އެޗްޑީސީން ޕާކިން ޖާގަތައް ދޫކުރާ ސަރަހައްދު.-- ފޮޓޯ: އެޗްޑީސީ
17 ސެޕްޓެމްބަރ 2024 - 19:32
21 comments
ހުޅުމާލޭގެ ޕާކިން މައްސަލައަށް ހައްލު ހޯދަން ގާއިމްކޮށްފައިވާ ޕޮކެޓް ޕާކިން ޖާގަތައް ކުއްޔަށް ދޫކުރަން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ން މިއަދު ހުޅުވާލައިފި އެވެ.
އެޗްޑީސީން ބުނީ ހުޅުމާލޭގައި ގާއިމްކޮށްފައިވާ އަށް ޒޯނަކުން 1،374 ޕާކިން ޖާގައަށް ކުރިމަތިލެވޭނެ ކަމަށެވެ. ކާރާއި ޕިކަޕް ފަދަ ވެހިކަލްތަކަށް އެއް އަހަރަށް ދޫކުރާ ޕާކިން ޖާގަތަކުގެ މަހު ކުއްޔަކީ 2،000ރ. އެވެ.
އުމުރުން 18 ފުރިފައިވާ ކޮންމެ ދިވެއްސަކަށް ވެސް ޕާކިން ޖާގައަށް ކުރިމަތިލެވޭނެ އެވެ.
އެޗްޑީސީން ބުނި ގޮތުގައި ޕާކިން ޖާގައަށް ހުށަހެޅޭނީ މާލޭ ސަރަހައްދަށް ރަޖިސްޓްރީކޮށްފައިވާ ކެޓަގަރީ B1 ނުވަތަ C1 ގެ ވެހިކަލެއް އޮންނަ މީހުންނަށެވެ. ޕާކިން ހޯދަން ހުށަހަޅާ މީހަކީ މާލެ ސަރަހައްދުގައި ދިރިއުޅޭ މީހަކަށް ވާން ޖެހޭނެ ކަމަށް ވެސް އެ ކުންފުނިން ބުންޏެވެ.
ޕާކިން ސްލޮޓުތައް ދޫކުރުމުގައި ފުރަތަމަ އިސްކަންދޭން ނިންމާފައި ވަނީ ހުޅުމާލެއަށް ރަޖިސްޓްރީކޮށްފައިވާ ވެހިކަލްތަކަށެވެ. ހުޅުމާލެ ފިޔަވައި މާލެ ސަރަހައްދަށް ރަޖިސްޓްރީކޮށްފައިވާ އެހެން ވެހިކަލްތަކަށް ޕާކިން ޖާގަ ދޫކުރަން ނިންމާފައި ވަނީ އެ ވެހިކަލްތަކަށް ފަހު ކަމަށް ވެސް އެޗްޑީސީން ބުންޏެވެ.
ދެ ކެޓަގަރީން ވެސް ޕާކިން ޖާގަ ދޫކުރުމުގައި އިސްކަންދޭނެ ތަރުތީބަކީ:
1. ޕާކިން ޖާގަ ހޯދަން ހުށަހަޅާފައިވާ ޒޯންގައި ދިރިއުޅޭ ހުޅުމާލޭގެ ރައްޔިތުން
2. ޕާކިން ޖާގަ ހޯދަން ހުށަހަޅާފައިވާ ޒޯން ނޫން އެހެން ޒޯނެއްގައި ދިރިއުޅޭ ހުޅުމާލޭގެ ރައްޔިތުން
3. މާލޭ ސަރަހައްދުގައި (ހުޅުމާލެ ނުހިމަނާ) ދިރިއުޅޭ ރައްޔިތުން
ޕާކިން ޖާގަތައް ދޫކުރަން ނިންމާފައި ވަނީ އެ ޖާގަތަކަށް ކުރިމަތިލާ މީހުންގެ ތެރެއިން، ޝަރުތު ހަމަވާ މީހުންގެ މެދުގައި ގުރުއަތު ލައިގެންނެވެ.
ޕާކިން ޖާގައަށް އެދި ފޯމު ހުށަހެޅޭނީ މި މަހުގެ ނިޔަލަށެވެ. ރަސްމީ ބަންދު ނޫން ކޮންމެ ދުވަހެއްގެ ހެނދުނު ނުވައަކުން މެންދުރު ފަހު ދޭއް ޖެހުމާ ހަމައަށް އެޗްޑީސީގެ ރިސެޕްޝަނުން ފޯމުތައް ބަލައިގަންނާނެ ކަމަށް ވެސް އެ ކުންފުނިން ބުންޏެވެ.
