އިމާރާތް ކުރަމުން އަންނަ 4000 ފްލެޓު: މި ފްލެޓު ލިބޭ މީހުންގެ ދާއިމީ ލިސްޓު ވަނީ މިރޭ އާންމުކޮށްފައި-- ފޮޓޯ:ފަޔާޒް މޫސާ/ މިހާރު
15 ނޮވެމްބަރ 2023 - 20:07
ގެދޮރުވެރިޔާ ސްކީމުން ފުރަތަމަ 4،000 ފްލެޓު ލިބޭ މީހުންގެ ދާއިމީ ލިސްޓު އާންމުކޮށް، ފްލެޓު ދޫކުރާ އަގުތައް މިރޭ އާންމުކޮށްފި އެވެ.
މިނިސްޓްރީން މިރޭ ގެޒެޓު ކުރި އިއުލާނުގައި ބުނީ ދާއިމީ ލިސްޓު އެކުލަވާލީ ގެދޮރުވެރިޔާ ސްކީމަށް ފޯމު ހުށަހެޅި ފަރާތްތަކުގެ ތެރެއިން ދާއިމީ ލިސްޓަށް ހުށަހެޅި ޝަކުވާތަކަށް ބެލުމަށް ފަހު ކަމަށެވެ.
ލިސްޓަށް އައިސްފައިވާ ބަދަލާއެކު ފުރަތަމަ ބުރުގައި ތިން ކޮޓަރީގެ ފްލެޓު ލިބޭ 76 އިން ފެށިގެން މަތިން މާކްސް ލިބިފައިވާ ފަރާތްތަކަށް ފުލެޓް ނެގުމަށްފަހު ބާކީވާ ފުލެޓްތައް، 75 މާކްސް ލިބިފައިވާ ފަރާތްތަކުގެ ތެރެއިން ގުރުއަތަކުން ހޮވޭ ބަޔަކަށް ލިބޭނެ ކަމަށް އިއުލާނުގައިވެ އެވެ.
ދެ ކޮޓަރީގެ ފުލެޓުތައް ހަމަ ދިނުމަށް ހަމަޖެހިފައިވަނީ 73 އިން ފެށިގެން މާތިން މާކްސް ލިބިފައިވާ ފަރާތްތަކަށެވެ.
ގެދޮރުވެރިޔާ ފްލެޓުތަކުގެ ތިން ކޮޓަރީގެ ފްލެޓެއްގެ އަގަކަށް ކަނޑައަޅާފައިވަނީ މެއިންޓެނަންސް 1000ރ. ގެ ފީއާއެކު 8000ރ. އެވެ. އަދި ދެ ކޮޓަރީގެ އަގަކީ މެއިންޓެނަންސް ފީއާއެކު 6000ރ. އެވެ.
އިއުލާނުގައިވާ ގޮތުން ކުލަ ނަގަން ހަމަޖެހިފައިވަނީ ފްލެޓު ހަވާލުކުރާޔާ ތިން މަސް ދުވަހަށް ފަހުގަ އެވެ. ޖުމްލަ 300 މަސް ދުވަހަށް ކުލި ދައްކަން ޖެހޭނެ އެވެ.
ގެދޮރުވެރިޔާ ސްކީމަށް ފޯމު ހުށަހަޅާފައިވާ ފަރާތްތަކުގެ ތެރެއިން ދެމަފިރިން ފުލެޓް ލިބުމަށް ހޮވިފައިވާނަމަ ފުލެޓް ލިބޭނީ ދެމަފިރިންނަށް އެއް ފުލެޓް ނުވަތަ ދެމަފިރިންގެ ތެރެއިން ކަނޑައަޅާ އެއްފަރާތަކަށް އެއް ފްލެޓު ކަމަށް ވެސް އިއުލާނުގައިވެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ދޮގުއަކުރަމް
15 November 2023
ޝަކުވާ ހުށައަޅަން ހުޅުވާލަނީއޭ ކިޔާފަ ފޯމްތަށް ބަލާވެސް ނުލާ ހުރިގޮތަށް ބަހައްޓާފަ ދާއިމީބލިސްޓް ނެރެ ގުރުއަތު ނެގީ ވައްކަން ކުރަމުން މިދަނީ ނިމިނިމި އޮއްވަވެސް. ސަރުކާރަކުން މި ފުލެޓްތައް ދިނަސް މި ދިފަމިހިރީ އިންސާފުންތޯ ބެލުން އެއީ ދެން އަންނަ ސަރުކާރަކުން ކުރަންޖެހޭނެ ކަމެއް. މިކަން ރައީސް މުއިއްޒު ކޮށްދެއްވާނެ ކަމަށް އުއްމޫދުކުރަން.
