ފުރަތަމަ ތިން އަހަރު ހިލޭ ހައްޖަށް ފޮނުވާނީ 50 އަހަރާއި 69 އަހަރާ ދެމެދުގެ ނިކަމެތިން

ކުރިއަށް އޮތް ފަސް އަހަރު ތެރޭ 1،000 ނިކަމެތިން ހިލޭ ހައްޖަށް ފޮނުވުމަށް ރައީސް ޑރ. މުހައްމަދު މުއިއްޒު ވެވަޑައިގެންނެވި ވައުދުގެ ދަށުން ފުރަތަމަ ތިން އަހަރު ހައްޖަށް ފޮނުވާނީ ހައްޖުގެ އަޅުކަން އަދާކުރެވޭ ފަދަ ސިއްހީ ހާލަތުގައި ތިބި އުމުރުން 50 އަހަރާއި 69 އަހަރާ ދެމެދުގެ ނިކަމެތިން ކަމަށް އިސްލާމިކް މިނިސްޓްރީން ބުނެފި އެވެ.

ސަރުކާރުން މީހުން ހައްޖަށް ފޮނުވުމުގައި އަމަލުކުރާނީ، ގައުމުގެ ފަގީރުންގެ ދަފުތަރުގައި ހިމެނޭ މީހުންގެ ތެރެއިން، ކަނޑައެޅޭ އުސޫލެއްގެ މަތިންނެވެ. އެ އުސޫލާ ގުޅޭ ބައެއް ކަންކަން ވަޒީރުންގެ މަޖިލީހުގައި މަޝްވަރާކޮށް ވަނީ ނިންމައިފަ އެވެ.

އޭގެ ބައެއް ނިންމުންތައް ހިއްސާކޮށް މިނިސްޓްރީން ބުނީ، މި ސިޔާސަތުގެ ދަށުން ހައްޖަށް ފޮނުވުމަށް ނިންމާފައިވަނީ ސިއްހީ ހާލަތު ތަންދޭ، އުމުރުން 70 އަހަރުން ދަށުގެ މީހުން ކަމަށެވެ. ފުރަތަމަ ތިން އަހަރު، 50 އަހަރާއި 69 އަހަރާ ދެމެދުގެ މީހުން އަދި ފަހު ދެ އަހަރު 45 އަހަރާއި 69 އަހަރާ ދެމެދުގެ މީހުންނަށް ފުރުސަތު ދޭން ވަނީ ނިންމައިފަ އެވެ.

ދައުލަތުގެ ހަރަދުގައި ހައްޖަށް ގެންދާ މީހުންނަށް އެތެރޭގެ ދަތުރުފަތުރުތަކުގެ ހަރަދާއި މާލޭގައި ހުރުމުގެ ހަރަދު ވެސް ހަމަޖައްސައިދޭނެ އެވެ.

Mi aharu 50 nikamethin hiley hajjah fonuvan nimmaifi

The most trusted news source in the Maldives

Mihaaru

ކެބިނެޓުން ނިންމާފައިވަނީ މި އަހަރުގެ ހައްޖަށް ފޮނުވާ 50 މީހުންގެ ހަރަދު ޒަކާތު ފަންޑުން ހަމަޖައްސާށެވެ. ކުރިއަށް އޮތް އަހަރުތަކުގެ ދައުލަތުގެ ބަޖެޓުންނާއި އެކި ފަރާތްތަކުގެ ސްޕޮންސަރުންގެ ދަށުން މި ހަރަދު ހޯދުމަށް ވަނީ މަޝްވަރާކޮށްފަ އެވެ.

ދައުލަތުގެ މާލީ އެހީތެރިކަމާ އެކު ހައްޖަށް ގެންދާނެ ފަރާތްތައް ކަނޑައަޅާނީ މިހާރު އެކުލަވާލާފައިވާ ފަގީރުންނާއި މިސްކީނުންގެ ދަފްތަރުން ކަމަށެވެ.

މިކަމާ ގުޅިގެން މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ، މި ދަފްތަރުން މީހުން ނަގަނީ މިއީ ޒަކާތް ހައްގުވާ މީހުން ކަމަށްވާތީ، ހައްޖު ވެސް ހައްގުވާނެ ކަމަށް ގަބޫލުކުރާތީ ކަމަށެވެ.

ފަގީރުންގެ ދަފްތަރުގައި މިވަގުތު 6،000 އެއްހާ މީހުން ތިބެ އެވެ. މި މީހުންގެ ތެރެއިން ހައްޖަށް ފޮނުވާނެ މީހުން ކަނޑައަޅާނީ ޝަރުތު ހަމަވާ މީހުންގެ ތެރޭގައި ގުރުއަތެއް ނަގައިގެން ކަމަށް ޝަހީމް ވިދާޅުވި އެވެ.

ޝަހީމް ވިދާޅުވީ، ސަރުކާރުގެ ވިސްނުން ހުރީ މިއީ ދާއިމީ ގޮތެއްގައި ކުރެވޭނެ ނިޒާމެއް ކަނޑައެޅުމަށް ކަމަށެވެ.