ރާއްޖޭގެ ނަބާ އައިޓީއެފް މުބާރާތުގެ ފައިނަލަށް

މިުބާރާތުގެ ސިންގަލްސް މެޗެއްގައި ނަބާ .-- ފޮޓޯ: ވިއެޓްނާމް ޓެނިސް ފެޑެރޭޝަން

11 ޖެނުއަރީ 2024 - 12:17

ރާއްޖޭގެ އުންމީދީ ޓެނިސް ތަރި ނަބާ ނިޝާން، އިންޓަނޭޝަނަލް ޓެނިސް ފެޑެރޭޝަންގެ، އޭޝިއާގެ 14 އަހަރުން ދަށުގެ ޑިވެލޮޕްމަންޓް ޗެމްޕިއަންޝިޕްގެ ފައިނަލަށް ދަތުރުކޮށްފި އެވެ.

ވިއެޓްނާމްގައި ކުރިއަށްދާ މުބާރާތުގެ އަންހެން ސިންގަލްސް މެއިން ޑްރޯގެ ފައިނަލަށް ނަބާ ދަތުރުކުރީ އިއްޔެ ކުޅުނު ސެމީ ފައިނަލް މެޗު ސީދާ ދެ ސެޓުން ކާމިޔާބު ކޮށްގެންނެވެ.

ސްރީ ލަންކާގެ އަކީޝާއާ ވާދަކުރި މެޗުގެ ސެޓްތައް ނަބާ ގެންދިޔައީ 6-1 އަދި 6-3 އިންނެވެ.

މި މުބާރާތުގެ ފައިނަލް މެޗު ކުޅުމަށް ހަމަޖެހިފައި ވަނީ މާދަމާ އެވެ. ފައިނަލްގައި ނަބާ ވާދަކުރާނީ، ވިއެޓްނާމްގެ އެންގޮކް ކާންހް ބަލިކުރި ސްރީލަންކާގެ އަންނަޔާ ޖައޯނީ އާ އެވެ.

މުބާރާތުގައި ވާދަކުރާ ރާއްޖޭގެ ކުޅުންތެރިން ޓީމުގެ ކޯޗާ އެކު.-- ފޮޓޯ: ވިއެޓްނާމް ޓެނިސް ފެޑެރޭޝަން

ނަބާ ވަނީ ކުއާޓާ ފައިނަލްގައި ސްރީލަންކާގެ ސަންދިތީ އުސްގޮޑާއާ ވާދަކޮށް ކުރި ހޯދައިފަ އެވެ.

ދެކުނު އޭޝިއާ އާއި އިރުދެކުނު އޭޝިއާގެ އިތުރުން އިރުމަތީ އޭޝިއާގެ ގައުމުތަކުގެ މެދުގައި ބާއްވާ މި މުބާރާތުގައި ރާއްޖޭގެ ޓީމުގައި ދެ އަންހެން ކުޅުންތެރިންނާއި ދެ ފިރިހެން ކުޅުންތެރިން ހިމެނެ އެވެ.

ނަބާގެ އިތުރުން ދެން ހިމެނެނީ މަންހާ މުހައްމަދު އަލީ އާއި މިކާ މުހައްމަދު ކަލީމް އަދި އާދަމް އާލް ނިޔާޒް އެވެ.

ޓެނިސް

7 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުވާލު

12 January 2024

ޢެހެން ގައުމުތަކުން 3 ކުދިން ފޮނުވިއިރު ކީއްވެތަ ރާއްޖެއިން 2 ކުދިން ކޮންމެ ކެޓަގަރީއަކަށް ތި ފޮނުވީ . 2 ކުދިންގެ ފުރުސަތެއް ނުން އެ ގެއްލިގެން އެދިއަޢީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައުދާގަރު

11 January 2024

ޥަކި ކުދިންނަށް ކުޅެވޭ މުބާރާތްތަކުގައި އެކަނި ޓޭމް އިން ކުދިން ފޮނުވަނީ . މި ދިއަ 5 އަހަރު ކުދިންފޮނުވި މުބާރާތެއް މިފަހަރު އޮތީ ކަލަންޑަރުން އުނިކޮށްފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޥިލިއަމްސް

11 January 2024

މުބާރާތުގެ އެއްވަނަ އަށް ސީޑް ކުރެވިފައިވާ ކުޅުންތެރިޔާ ފައިނަލައް ދިއުމުން މަރްހަބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޒޯޓް ޓެނިސް

11 January 2024

ތީ ކޯޗެއް ނޫން . ތީ އެސޯސިއޭޝަންގެ ރައީސުންގެ ބިޒްނަސް ޕާޓްނަރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަލާބާރި

11 January 2024

ތި އަނދިރި ދައުލަތެއް ހިންގާ އެސޯސިއޭޝަނެއް. ޥަކި ބަޔަކައް ނޫނީ ފުރުސަތެއް ލިބޭތަނެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްނު

11 January 2024

ތިޔައީ ޓެނިސް އެސޯސިއޭޝަންގެ މޮޅުކަމުން ވާކަމެއްނޫނޭ. ދޯދިޔާ ތަނެއް އެއީ. މައިންބަފައިންގެ ބުރަ މަސައްކަތުގެ ނަތީޖާ ތިޔަ ކުޅުންތެރިޔާގެ ކާމިޔާބީގެ އަސްލަކީ.