"ގުޅުން ގާތަސް އިންޑިއާއިން އަބަދު އެހީއެއް ނުވެވޭނެ،" ގާސިމް ބޭނުންވަނީ ރާއްޖެއިން އަމިއްލައަށް ގޮތް ހޯދަން
އިންޑިއާ އިން ރާއްޖެއަށް ގިނަ އެހީތަކެއް ވަމުން އަންނަ ކަމަށާއި އެކަމަކު އެގައުމުގައި ވެސް "ބޯނެ ފެން ފޮދެއް ނެތިފައި" އެތައް މިލިއަން ބަޔަކު އެބަ ތިބި ކަމަށް ގާސިމް ވިދާޅުވި.
ޖުމްހޫރީ ޕާޓީން މާމިގިލީގައި ބޭއްވި ޖަލްސާގައި އެ ޕާޓީ ލީޑަރު ގާސިމް އިބްރާހިމް ވާހަކަ ދައްކަވަނީ.-- ފޮޓޯ: ޖޭޕީ
13 އޯގަސްޓް 2023 - 00:19
17 comments
އިންޑިއާއަކީ ރާއްޖެއާ ކިތަންމެ ގާތް ގައުމަކަށް ވިޔަސް ތާއަބަދު އެ ގައުމަށް ރާއްޖެއަށް އެހީތެރިކަން ނުވެވޭނެ ކަމަށާއި ދިވެހިން އަމިއްލަ ފައިމައްޗަށް ތެދުވަން ޖެހޭ ކަމަށް ޖުމްހޫރީ ޕާާޓީގެ ލީޑަރު އަދި އެ ޕާޓީގެ ރިޔާސީ ކެންޑިޑޭޓު ގާސިމް އިބްރާހިމް މިރޭ ވިދާޅުވެއްޖެ އެވެ.
އދ. މާމިގިލީގައި ޖުމްހޫރީ ޕާޓީން ބޭއްވި ޖަލްސާގައި ރާއްޖޭގެ ރައްކާތެރިކަމާއި ކަނޑު ބެލެހެއްޓުމުގެ މަސައްކަތަށް އެއާ ފޯސްއެއް ގާއިމުކޮށް، ކޯސްޓްގާޑުގެ ބަދަލުގައި ނޭވީއެއް އުފައްދަވާނެ ކަމަށް ގާސިމް ވިދާޅުވި އެވެ.
ރާއްޖޭގެ ކަނޑުގެ ސަރަހައްދު ބެލެހެއްޓުމަށް ޒަމާނުއްސުރެ އިންޑިއާއިން ދެމުންދާ އެހީތެރިކަމަށް އިޝާރާތްކުރައްވައި ގާސިމް ވިދާޅުވީ އެމަނިކުފާނު ގަބޫލުކުރައްވާ ގޮތުގައި ރާއްޖޭގެ ސަރަހައްދު ބެލެހެއްޓުމަށް އެހެން ބަޔަކާ ހަވާލުކުރަން ނުޖެހޭ ކަމަށެވެ. އަދި އިންޑިއާ އިން ރާއްޖެއަށް ގިނަ އެހީތަކެއް ވަމުން އަންނަ ކަމަށާއި އެކަމަކު އެގައުމުގައި ވެސް "ބޯނެ ފެން ފޮދެއް ނެތިފައި" އެތައް މިލިއަން ބަޔަކު އެބަ ތިބި ކަމަށް ގާސިމް ވިދާޅުވި އެވެ.
"އެހެން އެމީހުން [އިންޑިއާ] ތިބެގެން އަޅުގަނޑުމެންނަށް އަބަދާ އަބަދު ފޫވެއްޓިފައި އޮތް ފަޔަކަށް ފެންފުރާހެން އެކަންކަން ފުއްދައިދެވޭނެތޯ. ނުކޮށްދެވޭނެ ދެއްތޯ. ކިތަންމެ ލޯތްބެއް ވިޔަސް އަޅުގަނޑުމެންނާއި ކިތަންމެ ގާތް ގުޅުމެއް ބާއްވަން ބޭނުންވިޔަސް ތާއަބަދަކު އަޅައެއް ނުލެވޭނެ ދެއްތޯ،" ގާސިމް ވިދާޅުވި އެވެ.
ޖުމްހޫރީ ޕާޓީގެ ލީޑަރު ގާސިމް އިބްރާހިމާއި އަނބިކަނބަލުން އައިޝަތު ނަހުލާ-- ފޮޓޯ: ފަޔާޒު މޫސާ/ މިހާރު
ގާސިމް ވިދާޅުވީ އަބަދު މީހުންގެ ގައިގައި ލެނގިގެން ހުރުމުގެ ބަދަލުގައި އަމިއްލަ ފައިމައްޗަށް ދިވެހިން ތެދުވަން ޖެހޭ ކަމަށެވެ.
