30 މާޗް 2024 - 14:04
19 comments
ފުށިދިއްގަރުފަޅު ހިއްކައިގެން މި ސަރުކާރުން ކުރިއަށް ގެންދާ "ރަސްމާލެ" މަޝްރޫއުއާ ގުޅޭ މައްސަލައެއް އެންޓި ކޮރަޕްޝަން ކޮމިޝަން (އޭސީސީ) އިން ތަހުގީގު ކުރަން ފަށައިފި އެވެ.
އަމިއްލަ ފަރާތަކުން ހުށަހަޅައިގެން ރަސްމާލެ މަޝްރުއާ ގުޅޭ މައްސަލައެއް ބަލަމުން އަންނަ ކަމަށް އެ ކޮމިޝަނުން "މިހާރު" އަށް ކަށަވަރު ކޮށްދިނެވެ.
އެ މަޝްރޫއު ތަހުގީގު ނުކުރާތީ މި ފަހުން ކުރީގެ ރައީސް އަބްދުﷲ ޔާމީން ވަނީ އޭސީސީ އަށް ވަރަށް ބޮޑަށް ފާޑު ވިދާޅުވެފަ އެވެ.
ޔާމީން ވިދާޅުވި ގޮތުގައި ރަސްމާލެ މަޝްރޫއަކީ ދައުލަތުގެ ބަޖެޓުގައި ނުޖަހާ ކުރިއަށް ގެންދެވޭނެ މަޝްރޫއުއެއް ނޫނެވެ. މިހާރު ސަރުކާރުން އެކަން ކުރާ ގޮތުން އޭގައި ކޮރަޕްޝަން ހިމެނޭނެ ކަމަށް ޔާމީން ތުހުމަތު ކުރެއްވި އެވެ.
ނަމަވެސް ރައީސް ޑރ. މުހައްމަދު މުއިއްޒު ވިދާޅުވެފައި ވަނީ މި ސަރުކާރުން ކޮރަޕްޝަންގެ އަމަލުތައް ނުހިންގާނެ ކަމަށާއި އެފަދަ ކަމެއް ހިންގާ ނަމަ އެ ކަމެއް އެންމެ ފުރަތަމަ ބައްލަވާނީ ވެސް ސީދާ އެ މަނިކުފާނު އަމިއްލަފުޅަށް ކަމަށެވެ.
ރަސްމާލެ ހިއްކުމުގެ މަޝްރޫއަށް ބޭނުންވާ 400 މިލިއަން ރުފިޔާ ދައުލަތުގެ މި އަހަރުގެ ބަޖެޓުގައި މި ސަރުކާރުން ހިމެނިޔަސް އިދިކޮޅު އެމްޑީޕީގެ ބާރު އޮންނަ ރައްޔިތުންގެ މަޖިލިހުން ބަޖެޓް ފާސްކުރީ އެ އަދަދު އުނިކޮށްފަ އެވެ. އެމްޑީޕީގެ މަޖިލިސް މެމްބަރުންގެ ބާރުގައި އެ ފައިސާ ބަހާލީ ގުޅިފަޅާއި ގިރާވަރުގެ ތަރައްގީއަށެވެ.
ރައީސް މުއިއްޒު ވިދާޅުވީ ރަސްމާލެއަކީ މާލެ ސަރަހައްދުގައި ދިރިއުޅޭ ހުރިހާ ރައްޔިތުންނަށް ގެދޮރު ޔަގީންކޮށްދިނުމަށް ހިންގާ މަޝްރޫއުއެއް ކަމަށެވެ. އެ މަޝްރޫއު މިހާ އަވަހަށް ފެށީ ވެސް ފަސް އަހަރު ތެރޭގައި އެ ތަން ތަރައްގީކޮށް، ރައްޔިތުންނަށް ގެދޮރު ފޯރުކޮށްދެވޭނީ ވީހާ ވެސް އަވަހަކަށް މަސައްކަތް ފެށުމުން ކަމަށް ވާތީ ކަމަށް ރައީސް ވިދާޅުވި އެވެ.
