މިދިޔަ އަހަރު ސިންގަޕޫރުގައި ހިންގި ކޮރަޕްޝަންގެ ތަހުގީގަކަށް ހާޒިރުވުމަށް ފަހު މަހުޖަނު އޮންގް ބެންގް ސެންގް ކޮރަޕްޝަން ޕްރެކްޓިސަސް އިންވެސްޓިގޭޝަން ބިއުރޯއިން ނުކުމެގެން ދަނީ. -- ފޮޓޯ: އޭއެފްޕީ
27 ޖޫން 2024 - 07:07
4 comments
ސިންގަޕޫރުން 2019 ވަނަ އަހަރުން ފެށިގެން މިހާ ހިސާބަށް މަނީ ލޯންޑަރިން އާއި ކުށުގެ އަމަލުތަކާ ގުޅުން ހުރި ހަ ބިލިއަން ސިންގަޕޫރު ޑޮލަރު (4.4 އެމެރިކާ ޑޮލަރު) އަތުލައިގެންފައިވާ ކަމަށް އިއްޔެ ބުނެފި އެވެ.
ކޮރަޕްޝަނާއި ކަޅު ފައިސާގެ މައްސަލަތައް މަދު ކަމަށް މަޝްހޫރު ސިންގަޕޫރުން މި އަދަދު ހާމަކޮށްފައި މި ވަނީ މިދިޔަ އަހަރު ފެންމަތިވި މިފަދަ މައްސަލަތަކެއްގެ ސަބަބުން ގައުމުގެ ނަމަށް ހުތުރުވެފައި ވަނިކޮށެވެ.
ސިންގަޕޫރުން މިދިޔަ އަހަރު ވަނީ މަނީ ލޯންޑަރިންއަށް ތުހުމަތުވާ ތިން ބިލިއަން ސިންގަޕޫރު ޑޮލަރުގެ މައްސަލައެއްގައި އެތައް އޮޕަރޭޝަނެއް ހިންގައިފަ އެވެ. މިއީ މުޅި ދުނިޔޭގެ ވެސް މިފަދަ އެންމެ ބޮޑު އެއް މައްސަލަ އެވެ. މި ރެއިޑްތަކުގައި އަގުބޮޑު ގެދޮރާއި ކާރާއި ލަގްޒަރީ މުދާ ހިފަހައްޓައި އަދި ބިދޭސީންތަކެއް ހައްޔަރު ވެސް ކުރި އެވެ.
"ބައިނަލްއަގްވާމީ މާލީ އަދި ވިޔަފާރީގެ މަރުކަޒެއްގެ ގޮތުގައި ސިންގަޕޫރުން ގަބޫލުކުރަނީ މަނީ ލޯންޑަރިން އާއި ޓެރަރިޒަމް ފައިނޭންސިންގެ ނުރައްކާ ވަރަށް ބޮޑުވެފައިވާ ކަމަށް،" ގްލޯބަލް ފައިނޭންޝަލް ކްރައިމް އެސޯސިއޭޝަނެއް ކަމަށްވާ ފައިނޭންޝަލް އެކްޝަން ޓާސްކް ފޯސް އިން ބާއްވާ އިވެންޓެއްގައި ބޮޑުވަޒީރު ލޯރެންސް ވޮންގް ވިދާޅުވި އެވެ.
"އެކަމަކު މި ނުރައްކާތަކާ ކުރިމަތިލައި، އިތުބާރު ހުރި މާލީ މަރުކަޒެއްގެ ގޮތުގައި ސިންގަޕޫރުގެ އަގު ހިފެހެއްޓުމަށް ކުރަންޖެހޭ ކަންކަން ކުރުމުގެ އަޒުމު އެބަ އޮތް."
އަތުލައިގަތް ހަ ބިލިއަން ސިންގަޕޫރު ޑޮލަރުގެ ތެރެއިން ގާތްގަނޑަކަށް 416 މިލިއަން ސިންގަޕޫރު ޑޮލަރު ވަނީ އެ މައްސަލަތަކުގެ ޝިކާރައަކަށް ވެފައިވާ މީހުންނަށް ރައްދުކޮށްފަ އެވެ. އަދި އެއް ބިލިއަން ޑޮލަރު ދައުލަތަށް ނަގާފައިވާ ކަމަށް ރިޕޯޓްގައިވެ އެވެ.
