އަހަރު ނުވާ ހަތަރު ކުއްޖަކާ އެކު، ދައުލަތުގެ ބެލުމުގެ ދަށުގައި 167 ކުދިން

ހުޅުމާލޭގައި ހުންނަ ފިޔަވަތީގައި ބަލަހައްޓާ ކުދިންތަކެއް އެ މަރުކަޒުގެ ގޯތިތެތޭގައި އިށީނދެލައިގެން.-- ފޮޓޯ: ޖެންޑާ މިނިސްޓްރީ

ފާތިމަތު އަޖްފާން، މިހާރު

12 ނޮވެމްބަރ 2024 - 11:20

6 comments

ބެލެނިވެރިން ހަވާލު ނުވުމުގެ ސަބަބުން ދައުލަތުގެ ބެލުމުގެ ދަށުގައި މި ވަގުތު ވެސް 167 ކުދިން އެބަތިބި ކަމަށް ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީން ބުނެފި އެވެ.

މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން "މިހާރު" އިން އެދުނު މައުލޫމާތުގެ ޖަވާބުގައިވާ ގޮތުން، މިހާރު ދައުލަތުން ބަލަމުން އަންނަ ކުދިންގެ އަދަދަކީ 167 އެވެ. އެއީ 76 އަންހެން ކުދިންނާއި 91 ފިރިހެން ކުދިންނެވެ.

އެ ކުދިންގެ ތެރޭގައި އުމުރުން އެއް އަހަރު ވެސް ނުވާ ތިން އަންހެން ކުދިންނާއި އެއް ފިރިހެން ކުއްޖަކު ހިމެނޭ ކަމަށް މިނިސްޓްރީން ބުންޏެވެ.

ދައުލަތުގެ ބެލުމުގެ ދަށަށް ނަގާ ކުދިން މީގެ ކުރިން ބަލަހައްޓަމުން އައީ ކުޑަކުދިންގެ ހިޔާ އާއި ފިޔަވަތީގަ އެވެ. އެ ތަނުގައި މިހާރު ކުދިން ތިބި ނަމަވެސް 2022 ވަނަ އަހަރުން ފެށިގެން ވަނީ ރަށްރަށުގައި އަމާންވެށިތައް ގާއިމުކޮށް، އެ ރަށްތަކަށް ބައެއް ކުދިން ވަނީ ބަދަލު ކޮށްފަ އެވެ.

އަމާންވެށިތަކުގައި ތިބި ކުދިން

1. ށ. ފުނަދޫ: 13 އަންހެން ކުދިން

2. ނ. މަނަދޫ: 16 އަންހެން ކުދިން

3. ބ. އޭދަފުށި: 18 ފިރިހެން ކުދިން

4. ދ. ކުޑަހުވަދޫ: 11 ފިރިހެން ކުދިން

5. ލ. ފޮނަދޫ: ނުވަ ފިރިހެން ކުދިން

7. ފުވައްމުލައް: ދެ އަންހެން ކުދިންނާއި 8 ފިރިހެން ކުދިން

މިނިސްޓްރީން ބުނީ މިދިޔަ އަހަރުގެ އޮގަސްޓު މަހުން ފެށިގެން މި އަހަރުގެ ސެޕްޓެމްބަރުގެ ނިޔަލަށް ދައުލަތުގެ ބެލުމުގެ ދަށަށް އަލަށް 49 ކުދިން ނަގާފައިވާ ކަމަށެވެ. އެއީ 29 އަންހެން ކުދިންނާއި 20 ފިރިހެން ކުދިންނެވެ.

އެ މުއްދަތުގައި 40 ކުދިން އަނބުރާ އާއިލާއާ ހަވާލު ކޮށްފައިވާ ކަމަށާއި ހަ ކުއްޖަކު މުޖުތަމައަށް ނެރެ އެއް ކުއްޖަކަށް މިނިސްޓްރީން ވަނީ ވަޒީފާ ވެސް ހޯދައިދީފަ އެވެ.

މިދިޔަ ފަސް އަހަރުގެ ތަފާސްހިސާބަށް ބަލާއިރު 2018 އިން 2023 އަށް 299 ކުދިން ދައުލަތުގެ ބެލުމުގެ ދަށުގައި ތިއްބެވެ. އެއީ 128 އަންހެން ކުދިންނާއި 101 ފިރިހެން ކުދިންނެވެ. އެ މުއްދަތުގައި 142 ކުދިން އަނބުރާ އާއިލާއާ ހަވާލު ކުރި އެވެ. އަދި އުމުރުން 18 އަހަރު ވުމުން 19 ކުދިން މުޖުތަމައަށް ނެރެ ތިން ކުއްޖަކަށް ވަޒީފާ ހޯދައިދީފައިވެ އެވެ.

މިނިސްޓްރީގެ ކޮންމެ މަހެއްގެ ތަފާސްހިސާބުތައް ދައްކާ ގޮތުގައި ކޮންމެވެސް ސަބަބަކާ ހުރެ ކޮންމެ މަހަކު ވެސް ދައުލަތުގެ ބެލުމުގެ ދަށަށް ކުދިން ނަގަ އެވެ. އާއިލީ މައްސަލަތަކުގައި ނަގާ ބައެއް ކުދިން ވަގުތީ ގޮތުން ނެގުމަށް ފަހު، އަލުން އާއިލާއާ ހަވާލު ކުރެ އެވެ.