އިދިކޮޅު ޕާޓީ، އެމްޑީޕީން ވެސް ވަނީ މި މައްސަލާގައި ފާޑު ކިޔައިފަ އެވެ.
އެ ޕާޓީން ބުނީ ރަސްމާލެ މަޝްރޫއުއަކީ ބޮޑު ކޮރަޕްޝަނެއް ކަމަށް ތުހުމަތުވާއިރު އެ މައްސަލަ އޭސީސީން ނުބާލާތީ ހައިރާންވާ ކަމަށެވެ.
އެ ޕާޓީން ބުނި ގޮތުގައި އަވަސް އަރުވާލައިގެން "ތެޅިފޮޅެމުން" ރަސްމާލެ ހިއްކަން ހަވާލުކުރި ކުންފުންޏަށް ބިން ހިއްކުމުގެ މުގާބިލްގައި މާލޭ ސަރަހައްދުގެ އެންމެ އަގު ބޮޑު ތަންތަނުން ދޫކޮށްލި ބިމުގެ އަގު 70 - 100 ބިލިއަން ރުފިޔާ އަށް އަރަ އެވެ.
މިއީ ދިވެހި ދައުލަތަށް ގެއްލޭ ވަރަށް ގިނަ ފައިސާ ކަމަށާއި 70 ބިލިއަން ރުފިޔާގެ ކޮރަޕްޝަނެއް ކަމަށް އެ ޕާޓީން ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީމުގުރާތުސް
31 March 2024
އޭސީސީން ކަމެއްކުރަންޏާ ގަރާޖް ސިޓީ އަދި އެކްސްޕްޓްރިއޭޓުންގެ ގެންނަ އޭޖެންޓުން ހިންގާ ޖަރީމާތައް އަދި މުދާއެތެރެކުރާއިރު ޖަހާ ސަކަރާތް ނިކަން އިންވެސްޓިގޭޓް ކޮށްބަލަ. ހަމަ ފްލެޓެއްގެ ވާހަކަ ދައްކާއިރަށް މިވެރިން ފަޔަށް ހިނިއަރައިގެން އުޅޭނެ. އޭސީސީގެ މުޅި ހިސްޓްރީއަށް ބެލިއަސް ގާބިލު މުއައްސަސާއެކޭ ބުނެވޭނޭ ޖާގައެއް މަށަކަށް ނުފެނޭ. އައި ޑޯންޓް ޓްރަސްޓް ދިސް އިންސްޓިޓިއުޝަން.
ނސބސވ
31 March 2024
ޖެއްސުން..މުޅިންވެސް ޖެއްސުން.
ދެރަވެރޮވޭވަރުވޭ
31 March 2024
އިދިކޮޅުން ބުނަނީ ތި ރަސްމާލެ ނުހިއްކާ ތިމަންނަމެން ކަނޑުން ދޫކުރި ގޯތިތަށް ހިއްކާ ގޯތިދިންމީހުންނަށް ދީފަ މި5 އަހަރު ނިންމާލާށޭ އިންސާފުގެ ކުނޑިފަށެއްވެސް އެމްޑީޕީގަ ނެތް 65 އަހަރުފެފަ މާލޭން ގޯއްޗެއް އޮންނަ އެންމެ 2 ކުދިންތިބިމީހެއްގެ އަނބިމީހާއަށް ގޯއްޗަކާ އޭނަގެ އެއްދަރިއަކަށް ގޯއްޗެއް ހުޅުމާލެއިން ދިން މިބުނާ މާލެލޭގަ ގޯތިއޮތް މުސްކުޅިމޯހާއަށް ލ ގަމުން ވެސް ގޯއްޗެއްދީފަ އޮވޭ މިކަލަ ސަތޭކަ ގޯސް އޮންނާނެހަދާފަ މިހުރީ އިންސާފު ހުރިވަރު
ހަމަދު
31 March 2024
ނިމިދިޔަ 5 އަހަރު އެމްޑީޕީން މަޖިލީހުގެ މެޖޯރިޓީއާ އެއްކޮއް ވަނީ ކޮރަޕްޝަނާ ވައްކަން އާމުކޮއްފަ އަދި ރިޝްވަތު ގޮތުގައި ވަޒީފާއާ ރުފިޔާ ބަހާ ޖަލުގެ ތިބި ބޮޑެތި ކުއްވެރިންވަނީ ވޯޓްދޭ މަތިން ދޫކޮއްލާފަ. މިހުރިހާ ކަމެއް ރަނގަޅައް ތަހުގީގު ކޮއްފަ ފިޔަވަޅު އަޅާފިއްޔާ އެމްޑީޕީ މަތީ ފަޑީ އެކަކު ވެސް ސަލާމަތެއް ނުވާނެ
ހާމާނު
30 March 2024
ތި އޭސީސީން ބަލާ ތަހުގީގުކޮއްފަ ބުނާނެ ކޮރަޕްޝަންގެ ކަންފުޅެއްވެސްނެތޭ. ކުދިންނޭ ބަލަންތިބޭ. ކުރީދުވަހކު ފެނުނު ފޮޓޯއެއްގަ ތި އޭސީސީ އިނީ ރައީސް އުނގުގަ. މުއިއްޒު ތަފާތުވާނެ.
