އެސްއޯއީތަކުގެ އިސްލާހީ މަސައްކަތްތައް ދެ ހަފްތާއެއްގެ ތެރޭ ފަށާނަން: ޝަފީގު

ފާތިމަތު ޝަނާ މުހައްމަދު، މިހާރު

26 ޖޫން 2024 - 18:59

ކުރިއަށް އޮތް ދެ ހަފްތާއެއްހާ ދުވަހުގެ ތެރޭގައި، އެސްއޯއީތަކުގެ އެސެސްމެންޓް ނިންމައި އިކޮނޮމިކް ކައުންސިލަށް ހުށަހެޅުމަށް ފަހު ހަރަދުތައް ކުޑަ ކުރުމަށް އަޅަންޖެހޭ ފިޔަވަޅުތައް އަޅަން ފަށާނެ ކަމަށް ފިނޭންސް މިނިސްޓަރު ޑރ މުހައްމަދު ޝަފީގު ވިދާޅުވެއްޖެ އެވެ.

މިއަދު ހަވީރު ބޭއްވި މާލިއްޔަތު ކޮމިޓީގައި ޝަފީގު ވިދާޅުވީ، ސަރުކާރުގެ ހަރަދުތައް ހަމަޖެއްސުމުގައި އެންމެ ބޮޑު އެއް ހޭދައެއް ކުރަންޖެހެނީ އެސްއޯއީތަކަށް ކަމަށެވެ. މިދިޔަ ފެބްރުއަރީ މަހު އެސްއޯއީތަކާ މެދު އަޅާނެ ފިޔަވަޅުތަކާ ގުޅޭ ކަރުދާސް ވަޒީރުންގެ މަޖިލީހަށް ފޮނުވައި، އެކަންކަން ތަންފީޒު ކުރުމުގެ ހުއްދަ ދީފައިވާ ކަމަށް މިނިސްޓަރު ވިދާޅުވި އެވެ.

އޭނާ ވިދާޅުވީ، މިހާރު ކުރިއަށް ދަނީ ވަކިވަކި އެސްއޯއީތަކުގެ އެސެސްމެންޓްތައް ހެދުން ކަަމަށެވެ. އަދި ކުރިއަށް އޮތް ދެ ހަފްތާ ތެރޭގައި އެ މަސައްކަތްތައް ނިންމާލާނެ ކަމަށް އޭނާ ވިދާޅުވި އެވެ. އެއަށްފަހު ދެން ފަށާނީ އެސްއޯއީތަކާ މެދު ފިޔަވަޅުތައް އެޅުމުގެ މަރުހަލާ ކަމަށް އޭނާ ވިދާޅުވި އެވެ.

ޝަފީގު ވިދާޅުވީ، އެސެސްމެންޓަށް ފަހު، އުވާލަން ޖެހޭ ކުންފުނިތައް އުވާލައި، އެއްކޮށްލަން ޖެހޭ ކުންފުނިތައް އެއްކުރުމުގެ މަސައްކަތް ވެސް ކުރައްވާނެ ކަމަށެވެ. އަދި ގާނޫނެއްގެ ތެރެއިން އެކުލަވައިލާފައިވާ ކުންފުނިތަކާ މެދުވެސް ކަން ކުރާނެ ގޮތްތައް ނިންމާނެ ކަމަށް އޭނާ ވިދާޅުވި އެވެ.

"އެސްއޯއީތަކަށް ރަނގަޅަށް ދޭންޖެހޭ ހިދުމަތްތައް ނުދެވޭތީ އޮޕަރޭޝަނަށް ބުރޫ އަރާ ހިސާބުގައި އެބަހުރި. އެސްއޯއީތަކަށް މުސާރަ ދީފައި ކޯ ފަންކްޝަން އަދާކުރުމަށް ވެސް ދައުލަތުގެ އެހީ އެބަ ބޭނުންވޭ. އިންޑިޕެންޑެންޓުކޮށް ދަރަންޏަށް ޒިންމާ ނަގައިގެން އެސްއޯއީތަކުގެ ގޮތުގައި ހިނގޭކަށް މިހާރަކު ނެތް. އެއަށް ވުރެ އިން އެފިޝަންޓްކޮށް މިއޮތީ،" އޭނާ ވިދާޅުވި އެވެ.

ކުންފުނިތައް އެސެސް ކުރުމަށްފަހުގައި، ކުންފުނިތައް ޕަބްލިކް ޕްރައިވެޓް ޕާޓްނަޝިޕަކަށް ދިއުމާއި އާންމުކޮށް ހިއްސާ ވިއްކުމަށް ޕަބްލިކަށް ހުޅުވާލާނީ ތޯ ނުވަތަ ކުންފުނި އުވާލާނީތޯ ނިންމާނެ ކަމަށެވެ.

"އަޅުގަނޑުމެން ބޭނުންވަނީ މިއަހަރުގެ ތެރޭގައި މިކަންތައްތައް ކުރުން. އޭރަށް ވޭސްޓް ވަރަށް ބޮޑަށް ކުޑަވެގެންދާނެ،" އޭނާ ވިދާޅުވި އެވެ.

ރާއްޖޭގެ އިގްތިސާދީ ހަރަކާތްތައް ކުރިއަށް ގެންދިއުމުގައި އެސްއޯއީގެ ބައިވެރިވުން ވަރަށް ބޮޑެވެ. މިވަގުތު ސަރުކާރު ހިއްސާވާ 3 ކުންފުނީގައި 33،000 އަށް ވުރެ ގިނަ މުވައްޒަފުން މަސައްކަތް ކުރެ އެވެ.

