ދެ ވަނަ ބުރުގެ ގޯތި/ފްލެޓްތައް ލިބޭ މީހުން ދައުރު ނިމުމުގެ ކުރިން ކަނޑައަޅާނެ: އަކްރަމް

ވިނަރެސް ފްލެޓުގެ ތަޅުދަނޑި ހަވާލުކުރަން ބޭއްވި ރަސްމިއްޔާތުގައި ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވާހަކަދައްކަވަނީ-- ފޮޓޯ: ފަޔާޒް މޫސާ / މިހާރު

އާސިމާ ނިޒާރު، މިހާރު

30 އޮކްޓޯބަރ 2023 - 13:43

37 comments

މި ސަރުކާރުން ހުޅުވާލި ގެދޮރުވެރިޔާ އާއި ބިންވެރިޔާ ސްކީމްގެ ދެ ވަނަ ބުރުގައި ފްލެޓާއި ގޯތި ލިބޭ މީހުންގެ ލިސްޓް، މި ވެރިކަން ނިމުމުގެ ކުރިން އިއުލާން ކުރާނެ ކަމަށް ހައުސިން މިނިސްޓްރީން މިއަދު ބުނެފި އެވެ.

ދެ ވަނަ ބުރުގެ ގޯއްޗާއި ފްލެޓަށް ކުރިމަތިލުމަށް ހުޅުވައިލި މުއްދަތު މިދިޔަ ހަފުތާގެ އަންގާރަ ދުވަހު ހަމަވިއިރު 40،000 އަށް ވުރެ ގިނަ މީހުން ކުރިމަތިލި އެވެ. ފްލެޓަށް 21،247 މީހުން އަދި މާލެ ސަރަހައްދުން ގޯތި ހޯދަން 19،347 މީހުން ކުރިމަތިލާފައިވާ ކަމަށް އެ މިނިސްޓްރީން ބުނެފައި ވެ އެވެ.

ނަމަވެސް މިހާރުގެ ރައީސް އިބްރާހިމް މުހައްމަދު ސޯލިހުގެ ފަސް އަހަރުގެ ދައުރު އަންނަ މަހުގެ 17 އަށް ހަމަވާއިރު، ގެދޮރުވެރިޔާ އަދި ބިންވެރިޔާގެ ސްކީމްގެ ދެ ވަނަ ބުރުގެ ފޯމުތަކަށް ހަދާނެ ގޮތެއް މި ސަރުކާރުން ކުރިން ހާމަކޮށްފައެއް ނުވެ އެވެ.

އެކަމަކު، ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން "މިހާރު" އަށް މިއަދު ވިދާޅުވީ ފްލެޓާއި ގޯއްޗަށް ކުރިމަތިލި މީހުންގެ ފޯމުތައް މި ދައުރު ނިމުމުގެ ކުރިން ޕްރޮސެސްކޮށް ނިންމާނެ ކަމަށެވެ.

އެ އަށް ފަހު، ފްލެޓާއި ގޯތި ލިބޭ މީހުން މި ދައުރު ނިމުމުގެ ކުރިން އިއުލާން ކުރާނެ ކަމަށް އަކްރަމް ވިދާޅުވި އެވެ.

މި ފަހަރު ގޯއްޗަށް ކުރިމަތިލެވޭ ޝަރުތެއްގެ ގޮތުގައި ކަނޑައެޅީ މާލޭގެ ރަށްވެއްސަކަށް ވުމާއި މާލޭގައި ދިރިއުޅޭތާ 20 އަހަރަށް ވުރެ ގިނަ ދުވަސް ވުމެވެ. މާލޭގައި ދިރިއުޅޭތާ 15 އަހަރަށް ވުރެ ގިނަ ދުވަސްވެފައިވާނަމަ ފްލެޓަށް ކުރިމަތިލެވުނެވެ.

ސަރުކާރުން އަންނަނީ ފްލެޓުގެ ފުރަތަމަ ބުރަށް ޝަރުތު ހަމަވާ މީހުންނަށް ވެސް ލިޔުން ދިނުމުގެ މަސައްކަތް ކުރަމުންނެވެ.

އަކްރަމް ވިދާޅުވީ ހުޅުމާލެ 2 ގައި މިހާރު އިމާރަތްކުރަމުން އަންނަ 4،000 ފްލެޓު ލިބޭ މީހުންނަށް އަންނަ އާދިއްތަ ދުވަހުގެ ކުރިން ލިޔުން ދޭނެ ކަމަށެވެ.

