އިންޓަނޭޝަނަލް އެއިޑް ކެމްޕެއިން (އައިއޭސީ) ބައެއް މެންބަރު..-
15 އެޕްރީލް 2024 - 12:09
85 comments
އިންސާނީ އެހީތެރިކަން ފޯރުކޮށްދޭ ރާއްޖޭގެ އަމިއްލަ ޖަމިއްޔާއެއް ކަމަށްވާ އިންޓަނޭޝަނަލް އެއިޑް ކެމްޕެއިން (އައިއޭސީ) އަށް ކުރާ ތުހުމަތުތަކާ ގުޅިގެން އޮޑިޓް ރިޕޯޓު އާންމުކުރާނެ ކަމަށް ބުނިތާ ހަ މަސް ވީއިރު ވެސް އެ ރިޕޯޓު އާންމެއް ނުކުރި އެވެ.
މިދިޔަ އަހަރުގެ އޮކްޓޫބަރުމަހު އިޒްރޭލުން ގާޒާ އަށް ދޭން ފެށި ހަމަލާތަކާ ގުޅިގެން ރާއްޖެ އިން ދިން އެހީތައް ފަލަސްތީނުގެ ރައްޔިތުންނަށް ފޯރުކޮށްދިނުމަށް ހަވާލު ކުރަމުން ދިޔައީ އެކި ގައުމުތަކުގައި ދިރިއުޅޭ ހާލުގައި ޖެހިފައިވާ މީހުންނަށް އެހީ ފޯރުކޮށްދޭ އައިއޭސީއާ އެވެ.
އެ ޖަމިއްޔާ އިން މަކަރާއި ހީލަތް ހަދާ ކަމަށް ބުނެ ބޮޑެތި ތުހުމަތުތަކެއް ކުރުމުން އެ ތުހުމަތުތައް ދޮގުކޮށް، އޮޑިޓް ރިޕޯޓް ވެސް ވަރަށް އަވަހަށް އާންމުކުރާނެ ކަމަށް އެހެންވެ އޭރު ބުންޏެވެ.
އޮޑިޓް ރިޕޯޓު އާންމު ނުކޮށް ލަސްކުރާތީ، މި މަހުގެ އެއްވަނަ ދުވަހު "މިހާރު" އިން ސުވާލު ކުރުމުން އެ އައިއޭސީގެ ޗެއާމަން އަހުމަދު އިގުބާލް ވިދާޅުވީ، އެ ސުވާލުތައް މެއިލް ކުރުމުން ޖަވާބު ދެއްވާނެ ކަމަށެވެ. އެކަމަކު، އޭގެ ފަހުން ދެ ހަފުތާ ވީއިރު ވެސް އޭނާގެ ޖަވާބެއް ނެތެވެ. "މިހާރު" އިން ގުޅައި މެސެޖު ކުރުމުން ވެސް އިގުބާލް ޖަވާބެއް ނުދެއްވި އެވެ. އެންމެ ފަހުން މިއަދު ކުރި މެސެޖަށް ވެސް އޭނާ ޖަވާބު ނުދެއްވި އެވެ.
އިންޓަނޭޝަނަލް އެއިޑް ކެމްޕެއިން (އައިއޭސީ) ބައެއް މެންބަރުން.--
އައިއޭސީ އިން މަކަރާއި ހީލަތް ހަދާ ކަމަށް ބުނެ އޭރު އެކްސްގައި ކުރި ޕޯސްޓުތަކެއްގައި އެ ޖަމިއްޔާ އަށް ސީރިއަސް ތުހުމަތުތައް ކުރީ ކާކު ކަން ނޭނގޭ އެކައުންޓަކުންނެވެ. އޭގެ ފަހުން، އާންމުންގެ ބައެއް މީހުން ވެސް ކަންބޮޑުވުން ފާޅުކުރި އެވެ.
އެ ތުހުމަތުތަކާ ގުޅިގެން އެ ޖަމިއްޔާގެ ޑިރެކްޓަ އޮފް މީޑިއާ އެންޑް ޕަބްލިކް ރިލޭޝަންސް އަޒްހަދު އަހުމަދު އޭރު ވިދާޅުވީ، ގޮތް ނޭނގޭ ބަޔަކު ސޯޝަލް މީޑިއާގައި ދައްކާ ވާހަކަތަކަށް ރައްދު ދިނުމަކީ އައިއޭސީގެ ސިޔާސަތެއް ނޫން ކަމަށެވެ.
