މައިލޯ އެކަޑަމީ މުބާރާތް: ޗެމްޕިއަން ވެލެންސިއާ، މާޒިޔާ އާއި ޓީސީއާ އެއް ގުރޫޕަކަށް

ސޮކަ ވެޓަރަންސް އެސޯސިއޭޝަން އޮފް މޯލްޑިވްސްއިން ބާއްވާ މައިލޯ އެކަޑަމީ 12 އަހަރުންދަށުގެ މުބާރާތުގައި އެންމެ ފަހުގެ ޗެމްޕިއަން ވެލެންސިއާ، މާޒިޔާ އާއި ޓީސީ އާ އެއް ގުރޫޕެއްގައި ލައްވާލައިފި އެވެ.

މި މަހު 17-19 އަށް ބާއްވާ މުބާރާތުގެ ގުރު ނެގުން އިއްޔެ ވަނީ ބާއްވާފަ އެވެ. މުބާރާތުގައި 22 އެކަޑަމީ ވާދަ ކުރެ އެވެ.

ވެލެންސިއާ އާއި ވެލެންސިއާ އާއި މާޒިޔާ އަދި ޓީސީ އާއެކު ގުރޫޕް އީ ގައި ދެން ހިމެނޭ އެކަޑަމީތަކަކީ އޭފްއޭ، ޖޭފްއޭ އެކަޑަމީ އެވެ.

ގުރޫޕްތައް ބަހާލެވިފައިވާ ގޮތް

ގުރޫޕް އޭ: ރައްޒާގްބެ އެކަޑަމީ، ސުޕަ ޔުނައިޓެޑް ސްޕޯޓްސްގެ އެކަޑަމީ، ހައިވައިއެސްސީ، މޯލްޑިވްސް ސޮކަ މޭޓްސްގެ އެކަޑަމީ

ގުރޫޕް ބީ: ގްރީން ސްޓްރީޓް، އެމްއެސް ހެލްޕިން ހޭންޑް، ޔުނައިޓެޑް ވިކްޓަރީ، ވިލިމާލެ ޔުނައިޓެޑް

ގުރޫޕް ސީ: ކްލަބް އޭދަފުށި، އަލިކާ އެސް.އޭ، އަލީ އަޝްފާގް އެކަޑަމީ، ހުއްރިއްޔާ

ގުރޫޕް ޑީ: އީގަލްސް، އެޗްއެސްއެސް، ބީޖީ، އެފްއެފްއެފްއޭ، އީޓީއެފްއޭ،

ގުރޫޕް އީ: އޭއެފްއޭ، ޖޭއެފްއޭ، ޓީސީ، މާޒިޔާ، ވެލެންސިއާ

ސްކޫލްތަކަށް ހާއްސަކޮށްގެން މި އަހަރުގެ އޮކްޓޯބަރު މަހު ވަނީ ޖޫނިއާ މުބާރާތެއް ވެސް ތާވަލް ކޮށްފަ އެވެ. އެ މުބާރާތް ބާއްވާނީ ސްކޫލްތަކުގެ ގްރޭޑް 3 އަދި ގްރޭޑް 4 ގެ ކުދިންނަށެވެ. އުމުރުން 14 އަހަރުން ދަށުގެ ކުދިންނަށް ހާއްސަ އެކަޑެމީ މުބާރާތެއް ވެސް މި އަހަރުގެ ނޮވެމްބަރު މަހު ބޭއްވުމަށް ސޮކަ ވެޓަރަންސްއިން ވަނީ ނިންމައިފަ އެވެ. ރާއްޖޭގައި ޖޫނިއާ ފުޓްބޯޅަ އަށް ހާއްސަކޮށް އެންމެ ގިނަ ހަރަކާތްތައް ބާއްވާ އަމިއްލަ ފަރާތަކީ ސޮކަ ވެޓަރަންސް އެވެ.