ޚަބަރު / ސާޖިދާ މުހައްމަދު (ފަސްޓް ލޭޑީ)

ސްކޫލުގައި ހޭދަކުރާ ވަގުތު މަދުކޮށްދީ، ޓީޗަރުންގެ ދުޅަހެޔޮކަމަށް މަސައްކަތްކުރަން ޖެހޭ: ފަސްޓް ލޭޑީ

ހަތް ވަނަ އިންޓަނޭޝަނަލް ޓީޗާސް ކޮންފަރެންސް ފެށުމަށް ބޭއްވި ރަސްމިއްޔާތުގައި ފަސްޓް ލޭޑީ ސާޖިދާ މުހައްމަދު ވާހަކަ ދައްކަވަނީ.-- ފޮޓޯ: ރައީސް އޮފީސް

ފާތިމަތު އަޖްފާން، މިހާރު

01 އޮކްޓޯބަރ 2024 - 15:22

37 comments

ޓީޗަރުންގެ ދުޅަހެޔޮކަމާއި ކިޔަވައިދިނުމުގެ ފެންވަރު ރަނގަޅުކުރުމަށް ސްކޫލްގައި ޓީޗަރުން ހޭދަކުރަން ޖެހޭ ވަގުތު މަދުކޮށް، ކުރިއެރުމަށް ފުރުސަތުތައް ތަނަވަސްކޮށްދޭން ޖެހޭ ކަމަށް ފަސްޓް ލޭޑީ ސާޖިދާ މުހައްމަދު މިއަދު ވިދާޅުވެއްޖެ އެވެ.

ހަތް ވަނަ އިންޓަނޭޝަނަލް ޓީޗާސް ކޮންފަރެންސް ފަށަން ސީއެޗްއެސްއީގައި ބޭއްވި ރަސްމިއްޔާތުގައި ފަސްޓް ލޭޑީ ވިދާޅުވީ ޓީޗަރުންނަށް ފަންނީ ތަރައްގީގެ ފުރުސަތުތައް ފަހިކޮށްދީ، މަސައްކަތު ބައްދަލުވުންތަކާއި ތަމްރީނު ޕްރޮގްރާމުތައް ރޭވުމާއި ހިންގުމުގެ އިތުރުން ނަފްސާނީ ދުޅަހެޔޮކަމަށް އެހީތެރިކަން ފޯރުކޮށްދޭން ޖެހޭ ކަމަށެވެ.

ރާއްޖޭގެ ތައުލީމީ ނިޒާމުގައި ހުރި ދަތިތަކާއި ހުރަސްތައް ފާހަގަކުރައްވަމުން އެކަމަނާ ވިދާޅުވީ ރާއްޖޭގެ ރަށްތައް ވަކިވަކިން ހުރުމުގެ ސަބަބުން ރަށްރަށުގެ ތައުލީމީ ނިޒާމު ހަރުދަނާ ކުރުމުގައި ގޮންޖެހުންތަކެއް އެބަ ހުރި ކަމަށެވެ. އެހެންވެ އެ ގޮންޖެހުންތައް ނައްތާލައި، އެކަމުގައި އެންމެން ގުޅިގެން މަސައްކަތްކޮށް، ހައްލެއް ހޯދަންޖެހޭ ކަމަށް ފަސްޓް ލޭޑީ ވިދާޅުވި އެވެ.

ސާޖިދާ ވަނީ ރާއްޖެ ކަހަލަ ޖަރީޒާ ގައުމަތަކުގެ ތައުލީމީ ދާއިރާއަށް ޓެކްނޮލޮޖީ ގެނައުމަކީ މުހިއްމު ކަމެއްގެ ގޮތުގައި ވެސް ފާހަގަކުރައްވައިފަ އެވެ.

ހަތް ވަނަ އިންޓަނޭޝަނަލް ޓީޗާސް ކޮންފަރެންސްގައި ބައިވެރިވި ބައެއް ޓީޗަރުން.-- ފޮޓޯ: ރައީސް އޮފީސް

ތައުލީމީ ނިޒާމު ހަރުދަނާ ކުރުމަށް ޓީޗަރުންގެ ދައުރު އަދާކުރުމަށް ވެސް ސާޖިދާ ބާރު އެޅުއްވި އެވެ. އަދި ރަށްރަށުގެ ޓީޗަރުން، ވެރީންގެ ގޮތުގައި ހަރަކާތްތެރިވާ މަންޒަރު ފެނިވަޑައިގަތުމުން އުފާ ކުރައްވާ ކަމަށް ވިދާޅުވި އެވެ.