ސޮހޮލޭ
15 November 2023
ދެމަފިރިންނަކީ ވެސް ޕާޓީ ނުވަތަ ބޭފުޅުންނާއި ގާތްކަމެއް އޮންނަ ބައެއްނަމަ ލިބުނު ދެފްލެޓްގެ އިތުރައް އަދި އެމީހުންގެ ދަރިޔަކު ނުވަތަ ލޯބިވެރިޔަކު ހުރިނަމަ އެމީހަކައްވެސް ފްލެޓް ލިބޭނެއެވެ
އާދޭސް
15 November 2023
ވިނަރެސްގެ އަގުވެސް ހެޔޮކޮށްދީ 8000 އަށް
ބަލްގިސް
15 November 2023
ވިނަރސްގެ އަގު ހެޔޮކުރޭ!!!!!
ޖވުވހވޖވ
15 November 2023
ވިނަރެސްގެ އަގުވެސް 8000 އަށް ކުޑަކޮށްދީ އިބޫ ބަޔަކަށް ހެޔޮކޮށް ކަމެއް ކޮށްދޭން ބޭނުންވާނަމަ
ހގހވޔގ
15 November 2023
ވިނަރެސްގެ އަގުވެސް 8000 އަށް ތިރިކޮށްދީ. މުއިއްޒު ބުނި ތިރިކޮށްދޭނަމޯ
އަލްމުދިޝް
15 November 2023
25 އަހަރަށް 1,800,000 ދަށްކަން ޖެހޭއިރު ފަސްއަހަރު ގެ ދައުރެއްގެ ކެމްޕެއިން ތަކުގަ މިކުލި މައާފު ވެގެން ދިއުމުން ސަރުކާރަށް ލިބޭނެ ގެއްލުން ފޫނުބެދެއެވެ. ބޮޑުޚަރަދެއް ކޮށްގެން މިފަދަ އިމާރާތް ތަށް ހަދާފަ ޖަހާސަކަރާތަކުން ދަރަނި އިތުރުވީމާ ރިޒާވު އޮންނާނީ އަބަދުވެސް ވެރިއަކަށް ފަހު ވެރިއަކަށް ލަނޑުދޭށެވެ.
ޙުސެން މުނައްވަރު
15 November 2023
ޢެހެންވިއްޔާ ވިނަރެސް އަށް 170000 ދައްކަންޖެހަެ ސަބަބެއް ނެތް، އަގު އަވަހަށް ތިރުކޮށްދެއްވާ
ރަދީފްއޮފިޝަލް
15 November 2023
ރާއްޖެއަށް ގެންނަންވީ ދުބާއީގެ މަހުޖަނު (އިންޑިޔާގެ ރައްޔިތެއް) ރިޒްވާން ސަޖަން (ވަން ޕަސެންޓް މޭން) ކަހަލަ މީހުން އިންވެސްޓްކުރަން.ދުބާއީގަ ގެ އަޅާފަ ޑައުންޕެއިމެންޓްގެ ގޮތުގަ ކުޑަ އެއްޗެއް ދައްކާފަ ދެން ކޮންމެ މަހަކު ދައްކަން ޖެހެނީ ގޭގެ އަގުގެ %1 ، މިފަދަ އިންވެސްޓަރުންގެ ޝައުގުވެރިކަން ރާއްޖެއަށް ލިބޭނެ ގޮތް އާ ސަރުކާރުން ހޯދައިފިނަމަ ބޯހިޔާވަހިކަމުގެ މައްސަލައަށް ހައްލު ހޯދޭނެ. މަވެސް ބޭނުން ފްލެޓެއް.އަހަރެން މިއީ 4 ދަރިންގެ ބައްޕައެއް.
ކުޑަކަތީބު
15 November 2023
ދަރަޖަމަތިވެރި، އިއްޒަތްތެރި، ލޫޅާފަތި، ދެ ތާޖުގެ ވެރިޔާ އަސްލު ސިފަ ނުފެނި ވެރިކަމުން ބާލުވާ އަދި އިތުރު ދައުރަކަށް ނުހޮވުނީތި މާތް ﷲ އަށް ޝުކުރުވެރިވަން!