ކެންސަ ސޮސައިޓީގެ އިލްތިމާސް: ކަސްރަތުކޮށް ހަރަކާތްތެރިވޭ!

ކެންސަރު ދުވަސް ފާހަަކުރަން މިއަދު ހެނދުނު ބޭްއްވި ޔޯގާ ހަރަކާތުގެ ތެރެއިން.-- ފޮޓޯ: ކެންސަ ސޮސައިޓީ

އާސިމާ ނިޒާރު، މިހާރު

04 ފެބުރުއަރީ 2017 - 17:25

ދުނިޔޭގެ ކެންސަރު ބަލީގެ ދުވަސް މިއަދު ފާހަގަކުރަމުން އަންނައިރު، ގަވާއިދުން ކަސްރަތުކޮށް ކެންސަރު ބައްޔާ ހަނގުރާމަ ކުރުމަށް ރާއްޖޭގެ ކެންސަ ސޮސައިޓީން އިލްތިމާސްކޮށްފި އެވެ.

ކެންސަ ސޮސައިޓީން ނެރުނު ބަޔާނެއްގައި ބުނީ އެ ސޮސައިޓީން މިހާރު އެންމެ ބޮޑަށް ބާރުއަޅަނީ އެ ބައްޔާ މެދު އާއްމުންގެ ހޭލުންތެރިކަން އިތުރުކޮށް، އެކަމާ މެދު އާއްމުން ދެކޭ ގޮތް ބަދަލު ކުރުމަށް ކަމަށެވެ. އެކަން ކުރުމަށް ކުޅިވަރުގެ ދާއިރާގައި ހަރަކާތްތެރިވާ ފަރާތްތަކާ ގުޅިގެން މަސައްކަތްތަކެއް ކުރަން ރާވާފައިވާ ކަމަށް އެ ސޮސައިޓީން ބުންޏެވެ.

ކެެންސަރު ބައްޔަށް މީހުން ހޭލުންތެރިކުރުވަން ކުޅިވަރު ޖަމިއްޔާ އަދި ޖަމާއަތްތަކާއި ކުޅުންތެރިން އަދި ކުޅިވަރުގެ ޝަހުސިއްޔަތުތަކާ ގުޅިގެން، "ކުޅިވަރުން ހިތްވަރުދިނުން" ޝިއާރުގެ ދަށުން ވަނީ ސޯޝަލް މީޑިއާ ކެމްޕެއިނެއް ހިންގަން ނިންމައިފަ އެވެ.

"... އަމިއްލަ ފަރުދުންނަށް ބާރު މި އަޅަނީ ހެލިފެލިވެ އުޅެ، ކެންސަރު ބަލި ނައްތާލުމުގެ މަސައްކަތުގައި ބައިވެރިވެ ވަޑައިގަތުމަށެވެ،" ކެންސަ ސޮސައިޓީގެ ބަޔާނުގައި ބުންޏެވެ.

އެ ސޮސައިޓީން ބުނީ ދިރިއުޅުމުގެ އާދަކާދަ ރަނގަޅު ގޮތުގައި ބައްޓަން ކުރުމުން ކެންސަރު ބަލި ޖެހޭ މިންވަރު ތިން ގުނަ އަށް ކުޑަ ކުރެވޭ ކަމަށެވެ. އަދި ކަސްރަތު ކުރުމަކީ ވެސް، ކެންސަރު ބަލިން ރަނގަޅުވެފައިވާ މީހުން އެ ގޮތުގައި ދެމިތިބުމަށް ބާރުއަޅާ ކަމެއްކަން އެ ޖަމިއްޔާ އިން ފާހަގަކުރި އެވެ.

ކެންސަރު ބަލީގެ ދުވަހާ ގުޅުވައިގެން ކެންސަ ސޮސައިޓީން އަންނަނީ ގިނަ ހަރަކާތްތަކެއް ހިންގަމުންނެވެ. އެ ގޮތުން، މިއަދު ހެނދުނު ޔޯގާގެ ހަރަކާތެއް ކުރިއަށް ގެންގޮސްފައި ވާއިރު، މިއަދު ހަވީރު ކުޅިވަރު އެސޯސިއޭޝަންތައް ގުޅިގެން ހެންވޭރު ދަނޑުގައި ކުޅިވަރު ފެސްޓިވަލެއް ބާއްވަން ވަނީ ނިންމައިފަ އެވެ.

ކެންސަ ސޮސައިޓީ އަކީ ކެންސަރު ބައްޔަށް އާއްމުން ހޭލުންތެރިކުރުވަން 2012 ގައި އުފެއްދި ޖަމިއްޔާ އެކެވެ. އެ ޖަމިއްުޔާ އިން އަންނަނީ ކެންސަރު ބަލީގެ ތަފާސްހިސާބުތައް އެއްކޮށް، އެ ބަލި ޖެހިފައިވާ މީހުންނަށް އެހީތެރިކަން ފޯރުކޮށްދެމުންނެވެ.