ކުޑަކުދިން ޑރ. އައިޝަތު ޝިހާމް (ސޯޝަލް އެންޑް ފެމިލީ) ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ ކުޑަކުދިންގެ ހައްގުތައް

6 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނާ

13 November 2024

އަމާން ވެށިން ކުދިން މަދުކުރެވޭނީ ރާއްޖޭގައި ޑްރަގް މައްސަލަ ހައްލު ކުރެވިގެން. ތިޔަ ތަނަށް ނަގާ ގިނަ ކުދިންނަކީ ޑްރަގް ނަގާ މައިންނާއި ބަފައިންގެ ދަރިން. އެކުދިން ދުނިޔެއަށް އަންނަ އިރު އެކުދިންނަށް ލިބޭ އަނިޔާ އަދި މާބޮޑު. ގައުމުގެ ހުރިހާ ކަމެއް އޮތީ ބޮއްސުންލާފަ. ކަމެއް ރަނގަލުކުރަން އެއްވެސް ވެރިޔަކު ނޫޅޭ. އުޅެނީ ޕާޓީ ކުދިންކޮޅު ގެއްލިދާނެތީ އެމީހުން ރުއްސަން . ޤައުމެއް ޖީލެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިޝަމް

12 November 2024

މިކުދިން ބަލަން ބޭނުންވާފަރާތަކަށް ގާނޫނީގޮތުން އެކަން ކުރެވޭނެ ނިޒާމެއް ގާއިމްކުރުމަށްފަހު އާއިލާތަކާއި އެކު ދިރިއުޅެވޭނެ އިންތިޒާމެއް ހަމަޖައްސަންވީނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޭހިލޭ

12 November 2024

ދައުލަތުގެ ބެލުމުގެ ދަށަށް ގެނެވޭ ކުދިންގެ ބެލެނިވެރިން ވަޒީފާއެއް އަދާކޮށްގެން އާމްދަނީ ހޯދާ ނަމަ، ކޮންމެވެސް މިންވަރެއް ދައުލަތަށް ދައްކަންޖެހޭނެ ގޮތަށް ހަދަން ގޮވާލަން. ކުދިންގެ މައްޗަށް ޚަރަދުކުރުމަކީ ބައްޕަގެ މައްޗަށް ލާޒިމުކަމެއް. އަދި މަންމަގެ ޒިންމާ މަންމަވެސް ނުއުފުލައި ވަޒީފާއެއް އަދާކޮށްގެން އުޅޭނަމަ މަންމަގެ އަތުންވެސް ކޮންމެވެސް މިންވަރެއް ދައުލަތަށް ނެގުމަށް ގޮވާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 November 2024

އަމާން ވެށިކަމަށް ތިޔަވިދާޅުވި ރަށް ތައް އަމާންވެށީގެ ގޮތުގައި ބެލި އުސޫލަކީ ކޮބައިތޯ!؟ ގައިމު ދައުލަތުގެ ބަޖޭޓްގެ %80 އާއި ދައުލަތް ދަރަނިކޮށް ނަގާ އެތައް ބިލިޔަން ޑޮލަރު ޙަރަދު ކުރަނީ ކ.އަތޮޅު މާލެއަށް. އަމާން ވެށީގެ ގޮތުގައި ކަނޑައެޅި އެއްވެސް ރަށަކުން ކ.މާލެއާއި ގާތްކުރާ މިންވަރަށް އަސާސީ އެއްވެސް ހިދުމަތެއް ލިބޭކަށްނެތް. ތީގެ ތެރެއިން ގިނަ ރަށްރަށުގެ ހޮސްޕިޓަލް ތަކުން ބްލަޑް ޓެސްޓް ހަދާލެވެން ނެތްއިރު ސްކޫލްތަކުގެ ޓީޗަރުން ހަމައަކަށް ނުތިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 November 2024

ކ.އަތޮޅު މާލެއަށް ފަސޭހައިން އާދެވޭނެގޮތެއްވެސް ނެތް ރަށްތަކަކަށް "އަމާން ވެށީގެ ނަމުގައި ގޮޅިތަކެއް ހަދާފައި" އެތަންތަނަށް އެކުދިން ފޮނުވާލިއިރު ކ.މާލޭ މީހުން ގެންގުޅެފައި މަގުމައްޗަށް ދޫކޮށްލި ޖަނަވާރުންތައް (ބުޅާ) ދިރިއުޅެން ދައުލަތުން ޙަރަދުކޮށްގެން ހުޅުމާލެއިން ހިއްކި ބިމުން 5 ހާސް އަކަފޫޓް ބިމާއި، ބަޖޭޓުން ހޭދަކޮށް ހޮސްޕިޓަލާއި ޑޮކްޓަރުންނާއި ނަރުހުން ހަމަޖައްސާފައި ބުޅަލަށް ކާންދެނީ އިމްޕޯޓްކުރި ޔޯރޮޕްގެ ކެޓް ފޫޑް ވަރަށް ސަޅިއެއްނު؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

12 November 2024

ރާއްޖޭގެ އިޖުތިމާއީ މައްސަލަތަށް އޮތް މިންވަރު މިނިކަމެތި މައިންބަފައިން ގެ ލޯބިން މަރުހޫމް ވެފައިވާ ތުއްތު ކުދިން ގެ މައްސަލަތަކަށް ހަމައެކަނި ބަލާލިޔަސް ފުދޭ! ޑްރަގާ. ގޭންގާއި .ވައްކަމާއި ފޭރުމާއި ހަމައެއް ލަމައެއް ނެތް ބިދޭސީން ނާއި އަދި އާއިލާ ތައްރޫލި ދިއުމުގެ މައްސަލަ ތަކަށް ވިސްނާލިޔަސް މުޖުތަމައު އޮތް ހާލަތާއޮ މެދު ކަރުނައަޅާ މިއަދު ރޯން ނުