އިންތިގާލީ އިންސާފު އޮފީހުގެ އަމަލުތައް ކުށްވެރިކޮށް، އޭސީސީގެ އިންޒާރެއް!

އިންތިގާލީ އިންސާފުގެ އޮފީސް ހިންގަމުން އަންނަ އިމާރާތް: އެ އޮފީހުގެ މަސައްކަތްތައް ހުއްޓޭވަރުގެ ކަމެއް ކޮށްފައިނުވާނެ ކަމަށް އޭސީސީން ބުނޭ- -- - -

އައިޝަތު ނުޒުހާ، މިހާރު

16 ނޮވެމްބަރ 2023 - 13:38

9 comments

އިންތިގާލީ އިންސާފުގެ އޮފީހާ ގުޅޭ ގޮތުން އެންޓި-ކޮރަޕްޝަން ކޮމިޝަން (އޭސީސީ) އަށް ހުށަހަޅާފައިވާ މައްސަލަތަކުގެ ތަހުގީގަށް ހުރަސް އެޅުން ކުށްވެރިކޮށް، އޭސީސީން އިންޒާރު ދީފި އެވެ.

އޭސީސީން ތަހުގީގު ކުރަމުން އަންނަނީ އެ ކޮމިޝަނުން ނިންމާފައިވާ ބައެއް ތަހުގީގުތަކުގެ ނިންމުންތައް ބަދަލުކުރި ކަމަށް ބުނާ މައްސަލައަކާއި އެހެން ބައެއް މައްސަލަތަކެވެ.

އޭސީސީން ނެރުނު ބަޔާނެއްގައި ބުނީ، އެ މައްސަލަތަކުގެ ތަހުގީގަށް އިއްޔެ ދިއުމުން އެ ކޮމިޝަނުގެ ޓީމަށް އެއްބާރުލުން ދޭން ދެކޮޅު ހަދައި، އެއްބާރުލުން ދިން މުވައްޒަފުންނަށް ފިޔަވަޅު އެޅުން ހަރުކަށި އިބާރާތުން ކުށްވެރިކުރާ ކަމަށެވެ.

އެ ބަޔާނުގައި ވަނީ، ކޮރަޕްޝަންގެ އަމަލުތައް ހުއްޓުވުމަށް އެ ކޮމިޝަނުން ކުރަމުން އަންނަ މަސައްކަތްތައް ހުރަސްއަޅާ ނަމަ، ފިޔަވަޅު އަޅާނެ ކަމުގެ އިންޒާރު ވެސް ދީފަ އެވެ.

Inthigaalee insaafuge office in ACC ah eh baarulun dhin 3 muvazzafaku suspend koffi

The most trusted news source in the Maldives

Mihaaru

"އެފަދަ ތުހުމަތުތައް ބަލައި ތަހުގީގުކުރުމަށް ކޮމިޝަނުން ކުރަމުން ގެންދާ މަސައްކަތަށް ގޮންޖައްސަވައި، ކޮމިޝަނުގެ މަސްއޫލިއްޔަތު އަދާކުރުމަށް ހުރަސް އަޅާ ފަރާތްތަކާ މެދު، ގާނޫނީ އިމުގެ ތެރެއިން އެޅެން ހުރި ފިޔަވަޅު އަޅަމުން [ގެންދާނަން]،" އޭސީސީގެ ބަޔާނުގައި ވެ އެވެ.

އޭސީސީން ވަނީ އެ ކޮމިޝަނުގެ ތަހުގީގަށް އެއްބާރުލުން ދިން ތިން މުވައްޒަފުން "ފަސްޖެހުމެއްނެތި ގާނޫނު ނެގެހެއްޓުމަށް" ކޮށްދިން މަސައްކަތަށް ޝުކުރު ވެސް އަދާކޮށްފަ އެވެ.

މި ތަހުގީގާ ގުޅިގެން އިންތިގާލީ އިންސާފުގެ އޮފީހުގެ މަސައްކަތްތައް މިއަދު ބަންދުވާނެ ކަމަށް ބުނެ ރޭ ވަނީ އިއުލާނެއް ނެރެފަ އެވެ. ނަމަވެސް އޭސީސީން ބުނި ގޮތުގައި، އެ ކޮމިޝަނުގެ ތަހުގީގުގައި އެ އޮފީހުގެ މަސައްކަތްތަކަށް ބުރޫއަރައި ހުރަސް އެޅޭނެ ފަދަ އެއްވެސް ކަމެއް ކޮށްފައި ނޯންނާނެ އެވެ.

އެ ކޮމިޝަނުގައި މިވަގުތު ތިއްބެވި މެންބަރުން ފާއިތުވީ އެއް އަހަރާއި އަށް މަސް ދުވަހު މަސައްކަތް ކޮށްފައިވާނީ ފަސް ޖެހުމެއްނެތި ކަމަށާއި ކުރިއަށް އޮތް ތަނުގައި ވެސް އެގޮތުގައި ދެމި ތިބޭނެ ކަމުގެ ޔަގީން ކަން ވެސް ވަނީ ދީފަ އެވެ.