އަންނަ މަހުގެ 17 ގައި ވެރިކަމާ ހަވާލުވެވަޑައިގަންނަވާ ޑރ. މުހައްމަދު މުއިއްޒު ވިދާޅުވެފައި ވަނީ މި ސަރުކާރުގެ ގެދޮރުވެރިޔާ އާއި ބިންވެރިޔާ ސްކީމްގެ ފުރަތަމަ ބުރާއި ދެވަނަ ބުރުގައި ގޯއްޗާއި ފްލެޓަށް އެދި ހުށަހެޅި މީހުންގެ ފޯމުތައް ބާތިލް ނުކުރައްވާނެ ކަމަށެވެ.

ބޯހިޔާވަހިކަން ފްލެޓް ސްޓޭޓް މިނިސްޓަރު އަކްރަމް ކަމާލުއްދީން ހައުސިން، ލޭންޑް އެންޑް އާބަން މިނިސްޓްރީ

37 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙައްޖު

01 November 2023

ޙާލަތު ނުބަލާ ކިހިނެއް ތިކަން ތިހެން ކުރާނީ، ތިއުޅެނީ ޕާޓީ ކުދިންނަށް ހަދިޔާ ބަހަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތް

31 October 2023

ފްލެޓްއަޅަން ބަޔަކާ ހަވާލުކޮށްފަ އޮއްވަ ވެރިކަން ބަދަލުކޮށްފަ ހަޅޭލެވިޔަކަސް ނުވާނެ. 2 އަހަރު ކޮވިޑްގަ. 3 އަހަރުން 13000 މީހުންނަށް ފްލެޓް ނުދެވޭނެކަން ހަޅޭލަވާ ބަޔަކަށް އެނގެންވާނެދޯ. ފުުރުސަތުދިންނަމަ ހަޅޭލަވާކަށް ނުޖެހުނީސް. ދެން އިންތިހާބްކުރި ރައީސް ވައުދުވިގޮތަށް ތިކަންކޮށްދޭން ދަންނަވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަސްބައި

31 October 2023

13 ހާސް މީހުންނަށް ލިޔުން ނުދީފިނަމަ ކުރިއަށް އޮތް އިނތިހާބްގަ ވޯޓްވެސް ދޭނެކަމެއްނެތް. ބަލާ މިމީހުން ރައްޔިތުން ގުނބޯހއްދައިގެން އޮޅުވާލިވަރު ޝަރުތުހަމަވާ އެންމެންނަށް ފްލެޓް ލިބޭނެކަމަށްބުނެ . 4 ހާސް މީހުންނަށް އެކަނި ލިޔުންދީފިނަމަ ބާކީ 9 ހާހުގެ ވޯޓު ހަރާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯޓުހޯދަންނުގުޅާތި

30 October 2023

ނުހިއްކާ އޮތް ބިންތަކުން ގޯތި ލިބޭނޭ ބުނެ ރެޖިސްޓްރީ އެބަ ބަހާ. އެހެންކަމަށްވާނަމަ 13 ހާސް މީހުނަށް ފްލެޓް ލިޔުންވެސް ދޭންޖެހޭނެ. ނުދީފިނަމަ ކޯޓަށް ދާންވީ. ވޯޓުކުރިން ގުނބޯ ހެއްދީތީ ބާކީ 9 ހާސް މީހުންގެ ވޯޓު ހަރާމުން ހަރާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަހަނބު

31 October 2023

ކުރިއަށް އޮތް މަޖްލިސް އިންތިހާބަގައި ބާކީ ތިބި އެންމެންގެ ވޯޓު ހަރާމް އެމްޑީޕީއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުމްރު

30 October 2023

13 ހާހުން 4 ހާސް މީހުންން ލިޔުންދިނީމައި ކޮން އިންސާފުވެރިކަމެއް އޮންނާނީ. ދެންބާކީ ތިބި 9ހާސް މީހުންނަށް ލިޔުންނުދީފިއްޔާ ކޯޓަށްދާންވީ . ކީއްކުރަން ވޯޓުކުރިން ރައްޔިތުން ގުނބޯހެއްދީ ޝަރުތުހަމަވާ އެންމެނަށް ފްލެޓް ލިބޭނެކަމަށް ބުނެ