އައްޑޫގެ އިސްރަށްވެހިންނަށް އުރީދޫގެ ރޯދަ ވީއްލުން

މި ރޯދަ މަހު އުރީދޫން ލޯންޗުކުރި "އިސްރަށްވެހިންނާ އެކު" ޕްރޮގްރާމުގެ ދަށުން ފުރަތަމަ ރޯދަ ވިއްލުން ބާއްވައިފި އެވެ.

މި ރޯދަ ވީއްލުން އޮތީ އައްޑޫގަ އެވެ. "އިސްރަށްވެހިންނާ އެކު" ޕްރޮގްރާމުގެ ދަށުން ރޯދަ މަހު ރާއްޖޭގެ އެކި ހިސާބުތަކުގައި ބޭއްވުމަށް ހަމަޖެހިފައިވާ ރޯދަ ވިއްލުންތަކަކީ ޒުވާނުންނާއި އިސްރަށްވެހިންނާ ދެމެދު ގުޅުން ބަދަހިކޮށް، ދެ ޖީލު ގުޅުވައިދީ، ހިޔާލު ބަދަލުކޮށް ވާހަކަދައްކާ، މަޖާ އުފާވެރި ވަގުތުކޮޅެއް ހޭދަކުރުމަށް ފުރުސަތު ދިނުމެވެ.

އުރީދޫގެ ސީއެސްއާރު ޕްރޮގްރާމެއްގެ ގޮތުގައި "އިސްރަށްވެހިންނާ އެކު" ޕްރޮގްރާމުގެ ދަށުން މި އަހަރުގެ ތެރެއަށް ބަހާލައިގެން ގިނަ ހަރަކާތްތަކެއް ކުރިއަށް ގެންދިއުމަށް ވަނީ ރާވައިފަ އެވެ.

އުރީދޫން އިސްރަށްވެހިންގެ ޝާމިލުވުން މުޖުތަމައުގައި އިތުރުކޮށް، ޒުވާނުންނާއި އިސްރަށްވެހިން ގުޅުން ބަދަހިކުރުމަށް ހިތްވަރު ދިނުމަށް މި ރޯދަ މަހުގެ ތީމަކަށް ކަނޑައަޅާފައި ވަނީ "ގައުމުގެ ރައުސުލްމާލަކީ އިސްރަށްވެހިންކަން ދަންނަމާ" މި އެވެ. އަދި މި ތީމުގެ ދަށުން އެ ކުންފުނިން ވަނީ ކުރު ފިލްމެއް ވެސް ނެރެފަ އެވެ.

އުރީދޫން ބުނީ އެ ކުންފުނީގެ އަމާޒަކީ މި ފަދަ ހަރަކާތްތައް މެދުވެރިކޮށް މުޖުތަމައުގެ އިސްރަށްވެހިން މުޖުތަމައުގެ އެކި ކަންކަމުގައި ބައިވެރިވުން އިތުރުކުރުމެވެ. އަދި މި ހަރަކާތްތައް މެދުވެރިއަކަށްވެ މުޖުތަމައުގައި އެކަކު އަނެކަކަށް ކުރާ އިހްތިރާމު އިތުރުވެ، އެކަކު އަނެކަކަށް އަޅާލާ މުޖުތަމައެއް އުފެދުމެވެ.