހްތިރާމްގެ ސިފައަކީ މުޅީން ދެކަމެއް.
މުޖުތާޒު
28 July 2023
މަހުލޫފަކީ ދިވެހި ސަރުކާރުގެވުޒާރާއެއް ހިންގަން ހަވާލުވެފަހުރި ވަޒީރު އެނަޔަށްނޭގި ވުޒާރާއިން ލިސްޓްނެރެ އާއްމުކުރާނީ ކިހިނެތް އޭނަބުނާގޮތުން އޭނަޔަށް އެލިސްޓް ފެނުނީ ނޫހަކުން މީއަޅެޖޯކެއްތަ އވަރުގެ ވަޒީރުން އިސްތިއުފާދީފަގޭގަމަޑުކުރުން ރަގަޅުވާނެ