ކެންސަރު

5 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖާބިރު

05 February 2017

ކެންސަރު ނުވަތަ ބްލެކް މެޖިކް ޖެހެން ބޭނުން ނަމަ ކަނޑުމަހާ އެއްގަމު މަސް ގިނައިން ކާންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަރީފް

05 February 2017

ޑާރކް އެނަރޖީ އަކީ ވެސް ކެންސަރު ޖައްސާ ނިޒާމެއް. މި އެނަރޖީ އުފެދެނީ އަހުލާގު ދަށްވީމަ..މީހުންނާ ބޭ އަދަބީ ގޮތުން މުއާމަލާތް ކުރީމަ. އަސުރުގެ ފަހުން ސައިބޮއި ސޯޝަލައިޒް ކުރުމަކީ ޑާރކް އެނަރޖީ އުފެދޭނެ ކަމެއް. ސައި ހޮޓަލެއް ބަލާބަލަ، އެންމެ ހަޑި ހުތުރު ބަހުން މުޢާމަލާތް ހިނގާނީ މިގަޑީގަ. ދީނުގަ މި ވަގުތުކީ ޒިކުރު ކުރަން ހަމަޖައްސަވާފަ އޮތް ވަގުތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

04 February 2017

ބަލަ ބައިސްކަލް ރޭސް ގަވާއިދުން ދެއްވާ އޭގެ ޗެމްޕިއަންކަން ހޯދަމުން ދަނިކޮށް ނޫންތޯ ލަންގްކެންސަރޖެހި ފަރުވާކުރީ ،،،، އަމްދުން އޭނާޔަކީ ސިގިރޭޓްބޯ ނޫނީ ރާބޮއެ އުޅޭމީހެއްވެސް ނޫން ،، ކެންސަރުއަކީ ކަސްރަތުނުކޮއްގެން ޖެހޭ އެއްޗެއްނޫން ،،، ކޭންބުއިމުގެ އާދަތަށް ގެންގުޅޭ ގޮތުންނާއި މިހާރު ހުންނާ އާރޓިފިޝަލް ސާމާނު ކައިގެން ބޮޑަށް އޭގެ އަސަރުކުރަނީ ،، މީ 10 އަހަރުވަންދެން ޕްރޮފެސަރުންތަކެށް ކުރި ދިރާސާ " ދަ ޗައިނާ ސްޓަޑީ " އިން އެންގެން އޮތް މައުލޫމާތަކީ ،، އަދި މިދާކަށް ދުވަހު ބަޔަކު ހޯދިހޯދުމަކުން އެނގުނީ ވާރޖިން އޮލިވްއޮއިލް ބޭނުންކުރާ މީޙުންނާ މިބަލި ދުރުކަމުގައި ،،،، އޭގައި ހިމެނޭ މާއްދާއަކުން އެބަލިޖެހުމާޢި ދުރުކުރާކަމުގައި ،،،، މިހެންބުނާއިރު ދުނިޔޭގެ ބާޒާރުގައި އެންމެ ގިނަފޭކް ހަދާ އެކައްޗަކީ އޮލިވްއޮއިލްކަމަށް ވަނީ ،، ވީމާ އޭގެ ރަގަޅު އޮރިޖިނަލް ހޯދައިގެން ދުވާލަކު 2 ސައިސަމްސާ ބޯލީމައި އެނުރައްކަލުން ސަލާމަތްވެދާނެ ކަމަށް ދިރާސާތަކުން ދައްކާ ،،،، މިހެންބުނިޔަސް ހުރިހާ މުސީބާތްތަކުން ސަލާމަތް ވާން ގަދަކީރިތި ވަންތަ ﷲއަށް ދުއާކުރުމަކީ ކޮންމެހެންވެސް ކުރަންޖެހޭކަމެށް ،،،، އޮލިވްއޮއިލްއާޢި ހުރިހާ އެއްޗެއްގާ ޝިފާ ލެއްވެވީވެސް ހަމަ އެފަރާތުން ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަމެއްގައި ހުންނަ ޖަމިއްޔާތަށް

04 February 2017

ދިމދިމާލުން ފަންޑު އޮހި އޮހި ހުންނަ ކުއްލި ކުއްލި އަށް ހޭލާ ޖަމާޢަތް ތަކުގެ ވެރިންނޭވެ! ހަމަ ތިބެލާފައި ދަމަކުން ބަޑިއެއް ޖަހާހެން ނޫހުގެ ފަލަ ސުރުޚީއަށް އަރާލުމަކުން ނުފުދެއެވެ. ކަމެއް ކުރަންޏާ ރަނގަޅު ގޮތުގައި ކުރާށެވެ. ނުވަތަ ޖެނުއިން ފެކްޓާއި އެކުގައި ރައްޔިތުންނަަށް'ކެނޑިނޭޅި މެސެޖް ޕާސް ކޮށްދޭށެވެ. ސިޔާސީ އޮއިވަރުގައި ޖެހިފައިވާ މުވައްސަސާތަކާއި ޖަމާއަތް ޖަމާއަތް ތަކުގެ ވެރިންވެސް މިވާހަކަތައް އަޑުއަހާނެ ނަމައެވެ.