"އަޅުގަނޑުމެންގެ މައި ބުރަކަށީގައި ހުންނަންވާނެ އެ ބާރު، ނެތިއެއް އަޅުގަނޑުމެންނަކަށް ނޫޅެވޭނެ،" ކާބަފައިން ދެއްކެވި މިސާލަކީ އެއީ ކަން ފާހަގަކުރައްވައި ގާސިމް ވިދާޅުވި އެވެ.
މީގެ ކުރިން ޕީޕީއެމާއި އެމްޑީޕީއަށް ވެސް ވެރިކަން ހޯދައިދިނުމަށް އޭނާ މަސައްކަތް ކުރެއްވި ކަމަށާއި އެކަމަކު އޭގެ ނަތީޖާ ރައްޔިތުންނަށް ފެނިއްޖެ ކަމަށް ވިދާޅުވެ ގާސިމް ވަނީ ސަރުކާރުތަކަށް ވެސް ފާޑުވިދާޅުވެފަ އެވެ.
"އަޅުގަނޑުމެން ކޯލިޝަން ހަދައިގެން ދަނީ، އެކަމަކު ކަންކުރާ ގޮތް ވަގުތު ނަގާލަން ދެއްކުމުގެ މާނައެއް އެބަ އޮތްތޯ،" މި ސަރުކާރުގެ އެއް ކޯލިޝަން ލީޑަރު ކަމަށްވާ ގާސިމް ވިދާޅުވި އެވެ.
ގާސިމް ވިދާޅުވީ ސަރުކާރުތަކުން އުޅެނީ ވެރިކަމަށް އައުމަށް ފަހު "ބަގުޑި" ބެއްދުމަށް ކަމަށާއި އެކަމަކު އެމަނިކުފާނަކީ އެގޮތަށް މަސައްކަތްކުރައްވާނެ ބޭފުޅެއް ނޫން ކަމަށެވެ. އެމަނިކުފާނަކީ އަމިއްލަ އާއިލާ ބެލެހެއްޓުމުގެ ތަނަވަސް ބޭފުޅެއް ކަމަށާއި އެކަމަކު އަބަދުވެސް މަސައްކަތް ކުރައްވަނީ ރައްޔިތުންނަށް އިހުލާސްތެރި މަސައްކަތްތަކެއް ކޮށްދެއްވުމަށް ކަމަށް ގާސިމް ވިދާޅުވި އެވެ.
"އަޅުގަނޑު މިއުޅެނީ މި ދިވެހިރާއްޖެގެ ކޮންމެ މީހަކު ވެސް އަޅުގަނޑެކޭ އެއްފަދަ ތަނަވަސް މީހަކަށް ހަދައިދިނުމުގެ މަގްސަދުގައި."
އެހެންވެ ގާސިމް ވަނީ ކުޑަ ޕާޓީއެއް، ބޮޑު ޕާޓީއެއް ބެލުމުގެ ބަދަލުގައި ސެޕްޓެމްބަރު 9 ގައި އޮންނަ އިންތިހާބުގައި ރާއްޖެއަށް އެންމެ ބޮޑު ބަދަލެއް ގެނެސްދެވޭނެ ވެރިއަކު ހޮވުމަށް އެދިވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރުކޮށް
14 August 2023
ދިވެހިން ދަންނަން ޖެހޭނެ އެސްބީއައިއިން ލޯނު ނަގާއިގެން ގާސިމް ހުރިކަން
ލޮއްލަ
13 August 2023
"އަޅުގަނޑު މިއުޅެނީ މި ދިވެހިރާއްޖެގެ ކޮންމެ މީހަކު ވެސް އަޅުގަނޑެކޭ އެއްފަދަ ތަނަވަސް މީހަކަށް ހަދައިދިނުމުގެ މަގްސަދުގައި." ތަނަވަސް ކަމަކީ މީހަކަށް ދެވޭ އެއްޗެއްތަ؟ ނޫނީ މީހެއްގެ ބާރުގެ ދަށުގައި އޮންނަ އެއްޗެއްތަ؟ ތިހެން ދަމުން ކުފުރު ނުވާތި. މީހުންތައް ހަނދުބޮޑުވާ މޫސުން ލައިގަނެފި
ސިޔާސީމ
13 August 2023
ރިސޯޓަށް އާމްދަނީ ލިބެނީ ޑޮލަރުންނެވެ. ދައުލަތަށް ދައްކަންޖެހޭ ޓެކްސް ފައިސާ ދިވެހި ރުފިޔާއިން ދެއްކޭގޮތަށްހަދައި ބްލެކް މާކެޓްގައި ބޮޑުއަގުގައި ޑޮލަރު މާރުކޮށްފައި 15.42ރ ރޭޓުން ދައުލަތަށް ފައިސާ ދެއްކޭގޮތަށް އިބޫގެ ބޮލަށްވަދެގެން ހަދާފައިވަނީ ގާސިމާއި ޝިޔާމާއި ޖާބިރު ފަދަ މި ޤައުމަގެ ޣައްދާރުންނެވެ. ނަތީޖާއަކީ އާއްމު ރައްޔިތުމީހާއަށް 17.75ރ އަށްވެސް ޑޮލަރެއް ނުލިބުން. ރ ޔާމީން ދައުރުގައި 15.8ރ އަށް ބްލެކުން ޑޮލަރ ލިބުނު.
