512 ފްލެޓް ނިންމައި ފެބުރުއަރީގައި ހަވާލުކުރެވޭނެ: ހަމްދާން

އެފްޑީސީ ފްލެޓް މޮޑެލް ދައްކާލަނީ. އަންނަ އަހަރުގެ ފެބުރުއަރީ އަށް 500 އަށް ވުރެން ގިނަ ފްލެޓް ނިމޭނެ ކަމަށް ހަމްދާން ވިދާޅުވި. -- ފޮޓޯ: ފަޔާޒް މޫސާ | މިހާރު

ފާތިމަތު ޝަނާ މުހައްމަދު، މިހާރު

14 ޑިސެމްބަރ 2023 - 11:26

18 comments

އަންނަ އަހަރުގެ ފެބުރުއަރީއަށް 500 އަށް ވުރެން ގިނަ ފްލެޓް ނިންމައި ހަވާލު ކުރެވޭނެ ކަމަށާއި އަހަރު ނިމެންވާ އިރަށް ބާކީ ހުރި ފްލެޓްތައް ވެސް ނިންމަން މަސައްކަތް ކުރަމުން އަންނަ ކަމަށް ފަހި ދިރިއުޅުން ކޯޕަރޭޝަންގެ މެނޭޖިން ޑިރެކްޓަރު ހަމްދާން ޝަކީލު އިއްޔެ ވިދާޅުވެއްޖެ އެވެ.

ހުޅުމާލޭގައި އިމާރާތްކުރަމުން އަންނަ "އަމާން ދޯދި" މޮކް-އަޕް ދައްކާލަން ބޭއްވި ރަސްމިއްޔާތަށް ފަހު ނޫސްވެރިންނަށް ޝަކީލު ވިދާޅުވީ ފުރަތަމަ ހަތަރު ޓަވަރު އަންނަ އަހަރުގެ ފެބުރުއަރީ އަށް ނިމެނޭ ކަމަށެވެ.

އޭނާ ވިދާޅުވި ގޮތުގައި އެ ޓަވަރުތަކުގެ 95 ޕަސެންޓް މަސައްކަތް ވަނީ ނިމިފަ އެވެ. މިހާރު ކުރަމުން އަންނަނީ ފިނިޝިންގެ މަދު މަސައްކަތްތަކެއް ކަމަށާއި ނިމުނުހާ އަވަހަކަށް އެތަންތަން ހަވާލުކުރާނެ ކަމަށް ހަމްދާން ވިދާޅުވި އެވެ.

ހަމްދާން ވިދާޅުވީ ފްލެޓްތަކުގެ ކޮންސްޓްރަކްޝަން ސްޕީޑު އަވަސް ކުރަން މިހާރު ވަނީ ބައެއް ކަންކަމަށް ބަދަލުތަކެއް ގެނެސްފައި ކަމަށެވެ.

އެފްޑީސީގެ "މޮކް-އަޕް" އެޕާޓްމެންޓެއް. ހުޅުމާލޭގައި 4،000 ފްލެޓް އަންނަނީ އަޅަމުން. -- ފޮޓޯ: ފަޔާޒް މޫސާ / މިހާރު

"ޓަވަރުތައް ނިމޭ ވަރަކުން ރިސޯސަސް ދެން ހުރި ޓަވަރުތަކަށް ޑައިވާޓް ކުރަމުން ދާނީ. ޕްލޭނަކީ ހުރިހާ އެއްޗެއް މަޑުމަޑުން ގެންދިއުމުގެ ބަދަލުގައި އަވަހަށް ފްލެޓްތައް ނިންމާލައި މީހުންނަށް ބަދަލުވެވޭނެ ގޮތް ހެދުން،" އޭނާ ވިދާޅުވި އެވެ.

އޭނާ ވިދާޅުވި ގޮތުގައި ފެބްރުއަރީއަށް ފަހު، ކޮންމެ ދެ މަހަކުން ފްލެޓެއް ނިންމައި ހަވާލުކުރެވޭނެ އެވެ.

"އަޅުގަނޑުގެ އަމާޒަކީ [އަންނަ އަހަރު] ޑިސެމްބަރު 31ގެ ކުރިން 32ޓަވަރު ނިންމާލުން،" އޭނާ ވިދާޅުވި އެވެ.

ހަމްދާން ވިދާޅުވީ، ފްލެޓްތައް އަޅަން ލޮޖިސްޓިކަލް އުނދަގޫތައް ވެސް ހުރުމުން އެކަންކަން ވެސް މިހާރު ހައްލުކޮށްފައިވާ ކަމަށެވެ.

