އިންތިހާބުގެ ފުރަތަމަ ބުރުގެ ވޯޓުގެ ކުރިން ރައީސް އައްޑުއަށް ވަޑައިގަތުމުން މަރުހަބާ ކިޔަނީ: ކެމްޕޭން ނިންމާލެއްވުމުގެ ކުރިން އައްޑޫގެ އިތުރުން ފުވައްމުލަކާއި ތިނަދުއަށް ވެސް ވަޑައިގަތުމަށް ރައީސް ވަނީ ނިންމަވާފައި.
27 ސެޕްޓެމްބަރ 2023 - 07:19
40 comments
ތަރައްގީގެ މައި ހަބެއްގެ ގޮތުގައި ކުރިއަރުވައި ތަރައްގީކުރަން ގިނަ ވައުދުތަކެއް ފުރަތަމަ ބުރުގައި ވެވަޑައިގެންފައިވާ އައްޑުއަށް އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހިމް މުހައްމަދު ސޯލިހް ރޭ ވަޑައިގެންފި އެވެ.
ފުރަތަމަ ބުރަށް ފަހު, ކެމްޕޭނަށް މާލޭގައި މަޑުކުރެއްވުމަށް ފަހު އައްޑުއަށް ރޭ ވަޑައިގަތީ ދަންވަރު ފްލައިޓުގަ އެވެ. މާލޭގައި ރޭ ބޭއްވި ޖަގަހަ ޖަލްސާ ނިންމަވާލައްވައި އައްޑުއަށް ވަޑައިގެން އިރު، އައްޑޫގެ ކެމްޕޭން ޓީމްތަކާ މިއަދު ބައްދަލުކުރެއްވުމަށް ފަހު ފުވައްމުލަކަށް ވެސް ވަޑައިގަންނަވާނެ އެވެ.
ތިން ވަނައަށް ވަޑައިގަތުމަށް ނިންމާފައިވަނީ ގދ. ތިނަދުއަށެވެ.
ރައީސް ރޭ އައްޑުއަށް ފުރާވަޑައިގަންނަވަނީ. -- ފޮޓޯ | އެމްޑީޕީ
ރައީސް މި މަހުގެ 7 ގައި ވެސް އައްޑުއަށް ވަޑައިގަތެވެ. އެ ދަތުރުފުޅުގައި، އައްޑޫގެ ބިން ހިއްކުމުގެ މަޝްރޫއުގެ ނިމުން ފާހަގަކުރެއްވުމާ އެކު ދެން އޮތް ދައުރުގައި ވެސް އެ ސިޓީއަށް ކޮށްދެއްވާނެ ކަންކަން ހުށަހެޅުއްވި އެވެ. އޭގެ ތެރޭގައި ހުރިހާ މަގެއް ޒަމާނީ ފެންވަރަށް ހެދުމާއި 1،000 ހައުސިން ޔުނިޓް ތަރައްގީ ކުރުމާއި ހޮސްޕިޓަލް ތަރައްގީކުރުމާއި ޒަމާނީ ވިޔަފާރި ހަބަކަށް އައްޑޫ ހެދުން ހިމެނެ އެވެ.
މާލޭގައި ރޭ ބޭއްވި ކެމްޕޭން ޖަލްސާގައި ރައީސް ވިދާޅުވީ ފުރަތަމަ ބުރުގައި 170 އަށް ވުރެން ގިނަ ރަށަށް ވަޑައިގަތުމަށް ފަހު ދެވަނަބުރުގައި މާލޭގައި މަޑުކުރައްވައި ވޭތުވެދިޔަ ދެ ހަފުތާއެއްހާ ދުވަހުގެ ތެރޭގައި ގިނަ މަސައްކަތްތައް ކުރެއްވިފައިވާ ކަމަށެވެ. ވަކިވަކިން އެކި ދާއިރާތަކުގެ މީހުންނާ ބައްދަލުކުރައްވައި އެ މީހުންގެ ވާހަކަތައް އަޑުއެއްސެވުމަށް ފަހު ވަގުތުން ހައްލު ހޯދައިދޭން ޖެހޭ ކަންކަމަށް ހައްލުތަކެއް ގެންނެވި ކަމަށް ވިދާޅުވި އެވެ.