ޖުންލިލަޮ
30 March 2024
އޭސީސީން ހުރީ ކާކުތަ
ކުދީނާފަތް
30 March 2024
ރާއްޖޭގައި މިހާރު ކަންކަން ހިނގާގޮތަށް ބަލާނަމަ، މިޕްރޮޖެކްޓަކީ އިންތިހާބަށް ފައިސާ ހޯދުމަށް މެދުވެރިކުރުވާ ވަޞީލާތް!
ޖެއްސު
30 March 2024
އަސްލު އިބޫ އުނގުގަ މުޅިދައުރު ތިބިތަން އަސްލު ފެނުނު އެއްވެސް މައްސަލަ އެއްނުބަލާ ފެނަކައިންނާ ސަރުކާރުގެ ކުންފުނިތަކުން ވޯޓްދޭ ގޮތައް 20 30 ވަޒީފާ ކޮންމެ ރަށަކުން ބަހާލިއިރު ވެސް. ކުރިން އާދައިގެ މީހަކު މައްސަލައެއްލާ އިރައް ބޭރު ކޮއްލަނީ. މިހާރު ތަފާތަކީ ބަލާ ކޮންމެ މީހަކު ލިޔަސް. ތަހުގީގުކޮއް މައްސަލަ އެއްއޮތުއްޔާ މައްސަލަ ބެލޭނީވެސް. އެމްޑީޕީ ކުދިން ވަރައް ބޭނުންވާނެ ދޮގު އިލްޒާމެއް ވެސް އެޅުވޭތޯ
ހަމަދު
30 March 2024
އިންތިހާބައް ރާއްޖޭގަ އޮތް އެންމެ ބޮޑު އެއްފަޅު އެމްޑީޕީން ސީދާ ރުފިޔާއައް ނުއަގުގަ ވިއްކާލި އިރުއޯކޭ. މިހާރު އެއްވެސް ރުފިޔާގެ މުއާމަލޭތެއް ނުކޮއް ލޯނުނުނަގާ ދިނީ ވެސް ހުޅުމާލޭ 2 ފިޔަވަހީގެ 3 ގުނަ ހިއްކަން ބަލާތި ދޮގެއް ހަދައިގެން ވެސް ބަޔެއްގެ ބޮލުގަ އެޅުވޭތޯ
ވަތަންގެ ދަރި
30 March 2024
ނ.އަތޮޅުން ނުއަގުގަ 800 ހެކުޓަރުގެ ބޮޑު ފަޅެއް ތިޔަބުނާ އިބޫގެ ވެރިކަމުގަ ވިއްކާމާފަ އެދިޔައީ އެ ނުވޭ ކަރަޕްސަނަކަށް. އަތޮޅު ކައުންސިލަށްވެސް އިބޫގެ ބަހުރުވައިންނަމަ އަހާނެ އެހުމެއް ކަހާނެ ކެހުމެއްވެސްނެއް. ހަޔާތް ކުޑަކަމުން ރަސްމާމެ ވާހަކަ ދައްކަނީ ތިމާމެންނަށް ކަމެއްނުކުރެވި ރައްޔިތުން ހަޒާނާ ލޫޓުވާލާފަ ދާންޖެހުނީމަ ޖޭ ވަނީ.