ފިނޭންސް މިނިސްޓްރީ ޑރ. މުހައްމަދު ޝަފީގް (ކުރީގެ ފިނޭންސް މިނިސްޓަރު)

41 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަމުގާ

28 June 2024

ސިޔާސީ މަޤާމު ތަކަށް ވީހާގިނައިން މީހުން ވައްދާފަ އަދި ހަރަދުކުޑަކުރަން އޮފީހެއްހަދާފަ އެތަނަސް ވެސް 50ވަރަކަށް މީހުންވައްދާފަ އެމީހުންނަށް ވެސް 40000ރ މުސާރަދީ އޭރުން ތި ހަަރަދު ކުޑަވާނީ.... ދެން އަރާ އިންޓަވިއު ދީ........ކުރީސަރުކާރޭ ކިޔާގެން ދެބޯގެރި ދުއްވާނީ... އޯކޭވާނެދޯ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެ..

27 June 2024

ދަރަނިދައްކަން އިތުރު އޮފީހެއްހަދަން މަޖްލީހައް ހުށައެޅު ބިލްގައި އެބައޮތް. މިސަރުކާރުގައި ތެދުވެރިކަމެއް ނެތް. ކަމެއް ރަގަޅުވާނެ ކަމަކަށް ނުފެނޭ! ސިޔާސީ މަޤާމްތަކުގައި ތިބި މީހުން ސަރުކާރުގެ ދިފާޢުގައި ކޮމެންޓު ކުރިއަސް ކަން ހިގަނީ ރަގަޅަށް ނޫންކަން އެންމެންނަށްވެސް އެގޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނަގޮތް

27 June 2024

ފާއިތުވި ސަރުކާރު ތަކުން ނަގާފައިވާ ލޯނުތަކާއި، ސަރުކާރުގެ ރަރަދުތަކާ އިގްތިޞާދު ފުޅާކުރަން ކަމެއް ކޮއްފަ ނެތުމާ،، މިކަންކަމުގެ ތަދު ފިލުވަން ލައްކަ ހިތި ބޭސް ބޯންޖެހިފަ މިތިބީ،،، ގައުމު މިހާލަތަށް ވެއްޓުނު ގޮތް ސާފުކޮށް ، ތިލަކޮން އެންމެނަތް ފަހުމް ވަންދެން ކިޔައިދޭން ޖެހޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

27 June 2024

ބޭކާރު ކުންފުނިތައް އެހާ ގިނަ. އަދި ކުންފުނިތަކުގެ ޕޯފަރމަންސް އެއްވެސް ގޮތަކަށް ސަރުކާރުން ބަލަނިކީނޫން. މިސާލެއް މިފްކޯއިން އެކްސްޕޯޓު ކުރާ މަހުގެ ބޮޑު ބައެއް ރެޖެކްސްޓުވަމުން ދާއިރު އެކަން ބަލަންއެއްވެސް ސަރުކާރަކުން ނޫޅޭ، އަދި އެއްވެސް ރައީސެއްވެސް ފިނޭންސް މިނިސްޓަރުވެސް. އެހެންވެ ބުނެވެނީ ސަރުކާރުގައި ތިބެނީ ވަގުންނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުނިކާފަ

27 June 2024

އެސްއޯއީ އެއީ ކޯއްޗެއް ތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްފިހާރަ

27 June 2024

ތި އިސްލާހީ މަސައްކަތުގެ ދަށުންތޯ މިފްކޯއަށް 12000 ޑޮލަރގެ މުސާރަ ދީފައި ސީއީއޯއެއް ލާން ތިޔަ އުޅެނީ.. ސަރުކާރުން މަހުގެ އަގާއި ތަނުގެ މުވައްޒަފުންގެ މުސާރައާޢި އަދަދު ކަނޑައަޅާނަމަ ކިތަންމެ މޮޅު މީހަކު ހިންގަން ލިޔަސް ތިކަމެއް ރަގަޅެއް ނުވާނެ. ތިތަން ހިންގަން އެގޭ ވަރުގެ ދިވެހިން އެބަތިބި ރާއްޖޭގައި، ބޭރު މީހަކަށް ތިޔަ ދިނުމުގެ އެއްވެސް ބޭނުމެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނީލަމް

27 June 2024

އެމްޑީޕީ ގެނައި އިގްތިސާދީ ބޫމްއަކީ ގައުމު ބަގުރޫޓުކޮށްލުން.. މި ގައުމުގެ އިގްތިސާދު ނަގާ ކޮޅަށް ޖަހާނީ ރައީސް މުއިއްޒުގެ ސަރުކާރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާއިން

27 June 2024

ކެރިގެން ކުރިމަތިލާ ހުރިހާ ކަމެއް އިސްލާހު ކުރަން މަސައްކަތް ކުރަންވީ.. އެކަން ކުރާތަން މިސަރުކާރުން އެބަ ފެނޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްހާގް

27 June 2024

މި ސަރުކާރުން އިހުލާސްތެރި މަސައްކަތްތަކެއް ކުރަމުންދާ މަންޒަރު އެބަފެނޭ.. މީ ހެޔޮފާލެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަގްރަމް

27 June 2024

މިހެންވެ އަހަރުމެންނަށް ރައީސް މުއިއްޒުގެ ސަރުކާރު ކަމުދަނީ.. ގައުމަށް ވެއްޓިފައިވާ އަދަވަޅުން ސަލާމަތް ކުރަން ކެނޑިނޭޅި މަސައްކަތް ކުރަމުން މިގެންދަނީ. ބަޔަކު މި ގައުމު ފުޑާލިޔަސް އަދުގެ ސަރުކާރުން ތިބީކީ ގައުމު އޮޔާދާތަން ބަލާކަށް ނޫން.