ރައީސް ވިދާޅުވި ގޮތުގައި ފުރަތަމަ ބުރުގައި ނުވިސްނި ދިޔަ ކަންކަން ރަނގަޅުކޮށް, އެ ބައްދަލުވުންތަކާއި ކުރެވުނު މަސައްކަތުން މި އިންތިހާބު ކާމިޔާބު ކުރެއްވޭނެ ކަމުގެ ޔަގީންކަން ބޮޑެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރުންކުރު
27 September 2023
މި ފަހަރުގެ އިންތިހާބުގައި އަޖުމަ ބަލާލުމުގެ ގޮތުން އެހެން މީހަކަށް ވެރިކަން ހަވާލުކުރުމަކީ ތަރައްޤީއަށް ސީދާ ނޫނެކޭ ބުނުން. މިހާރު ކުދި އަދި ބޮޑެތި ރަށްރަށަށް ގެނެސްދީފައިވާ ތަރައްޤީ އިތުރު ހަރުފަތަކަށް ގެންދަން ދެވަނަ ފަހަރަށްވެސް އިބޫ ހޮވަން އެބަޖެހޭ. އެހެން ނޫނީ ކުދި އާބާދިތައް މަތިން ހަނދާން ނެތި ތަފާތުކުރުން އަލުން އަނބުރާ އިޔާދަވާނެ. އެންމެންގެ ތަރައްޤީއަށް ނަންބަރު 3 އަށް ވޯޓު ދެއްވާ. އެއްގޮތަކަށްވެސް މާޔޫސްވާކަށް ނުޖެހޭނެ.
މަހިނޫރު ދޯކާ
27 September 2023
ބޮޑު ފަޅިއައް މިޔޮއްގިނަވަނީ އިބޫ. މާޒީގަ ނުވާކަހަލަ ކަންތައް އެބަވޭ އެމްޑީޕީގެ ކައުންސިލް މެންބަރުން ގިނައިން ބަދަލު ވުން. ހަމަ ގައިމު ވެސް އަންނި ބާރުއޮތް ޒަމާނަކު ނުވޭ މިހިނެއް
ސޯބެ
27 September 2023
އިބޫ ރޭގަނޑު އައްޑޫއައް ދިއުންވެސް ބުނެވިދާނެ ތާއިދު ނެތީމައޭ ވެސް
ވީއާ އައްޑޫ އަންސް
27 September 2023
5 އަހަރު މިޖިލިހާ ހުރިހާ ބާރެއް ދިނީމަ އައްޑޫއައް އެއްކަމެއް ވެސް ނުކޮއްދީ އިންތިހާބައް 2 ދުވަސް ވީމަ ގޯތި ލިސްޓެއް ނެރުނީ. މިކަހަލަ ކޮރަޕްސަން ހިންގަން އިބޫއައް އިނގޭނީ 2018 ވައުދުވި އެއްކަމިސް ނުކޮއްދޭ އައްޑޫ ރައްޔިތުންނައް ދޯ އިނގޭނީ
ވީއާފޯ
27 September 2023
އައްޑޫއިންވެސް ހިލޭ ލޮލުގެ ނަމްބަރު ނެގޭނެ. އަދި އާސަންދައިން އައިނުވެސް ހެއްދޭނެ.
އަސްލު މީހުން
27 September 2023
އިބޫ ބުނީ ރާއްޖެ ތެރޭ މީހުން ދޯކާ ދިނީޔޭ އެހެން ކިޔާފަ ދިޔައިމަ މަމެންގެ ހިތެއް ހެޔޮނުވާނެ
އޮނަރަބްލް އަފީފު ދީދީ
27 September 2023
ވެެެރިކަންހޯދަން ވިއްކި މެނިފެސްޓޯގައި ނުވެސްނެތް "ތިލަމާލެ ބުރިޖް" ހަދަން ދައުލަތް ދަރަނިކޮށްނެގި 800މ ޑޮލަރަކީ ކ.އަތޮޅު މާލެއަށްވުރެން ރަނގަޅު ސިޓީއެއްގެގޮތަށް އައްޑޫ ތަރައްޤީކުރެވިދާނެ ފައިސާ. # ކޮންމެފަހަރަކު "ވެރިކަން ބޭނުންވުމުން" އައްޑޫސިޓީ ތަރައްޤީނުކޮށް ރާއްޖެ ތަރައްޤީނުކުރެވޭނެކަމަށާއި، ކ.އަތޮޅު މާލޭގެ ތޮއްޖެހުމަށާއި، ގޯތިގެދޮރުގެމައްސައަށްވެސް ހައްލުހޯދޭނީ އައްޑުއަށް ކުރިއެރުމާއި ވަސީލަތް ހޯދާދީގެންކަމަށް ބުނަނީ މަލާމާތް ކުރަންތޯ؟
ހަރުމީލް
27 September 2023
ނިކަމެތި ރަތްޔެތުން ގެދޮރު އެޅުމަށް ބެންކުތަކުން ނަގައިފައޮތްލޯނު މާފް ކޮއްދިނުން ވަރަށްބޮަޑަށްރައީސް އަރިހުންއެދެން އަޅުގަނޑުމެންނަށް އަޑުއިވެނީ ރިސޯޓް ތަކުގެ މަހުޖަނުން ނުވަތަ ބިލިއަނަރުން ސަރުކާރަށް ދައްކަންޖިހޭ ފައިސާތައް މާފް ކޮއްދޭވާހަކަ އެހެންވީމަ އަޅުގަނޑުމެންގެ ލޯނު ވެސް މާފް ކޮށްދިނުންކީއްތޯވާނީ ވޯޓް ދޭންތިބީ އޅުގަނޑުމެން ނިކަމެތިން
ޗަރުކޭސް
27 September 2023
އުފައްދަންބުނި ހައުސިންގް ބޭންކަށް ތިފަދަ ހުރިހާ ލޯނެއް ބަދަލުކޮށް އިސްލާމިކް ފައިނޭންސްގެ ތެރެއިން ލޯނު ލިބިގެންދާނެގޮތެއް ހަމަޖެހޭނެކަމަށް އުއްމީދުކުރަން.