އަދި ބާކީ ހުރި ފައިސާގެ ބޮޑު ބައެއްގެ ތަހުގީގުތައް ނުވަތަ ކޯޓުގެ އަޑުއެހުންތައް ކުރިއަށްދާ ކަމަށް ވެސް ބުނެފައިވެ އެވެ. -- އޭއެފްޕީ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހާރަދުން
27 June 2024
އަންނި ވެރިކަމަށް އައިސް މާލެ ޕެރިހަށް ހެދި . މުޅި ޗާނަދަނީ މަގުގަ އޭނަޔަށް ސަނާ ކިޔާ ގުރޫޕަކަށް 20 މިލިޔަން ރުފިޔާ ދީގެން ޕެރިހުގަ މަގުތަކުގަ ހުންނަ ކަހަލަ މަގުލައިޓުތަކެއް މަތީގަ މާޓުކުރި ބަހައްޓާފަ ހަދަންވެގެން ވައްކަން ތަކެއް ހިނގި...ޔާމީނު އައިސް ޗައިނާގަ މަގުމަތީ އޮޓޯޕާކިން ހުންނަގޮތަން ޕާކިން ހަދަން 50 މިލިޔަން ޚަރަދު ކުރި...އިބޫއައިސް ސިންގަޕޫރަށް ބަދަލު ކުރި.. ދިވެހިންނަށް ހަލާކު ހުރި!
ސިނގަޕޫރް
27 June 2024
އަހަރެމެންވެސް ހިތުން ވާން ބޭނުންވަނީ މިކަހަލަ ބަޔަކަށް! އެކަމަކު މި ރާއްޖޭގައި ވައްކަން ކޮށްގެން ހޯދޭވަރު މަތިކުރެވުން ވަނީ އެ މީހެއްގެ ދިރިއުޅުމުގެ ބާކީ އޮތްބަޔަށް ކުރެވޭ ބޮޑު އިންވެސްޓްމަންޓަކަށް. އަދަދު ބޮޑުވާ ވަރަކަށް ލިބޭ ރައްކާތެރިކަމާއި، ތަހުގީގީ އިދާރާތަކާއި ކޯޓުތަކާއި މުޢައްސަސާތަކަށް އެމީހަކާ ހަމަޔަށް އާދެވުމުގެ ހުރިހާ ދޮރެއް ބަންދުވޭ. ސޯ، މި ރާއްޖޭގަ ހަމަ ގަދަޔަށް (މޮޅަށް) ވައްކަން ކުރަންވީ
އޮނަރަބްލް އަފީފު ދީދީ
27 June 2024
ފޮޓޯއިން ފެންނަ ބިލިއަނަރު Ong Beng Seng އަކީ ދުނިޔޭގެ އެންމެއަގުބޮޑު ޓްއަރިޒަމް ޑެސްޓިނޭޝަން ތަކުގެތެރޭގައި ހިމެނޭ ދިވެހިރާއްޖޭގައިވެސް 10 ވަރަކަށް ރިސޯޓާއި އޭނާގެ މަސްލަޙަތު އޮތް އެހެން ވިޔަފާރިވެސް ހިންގާ މީހެއްް. # ރާއްޖޭގައި ހިންގާ މަޝްހޫރު ރިސޯޓްތަކުން ޓެކްސްގެ ގޮތުގައި ދައުލަތަށް ދައްކާފައި އެބަހުރި 80 ކޮޓަރި ހިންގާ އާދައިގެ ގެސްޓް ހައުސްއަކުން ދައްކާ ޓެކުހަށްވުރެން ކުޑަ އަދަދެއްް. އެކަމަކު ދުވަހަކު މިކަހަލަކަމެއްގެ ތަޙްޤީގެއް ނުހިގާ.
އޮނަރަބްލް އަފީފު ދީދީ
27 June 2024
ކޮމިޝަނަރ ޖެނެރަލް އޮފް ޓެކްސްޒޭޝަން އަށާއި، އޭސީސީ ފަދަ މުއައްސަސާތަކުގެ ވެރިންނަށް ނޭގުމު ކަމުގައިވިޔަސް ޓެކްސް އާއި ހިސާބު އިލްމުވެ އެންމެ އާދައިގެ މީހާއަށްވެސް އިތުރު އުދަގުލަކާއި ނުލާ ވިސްނޭނެ އޮޕަރޭޝަނަލް ކޮސްޓްގެ ގޮތުގައި މަހަކު 3 ލައްކަ އެއްހާ ޑޮލަރު ޙަރަދުކުރާ އަދި ރިސޯޓް ތަރައްޤީ ކުރުމަށް 80-150 މިލިޔަން ޑޮލަރުވަރު ހޭދަކޮށްފައިވާ ރިސޯޓެއްގައި ހުންނަ 60 ނުވަތަ 100 އެނދު ދުވާލަކަށް 60 ނުވަތަ އައްޑިހަ ޑޮލަރަށް ނުވިއްކާނެކަން.