ޔޫއޭއީގައި މުޒާހަރާކުރި ބަންގްލާދޭޝްގެ 57 މީހަކު ދިގު މުއްދަތަށް ޖަލަށް ލައިފި

ބަންގްލާދޭޝްގައި މުޒާހަރާ ކޮންޓްރޯލްކުރަން ފުލުހުން މަސައްކަތްކުރަނީ: މި މުޒާހަރާޔަށް ތާއީދުކޮށް ޔޫއޭއީގައި މުޒާހަރާކުރި ބަންގްލާދޭޝް މީހުން ވަނީ ދިގު މުއްދަތަށް ޖަލަށް ލާފައި. -- ފޮޓޯ: އޭއެފްޕީ

23 ޖުލައި 2024 - 07:26

2 comments

މުޒާހަރާކުރުން މަނާ ޔުނައިޓެޑް އަރަބި އެމިރޭޓްސްގައި މުޒާހަރާކުރި ބަންގްލާދޭޝްގެ 57 މީހަކު ދިގު މުއްދަތަށް ޖަލަށް ލުމަށް އެ ގައުމުގެ ކޯޓަކުން ހުކުމްކޮށްފައިވާ ކަމަށް ދައުލަތުގެ މީޑިއާއިން ބުނެފި އެވެ.

ބަންގްލާދޭޝްގައި ސިވިލް ސާވިސްގެ ވަޒީފާތަކަށް މީހުން ނެގުމުގައި ގެންގުޅޭ އުސޫލާ ދެކޮޅަށް ފެށި އަދި މިހާތަނަށް 160 އަށް ވުރެ ގިނަ މީހުން މަރުވެފައިވާ މުޒާހަރާތަކަށް ތާއީދުކޮށް ޔޫއޭއީގައި މުޒާހަރާކުރި މީހުންގެ ތެރެއިން ތިން މީހަކު ވަނީ އުމުރަށް ޖަލަށް ލުމަށް ހުކުމްކޮށްފަ އެވެ.

މުޒާހަރާކުރި ބަންގްލާދޭޝްގެ މަސައްކަތްތެރިންގެ ތެރެއިން 53 މީހަކު 10 އަހަރަށް ޖަލަށް ލުމަށް ހުކުމްކުރި އިރު ދެން ތިބި މީހުންގެ މައްޗަށް އެއް އަހަރާއި 11 އަހަރާ ދެމެދުގެ ޖަލު ހުކުމް ވަނީ އިއްވައިފަ އެވެ.

"ދައުވާ ލިބުނު މީހުން ވަނީ ޔޫއޭއީގެ އެކި މަގުތަކަށް އެއްވެ ހުކުރު ދުވަހު ހަމަނުޖެހުން ހިންގާފައި،" ދައުލަތުގެ މީޑިއާއިން ބުންޏެވެ.

އެމިރޭޓްސް ނިއުސް އެޖެންސީން ބުނީ ހުކުމުގެ މުއްދަތު ހަމަވުމުން އެ އެންމެން ވެސް އަނބުރާ ގައުމަށް ފޮނުވާލާނެ ކަމަށެވެ.

ޕާކިސްތާނާއި އިންޑިއާ މީހުންނަށް ފަހު ޔޫއޭއީގައި ތިންވަނައަށް އެންމެ ބޮޑު ބިދޭސީ އާބާދީއެއް އޮންނަނީ ބަންގްލަދޭޝް މީހުންގެ އެވެ. -- އޭއެފްޕީ

ބަންގްލަދޭޝް ޔޫއޭއީ

2 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފދރެސވ

23 July 2024

ޔޫޢޭއީ އަކީ ވެސް ބިދޭސީންގެ މައްސަލަ ބޮޑު ތަނެއް. އެކަމަކު ގައުމުގެ ކަންކަމުގެ ތެރެއަށްވަދެ ގައުމުގެ އަމާންކަން ނަގާލަން އެމީހުން ފުރުސަތެއްނުދޭ. މިއީ ގާނޫނު ހިންގުމަކީ. މި ގައުމުގަ ބަންގާޅިން ނުކުމެ ހުޅުމާލޭގަ ދިވެހި ފުލުހުންނާ ދިމާއަށް އޮއްގާ އުކީމަވެސް ވީކަމެއްހަރާން!. ދިވެހިންނަށްވުރެ ދިވެހި ބިމަށް ބަންގާޅިން ގަދަ މިހާރު