އެޗްޑީސީން ބުނީ ހުޅުމާލެއިން ދޫކުރާ ޕާކިން ޖާގަތަކުގެ ސަބަބުން ވެހިކަލް ޕާކުކުރުމުގެ މައްސަލައަށް ވަރަށް ބޮޑު ހައްލެއް ލިބިގެންދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
25 ބުރި
19 September 2024
މަގުމަތިން ވިއްކަނީ ޕާކިންތަ ނޫނީ ގަރާޖްތަ ؟
ޓުއްޓޯންބެ
19 September 2024
ނަމުގައި ޕާކިން ޒޯން ވިއްކަނީ މަގުމަތިން ގަރާޖް ހަބޭސް
މަގުމަތީ ގަރާޖް
19 September 2024
މިގައުމަކީ ޕަބްލިކް ސްޕޭސް ހިގާ މަގާއި ޕޭމަންޓު ޕްރައިވެޓްޕާކިން ނަމުގައި ގަރާޖް ދޫކޫރާ ގައުމެއް އަދި ޕްރައިވެޓް ސްޕޭސްއާއި ޕަބްލިކް ސްޕޭސް ވަކިކުރަން ނުދަންނަ ކައުސިލްތަކެއް އަދި ސަރުކާރެއް އޮންނަ ގައުމެއް
ހުޅުމާލޭ މީހެއް
18 September 2024
ތިޔަ ޕާކިންއަށް ޢެހެން ޒޯނެއްގެ ކާރު ބަދަލު ކުރެވޭނެ ގޮތެއް ހަދައި ދީބަލަ. ރަށުން ހުޅުމާލެއަށް ބަދަލުވީ. ކާރު ބަދަލު ނުކުރެވުނު އަދިވެސް.
ޕަބްލިކް ބަސް
18 September 2024
ޕްރައިވެޓް ޓެކްސީ ތަކަށް ބަރޯސާވާ މިންވަރު ކުޑަކުރަން ކުދި ބަސްތައް ގިނަކޮށް ޕަބްލިކް ޓްރާންޕޯޓް ނިޒާމް ހަރުދަނާ ކުރަންވީ އޭރަށް ދުރު ތަންތަނަށް ދަތުރު ކުރަން ބަސް ބޭނުން ކުރެވޭނެ. ކައިރި ތަންތަނަށް ހިނގާފަ ދެވޭނެ. ރާއްޖެ ކަހަލަ ކުދި ތަންތަނަށް މާގިނަ ކާރުތައް އަސްލު ބޭނުމެއް ނޫން.
އާނަ
18 September 2024
ހެޔޮނުވާނެ ފޭސް 1 ޗަނބޭލީ މަގުން ވެހިކަލްތައް ނަގާނީ ކޮންދުވަަހަކުންބާ؟
މަގު ގަރާޖް
19 September 2024
ޕާކިން ނަމުގައި މުޅި ޗަނބޭލީ މަގު އޮތީ ގަރާޖް ސިޓީއަށް ވިއްކާފައި ތޯއްޗެއް
ޕިކްސް
18 September 2024
މިގޮތަށް ޕާކިން ވިއްކާނަމަ ގަރާޖު ސިޓީގެ ބޭނުމަކީ ކޮބާ.
ރިޒާބެ
18 September 2024
އިސްކަންދޭ ތަރުތީބުގެ ފުރަތަމަ ޕޮއިންޓުގައި އޮތް "ހުޅުމާލޭގެ" ކަނޑާލަން ޖެހޭ. ދެވަނަ ޕޮއިންޓުގައި "ދިރިއުޅޭ ހުޅުމާލޭގެ" އޮތް ތަން "ހުޅުމާލޭގައި ދިރިއުޅޭ" އަށް ބަދަލު ކުރަން ޖެހޭ. މީގައި ދާއިމީ އެޑްރެހަށް ނުބަލައި ރެސިޑެންސީއަށް ބެލުން ރަގަޅު. ތިޔަ ޖާގަ މުހިއްމުވާނީ ކައިރީގައި ހުރި ގޭގެ ރަޖިސްޓަރީގައި އޮތް, އެކަމަކު އެހެން ހިސާބެއްގައި ދިރިއުޅޭ މީހާއަށްތޯ ނުވަތަ ކުއްޔަށް ވިޔަސް އެތާގައި ދިރިއުޅޭ މީހާއަށްތޯ
ސާޖިދާ
18 September 2024
މާލެ ސަރަހައްދުގަ ދުއްވޭނެ ވެހިކަލް ތަކަކީ ހަމައެކަނި އެމްފީބިއަސް ވެހިކަލްތަކަށް ހަދާ އެވެހިކަލްތަށް ޕާކު ކުރަން ކައިރީ ސަރަހައްދަކުން ފަޅެއް ހަމަޖައްސަން ރައީސަށް ދަންނަވަން ފެނޭ.
ވެންގަބޯ
18 September 2024
މިހާރު ތިއުޅެނީ ރައްޔިތުން އަތުން ފައިސާ ހޯދަން ހުރިހާ އެންމެން ނަކީ ފައިސާ ވެރިންނެއް ނޫން އަހަރެމެން އަތުން ފައިސާ ނަގާގެން ތަންތައް ހިތްކާފައި މީހުންނަށް ގޯތިހިލޭ ދީފައި ޕާކުކުރަން ވީމާ މަހަކު/-2000 ރުފިޔާ އަށް މީތި ކަޑައެވެ އެޗްޑީސީ ހުޅުމާލޭގައި ދިރިއުޅޭ މީހުން ދުއްވާ އުޅަނދުތައް C1 B1 ކޮންމެ ފުލެޓްތަކަށް ނޫނީ ގެއަކަށް ހިލޭ ލިބެންޖެހޭނެއެވެ ބިންތައް ހިލޭ ދޭއުސޫލުން ޕާކިންވެސް މިބުނާ މީހުންނަށް ހިލޭ ލިބެންޖެހޭނެއެވެ ތީ ބޮޑު ގޯހެއް