ފުނަދޫގެ ފިއުލް ސްޓޯރޭޖް: އެ ތަން ބަދަލު ކުރުމުގެ މަސައްކަތް ފަށަން ވަނީ ނިންމައިފައި
21 ޖެނުއަރީ 2024 - 17:54
52 comments
މާލެ އާއި ހުޅުމާލެ ދެމެދަށް އޮންނަ ފުނަދޫގައި ހުރި ފިއުލް ސްޓޯރޭޖު ކ. މާގިރިފަޅަށް ބަދަލުކުރަން ސަރުކާރުން ނިންމައިފި އެވެ.
ރައީސް އޮފީހުގެ ޕަބްލިކް ޕޮލިސީ ސެކްރެޓަރީ އަބްދުالله ނާޒިމް ވިދާޅުވީ ފުނަދޫގައި ހުރި ފިއުލް ސްޓޯރޭޖު މާގިރިފަޅަށް ބަދަލު ކުރުމުގެ މަސައްކަތް އެސްޓީއޯ އިން ފެށުމަށް އިކޮނޮމިކް ކައުންސިލުން ނިންމައިފައިވާ ކަމަށެވެ.
މާގިރިފަޅަކީ ކަނޑުއޮށްގިރި ކައިރީގައި އޮންނަ ތަނެކެވެ.
ސަރުކާރުގެ މި މަސައްކަތަކީ އެއާޕޯޓް ވެސް ހިމެނޭ ގޮތަށް މުޅި މާލެ ސަރަހައްދަށް ގެންނަ ބޮޑު ބަދަލެއްގެ ތެރޭގައި ހިމެނޭ ކަމެކެވެ.
އެ މަޝްރޫއުއާ ގުޅޭ ތަފްސީލް ރައީސް ޑރ. މުހައްމަދު މުއިއްޒު ވަނީ ވެލާނާ އިންޓަނޭޝަނަލް އެއާޕޯޓު ތަރައްގީ ކުރުމުގެ މަޝްރޫއު ތިން ގުނަ ބޮޑު ކުރުމުގެ މަޝްރޫއު އިފްތިތާހު ކުރުމަށް ބޭއްވި ރަސްމިއްޔާތުގައި ހިއްސާކުރައްވާފަ އެވެ.
ރައީސް އެ ރޭ ވިދާޅުވީ މިހާރު އެއާޕޯޓު ތަރައްގީ ކުރުމުގެ މަޝްރޫއުއާ އެކު އެކީގައި އާ ތަސައްވަރުގެ މަސައްކަތް ވެސް ފެށިގެންދާނެ ކަމަށެވެ. އޭގެ ތެރޭގައި، އެ މަޝްރޫއުއަށް ބޭނުންވާ ބިން ހިއްކުމާއި ސީ ޕްލޭން ޓާމިނަލް ބަދަލު ކުރުމާއި ކ. ފޮނަދޫގައި ހުރި ފިއުލް ސްޓޯރޭޖް ބަދަލުކުރުން ހިމެނޭނެ ކަމަށް އެ މަނިކުފާނު މިރޭ ވިދާޅުވި އެވެ.
ފުނަދޫގައި ހުރި ފިއުލް ސްޓޯރޭޖު ނެގުމަށްފަހު، ރައީސް ވިދާޅުވީ ސްޕެޝަލް އިކޮނޮމިކް ޒޯނަކަށް އެތަން ހަދައި، ބައިނަލްއަގުވާމީ ފައިނޭންޝަލް ސެންޓަރެއް އެ ރަށުގައި ގާއިމުކުރައްވާނެ ކަމަށެވެ.
"އެ ތަނަކީ [ފުނަދޫއަކީ] އިންޓަނޭޝަނަލް ފައިނޭންޝަލް ސެންޓާއަކަށް ހެދުމަކީ އެކަމަށް ފުރުސަތު ހުޅުވާލެވި، އެގޮތަށް ފުނަދޫ، އެ ލޮކޭޝަން ޑިވެލޮޕް ކުރުމަކީ އަޅުގަނޑުމެންގެ ދެންމެ ފެނިގެންދިޔަ ތަސައްވުރުގައި ހިމެނޭ ގޮތް،" ރައީސް ވިދާޅުވި އެވެ.
އެ މަނިކުފާނު ވިދާޅުވި ގޮތުގައި، ފުނަދޫ ބަދަލު ކުރުމުގެ މަސައްކަތް މިހާރު ވެސް ފަށާފައިވާ ކަމަށާއި ފައިނޭންޝަލް ސެންޓަރު ހެދުމަށް ބޭނުންވާ ކުންފުނި ހެދުމުގެ މަޝްވަރާ ކެބިނެޓުގައި ކުރައްވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިމްދާދް
22 January 2024
ތެޔޮ ސްޓޯރޭޖް ފެސިލިޓީއަކީ މިހާ ވެރިރަށާ ކައިރިން ބަހައްޓަންޖެހޭ ތަނެއް ނޫން. މިކަން ކުރުމުން ރައްކާތެރިކަން ވެސް ކަށަވަރުވެގެންދާނެ.
