މާފަރު އެއާޕޯޓްގެ އޭޕްރަން ބޮޑުކުރުން 29 މިލިއަން ރުފިޔާއަށް އެމްޓީސީސީއަށް

މާފަރު އެއާޕޯޓްގެ އޭޕްރަން ބޮޑު ކުރުމުގެ މަޝްރޫއު އެމްޓީސީސީއާ ހަވާލުކުރުމުގެ ރަސްމިއްޔާތުގެ ތެރެއިން

11 އޯގަސްޓް 2024 - 18:35

ނ. މާފަރު އެއާޕޯޓްގެ އޭޕްރަން ބޮޑުކުރުމުގެ މަޝްރޫއު މޯލްޑިވިއަން އިން މިއަދު އެމްޓީސީސީއާ ހަވާލުކޮށްފި އެވެ.

މަޝްރޫއު ހަވާލުކުރުމަށް މިއަދު ބޭއްވި ރަސްމިއްޔާތުގައ،ި އެމްޓީސީސީގެ ފަރާތުން ސޮއިކުރެއްވީ ސީއީއޯ އަބްދުﷲ ޒިޔާދެވެ. އަދި އައިލޭންޑް އޭވިއޭޝަން ސާވިސަސް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އިބްރާހިމް އިޔާސް އެވެ.

މި މަޝްރޫއުގެ ދަށުން މިހާރު އޮތް 453 އަކަމީޓަރުގެ ފަޔަ ރޯޑު ތަޅާލުމާއ،ި 18,660 އަކަމީޓަރު ސަރަހައްދެއްގެ ވެލިގަނޑުގެ މަތީ ފަށަލަ ނަގައ،ި ސަބްބޭސް ތައްޔާރުކޮށް، ވެއަރިން ކޯސްއެއް އެޅުމާއ،ި 4,047 އަކަމީޓަރުގެ ސަރަހައްދެއް ގްރޭޑްކޮށް ކޮމްޕެކްޓްކުރުމުގެ މަސައްކަތް ހިމެނެ އެވެ.

މީގެ އިތުރުން އެއާފީލްޑް ލައިޓިން ސިސްޓަމެއް ގާއިމުކުރުމުގެ މަސައްކަތް ވެސް ހިމެނެ އެވެ. މި މަޝްރޫއު ހަވާލުކުރީ 29.85 މިލިއަން ރުފިޔާއަށް، 180 ދުވަސް ތެރޭ ނިންމާ ގޮތަށެވެ.

އެމްޓީސީސީން ބުނީ މި މަޝްރޫއުގެ ދަށުން މާފަރު އެއާޕޯޓްގެ އޭޕްރަން ބޮޑުކުރުމުން އެއާޕޯޓްގެ ހިދުމަތް އިތުރަށް ޒަމާނީވެ ފުރިހަމަވެގެންދާނެ ކަމަށެވެ. އަދ،ި އެމްޓީސީސީން ކުރިއަށްގެންދާ މާފަރު އެކްސްޕޭންޝަން މަޝްރޫއު ނިމުމުން އެއާޕޯޓްގެ ހިދުމަތް އިތުރަށް ފުޅާވެ، ވަޒީފާގެ ފުރުސަތު އިތުރުވެގެން ދާނެ ކަމަށް ވެސް އެމްޓީސީސީން ބުންޏެވެ.

އޭޕްރަން ބޮޑުކުރުމުގެ މަޝްރޫއުގެ ސަބަބުން، ޕްރައިވެޓް ޖެޓްތައް ޕާކް ކުރާނެ އިތުރު ޖާގަ ލިބުމާ އެކު، ޕްރައިވެޓް ޖެޓްތައް މާފަރު އެއާޕޯޓްގައި ޖައްސާ އަދަދު ވެސް އިތުރުވެގެންދާނެ ކަމަށް އެމްޓީސީސީން ބުންޏެވެ. ޓޫރިސްޓުން މި ސަރަހައްދަށް އަންނަ އަދަދު މަތިވެ، އެއަޕޯޓަށް ޖެޓް ޕާކިން އިން ލިބޭ އާމްދަނީ އިތުރުވާނެ އެވެ.

އެމްޓީސީސީ މާފަރު އިންޓަނޭޝަނަލް އެއާޕޯޓް

24 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒަލީފް

12 August 2024

އެމްޓީސީސީ އަކީ ރާއްޖޭގަ އޮތް އެންމެ ވަރުގަދަ އެއް ކޮންސްޓްރަކްޝަން ކުންފުނި. މި މަސައްކަތް ވަރަށް އަވަހަށް ނިމިގެންދާނެ ކަމުގެ ޔަގީންކަން އެބަ އޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައިޝް ލަތީފް

12 August 2024

މީ މިބުނާ ވާހަކަ އަކީ. ރައީސް މުއިއްޒު ބުނިހެން ރާއްޖޭގެ ހުރިހާ ހިސާބަކަށްވެސް ތަރައްގީ ގެންނާނެ މި ވެރިކަން މި ގައުމުގަ ރަން އަކުރުން ފެވިގެންދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނަތް ފަދުވާ

12 August 2024

މާފަރު އެއާޕޯޓް އރންމެ ފެންވަރުގެ އެއާޕޯޓަކަށް ހެދުމުގެ މަސައްކަތް އެ ފެށުނީ. އިރާދަކުރެއްވިއްޔާ ވަރަށް އަވަސް މިސްތަގްބަލެއްގައި ގެނެވުނު ކުރިއެރުންތައް ފެނިގެން ދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޯޑިނޭޓަރ

11 August 2024

ހާދަ ވަރަކައް ކޮމެންޓް ކޯޑިނޭޓަރ ތައް މި ކުރަނީ.. މާފަރު ބިން ހިއްކުން ހުއްޓިފަ އޮންނަތާ ތިންމަސް. ޔޫތު ސެންޓަރ ހުއްޓިފަ އޮންނަތާ ނުވަމަސް. ކުރީ ސަރުކާރު ރަގަޅު ކޮއްލާ.