ދެއިރު ދެއަމާޒް
27 September 2023
މިހާރު އިތުރަށް ގޯސް ވަނީ އެއްކޮޅުން މާލެ އަނެއްކޮޅުން އައްޱޫ މިވަރުން ދިވެހި ރައްޔިތުންނައް އެބައިނގޭ ތިޔައީ އަދުލުވެރި ރައީސެއްނުންކަން ހަމަހަމަކަމާ އިންސާފެއްނެއްކަން. އައްޱޫ މީހުން ބޭނުންވަނީ ހަމަހަމަކަމާ އިންސާފު ޤައުމުގެ ހުރިހާ ރައްޔިތުންނައް ލިބޭން ތަފާތުކުރުމެއްނެތި.
ބަލިމީހާ
27 September 2023
ފުރަތަމަ " ޑ " ލިޔަން ދަސްކޮށްބަލަ.
ޕޮއިންޓް އޮފް ނޯ ރިޓަރން
27 September 2023
މުއިއްޒު ކަންކަންކޮއްފައިވާ ގޮތަށް ބަލާ، ސިޓީކައުންސިލް އުވާލީ، ކޮންޓްރެކްޓަރުން ބަލަހައްޓާ ޑިޕާޓްމަންޓް އުވާލީ، އެއްޗެކޭ ހީވެސްނުކޮށް ފޮރުވިފައިވާ ލިސްޓަކަށް ފްލެޓްތައް ބަހާލީ، ދެން މިހާރު އެންމެ ބޮޑު ވައްކަން ކޮށްފަހުރި މީހާ ކުރިއަށާއި ފަހަތައް ލައިގެން ހިންދޫން ހަދާހެން އޭނާއަށް ގޮނޑިއެއްބައިންދާ އޭނާ އެއީ ސްޕިރިޗުއަލް ލީޑަރަށް ހަދައިގެން އެކެންޕޭމްކުރަނީ. އަދިވެސް ދިވެހިން ޤަބޫލުކުރަނީ، މިނޫންގޮތެއް ވާނެކަމަށްތަ މީނާ ވެރިކަމަށް އައިސް؟
ހައަސްލު ވެސް
27 September 2023
ސިޓީކައުންސިލް އުވާލީ، ކޮންޓްރެކްޓަރުން ބަލަހައްޓާ ޑިޕާޓްމަންޓް އުވާލީ، އެއްޗެކޭ ހީވެސްނުކޮށް ފޮރުވިފައިވާ ލިސްޓަކަށް ފްލެޓްތައް ބަހާލީ ކަމައް ތިބުނަނީ އަދި މުއީޒު ވެރިކަމެއް ނުކުރޭ ކުރިނަމަ ތިހެން ބުނެވޭ ނީ
ސިލްމާ ޒާހިރު
27 September 2023
އޯގާތެރި ރައީސްތޯ އަނިޔާއަށް އަތްޖައްސަވާ ބޮޑެތި ވައްކަމުގެ ބައިވެރިއެއްތޯ؟ އަޅުގަނޑުގެ ވޯޓް އިބޫއަށް!
އޯގާތެރި މީހާ
27 September 2023
އޯގާ ތެރިވަނީ ސަރުކާރު ކުންފުނިތައް ބޭނުންކޮއްގެން ކޮރަޕްޝަން ހިންގާ އިންތިހާބައް ނުފޫޒު ފޯރުވީމަތޯ