އަޒްހަދު އޭރު ވިދާޅުވި ގޮތުގައި 2016 ވަނަ އަހަރު އުފެއްދި އައިއޭސީން އަބަދުވެސް ގެންގުޅެނީ އެންމެ "ހައި ލެވެލްގެ ޓްރާންސްޕޭރެންސީ" އެވެ. އެ ޖަމިއްޔާގެ އެކައުންޓަށް ވަންނަ ފައިސާ ހަރަދުކުރާ ގޮތް ޑޮކިއުމެންޓް ނުކޮށް އެއްވެސް އިރަކު ނުހުންނާނެ ކަމަށް ވެސް އޭނާ ވަނީ ވިދާޅުވެފަ އެވެ.
އެ ޖަމިއްޔާ އިން އާންމުކޮށްފައިވާ މައުލޫމާތުން އެނގޭ ގޮތުގައި، އެހީގެ ފަންޑަށް ވަންނަ ފައިސާގެ 12.5 ޕަސެންޓް ފިޔަވައި ހުރިހާ ފައިސާއެއް ހަރަދު ކުރަނީ އެހީ ފޯރުކޮށްދިނުމަށެވެ. އެ 12.5 ޕަސެންޓަކީ އެހީ ފޯރުކޮށްދިނުމަށް ދާ ލޮޖިސްޓިކަލް ހަރަދުތަކަށް ބޭނުންކުރާ ފައިސާ އެވެ.
އިޒުރޭލުން ފަލަސްތީނަށް ދެމުން ގެންދާ ހަމަލަތާކުގައި ހާލުގައި ޖެހިފައިވާ ގާޒާގެ ރައްޔިތުންނަށް އެހީވުމަށް ރާއްޖޭގައި އެންމެ ބޮޑު ކެމްޕެއިނެއް ހިންގަމުން އަންނަނީ އައިއޭސީންނެވެ. އެ ޖަމިއްޔާ އިން ހުޅުވާލި ފަންޑަށް އާންމުންގެ ފަރާތުން ވަނީ 20 މިލިއަނަށް ވުރެ ގިނަ ރުފިޔާ ލިބިފަ އެވެ.
އައިއޭސީ އަށް ކުރާ ތުހުމަތުތަކާ އެކު، ރާއްޖޭގެ އެހެން ބައެއް އަމިއްލަ ޖަމިއްޔާތަކުން ވެސް މަކަރާއި ހީލަތް ހަދާ ކަމަށް ބުނެ ވަނީ ގިނަ ތުހުމަތުތަކެއް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަރުބާދު
17 April 2024
ދެފުއްދައްކާނަމޭ ގޮވާފަ ފަތިފުއް ދެއްކީމަ މަންޒަރު ވަރައްހަޑިދޯ؟.
ޖާނަލިޒަމް
17 April 2024
ގާޒާ އެއީ ކޯއްޗެއް، ޣައްޒާ އޭކިޔާބަލަ
ޖޯކް
16 April 2024
މިމީހުން ގެންގުޅޭ މޮޔަ ލޮޖިކް ދޯ. ފައިކުރިއޮޅާފަ ތުބުޅި ދިގުކުރީމަ މީ ޔޯ ސުންނަތަށް އުޅުމިކީ. މީހާގެ އަހުލާގު، ކޮރަޕްޓު ނުވުން، ލިބޭ މިންވަރަށް ޝުކުރުވެރިވުން، އަމާނާތް ތެރިކަން، މިކަހަލަ ކަންކަމަކީ އެއްވެސް މުހިންމު ކަމެއްނޫން. މައަބަދުވެސް ބުނަން ތި ސުންނަތައް އުޅޭ ކިޔައިގެން އުޅެނީ އެންމެ ނުލަފާމީހުންނޭ. ހެކި އެބަ ފެނޭނުން ވަށައިގެން.
ސުންނަތް
17 April 2024
ސުންނަތައް އުޅޭ އެންމެންނަކީ ނުލަފާ މީހުންނެއް ނޫން..މީހަކާ ދިމާއަށް އިނގިލި ދިއްކުރުމުގެ ކުރިން ތިމާގެ މީޒާން ތިލަފަތް އަމިއްލައަށް ކިރާލަބަލަ !!!