"އަމާން ދޯދި" ފްލެޓް އިމާރާތެއް. މި ޓަވަރުތައް ނިމޭނީ އަންނަ އަހަރުގެ މެދު ތެރެއަށް. -- ފޮޓޯ: ފަޔާޒް މޫސާ | މިހާރު

ފުރަތަމަ ނިމޭ ހަތަރު ޓަވަރު ހަވާލުކޮށްފައި ވަނީ ޖޭއެމްސީ ކުންފުންޏާ އެވެ. އަދި އެންބީސީސީއާ ހަވާލުކޮށްގެން ހަދާ ފްލެޓްތަކުގެ ތެރެއިން 600 ފްލެޓް އަންނަ އަހަރުގެ މެދު ތެރެއަށް ނިމޭނެ ކަމަށް ހަމްދާން ވިދާޅުވި އެވެ.

އެފްޑީސީން އަންނަނީ ހުޅުމާލެ ދެވަނަ ފިޔަވަހީގައި 4،000 ފްލެޓް އަޅަމުންނެވެ. އެއީ 17-18 ބުރީގެ 32 ޓަވަރެވެ. ކޮންމެ ފްލޯއެއްގައި އަށް އެޕާޓްމެންޓް ހިމެނޭ އިރު އޭގެ ތެރޭގައި ދެ ކޮޓަރީގެ 1،200 ފްލެޓާއި ތިން ކޮޓަރީގެ 2،800 ފްލެޓް ހިމެނެ އެވެ.

ބޯހިޔާވަހިކަން ފްލެޓް ފަހި ދިރިއުޅުން ކޯޕަރޭޝަން ހަމްދާން ޝަކީލް (އެމްޑީ، ފަހި ދިރިއުޅުން)

18 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދޮރުވެރިޔާ

14 December 2023

ކުރީ ސަރުކާރުން ފްލެޓް ޓަވަރ ތަކުގެ ބިންގާ އަޅައިދީފި. ދެން މި ސަރުކާރުން އެ ތަންތަން އަވަސް ސްޕީޑް ގަ ނިންމައިދީފިއްޔާ އޭގެ ކްރެޑިޓް މި ސަރުކާރަށްވެސް ލިބެން ޖެހޭ ދެއްތޯ. އެހެނެއްކަމަކު މި ފްލެޓްތަކުގެ ޑިޒައިނާއި ސައިޒް އަދި ފިނިޝިން ނިންމަން ކަނޑައަޅާފައިވާ ސްޓޭންޑަޑް ގެ ކްރެޑިޓް ހަމަ ރައީސް އިބޫ ޞާލިޙް ގެ ސަރުކާރަށް ދޭންޖެހޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަދުވެތިޔާ

14 December 2023

ބިންގާ އަޅާފައި ހުރިތަނެއް މަސްދުވަހުން ނިންމާލީތަ. ފިތުނަބޭމެން ހާދަފާސްޓޭ. ކޮއިފުޅާ ގިނަ ޓަވަރުތައް ހުރީ ނިމުމާއި ގާތުގައި. ކުލަލައިގެން ތިދައްކަނީ އެތަންތަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނާރީ

14 December 2023

ކުރީސަރުކާރުން ލިޔުން ލިބިފަވާފަރާތްތަކަށް ފުރަތަމަ އަށް . އެއީވައުދު. އިސްކަން ދެއްވަން ޖެހެނީ މިވެނި ފޮއްޓަށް ވޯޓް ވައްޓާލަން އެންގީމަ ތަނެއްގަ ލައްވާނުލާ ދަފްތަރަށް މާރީތި ނަމަކަށް ނުވާއިރު ، އެވެސް ދިވެހިރައްޔިތުން . ހޮހޮޅާގަ ދިރިއުޅޭން ބޭނުންވާމީހުން ވެސް ބޯހިޔާވޭތޯ ބަލާނެ . ސަރުތު ފުރިހަމަ ވާނެ ދިވެހިފަސްގަޑުން ދިވެހި ރައްޔިތުންނަށް . ސަރުތު ފުރިހަމަ ނުވެއޭ ބުނީމަ މަގުމަތީ ފޮތިގަޑު ފަތުރައިގެން ދިރިއުޅެވޭނެ ތަނެއް ނޫން ދިވެހިރާއްޖެ އަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްތު

14 December 2023

ކަލޭ ހިތުން މޮޅު އެއްޗެއް ބުނެލީމާ ކަލޭ ހިތައް ފިނިކަމެއް ލިބޭނޭކަމަށް ހީވުމީ ޅެމާ ފަރިއްސަވުރެ ޗާލު އެއްޗެހި ދުނިޔެއަށް އައިކަމަށް ހީނުވުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއަވީކިހިނެތް

14 December 2023

ކުރިންބުނީ 3 ޓަވަރޭ ނިމެންހުރީ. މިހާރުމިއީ ކޮންތަނަކުން ކުއްލިއަކަށް ފާޅުވި ޓަވަރެއްތަ. އަނެއްކާ އަލާއުއްދީނުގެ ވޮއްގަނޑު ބޭނުންކުރީތަ. އަދިވެސް ތެދެއްނަހަދާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕްރޮފެސަރ. ތާކިހާބެ

14 December 2023

މާލޭ ރައްޔިތުން ނަށް މިދިޔަ ވެރިކަމުގައި ދެއްވާފައިވާ ބިން ތަކުގައި މްސައްކަތް ކުރެވޭ ގޮތަށް ފެނާއި ކަރަންޓް އަސާސީ ހަދިމަތް ދެއްވާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްލާ.

14 December 2023

450 ނެގީމަ ދެން ވަރަށް މަދު ބައެއްތާ ބާކީ ވާނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

14 December 2023

ތިޔަތަންތަން ދޭންޖެހޭނީ އަލުން ބެލުމަށްފަހު މާލޭގައި 30 އަހަރު 40 އަހަރު ދިރިއުޅުނު މީހުންނަށް އިސްކަންދީގެން. ކުރީސަރުކާރުން ހުރީ ހަމަ ބޭނުންބަޔަކަށް ބަހާލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެފިއުޖީ

14 December 2023

އަވަސް ކުރޭ. މި ސަރުކާރުގެ ސުޕީޑު ދައްކާލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނާރީ

14 December 2023

އުއްމީދު ކުރަނީ ހުވަފެން ހަގީގަތަކަށް ހައްދަވާދެއްވާނެ ކަމަށް . އެންމެ އަސާސީ ހައްޤަކީ ސަރުތަކާ ނުލާ ބޮލަށް ހިޔާވުން . މަގާމް ލިބޭމީހުން ވެސް ދެނީ ވޯޓް . ބޯހިޔަލަށް އުއްމީދު ކުރާމީހުންވެސް ދޭނީވޯޓް .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

14 December 2023

ދެވޭނީ ކަލޭމެންނާ އޭސީސީއާއި ގުޅިގެން ތިލުޅޭކުޅި ނިމިގެންދޯ. މަޖިލީސް އިންތިހާބުގެ ކުރިން އެކަން ނުނިންމާނެކަމުގެ އަޑުއޮތީ އިވިފައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޤަލީލީ

14 December 2023

ހިތުން މިބޭފުޅުން އެޅި ތަނެއް ދެއްތޯ؟ ޝުކުރިއްޔާ އިބޫ ސޯލިހު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނާރީ

14 December 2023

ބިންގާ އެޅީ މުސާރަ ނައްގަވާތީ . ވީވައުދަކަށް ވާތީ ގެއްިގެން ދިއަ ފުލެޓް ވެސް ގެއްލުނީ ނިމުނު ސަރުކާރުގެ ސަބަބުން . ކުރީ ސަރުކާރުން ލިޔުން ދިނީމަ ގެއްލުވާލީ ދިވެހި ރައްޔިތުން ގެ ސަރުތު ހަމަ ނުވާކަމަށް ނިއްމާފަ . އެހެންވީމާ ޝުކުރު އަދާ ނުކުރާނަން .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންފުތު

14 December 2023

މަވެސް ހީކުރީ މުއިއްޒު އަލާއޮއްދީން ވޮށްކޮޅުގެ ބޭނުންކޮށްގެން އެޅި ތަންތަން ކަމަށް.. ހައިދަރުމެން ހިތައް ހާދަހާ އަސަރެކޭ ތިކުރަނީ ރީތި ރީތި އެޕާރޓްމެންޓްތައް ފެނުނީމަ. ޢަޅެ ދެންވެސް މުއިއްޒުގެ ހުރި މޮޅުކަމެއްދައްކާލަން އަހަރެމެންކަހަލަ ނިކަމެތިންނަށް ހެޔޮ އަގުގައި ޗާލު ޗާލު ފުލެޓްތައް އަޅާފައި ދީބަލަ.