ކުރީގެ މިނިސްޓަރު ޝިހާބުގެ ފޯމާ، ގާސިމް މިއަދު ހަވާލުވެވަޑައިގަންނަވާއިރު އަރިހުގައި ދިއްގަރު ދާއިރާގެ ކުރީގެ މެމްބަރު ނާޒިމް.---ފޮޓޯ: ނިޝާން އަލީ| މިހާރު
03 އޯގަސްޓް 2023 - 13:02
47 comments
ރައީސް އޮފީހުގެ ކުރީގެ މިނިސްޓަރު މުހައްމަދު ޝިހާބާއި ރައްޔިތުންގެ މަޖިލިހުގެ ކުރީގެ ނައިބު ރައީސް އަދި ދިއްގަރު ދާއިރާގެ ކުރީގެ މެމްބަރު އަހުމަދު ނާޒިމް ޖުމްހޫރީ ޕާޓީ އަށް ދެންމެ ސޮއިކުރައްވައިފި އެވެ.
ރައްޔިތުންގެ މަޖިލިހުގެ ރައީސްކަން ވެސް ކުރެއްވި ޝިހާބުގެ އިތުރުން ނާޒިމް ޖޭޕީ އަށް ސޮއިކުރެއްވީ އެ ޕާޓީގެ އޮފީހުގައި ބޭއްވި ހަފުލާއެއްގަ އެވެ. ފޯމާ ހަވާލުވެވަޑައިގަތީ އެ ޕާޓީގެ ލީޑަރު އަދި ރިޔާސީ ކެންޑިޑޭޓްކަމަށް ކަނޑައަޅާފައިވާ ގާސިމް އިބްރާހިމެވެ.
ޝިހާބަކީ ޖޭޕީ އުފެދިއްތާ ކުރީކޮޅު ވެސް އެ ޕާޓީގެ އިސް މެމްބަރެކެވެ. އެކަމަކު، ސިޔާސީ މަސްރަހަށް އަދި ބަދަލުތަކާ އެކު ފަހުން އެމްޑީޕީއާ ގުޅިވަޑައިގަތީ އެވެ. ނަމަވެސް، ގާސިމާ އަބަދުވެސް ވަރަށް ގާތް ގުޅުމެއް ބާއްވަވަ އެވެ. ޝިހާބު ރައީސް އޮފީހުގެ މިނިސްޓަރުކަމުން ދާދި ފަހުން އިސްތިއުފާ ދެއްވީ ވެސް ގާސިމާއި ކުރީގެ ރައީސް އަދި މިހާރު ޑިމޮކްރެޓްސް ޕާޓީއާ އެކު މަސައްކަތް ކުރައްވާ މުހައްމަދު ނަޝީދު މި އަހަރުގެ ރިޔާސީ އިންތިހާބަށް އެކުގައި މަސައްކަތް ކުރެއްވުމުގެ މަޝްވަރާތަކެއް ފެއްޓެވި ހިސާބުންނެވެ.
ޝިހާބާއި ނާޒިމް ޖޭޕީ އަށް ސޮއިކުރައްވަން މިއަދު ބޭއްވި ހަފުލާގައި ޖޭޕީގެ ލީޑަރު ގާސިމް ވާހަކަ ދައްކަވަނީ.---ފޮޓޯ: ނިޝާން އަލީ| މިހާރު
ނާޒިމަކީ ކުރިން، ކުރީގެ ރައީސް އަބްދުﷲ ޔާމީނާ ވަރަށް ގާތް ބޭފުޅެކެވެ. ނަމަވެސް ޑީއާރުޕީ އާއި ޕީއޭ އަދި ޕީޕީއެމް އުފެއްދުމުގައި ވެސް އިސް ދައުރެއް އަދާކުރެއްވި ނާޒިމާއި ޔާމީނާ ދެމެދު ބޮޑެތި ހިޔާލު ތަފާތުވުންތަކެއް އުފެދިގެން ޔާމީނާ ދުރަށް ވަޑައިގަތީ އެވެ. އަދި ޔާމީންގެ ވެރިކަމުގެ ފަހު ދުވަސްވަރު އައި 25 އަހަރުގެ ޖަލު ހުކުމާ އެކު އެ ގުޅުން އިތުރަށް ގޯސްވެ، އެއްކޮށް ގުޅުން ކެނޑުނީ އެވެ.