މައްސަލައަކީ
16 April 2024
މައްސަލައަކީ އަކީ އަހަރުމެން.އެއީ ބަޔަކު ހެޔޮނިޔަތުގައި ކަމެއްކޮށްފާނެކަމަށް ގަބޫލްކުރުން. ޢެއީ އެމީހުންގެ ބިޒްނަސް . ޢެކިމީހުން ކުރާނީ އެކިކަހަލަ ވިޔަފާރި. ޢަދި މިހާރު މާ މޮޅު ވިޔަފާރި ކުރާަބަޔަކު އެބައުޅޭ. އަގުނަގައިގެން މިމީހުން މި ކިޔައިދެނީ ކާމިޔާބު މީހަކަށް ވާނެ ގޮތް. ޢަޅެ ބަޔަކު މޮޔަނުވާނެތަ.މި މީހުންނަށް މިވަރު އިނގެންޔާ ކީއްވެތަ މިމީހުން އެހާ ކާމިޔާބު ބަޔަކަށް ނުވީ
ޥާވް
16 April 2024
ފިތުނަ, މިއީބޮޑުވަރު, ކަންކަންކުރާ ނޭގުމަކީ ކޮރަޕްޝަނެއް ނޫން. ދުވާލކު 40 ޓުރަކް ނުވަންދާ އެންމެ ދުވަހެންވެސް ނުދޭ, އެއީ ވ ކުޑަމިންވަރެން, އެހާ ގިނަބަޔަކަން, މި40 ޓުރަކް ތެރޭގަ ދިވެހި ކުދި ބަޔަކް ދިޔައީ އެލީ ވަމުން, އެއީ ޓީއެފްޓީ ކިޔާ ޖަމޢްތކާ ގުޅގެން, ألحمدلله, މިގޮތަށް އައި އޭ ސީ މީހުންވެސް ދިޔައީ އެހީ ފޯރު ކޮންދެމުން ފަލަސްތީންގެ އެތެރެއިން.
ނަމެއް ނެތް ދެން
16 April 2024
މިގައުމުގަ ރައްޔިތުންގެ ލާރި ރައްޔިތުންނަށް އިނގިނުލާ ވަގަށް ނަގައިގެން މުއްސަނދިކަން މަތީ ދިރިއުޅެމުންދާ މީހުން އޮޑިޓް ކޮށްލަބަ. ކެއީ ކެޔޮ ކަމެއްވެސް އިނގޭނީ ބިތުފަންގި ނަގާލީމަ. އެކަމު ބަޔަކު ހެޔޮ ކަމެއް ކުރަންޔާ ސަވާބުވެސް ގުނަންޖެހޭ ބަޔަކު އުޅޭ
ބަޑިތަކުރު
16 April 2024
އިންސާނިއްޔަތަށް ޚިދްމަތްކުރުމުގެ ނަމުގައިވެސް ބަލަނީ ތިމާގެ ޖީބަށް ކޮންމެސް އެއްޗެއް ވަންނާނެގޮތެކެވެ. ގައުމު ބިނާކުރަން ހިންގޭ ތަރައްގީގެ މަޝްރޫޢުތަކަށްވުރެ ބޮޑަށް މިއަދު ދިވެހިންގެ ކިބައިން ދަހިވެތިކަމާއި އަމިއްލައެދުން މިހުރިވަރު ކުޑަކުރެވޭތޯ ކުރަންޖެހޭ މަސައްކަތް މުހިންމެވެ. އެހެންނޫނީ ތަރައްގީއަށް ހިންގޭ މަޝްރޫޢުތަކުން ވެސް ކޮރަޕްޝަންގެ ތެރެއިން ލިބޭގެއްލުން އިންތިހާއަށް ބޮޑެވެ.
ދޮންބޭ
16 April 2024
ކްލަބު ޖަމިއްޔާ ތަކުގެ އަހަރީ ރިޕޯޓާއި، މާލީ ހިސާބުތައް އެ ކަމާ ބެހޭ މިނިސްޓްރީ އަކަށް ހުށަހަޅަންޖެހެނީ. ގާނޫނު ތަކާއި ގަވައިދު ތަކުގައި އޮންނަ އެއްޗެއް ބަލައިގެން ނޫސްވެރިންވެސް ލިޔެބަލަ. އަހަރީ ރިޕޯޓާއި، މާލީ ހިސާބުތަކުގައި މައްސަލައުޅޭ ކަމުގައި ވާނަމަ ކަމުގައި ވާނަމަ އެކަންކަން ބަލާ ފިޔަވަޅު އެޅުމަކީ ކަމާބެހޭ މިނިސްޓްރީގެ ޒިންމާއެއް. ބައެއްގެ ބޮލުގައި ތުހުމަތުތަކެއް އަޅުވަން ވާނީ އެކަށީގެންވާ ހެކި ހުރެގެން. ނޫންނަމަ އެކުރެވެނީ ފަސާދަ.