އަންތަރީސް1000
31 March 2024
އަދި އެއީ ކައުންސިލްތައް ބާރުވެެރިކުރުވަން އައި މީހުން ކަންކުރިގޮތް. ނޫނު އަތޮޅުގެ މުސްތަގުބަލުގެ ޖީލު ދިރިއުޅެން ހިތްކެންއޮޔް މަދު ފަޅުތަކުން ފަޅެއް މިވިއްކާލީ ރައްޔަތުން ކައިރީ ހޭވެސް އަހާނުވާ.
ބަރުބާދު
30 March 2024
މާލޭގަ ފްލެޓެއް އަޅާތީ ޓާޓާއައް ދިން ރައްތަކާ ބިންތަކުގެ އަގު މަޖްލިސް މެމްބަރުންނައް ނޭގެނީތޯ؟.
ޖހޖހޖ
30 March 2024
70 ބިލިއަނަކީ މަސައްކަތުގެ އަގު. މާރަނގަޅެއްގެ 27 މިލިއަނުގަ ހެދި މިހާރުވެސް މަރާމާތަށް ބަންދުކޮށްފަހުރި މޑޕ ގެ ޓިނު ސްކޫލް، ކާމިލްދީދީ ޕްރީސްކޫލްގެ ކޮރަޕްޝަންގެ ވާހަކަ މޑޕ އިން ދެއްކުން. މޑޕ އަކީ ލަދުހަޔާތް އަރުއްވައިގަނެފަ ތިބި ނުބައި ބަޔަކު ލީޑަރޝިޕްގަ ތިބި ޕާޓީއެއް.
ށަލާ
30 March 2024
ބަހާލި ގޯތިތަކުގެ އަގު ކިތައް ބިލިޔަނަށް އަރާތޯ؟
ނާޑުވާ
31 March 2024
ހިލޭ ބިން ލިބެން ޖެހެނީ ހަމައެކަނި ރަށްރަށުގެ މީހުންނަށް ތަ? މާލެ ސަރަހައްދު ތަރައްޤީވެ ބިމުގެ އަގު މައްޗަށް އެރީވެސް ތިމާމެން މޮޅުވާންވެގެން ރަށް ދޫކޮށް މާލެ އެރީމަ.
އަލީމަ
30 March 2024
ހިޔާ ޓަވަރާ ދިމާލުން ފޭސްޓޫ ބޭރު މަގުން އެފެންނަނީ ރަސްމާލެ ހިއްކާ މީހުންނަށް ހިބަކޮށްދީފަ އޮތްބިން.އަދި ހިއްކާ ނުނިމޭ
ޒުބައިރު
30 March 2024
ކަލޯމެންނަށް މާ ބޮޑަށް އެނގެނީ. އެތާކު ބިން ހިއްކުމުގެ މަސައްކަތެއް ކުރިއަކަށް ނުދޭ. އެތާ ކުރިއަށް ދަނީ ރައީސް ޔާމީނުގެ ދައުރުން ފެށިގެން ފޭސް2 މާސްޓަރ ޕްލޭންގަ އިން ޗެނަލްއެއްގެ މަސައްކަތް. ފޭސް 2 އާ އަރބަން އައިލް ވަކިކުރަން ކޮންނަ ކޯރެއް އެއީ
އަލީމަ
31 March 2024
ޒުބައިރުމެން ވާނުވާގަ ތިބީމަ ނުވިސްނޭނެ.ރަސްމާލެ ހިއްކާ ނުނިމޭ ވާހަކަ މިބުނީ.މިހާރު ފޭސްޓޫގައި އެބައިމީހުންނަށް ދިން ސަރަހައްދު ހިޔާ ޓަވަރު ތަކުގެ އުތުރުން ފެންނަން އޮންނާނެ