އެންޓި ކޮރަޕްޝަން ކޮމިޝަން އިންތިގާލީ އިންސާފުގެ އޮފީސް

9 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތޮޅިއަށްދިޔަ ދައުރު

16 November 2023

އެއް ކަމެއްވެސް ކުރެވޭނެ ބައެއްނޫން ތީ. ހަމަ ހުސް ތޮށިގަނޑެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުދާ

16 November 2023

މިއޮއް އޮތްހާދުވަހު މިސަރުކާރުން ވައްކަމާ ފަސާދައާ ފޭރުން ފާޅުގަ ކުރަމަމުން ދިޔައިރު މި އޭސީސީ ކޮބާ؟ ރައީސުލްޖުމްހޫރިއްޔާގެ ގަރާރަކުން އޭސީސީ ވެރިންްގެ ކަރަޕްޝަން ބެލުމަށްފަހު ޙައްޤު އަދަބު ދޭންވީ، މިއަށްވުރެހާތްކުޑަ ބައެއް ނުދެކެން. ރާއްޖޭގަ މުޅިންވެސް ހުރީމިކަހަލަ ހަރާންކޯރު މުއައްސަސާ، ވެރިކަން ބަދަލުވާގަޑީގަ އެކްޓިވް ވާނީ ދެން އަނގަމަތީ ޒިޕް އަޅުވާނީ 4 އަހަރާ 11 މަހާ 25 ދުވަހަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރު ސައި

16 November 2023

މިއަދު މަގުމަތީގަ ދުއްވަނިކޮށް ކުއްލިއަކަށް ވާތްފަޅިން އޯވަޓޭކޮށްލާފި، ބަލާލިއިރު އޭސީސީގެ އިންޒާރު ފަތިވަރެއް އަލިފާން ދުނިތަކެއްހެން މިއޮށްދަނީ. ކިހިނެއްވެގެންހޭ އަހާލީމަ ބުނީ ސަރުކާރުގެ ބޯޑް ޖަހާފަ ހުރި ހުރިހާ ތަނަކަށް ވަންނަން ޖެހޭތީ ނެތޯ އެހެންގޮތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިޚް

16 November 2023

އިންތިގާލީ އޮފީހަކީ ބޭކާރު ތަނެއް، ކޮބައިތޯ ތިތަނަށް ހުށައެލި ހުރިހާ މައްސަލަތައް، ވީކޮންތާކުތޯ.؟ ޓީ.ވީ.މޯލްޑިވްސްއަށް ބަޑިޖަހާ ދޮރު ގޮއްވާލައިގެންވަދެ އެތަން ހިސޯރުކުރި މައްސަލަ، ބޮންޑާއަށް ކުރި އަނިޔާގެ މައްސަލަ، ފެބުރުއަރީ 2012 ގެ އެތައް މައްސަލަ ތަކެއް، ނުބަލާ، ފޮރުވައިގެންތިބީ، ކުރިކަމަކީ، ކާށި ބޯޓާ، ހަސަން ފަރީދު ހޯދުން، އެކަން ކުރެވުނުބާ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓޭ1

16 November 2023

ބަޔާން ނުނެރެ ތިޔަ ބުނާ އަންބޮޑި ޕަސަނަކާ މީހުން ހައްޔަރު ކޮއްބަލަ. ވާނެ އެއްކަމެއްވެސް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާއީލު

16 November 2023

މިޙާރު ދެން ތިޔަ މަރަށް ތެޅެނީ. އަދި ދުވަސްކޮޅަކު މަގާމުގަ ބައިތިއްބާފަ ދުައްވާލާނީ! ތިއީ ބަޔަކު އިހުތިރާމެއް ކުރާ ކޮމިޝަނެއް ނޫން. ބޭނުންވީމަ މައްސަލަބަލާ. ބޭނުންވީމަ އެއްކަމެއް ނުކޮށް ނިދަން އެބަ ތިބޭ. ދުވަހަކު މައްސަލައެއް ނިންމޭ ބައެއް ނޫން. ތިތާ މެމްބަރުންނެކޭ ސީނިއާރ މެނޭޖްމެންޓެކޭ ހަމަ އެއްވަރު. ނަތީޖާ ނެރެވޭ ބައެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޒޮއިން

16 November 2023

ދެން އޭސީސީ އައްޗީޑި. ދުސްތޫރީ އަދި ޤާނޫނީ ބާރެއް އޮތްކަން މި އެނގެނީ ރިޔާސީ ދައުރު ހަމަވާން އެއް ދުވަސް އެއް ގަޑިއިރުވީމަ. މަޤާމަށްޓަކައި އޭސީސީވެސް. އިޚްލާޞްތެރިކަމެއް ނެތް. އޭސީސީގެ ވަނދުކަމާހެދި ގިނަ ތަންތަން ކޮރަޕްޓްވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަ ބުނީ

16 November 2023

އަންނަ ހުކުރު ދުވަހު އަސުރު ނަމާދު ނިމެންދެން މާލޭގެ ހުރިހާ މިސްކިއްތަލުގައި އިމާމުވެ ނަމާދު ކުރުމާއި އޭ ސީ ސީ ހަވާލުވުން މާރަނގަޅު ކަމަށްފެނޭ. އެހެނީ ގާކޮށީގެ އަދި އަބިއްޔާގެ ފުލެޓުތަށް ހިތުހުރިބަޔަކަށް ބެހާލިއިރު އަދި އެމް އެމް ޕީ އާރު ސީ ދަވާލި އިރު އޭ ސީ ސީ އޮތީ މިސްކިތުގައި ނިދާފަ! މަޤާމު ދެމެހެއްޓުމަށް ތިކުޅޭ ޑްރާމާގެ ޓިކެޓް ނުވިކޭނެ،! ތިޔަ އުފަން ކުރުވަނީ ފިތުނަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަޞިން

16 November 2023

ތިހެން އިންޒާރު ދިނަސް ވާކަށް ނެތެއްނު..އިންޒާރަަށް އަމަލުނުކޮށް ހުރިހާ ކަމެއް ކޮށްނިންމާލަނީ. ފިނޭންސުން ވަކިބަޔަކަށް ފައިސާ ބަހަނީ. އަކްރަމް ހޭބޯނާރާ ވަކިބަޔަކަށް ފްލެޓް ދެނީ..