ސައި
13 August 2023
ޤާސިމް ތިދައްކަނީ ދެއުޅިއެއްނުވާ ވާހަކަ ފައިސާ ލިބޭނެ އިތުރު ވަބީލަތްތައް ޤައުމުގައި ނެތުމުން ބޭރު ޤައުމުތަކުން ފައިސާނަގައިގެން ތަރައްޤީކުރެވޭނީ އެހެންނޫނީ އިހުގެ މާޒީއަށް ރުޖޫޢަވާންވީ! ޤާސިމަށްވެސްއެގޭނެ މިޤައުމަކީ މަސްވެރިކަމާއި، ޓޫރިޒަމަށް ބަރޯސާވާގައުމެއްކަން. ކުދިކުދި ޖަޒީރާ ރައްތަކެއްގައި ބޮޑެތި އިންވެސްޓްކުރާނެ ބަޔަކު ނާންނާނެ! އާބާދީ މަދުވުން މިއީވެސް މަޝްރޫޢުތައް ހިންގަން އިންވެސްޓަރުން ނާންނަ އެއްސަބަބު މީޤަބޫލުކުރަންޖެހޭ ހަޤީގަތެއް!
ޑިމޮކްރަސީ
13 August 2023
އަސްލު ދިވެހިން މިފަހަރު ޤާސިމް ނަގަންޖެހޭ ޤާސިމް ކުރާ ވަޢްދުތަކުގެ ހުރި އިޚްލާސްތެރިކަން ބަލާލަންޖެހޭ
ބަޑިތަކުރު
13 August 2023
އަމިއްލަ ފައިމައްޗަށް ތެދުވަން ގޮވާލާއިރު، އެންމެ ބޮޑު މުސާރަ ލިބޭ މީހުންގެ މުސާރަ ދެގުނައާ ގާތަށްބޮޑުކޮށްފައި، ހުރިހާ ފްލެޓެއް ހިލޭދީފައި ދެންވެސް އެތައްކަމެއް ހިލޭ ކޮށްދީފައި އަމިއްލަ ފައިމައްޗަށް ގައުމު ތެދުވެ ހިންދެމިލެވޭނެ ފަންވަރެއް ދަރާވިކިފައިވާ މިރާއްޖޭގެ އިޤްތިޞާދުގައި އެބަހުރިބާވައެވެ. ވޯޓުހޯދަންވީމާ އުޑުން ތަރިތައްވެސް ބާލާނެއެވެ. މިވެރިންދައްކާ ވާހަކައިގެ އަވާގައި ނުޖެހި ކޮންމެ މީހަކުވެސް އަމިއްލަ ސިކުނޑިން ވިސްނަން ވެއްޖެއެވެ.
ޖެންޒީ
13 August 2023
ނޮޓް އިންޓަރެސްޓެޑް ދިސް އިޒް އިރާ އޮފް އޭއައި
ދިލް ދެކެ ދޭކޯ
13 August 2023
އިންޑިއާއިން އެއްވެސް އެހީ އެއްބޭނުމެއްނޫން. ހަމަ ގައިމުވެސް އަހަރެންގެ އުމުރުން 40އ. ދުވަހަކުވެސް އިންޑިއާ އަކަށް ނާރަން. އިންޑިއާ ބިހެއްނުކަން. ފިޔާ އަލުވި މިކަނީ ޕާކިސްތާންގެ. ހިންދީ ފިލްމެއްނުބަލަން . ބިރިޔާނީ ނުކަން. ބޭސްފަރުވާ މިކުރަނީ ބަންގާޅީން އަދި ނޭޕާލުން. މާބޮޑުތަނުން އަގޮހެޔޮ. އަދި ހިދުމަތުގެ ފެންވަރުވެސް މާރަގަޅު.
ކިރު ސައި
13 August 2023
ސިކުނޑީގަ ވިސްނުމެއް ނެތީމަ އުޅޭނީ ތިޔަހެން.
ގައުމީ
13 August 2023
ތާއީދު ކުރެވޭ ވާހަކައެއް އިންޑިއާގަ އެތައް ބައެއް ބަނޑަށް މަރުވަނީ... އަޅުގަނޑުމެން އެމީހުންނަށް ބަރޯސާވުން އެއީ މޮޔަކަމެއް
ބޭންކް
13 August 2023
އިންޑިއާ ބޭންކުން ނަގާފައިވާ އެންމެ ލޯނަކުން އިންޑިއާއިން މީނާ މައިތިރިކުރާނެ. ވެރިކަން ލިބެންދެން ދޫކޮށްލާފަ މިހުރީ. ދިވެހިންނޭ މޭމަތީގައި ބިދޭސީ ސިފައިން އައުޓް ޖަހަން ނުކެރުނު އެއްވެސް ބޭފުޅަކަށް ވޯޓް ނުދެއްވާ. ސަރުކާރު ކޯލިޝަން އެއްކޮށް ފޭލި. ހުސް ޣައްދާރުން.