"7 ވަނަ އިންޓަނޭޝަނަލް ޓީޗާސް ކޮންފަރެންސް" ފެށުމުގެ ރަސްމިއްޔާތުގައި ފަސްޓްލޭޑީ ސާޖިދާ މުހައްމަދާއި އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު ބައިވެރިވެވަޑައިގަންނަވަނީ. -- ފޮޓޯ | ރައީސް އޮފީސް

މި ކޮންފަރެންސަކީ ރާއްޖޭގެ އެކި ސަރަހައްދުތަކުގައި ކިޔަވައިދޭ ފަރާތްތަކާއި ސިޔާސަތު ކަނޑައަޅާ ފަރާތްތައް އެއް ތަނަކުން ބައްދަލުވެ، ފުޅާ ދާއިރާއެއްގައި މަޝްވަރާ ކުރެވޭނެ ބައްދަލުވުމެކެވެ. މިއަދާއި މާދަމާ ކުރިއަށްދާ މި ކޮންފަރެންސްގައި 250 މީހުން ބައިވެރިވެ އެވެ.

މިއީ ނެޝަނަލް އިންސްޓިޓިއުޓް އޮފް އެޑިއުކޭޝަން (އެންއައިއީ) އިން ކޮންމެ ދެ އަހަރުން އެއް އަހަރު ބާއްވަމުން އަންނަ ކޮންފަރެންސެކެވެ. މި އަހަރުގެ ޝިއާރަކީ "އެޑިއުކޭޓް، އެމްޕަވާ، އެލެވޭޓް: އިކުއިޓަބަލް އެޑިއުކޭޝަން ފޯ ޓުވެންޓީ ފަސްޓް ސެންވަރީ އެޑިއުކޭޝަން އެކްސަލަންސް" އެވެ.

އެޑިއުކޭޝަން މިނިސްޓްރީ ސާޖިދާ މުހައްމަދު (ފަސްޓް ލޭޑީ)

37 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޭހިލޭ

02 October 2024

އެއް ސްކޫލަކަށްވުރެ މޮޅުވާން، މޮޅުކަން ދައްކަން މިހިންގާ ހަރަކާތްތައް ހުއްޓާލީމާ ތިޔަކަން އޮންނާނީ ހަމަޖެހިފައި. ތަނެއްގައި ދުވުމެއް އޮތަސް ލަގިރިއެއްޖެހިޔަސް ވަނަ ހޯދަންވެގެން ދަރިވަރުން އެއްކޮށްގެން ކުރާ ކަންކަން ހުއްޓާލީމާ ނިމުނީ. ސިޓީލިޔުމުގެ މުބާރާތްފަދަ މުބާރާތްތަކުގައި ކުދިން ބައިވެރިވާނީ އެކުއްޖަކު އަމިއްލައަށް އިސްނަގައިގެން ކަމަށް ނިންމީމާ ސްކޫލުގައި އެކަން ނުކުރިޔަސް އެކަމަށް ޝައުޤުވެރިވާ ކުދިން އެކަން ކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިއުޝަން ޓީޗަރު

02 October 2024

މިހާރު މި އޮތް ސިސްޓަމަކަށް ވަގުތު މަދެއް ނުކުރެވޭނެ، ކިޔަވަދީ ނިންމާފަ އެބަ ޖެހޭ، ފޮތް މާކު ކުރަން، ޗެކް ލިސްޓް ހަދަން، ލެސަން ޕްލޭން ހަދަން، އިތުރު ހަރަކާތްތަކަށް ޑިއުޓީ ކުރަން ޖެހޭ، ނުވާނެ ކަން ކަން ތީ ހަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިމަލް

02 October 2024

ޓިޗަރުންނާއި ނަރުހުން މި ގައުމުގަ އެންމެ ބުރަކޮށް އުޅޭ ބަޔަކަށް ވާނެ، ޓީޗަރުނަށް ސްކޫލް ގަ ހޭދަ ކުރާ ވަގުތު އެއީ އަސްލު އިންސާނިޔަތާ ޙިލާފަށް ހަދާފައި އޮންނަ ވަގުތެއް، އަމިއްލަ ދަރިން ދޫކޮށްލާފަ 12 ،14 ގަޑިއިރު ކޮންމެ ދުވަހަކު އުޅޭ، އޯޓީ އިންނަނީ ލިމިޓު ކޮށްފަ، އަމިއްލަ ޖީބުން ޙަރަދު ކޮށްގެން ކަން ކަން ކުރަން ޖެހޭ، އަދި ގެއަށް އައިސް ވެސް ކުރަން ޖެހެނީ ސްކޫލް މަސައްކަތް، ވަރަށް ދެރަ ދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންނެލި ރާޖާ

01 October 2024

ސްކޫލްތައް އުވާލާ ހޮޅުއަށީގެ ޒަމާނަށް ބަދަލު ކުރުމުގެ ސިޔާސަތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަހެރުވައް

01 October 2024

ހޫމމ. ޓީޗަރުން ސްކޫލްތަކުގަ ކިޔަވައި ދޭންވީ 3 ގަޑިއިރު. ބާކީ އޮންނަ ވަގުތުތަކުގައި ލިބޭ މުސާރައިގެ ދެގުނަ ނަގާގޮތަށް ޓިއުޝަން ދޭންވީ. އޭރަށް ޓީޗަރުންގެ ދުޅަހެޔޮކަމާއި ކިޔަވައިދިނުމުގެ ފެންވަރު މަތިވާނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޖުލާ

01 October 2024

ކިޔަވައިދޭ ވަގުތު މަދު ކުރާވާހަކަ އޮތީ އާޓިކަލްގެ ކޮންތާކު؟ ޓީޗަރުން ޓިއުޝަން ދީގެން ލާރި ހޯދާތީ ހާދަ ވަރަކަށް ޖޭ ތިވަނީ. ތީނަވެސް ކިޔަވައިގެން ހުރި ދާއިރާއަކުން އިތުރު ވަގުތު ދިރިއުޅުމުގެ ފެންވަރު ރަނގަޅު ކުރަން ހަމަ އިތުރު މަސައްކަތް ކުރަންވީނު. ތިހެން ދެއަތް އުރާލައިގެން ހުއްޓަކަސް ލާރިއެއް ނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިމަލް

02 October 2024

ތަނެއް އޮތީޔާ ބޯކޮށް ޕާތި، ބަލަ ކިޔަވަދީ ނިންމާފަ އަދި 14، 15 ގަޑި އިރު ހޭދަ ކުރަން ޖެހޭ، އޯޓީ އިންނަނީ ލިމިޓު ކޮށްފަ، ފޮތް މާކު ކުރާޝާ ، ލެސަން ހެދުމާއި، ސްކޫލް ހިންގާ ހަރަކާތްތަކާ، އަމިއްލަ ދަރިންގެ ހާލު ބަލާ ނުލެވޭ، ގެއައް އާދެވެނީ މެންދުރު ގޮއްސިޔާ ދަންވަރަށް، ވާނުވާ ނޭންގި ކޮމެންޓް ކުރާތީ މަށަށް ދެރައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑަނަ

01 October 2024

ގޮތެއްވޭތޯ ޝަފީއުބޭގާތުގާ ބުނެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯނު ލެކްޗަރު

01 October 2024

އެހެންވީމާ ކޮންމެ ކުއްޖަކު ވެސް ބަލަންވީ ޓީޗަރާ ނުލައި ކިޔެވޭތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުލްދަސްތާ

01 October 2024

ޓީޗަރުން ހޭދަކުރާ ވަގުތު ކުޑަކުރަންވީ، މުސާރަ ބޮޑުކުރަންވީ، ކިޔަވައިދޭން ޓެކްސްޓްފޮތް ނިންމަން ނުޖެހޭ... ދެން ބެލެނިވެރިންނާ ބައްދަލުކޮށްފަ ބުނާނެ ޓިއުޝަން ނަގަން ޖެހޭނެކަމަށް...ސްކޫލުން ކިޔަވައިދީގެން އެކަނި ނުވާނެކަމަށް... ދެން މިޖެހެނީ ޓިއުޝަނަށް ފޮނުވަން...ރަށްފުށުގަ ޓިއުޝަން ދޭންވެސް ހުންނަނީ ހަމަ ސްކޫލުގަްިބކިޔަވައިދޭ ޓީޗަރު..ހުރިހާ ކުދިން ސްކޫލު ގަޑިނނިމިގެން ޓީޗަރު ކައިރިއަށް ޓިއުޝަނަށް..ނިކަން މޮޅުބވިޔަފާރިއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

01 October 2024

ކިޔަވާދޭން ތިބޭ ބަޔަކުގެ ޒިންމާ އަކަށް މިއޮންނަނީ އެކްޓިވިޓީ ތަކުގެ ކުދިން ބެލުންވެސް މިހެންވީމާ ސްކޫލަކީ ޓީޗަރުންގެގެއެވެ. އެކްޓިވިޓީތަކަށް އެސިސްޓެންޓުން ނަގަންޏާ ސަރުކާރު ދޮވެވި ދާނެއެވެ.! އިތުރު އެލަވަންސް ނެގީމާވެސް ވަގުތުގެ ވާހަކަ ދެކެވެއެވެ. ލާރިވެސް ބޭނުން ގެޔަށްވެސް އަވަހައްދާންވެސް ބޭނުން ކަފުނާޖެހެން ދެން ރަނގަޅު އެއްގޮތެއްވެސް ނެތް.