އަލފުޅު3
22 January 2024
500 މިލިއަނެއް ހާ ޑޮލަރުގެ ސިމެންތި މަސައްކަތް ނުކޮށް ފައިނޭންސް ސެންޓަރު ހިންގޭނެ ގޮތެއް ނެތް ބާ؟
ރަންދެލި
22 January 2024
ގއ ފުނަދޫ ވަށާ އުރަފަށުން އެތެރެ އެއްކޮން ހިއްކިޔަސް ޖުމްލަ ހިއްކޭނީ ގާތްގަޑަކަށް 8 ހެކްޓަރު ބިން. ދެން އެތަނުގާ 25 ބުރިއަށް އިމާރާތް ކުރީމާ ލިބޭ ޖާގައިން ފައިނޭންސް ސެންޓަރު ހިންގަން ފުދޭނެ ބާ؟ ހުޅުމާލޭ އިންޑަސްޓްރިއަލް ޒޯނުން 8 ހެކްޓަރު ނުލިބޭނެބާ؟ ލިބިއްޖެޔާ ފައިނޭންސް ސެންޓަރު އެޅޭނެބާ؟ ޚާރަދު ކުޑަ ވާނީ ކޮން ގޮތެއް ބާ؟ ގއ ފުނަދޫ ތެޔޮ ތާނގީ ތައް ތިލަފުށި ސަރަހައްދަކަށް ނުގެންދިޔުމުގަ އޮތީ ކޮން ވިސްނުމެއްބާ؟
ފެންނަގޮތް
22 January 2024
ބަރޖް ހަލީފާ ނޫނަސް ހެޔޮވަރުގެ އިމާރާތެއް އަޅަން ފެނޭ.. ރަނގްޅު އަގުގައި އޮފީސްތަކަށާއި، ޝޮޕިން މޯލްއާއި، އެކިކަހަލަ އާމްދަނީ ލިބޭ ، ބަރޖް ހަލީފާ ކޮންސެޕްޓަށް ވިޔަށް. އެއާޕޯޓް އާއި ގުޅިފަ އަދި ނޫ އުޑާއި، ނޫއުދެރަހާއި ނޫ ކަނޑުގައި އޮތީމަ ތެޔޮ ގުދަނަކަށް ވެރެ ލާރި ލިބި، ރާއްޖޭގެ މަލަމަތި ރީތިވެ އިތުރު އާމްދަނީ އެއް ހޯދޭނެކަމަށް ފެނޭ
ފަހުމާން
22 January 2024
މުއިއްޒް ގަދަ. މުޅިންވެސް އިންގިލާބީ ބަދަލް.
ހުމާމް
22 January 2024
ރައީސް މުއިއްޒްގެ ތަރައްގީގެ ތަސައްވަރުގަ ވަރަށް ސަޅި. މިކަން އަމަލީ ގޮތުން ކުލަ ޖެހިގެން ދިއުން އުއްމީދަކީ
ރިމާހް
22 January 2024
ރައީސް މުއިޒް ވެރިކަމަށް މިވީ އަދި ގާތްގަނޑަކަށް 2 މަސްދުވަސް. ފެނިގެންދަނީ އުއްމީދީ މަންޒަރުތައް.
މިންކިރާސް
22 January 2024
މަހިތަށް އަރަނީ މާގިރި ފަޅުގައި ތިކަން ކުރަން އުޅެނީ ގުޅިފަޅު ނުވަތަ ތިލަފުށިން އެވަރު ބިމެއް ނުލިބިގެންބާއޭ.. ނޫނީ އެއިން ތަނެއްގައި ތެޔޮ ގެންގުޅުމަކީ ރައްކާތެރިކަމަކަށް ނުވާތީބާއޭ.. ކޮންމެ ގޮތެއް ވިޔަސް ތިލަފުއްޓާއި ގުޅިފަޅަކީ ހިއްކާ ދެތަން. ދެން ކޮންމެހެން އެއާއި ޖެހިގެންއޮތް ތަނެއް ނުހިއްކާވެސް ތިކަން ކުރެވިދާނެއޭ. ގޭސް ޕްލާންޓްވެސް ހުރީ ތިލަފުށީގައި ވިއްޔާ. ބޭކާރު ޚަރަދު.. ބައިވަރު ފައިސާ
ކޮރުސީ
22 January 2024
ތިލަފުށި އަދި ގުޅީފަޅުގަ ހުސްބިންކޮޅެއް ނެތޭ، ހިކިފަސްތަނާ ކަނޑުފަޅުން މާލެ މީހުންނަށް ގޯތި ދީފަ އޮތީމަ މިކަން ކުރަން އަލުން ތަނެއް ހިއްކުމަކީ މައްސަލައެއް ނޫން
ޖައިހާން
22 January 2024
އެއާރޕޯޓް އާ އިންވެގެން ފިއުލް ސްޓޯރޭޖް ރަށްތައް ހުރެގެން ނުވާނެ. މީ ވަރަށް ރަނގަޅުކަމެއް.
ތެޔޮހަބް
22 January 2024
މިކަމަކީ ކުރަން ވަރަށް ބޮޑަށް ލަސްވެފައި އޮތް ކަމެއް. އެއަރޕޯޓާ މިހާ ގާތުގައި ތެޔޮ ރައްކާކުރާ ތަނެއް ހުރުމަކީ ރަނގަޅު ކަމެއް ނޫން. ކަމާބެހޭ މާހިރުން މިކަން ފާހަގަކޮށް މިކަން ބަދަލުކުރަން ހުށަހަޅާތާ ކިތަންމެ ދުވަހެއް. ފުރަތަމަ މި މަސައްކަތް ފެށީ 2008 ގައި. އޭރު ނިންމާފައި އޮތީ ގުޅީފަޅަށް ބަދަލުކޮށްފައި އެތަނުގައި ކޮންވެންޝަން ސެންޓަރަކާއެކު ހޮޓަލެއް ހަދަން ނިންމީ. ސަރުކާރު ބަދަލުވުމުން އޭރުން އެކަން ކުރެވިފައި ނުވަނީ.