ފްލެޓަށް ޝަރުތުހަމަނުވާ މީހުން ޑޮކިއުމެންޓް ހުށަހަޅަން އިތުރު ފުރުސަތެއްދެނީ

ފަހި ދިރިއުޅުން ކޯޕަރޭޝަނުން ހަދާ ފްލެޓެއްގެ މަސައްކަތް ކުރިއަށް ދަނީ-- ފޮޓޯ: ނިޝާން އަލީ | މިހާރު

ފާތިމަތު ޝަނާ މުހައްމަދު، މިހާރު

10 އޯގަސްޓް 2023 - 11:32

މި ސަރުކާރުގެ ގެދޮރުވެރިޔާ ސްކީމުގެ ދަށުން އާއްމުކުރި ފްލެޓް ލިސްޓުގައި، ޑޮކިއުމެންޓް މަދުވެގެން ފްލެޓަށް ޝަރުތު ހަމަނުވި މީހުންނަށް އިތުރު ފުރުސަތެއް ދޭން ނިންމައިފި އެވެ.

ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވީ، ފްލެޓް ޝަރުތު ހަމަނުވެ ތިބި 6،000 މީހުންގެ ތެރެއިން އެންމެ ބޮޑު މައްސަލައެއްގެ ގޮތުގައި ފާހަގަކުރެވުނީ 15 އަހަރު މާލޭގައި ދިރިއުޅޭ ކަމުގެ ސައްހަ ޑޮކިއުމަންޓް ކަށަވަރު ނުވާ ފަރާތްތައް ކަމަށެވެ. ޝަކުވާ ހުށަހަޅަން ހުޅުވާލި މުއްދަތުގައި އެކަން ޔަގީން ކޮށްދިނުމަށް އިތުރު ޑޮކިއުމެންޓް ހުށަހަޅަން މިހާރު ފުރުސަތު ހުޅުވާލާފައިވާ ކަމަށް އޭނާ ވިދާޅުވި އެވެ.

ޝަކުވާ ހުށަހަޅަން ހުޅުވާލީ 15 ދުވަހުގެ މުއްދަތެކެވެ.

އަކްރަމް ވިދާޅުވި ގޮތުގައި ވަޒީފާ އަދާކުރި ކަމުގެ ލިޔުމާއި ސްކޫލް، ކޮލެޖު އަދި ޔުނިވާސިޓީގައި ކިޔެވި ކަމުގެ ލިޔުމާއި ދަރިން ކިޔަވަން ތިބި ކަމުގައި ލިޔުމާއި ފިރިމީހާ ނުވަތަ އަނބިމީހާ ވަޒީފާ އަދާކުރިކަން އަންގައިދޭ ލިޔުމާއި ޕެންޝަނާ ގުޅޭ ލިޔުމުން ވެސް އެ މީހަކު 15 އަހަރު މާލޭގައި އުޅުނުކަން ޔަގީން ކޮށްދެވޭނެ އެވެ.

އެހެން ނަމަވެސް، ވަކި ގެއެއްގައި އުޅޭ ކަމަށް ބުނެ، މީހަކު ފޮނުވާ ސިޓީއަކުން ނުވަތަ ކައުންސިލް އިދާރާއަކުން ފޮނުވާ ލިޔުމަކުން އެ މީހަކީ މާލޭގައި 15 އަހަރު ދުވަހު އުޅުނު މީހެއް ކަން ޔަގީން ނުކުރެވޭނެ ކަމަށް އޭނާ ވިދާޅުވި އެވެ.

ބޯހިޔާވަހިކަމުގެ ދަތިކަން ހައްލުކުރަން މި ސަރުކާރުން އިމާރާތްކުރަން ފެށި 4000 ފްލެޓްތަކުގެ މަސައްކަތް ކުރިޔަށް ދަނީ -- ފޮޓޯ: ނިޝާން އަލީ | މިހާރު

"މީހުން ހުށަހަޅާފައި އެބަ ހުރޭ ތިމަންނަ ކޮންމެވެސް ގެއަކު އުޅުނީމޭ ކިޔާފަ. އެ ސިޓީގައި ހެކިވެރިއެއްގެ ގޮތުގައި ނޯވެދާނެ އޯނަރު ވެސް. އެހެން ކަމަކު ނުދާނެ. އޭނަ ވަޒީފާއަދާ ކުރިތަން ނުވަތަ ކިޔެވިތަން އެނގެން ހުންނަން ޖެހޭނެ. ނުވަތަ އޭނަގެ ދަރިން ކިޔެވިކަން އެނގެން ޖެހޭނެ،" އޭނާ ވިދާޅުވި އެވެ.

އަކްރަމް ވިދާޅުވީ، ޝަރުތުހަމަނުވާ މީހުންގެ ތެރޭގައި ގިނައިން ތިބީ، ހުށަހެޅި ޑޮކިއުމެންޓްތައް އެއްގޮތަކަށް ވެސް ވެރިފައިި ނުކުރެވުނު ފަރާތްތައް ކަމަށެވެ.

