ކ. ފުށިއްގަރުފަޅު "ރަސް-މާލެ"ގެ ނަމުގައި ތަރައްގީކުރަން، ބިން ހިއްކުމުގެ މަސައްކަތްކުރަނީ.-- ފޮޓޯ: ފަޔާޒު މޫސާ/ މިހާރު
29 ޖެނުއަރީ 2024 - 10:49
60 comments
މި ސަރުކާރުން އަލަށް ތަރައްގީކުރަމުން އަންނަ ރަސްމާލޭގައި 15،000 ހައުސިން ޔުނިޓު އެޅުމަށް، ހިޔާ ފްލެޓުތައް ހެދި ޗައިނާގެ ކުންފުނިން ހުށަހަޅައިފި އެވެ.
ރައީސް އޮފީހުގައި އިއްޔެ ބޭއްވި ނިއުސް ކޮންފަރެންސްގައި، ޕޮލިސީ ސެކްރެޓަރީ އަބްދުﷲ ނާޒިމް ވިދާޅުވީ ޗައިނާ ސްޓޭޓް ކޮންސްޓްރަކްޝަން އިންޖީނިއަރިން ކޯޕަރޭޝަން (ސީއެސްސީއީސީ) އިން ރަސްމާލޭގައި 15،000 ހައުސިން ޔުނިޓް އެޅުމަށް ޕްރޮޕޯސަލް ހުށަހަޅާފައިވާ ކަމަށެވެ.
އެކަމާ ގުޅޭގޮތުން އިކޮނޮމިކް ކައުންސިލުން ވަނީ، ހައުސިން މިނިސްޓްރީ އާއި އިންފްރަސްޓްރަކްޗާ މިނިސްޓްރީ ގުޅިގެން ކޮސްޓާއި ކޮލިޓީއާ ގުޅޭގޮތުން އިތުރަށް މަޝްވަރާކުރުމަށް ނިންމައިފަ އެވެ.
ފުށިދިއްގަރު ފަޅު ހިއްކައި، ރަސްމާލޭގެ ނަމުގައި ތަރައްގީކުރަން 1،153 ހެކްޓަރުގެ ބިން ހިއްކަން ވަނީ ހަމަޖައްސައިފަ އެވެ. މިހާތަނަށް 10 ހެކްޓަރު ހިއްކައި އިތުރު 29 ހެކްޓަރު ހިއްކަން ބަންޑެލް ވޯލް ޖަހާފައިވާ ކަމަށް ކޮންސްޓްރަކްޝަން އެންޑް އިންފްރަސްޓްރަކްޗާ މިނިސްޓަރު ޑރ. އަބްދުﷲ މުއްތަލިބު ވިދާޅުވި އެވެ.
ޕީއެސްއެމްގައި ވާހަކަދައްކަވަމުން އޭނާ ވިދާޅުވީ ހައުސިން ޕްރޮޖެކްޓުގައި ބޭނުންކުރާނެ ޓެކްނޮލޮޖީ ބެލުމަށް ރާއްޖޭގެ ވަފުދެއް ޗައިނާއަށް ދާނެ ކަމަށެވެ. އެ ފަރާތުން މިހާރު ހުށަހަޅާފައިވާ މައުލޫމާތަށް ބަލާއިރު، އެ ޓެކްނޮލޮޖީން ދެ އަހަރާ ބައިގެ ތެރޭގައި 12،000 ހައުސިން ޔުނިޓު އަޅައި ނިންމާލެވޭނެ ކަމަށް މުއްތަލިބު ވިދާޅުވި އެވެ.
އެ ތަން ހިއްކަން ޑިސެމްބަރު 18، 2023 ގައި ބޭއްވި ރަސްމިއްޔާތުގައި ރައީސް ޑރ. މުހައްމަދު މުއިއްޒު ވަނީ ގޯއްޗާއި ފްލެޓު ހިމެނޭގޮތަށް، ރަސްމާލޭގައި 65،000 ހައުސިން މަޝްރޫއު ކުރިއަށްގެންދާނެ ކަމަށް އިއުލާންކުރައްވައިފަ އެވެ.
ނަމަވެސް، އޭގެ އިތުރު މައުލޫމާތެއް އަދި ހާމައެއްނުކުރެ އެވެ.
އެ ތަން ހިއްކަމުން އަންނަނީ ސްރީ ލަންކާގެ ކުންފުންޏެއް ކަމަށްވާ ސިވިލް މެރީން ކޮންސްޓްރަކްޝަން ކޮމްޕެނީ (ސީއެމްސީސީ)ންނެވެ. އެ މަޝްރޫއަށް ދައުލަތުން އެއްވެސް ހަރަދެއް ނުކުރެ އެވެ. އޭގެ ބަދަލުގައި އެ ކުންފުންޏަށް ދެނީ 70 ހެކްޓަރުގެ ބިމެކެވެ. އެއީ ރަސްމާލެއިން 60 އަދި ހުޅުމާލެއިން 10 ހެކްޓަރުގެ ބިމެވެ.
މުއްތަލިބް މީގެ ކުރިން ވިދާޅުވީ ފުށިދިއްގަރުފަަޅު ހިއްކަން 700 މިލިއަން ޑޮލަރު (10.7 ބިލިއަން ރުފިޔާ) އަށް ވުރެ ބޮޑު ހަރަދެއް ކޮންޓްރެކްޓަރުގެ އަތުން ހިނގާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބްރާ1
29 January 2024
70 ހެކްޓަރު ބިމުގެބއަގަކީ ކިހާވަރެއް؟
ކިޑްނީ
29 January 2024
އަހަރުން ޕޮޕިއުލޭސަން ޑެންސިޓީގެ އެޅެޅީ 22 ވަނައިގަ. މިތަން ނުމުނީމަ އެތައް ދަރަޖައެއް މައްޗައްދާނެ. މިކަހަލަ ރެފިއުޖީ ކޭމްތަ ހެދުން ހުއްޓަލާފަ، އިގްސޯދައް ފައިދާވާކަހަލަ ކަންތަކަ ފައިސާ ހަރަދުކުރަންވީ.
ޢެމެރިކާ
29 January 2024
އެމްޑީޕީ އިންޑިޔާއާ ގުޅިގެން ގަޑަ ތެޅުނީ. މި ސަރުކާރު ހުރިހާ ގައުމުތަކާ ގުޅިގެން ރާއްޖެ ތަރައްގީ ކުރަނީ
ރޫމީ
29 January 2024
މިބުރު 2 ރޫމްސް ނާޅާ 3 ރޫމްސް ހަދާދޭންވާނެ. އޭރުން ރީތިކޮށް އާއިލާއަކަށް އުޅެވޭނެ. 4 ރޫމްސް ވެސް ބައެއް ތަންތާތގައި ހިމަނާލީމަ ވަރަށް ރަނގަޅުވާނެ.
އަފްރާސިޔާބު
29 January 2024
ތި ތަނުގައި އެމީހުން ގެދޮރު އަޅަނީ ހިލޭ ސާބަހަށްތަ؟ ރަސްމާލެވީމާ ސަރުކާރުގައި ފައިސާ ހުރެފައި ގިރާވަރުފަޅުވީމާ ސަރުކާރުގައި ފައިސާއެއްނެތް. ބަލަ ޗައިނާ ކުންފުންޏަށް ފައިސާ ދެންޏާ އެމީހުންނަށް ގިރާވަރުފަޅެކޭ ރަސްމާލެއެކޭ ކޮންތަފާތެއް ހުންނާނީ. ރައްޔިތުންގެ ބޮލަށް ތިޖަހާ ޗިޕް ޖެހުން ހުއްޓާލާ މިހާރުން މިހާރަށް.