ގތބގޔބގ
16 April 2024
ޖަމިއްޔާގެ އެކައުންޓަށް ވަންނަ ފައިސާ ހަރަދުކުރާ ގޮތް ޑޮކިއުމެންޓް ނުކޮށް އެއްވެސް އިރަކު ނުހުންނާނެ ކަމަށް ވެސް އޭނާ ވަނީ ވިދާޅުވެފަ އެވެ...ދެން އެ އެއްޗެހި ހާމަ ނުކުރެވެންވީ ކީއްވެބާ؟ ހާމަ ނުކުރާ ނަމަ ތުހުމަތުތައް ކުރާނެ
ދެފުށެއް ނުފެނޭ
16 April 2024
ކްލަބް ޖަމުއިއްޔާ ތަކަކީ މިހާ ބޮޑެތި ޢަދަދު ތަކުން ރައްޔިތުން އަތުން އެހީގެ ގޮތުންގައި ފަންޑް ހޯދައިގެން ބޮޑެތި ފައިދާ ނަގާ ބައެއް ނޫން. ފަންޑް ފޮށި ބަހައްޓައިގެން ރައްޔިތުން އަތުން ހޯދާ ފައިސާ ވާ ގޮތުގެ ދެފުށް ފެންނަންޖެހޭނެ. މިބައި މީހުންނަކީ މީރާގައި ރަޖިސްޓަރީ ކޮށްގެން ރިޕޯޓް ހުށަައަޅާ ބައެއް ނޫން. ރެޑްކްރެސެންޓް ފަދަ ޖަމުއިއްޔާތަކުގެ ވެބްސައިޓްތަކުގެ ހުންނާނެ ފަންޑެއް ހުޅުވައިފިއްޔާ އެކަމުގެ ތަފްޞީލުތައް ފެންނަން
ނިކަމެތިރައްޔިތުމީހާ
16 April 2024
މި މީހުންގެ ލަދެއް ހަޔާތެއް ހުރިހެނެއް ހިޔެއް ނުވޭ! އިއްޔެ ވެސް ދިރާގުން އެކަނި 1 މިލިއަން ދިން. މިކަން ބަލާނެ ފަރާތެއް މި ރާއްޖޭގަ ނެތީތޯ؟ ކޮބާތޯ ފުލުހުން؟ އަހަރެންނަކީ ވެސް މިމީހުން މެދުވެރިކޮށް ވަޅަކާއި އަދި އެހެނިހެން ކަންކަމަށް އެހީވި ފަރާތެއް. މި މީހުން މަކަރުހަދާހެން ހީވާތާ ލައްކަ ދުވަސް ވެއްޖެ. އެކަމަކު ވެސް އެވާހަކަ ދައްކައިފިނަމަ އެމީހަކު ރޮލާ ކާލަފާނެ ކަން އިނގޭތީ މަޑުކޮއްލީ!
ރައްޔިތުމީހާގެބަފާ
16 April 2024
މަށައް ހީވަނީ ދިރާގު ފަދަ ބޮޑެތި ކުންފުނިތަކުން ދޭނީ ވަރަށްބަލާފަހެން. އަމުދުން މިކަހަލަވާހަކަ ދައްކަނިކޮން
ސަލީމުރާދާ
16 April 2024
ވަރަށް ރަނގަޅު މިހާރުން މިއާޓިކަލް. ފާތިމަތު އަޖްފާން އަށް ވަރަށް ބޮޑަށް ޝުކުރިއްޔާ. މިކަންތައް ދޫކޮށް ނުލައްވާތި. ދެން ކުރަންވީކަމަކީ، މިމީހުން ރަޖިސްޓްރީ ކޮށްފައިވާ މިނިސްޓްރީއަށް ލިޔަންވީ އެއްވެސް އޯޑިޓް ރިޕޯޓެއް ހުށަހަޅާފައިވޭތޯ. އަދި މިމީހުންނާ ކުރަންވީ ސުވާލަކީ، އެހީއަށް ސީދާގޮތުން ފޮނުވާ އަދަދުގެ އިތުރުން ދެން ހުރި ހަރަދުތަކުގެ ތަފްސީލަކީ ކޮބާތޯ. ކިހާވަރެއްގެ ސެލަރީއެއްތޯ، އޭގެން އެކްސްޕެންސަސް ހަމަޖައްސަނީ ކިހާވަރެއްތޯ