ނާޒިމްގެ 25 އަހަރަށް ޖަލަށްލާން ސުޕްރީމް ކޯޓުން 2015 ގައި ހުކުމްކުރީ ކުރީގެ އެޓޮލްސް މިނިސްޓްރީ އަށް ދިދަތަކެއް ގަތުމަށް ކުރި އިއުލާނަކާ ގުޅިގެން މަކަރާއި ހީލަތުން އެ ޕްރޮޖެކްޓް ކާމިޔާބު ކުރި ކަމަށް ދައުލަތުން ދައުވާ ކުރުމުންނެވެ. އެ ހުކުމް ރިވިއުކުރަން ނާޒިމްގެ ފަރާތުން ސުޕްރީމް ކޯޓަށް ހުށަހެޅުމުން އެ ކޯޓުން ނާޒިމް މިނިވަންކުރީ ޑިސެމްބަރު 2018 ގަ އެވެ. އޭގެ ފަހުން މިހާތަނަށް ސިޔާސީ ކަންކަމުގައި ނާޒިމް އަަމަލީ ގޮތުން ނޫޅުއްވަ އެވެ.
ކުރީގެ ޓޫރިޒަމް މިނިސްޓަރު އަލީ ވަހީދާއި މަޝްހޫރު ދެ ވިޔަފާރިވެރިންތަކެއް ކަމަށްވާ، ކާޓިއުންސް އާއިލާގެ ދެ ބޭފުޅުން ކަމަށް އިސްމާއިލް ޝުޖާއު (އިންމަ) އާއި އިބްރާހިމް ޝުޖާއު ވެސް އިއްޔެ ވަނީ ޖޭޕީއާ ގުޅިވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑޭ2
04 August 2023
ޝިހާބު ބުނެގެން ގާސިމަށް ވޯޓްލާބެ ކިތަށް މީހުންވާނެ؟
ޕޫރުބެ
04 August 2023
ތިތާ އެބަހުރިތޯ ސިޔާސީ އަރުއްޕެ ހުރި ބެފުޅެއް! ހައްތަހާވެސް ފޭލިއަރުން، އިށީންނާނެ ތަނެއް ހަރުލާ ހުންނާނެ ތަނެއް ނެތިގެން އުޅޭ ،،،،
ކޮބާ ކޮބާ
04 August 2023
ސިހާބަކީ ދަރަވަންދޫގެ ބޭޅެކޭ ބުނެފިއްޔާ ޖުހައިނާ އެކޮޅުކޮޅުން ހިނގަނީ ފަށާނެ ތާ އެވެ.
ޖާސިމް
04 August 2023
ސޮއިކުރި ހަފްލާގެ ބެކްގްރައުންޑުން ފެންނަނީ މުޅިންވެސް ފެއިލްވެފަ ތިބި މީހުން. ގާސިމްގެ ވިލާ ޓވީ އިން ކެނޑިނޭޅި ގާސިމް ގައުމިއްޔަތުގެ ލޯބީގައި ގައުމަށް ކޮށްދެއްވި ކަންކަން ކަމަށްބުނެ ދަށްކާ މަންޒަރުތަކާ އިއްވާ އަޑުތަކަކީ ކާކަށް ކޯޗެއް ސާބިތުކޮށްދޭން ދަކުރާ ކަމެއްކަމެއް ނޭގޭ. ރައީސް މައުމޫންގެ ތަރައްގީވެސް އެއީ ގާސިމް ގެނާ އެއްޗެއް ކަމަށްވެ ނިމިއްޖެ
ޖަނގިޔާ
04 August 2023
ޝިހާބު އަދި ނާޒިމް އަކީ ހިއްސުތައް ސަލާމަތުންހުރި އެއްވެސް ދިވެއްސަކު ބަލައިގަންނާނެ ބައެއް ނޫން. މާލޭގެ ސާހީ އާއިލާވެގެން މީހެއްގެ މޮޅުކަމެއް ނޯންނާނެ، ބޭފުޅުޒަމް އާއި ސާހީ ކަމަކީ ބަވަނަވަމުންމިދާ ދުނިޔޭގެ އެއްވެސްތާކު ކައުންޓުކުރާއެއްޗެއް ނޫން
މަޑިހަންޖާ
04 August 2023
ގާސިމް ގައުމުގެ ރައީސްކަން ހޯދަން ކުރާ މަސައްކަތެއް ނުފެނޭ. ކެމްޕޭނެއްނުކުރޭ. ރަގަޅަށް ފައިސާ ހިފައިގެން މުޅިރާއްޖެއަށް ޓީއެމްއޭ އިން ދަތުރުކޮއްފައި ވެރިކަމަށް އައިސް ކުރާނެ ކަންތައްތކުގެ މެނިފެސްޓޯ ހިފައިގެން ސަޕޯރޓް ހޯދަން މަސައްކަތް ކޮއްބަލަ. ގޭގައި ނޮއޮވެ. އެއްބުރުން އިބޫ ވައްޓާލަން ވޭނެ.