ސަރުކާރުން ހިންގި ގެދޮރުވެރިޔާ ސްކީމުގެ ދަށުން ވަގުތީ ލިސްޓު އިއުލާނު ކުރީ މިދިޔަ އަންގާރަ ދުވަހު އެވެ. އެ ލިސްޓުގައިވާ ގޮތުން 13،000 ފްލެޓަށް މީހުން ޝަރުތު ހަމަވި އެވެ. ޝަރުތުހަމަވި ހުރިހާ ފަރާތްތަކަށް ވެސް ފްލެޓް ލިބޭނެ ކަމަށް ހައުސިން މިނިސްޓްރީން ބުންޏެވެ.

ފްލެޓުތަކަށް ހުޅުވާލުމުން 20،000 އަށް ވުރެ ގިނަ މީހުން ކުރިމަތިލި އެވެ. އޭގެ ތެރެއިން 14،400 މީހުން ކުރިމަތިލީ ތިން ކޮޓަރީގެ އެޕާޓްމެންޓަށެވެ. އަދި 6،200 މީހުން ކުރިމަތިލީ ދެ ކޮޓަރީގެ އެޕާޓްމެންޓަށެވެ.

ބޯހިޔާވަހިކަން ފްލެޓް ހުޅުމާލޭ ދެ ވަނަ ފިޔަވަހި ހައުސިން، ލޭންޑް އެންޑް އާބަން މިނިސްޓްރީ

30 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަބޫ

27 May 2024

ދެން މިކަންތައްވެސް މިހާރު ބޮޑުވެއްޖެ ދޯ. ރަނގަޅަށއ ތިބި މީހުނަށް ދޭންވީނު. ހަމަ ހަންގަޑެއްގަ ހިފައިގެން ދަމާހެން ދެއިރު ދެދަޅަޔަށް ދެފަހަރު ދޭތި ކިޔައިގެން މީހުން އެބަ ތަޅުވައޭ. މިދެން ކޮންހާ ސަކަރާރެއްޖަހާކަށް. ރަނގަޅަށް ތިބިމީހުންނަށް ރަޖިސްޓްރީދީފަ ދެން ގޯސްކޮށް ތިބިމީހުނާއިގެން ތިޖަހާ ސަކަރާތެއް ޖަހާބަލަ. މިވެސް މިހާރު ބޮޑު އުނދަގުލަކަށް ވެއްޖެ ކަމެއް. ދޭނަމޭ ދޭނަމޭ ކިޔަކިޔާ 5 އަހަރު ނިންމާލާނީ. ތަނެއް އަޅަނީކީވެސް ނޫން އަލަކަށް. ހުސް ދޮގު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިޝަތު ޝަކީލާ

11 August 2023

ވަރަށް ވަރަށް އަދުލު އިންސާފުން ބޭރުން ކޮށްފައިވާ ކަމެއް. މާލޭގައި އެއްވެސް ގޮތަކަށް ދިރި ނުއުޅޭ މީހުންގެ ޝަރުތު ހަމަވެ ފްލެޓް ލިބުނުއިރު، ހަގީގަތުގައި މާލޭގައި 15 އަހަރު އުޅުނު މީހުންނަށް ޝަރުތު ހަމަވާ ކަމަށް ނުވި. ވަގު ފޯމުތައް ޗެކް ކުރެވޭނެދޯ ރަށްރަށުގެ ކައުންސިލާއި ސްކޫލާއި ކޯޓު މެދުވެރިކޮށް. އެއިރުން ހައްގު ވެރީންނަށް ތިއިން ތަނެއް ލިބޭނެ އެއްނު. ވަރަށް ވެސް ބޭއިންސާފު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެރޭސް

10 August 2023

ދުވަހަކު މާލޭގައި ދިރިނުއުޅޭ މީހުންނަށް ވެސް އެބަހުރި ފްލެޓްދީފައި... އެފަދަ މީހުން މާލޭގައި ދިރި ނޫޅޭކަން ސާބިތު ކޮށްދީފާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ

10 August 2023

ރަށުގައި ގޯތިއޮތް ކިތަންމެ ބަޔަކަށް ތި ފުލެޓްތަށް ވަނީދީފައި. ޢެކަމަކު ފިރިމީހާއަށް ނުވަތަ އަނބިމީހާއަސް މާލެއިން ގޯތިލިބިފަހުރީމަ ރަށުން ފުލެޓެއްނުލިބޭ މީކޮންކަހަލަ އިންސާފެއްތޯ. ވަރިކޮށްލާފަ ގޮސްފިއްޔާ ދެން ވަންނާނެތަނެއްވެސް ނޯވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރުބަކުރު

10 August 2023

ގޭގެއަށް ގޮސް ދިރިއުޅުމުގެ ހާލަތު ނުބަލާ ޝަރުތު ހަމަވާ ލިސްޓް އާންމު ކޮށްފަ ދެން މިއުޅެނީ ހާލަތު ބަލަން؟ މީ ކޮންވައްތަރު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

10 August 2023

ފުލެޓު ދޮންބެ ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު މެރިންބުޓިކް

10 August 2023

1981 ފެށިގެން މާލޭގަ މެރިންބުޓިކް، ޕޮޕުޖޯއި، ނިއުޕޯޓު ރެސްޓޯރަންޓުގަ އަކުރަމުމެންނާއެކީ ކައިބޮއެ އުޅުނު ކަމުގެ ކިތާބީ ހެކި ނެތިގެން އަޅުގަނޑަށް ފުލެޓެއް ނުލިބުނު.