ހަމާސް އިން ރަފަހްގައި ރަހީނުން ގެންގުޅޭ: އިޒްރޭލް

ފަލަސްތީނުގެ ރަފަހްގެ މަގެއް: އިޒްރޭލުން ބުނަނީ ހަމާސް އިން އިޒްރޭލުގެ ރަހީނުން ރަފަހްގައި ގެންގުޅޭ ކަމަށް. -- ފޮޓޯ: ހަމާސް

16 އެޕްރީލް 2024 - 05:17

3 comments

ޣައްޒާގެ ދެކުނުގެ ރަފަހްގައި ހަމާސްއިން ރަހީނުން ފޮރުވައިގެން ގެންގުޅޭ ކަމަށް އިޒްރޭލުން ބުނެފި އެވެ.

ރަފަހް އަކީ އިޒްރޭލުން ޣައްޒާއަށް ދޭ ހަމަލާތަކުން ސަލާމަތްވުމަށް އެ ތަނުގެ އާންމުން މިހާރު ގޮސް ތިބި ސަރަހައްދެވެ. އެތަނަށް އިޒްރޭލު ސިފައިން އަރާނެ ކަމަށް ބުނަމުން ދާއިރު ބައިނަލްއަގުވާމީ މުޖުތަމައުން ދަނީ އެކަން އެގޮތަށް ނުކުރަން އެދެމުންނެވެ. އެކަމަކު އިޒްރޭލުން ތަކުރާރުކޮށް ބުނަމުންދަނީ ރަފަހް އަށް ނާރައި ހަމާސްއާ ދެކޮޅު ހަނގުރާމަ ކާމިޔާބު ނުކުރެވޭނެ ކަމަށެވެ.

"ހަމާސް އިން އަދިވެސް އަހަރެެންގެ ރަހީނުން ޣައްޒާގައި އެބަ ގެންގުޅޭ. ރަފަހްގައި ވެސް ރަހީނުން އެބަތިބި. އެހެންވެ އެ މީހުން ސަލާމަތްކުރުމަށް ކުރަންޖެހުނު ކޮންމެ ކަމެއް ކުރާނަން،" އިޒްރޭލު އަސްކަރިއްޔާގެ ތަރުޖަމާނު ރިއާ އެޑްމިރަލް ޑެނިއެލް ހަގާރީ ނޫސްވެރިންގެ ބައްދަލުވުމެއްގައި ބުންޏެވެ.

އިޒްރޭލު ސިފައިން ނެރުނު ބަޔާނެއްގައި، ޣައްޒާގެ އަސްކަރީ ކަންކަމަށް ރިޒާވް ސިފައިންގެ އިތުރު ދެ ބްރިގޭޑް ބޭނުންވާ ކަމަށް ވަނީ އިއުލާނުކޮށްފަ އެވެ. އެކަމަކު މި މީހުން ޣައްޒާއަށް ފޮނުވާނެ ކަމެއް ނުވަތަ ނޫން ކަމެއް އެ ބަޔާނުގައި ބުނެފައެއް ނުވެ އެވެ.

މިކަން އިއުލާނުކުރީ ޣައްޒާގެ ދެކުނުގެ ޚާން ޔޫނިސް އިން އިޒްރޭލު ސިފައިން ފޭބިތާ ދެތިން ދުވަސް ފަހުންނެވެ.

ޣައްޒާގައި އިޒްރޭލުން ހަމަލާ ދެމުން ގެންދާތާ ހަ މަސް ވެފައި ވާއިރު މިހާތަނަށް ފަލަސްތީނުގެ 33،000 އަށް ވުރެ ގިނަ މީހުން ވަނީ ޝަހީދުވެފަ އެވެ. އޭގެ ތެރޭގައި ގިނައީ އަންހެނުންނާއި ކުޑަކުދިންނެވެ. -- އޭއެފްޕީ

އިޒްރޭލް ފަލަސްތީން ހަމާސް

3 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާހިރު

16 April 2024

ތިޔައީ ރަފަހަށް އަރައިގަންނަން ދައްކާ ބަހަނާއެކެވެ. މާ މޮޅުބަޔަކަށް ހެދިގެން އުޅުނަސް މުޅި ޣައްޒާ ސުންނާފަތި ކޮށްލައިގެންވެސް އެއުޅެނީ ރަހީނުން ސަލާމަތް ނުކުރެވިގެންނެވެ. މަތިންދާބޯޓަށް ހަމަލާދެވޭނެގޮތެއް ނެތް ތަނަކަށް މަތިންދާބޯޓުގައި ގޮސް ބޮންއަޅާ ތަން ސުންނާފަތިކޮށް އެތަނުގައި އުޅޭ ހުރިހާއެންމެން މެރިޔަކަސް އިޒްރާއީލަކީ ސުމެއްގެ ބައެއްކަން މިހާރު އެނގިއްޖެއެވެ. މުސްލިމް ޤައުމުތައް އެކަތިގަނޑަކަށް ވެއްޖެނަމަ އިޒްރާއީލް ބަލިކުރެވޭނެއެވެ.