މުޖުތާޒު
04 August 2023
ޝިހާބަކީ ވަރަސްތެދުވެރި އިޚްލާސްތެރި ބޭފުޅެއް ނަމަވެސް ނާޒިމަކީ ވަރަށް ތަފާތުމީހެއް އެހެންހުރެލާފަ ކޮންމެފަދަ ކަމެއްވެސް ކޮއްފާނެ ވަރަށްވިސްނަންވާނެ ނާޒިމާދޭތެރޭ
ފަރުހާދުދަރިސޮރު
04 August 2023
ގާސިމަށް ފެންތަށިކޮޅު އަރުވަން ރަގަޅު ބޭފުޅެއް އެއް ބޭފުޅަކީ. ޢޭރުން ބޮވޭ ފެންތަށިކޮޅު ޝާހީ ވާނެ ޔަގީނުންވެސް. ގާސިމަށް ވެރިކަން ދޭކަށް ރައްޔިތުން ނޫޅޭ. ރަށްތަކާ ފަޅުތަކަށް ވާނެ ގޮތެއް ނޭގޭތީ.
1206
04 August 2023
ރަށްތަކާއި ފަޅުފަޅަށް ވާ ގޮތް މިހާރު ވަކި އެބަ އެނގޭތަ. ޔާމީނު ކުރީ ފާޅުގައި (ފާޅުގައި ކުރީމާ ވަކި އެ ކުރި ކަންތައް ރަނގަޅެކޭ ނޫން). ސޯލިހު ކުރަނީ އަޑި ނޭނގޭހާ ސިއްރުވެރި ކޮށް. ފޮއްތެޔޮ ފަޅަށް ވާ ގޮތެއް ބަލަން ތިބެމާ ބަހީ.
ރިޝާނާ
04 August 2023
ސޮއިކުރި ޖަލްސާގަ ސިހާބާ ނާޒިމު ދެއްކި ވާހަކަ އިންވެސް އެގޭ 2 މީހުންގެ ކޮލިޓީ އެސެސް ކޮށްލަން. ނާޒިމަކީ އޭލެވެލް އިން 1 ވަނަ ހޯދައިގެން ރައީސްގެ ސްކޮލަރޝިޕުގަ ކިޔަވައިގެން ހުރި، ލާމަސީލު ޚިދުމަތްތެރިއެއް. ޥާހަކައިގެ އޮއްޓަރު ހުރި ނޫންތޯ؟ ޝާހީ ކަމަށް އެބުނާ ބޭފުޅާ އަބަދުވެސް ފެންނާނީ ކޮންމެސް މީހެއްގެ ފަހަތުން. މައުމޫނު ފަހަތުން. ނަސީދު ފަހަތުން. އިބޫ ފަހަތުން. ކާސިމްބެ ފަހަތުން. މިކަމުން އެކަނިވެސް ކާސިމްބެ އެ ބުނާ ސާހީކަން ކަށަވަރުވޭ.
ޒުހުރީ ތައްކާނު
04 August 2023
ވަރަށް ތެދު. އަނެއްކާ ކޮންމެ ވެރިކަމެއްވެސް ނިމެން 3 ދުވަހަށްވީމަ، ދެން ވެރިކަމަށް އަތުވެދާނެ ހެން ހީވާ މީހެއްގެ ފަހަތަށް!!!!! އެގިތަށް މުސާރަފުޅު ކަޝަވަރުކުރަމުން ދުވާ ޝާހީ މީހުން ލައިގެން ގާސިމް އޮޑި ދުއްވަން ތި ނިކުތީ. ތި އޮޑި އަރާނީ ފަރަށް!!!!
މުހުމިނު
04 August 2023
ރައީސް ސްކޮލަރޝިޕުގަ ކޮންއިރަކުން ކިޔެވި މީހެއްތަ ނާޒިމަކީ؟ އޭލެވެލް އިން 1 ވަނަ ހޯދި މާއްދާ ތަކަކީ ވެސް ކޮބައިކަން އޮޅުންފިލުވާލިދީބަލަ.
އަލީހަމީދު
03 August 2023
ހާދަ ގަދަ ބަޔެކޭ މިގުޅެނީ. އެންމެގަދަ މީހުންނަށްތިބީ ކާޓިއުންސް ދެ ސުޖާ.