ކޮލިޓީލައިފް
29 January 2024
ރަސްމާލޭގަ 150،000 މީހުން މާލޭގަ 50،000 މީހުން ހުޅުމާލޭގަ 75،000 މީހުން ވިލިނގިލީގަ 5،000 މީހުން ގުޅިފަޅުގަ 15،000 މީހުން ދެން ބާކީ ތިބި މީހުން އުޅޭނީ ރާއްޖޭގެ ހަތް ރަށެއްގަ އެދުވަހަކުން މިރާއްޖެ އޮންނާނީ ސިންގަޕޫރާ އެއްވަރަށް ތަރަށްގީވެފަ ވަޒީފާއާ ސިއްހީފަރުވާހޯދުމަށް ރަށާ އާއިލާ ދޫކޮށް އެހެންތަނަކަށް އެދުވަހުން ދާކަށް ނުޖެހޭނެ ބަޖެޓް އަރަނިވެ ސަލާންޖެހުން ނިމުނީ
ދަބަރޭ
30 January 2024
ތިގޮތައް އެއްތަނަކައް މީހުން އަޅައިގެން ވަޒީފާ އަދާކުރާނީ ތިބުނާގޮތާހިލާފަ ކުރިއައްރެވެސް އާއިލާޔާ ދުރުގަ ރިސޯޓުތަކުގަ ވަޒީފާ އަދާނުރާ ދުވަހެއް ނާންނާނެ! އަދި ރައްތަކުގެ އުފެއްދުން ތެރިކަމުން އެތައް އާއިލާއެއް ދިރި އުޅެނީ އާއިލާޔާ އެކުގަ! ތިއީ ކަލޭ ތަރައްގީ ތަސައްވަރު ކުރާގޮތް މަގޭ ނަޒަރުގަ ތީއި ސުލަމްތަކެއް
އަލީމު
30 January 2024
ކަލޭ ދުވަހަކުވެސް ސިންގަޕޫރު މީހަކާ ވާހަކަ ދެއްކިންތަ؟ އެގޭތަ ސިންގަޕޫރު ސިންގަޕޫރައް ވީކިހިނެއްކަން؟
އަލީމު
29 January 2024
ތި "ބޮޑު" ސިޓީގަ ހުންނާނީ ގާތްގަޑަކަށް 5 ސްކުއެ މޭލު. މުއިއްޒުގެ އަމާޒަކީ 3 ލައްކަ މީހުން އެތަނައް ޖަމާކުރުން. 60،000 ހާސް މީހުން ސްކުއެ މޭލަކަަށް! ދުނިޔޭގަ އެންމެ ތޮއްޖެހިފައިވާ ތަންތަނުގެ ރެކޯޑައް އަރާނެތާ!
ލުތުފީ
29 January 2024
ތަންކޮޅެއް ޖާގަ ތަނަވަސް ކޮށް އަޅައިދީފިއްޔާ ރަގަޅު. ޗައިނާގެ ތި ކުންފުންޏަށް ވާނެ.
ކުރިޔަކަށް
29 January 2024
މުޅި ރާއްޖޭގައި ކުރަމުން އައި ތަރައްގީގެ ހުރިހާ މަސައްކަތެއްވަނީ މިސަރުކާރުން ހުއްޓާލާފައި. އެންމެ ރަށެއްގައިވެސް މަސައްކަތެއް ކުރިޔަކަށް ނުދޭ!
ހޭލާބަލަ
29 January 2024
ތަރައްގީގެ މަސްރޫއޭ ކިޔާފަ ލޯނުނަގައިގެން ކުދި ރައްރަށުގަ ފުޓުސަލް ދަނޑާ ވޮލީކޯޓާ ބަނދަރު ހެދުން އެއީ ކުރެވޭ އިސްރާފެއް ހަގީގީ ތަރައްގީ ގެނެވޭނީ މިފަދަ ސަހަރުތައް ތަރައްގީ ކޮށް ކުދި އާބާދީތައް އެއްފަސްކޮށްގެން ތަރަށްގީ ވާންޖެހެނީ މިގައުމުގެ ރައްޔަތުންގެ ސިކުނޑި މަޑުމަޑުން އެކަން އެބަރަނގަޅުވޭ 188 ރަށް ކުރިއަށް އޮތް 100 އަހަރުންވެސް ތަރައްގީ ނުކުރެވޭނެ
3547
29 January 2024
ބޯހިޔާވަހިކަން ޔަގީން ބްރިޖްތައް ޔަގީން ..މިކަހަލަ ކަންކަމަށް އެމްޑީޕީގެ ބޯދާ އަންސިވިލައިޒްޑް މެމްބަރުންނަށް ކެއްނުވެގެން އެއޅެނީ.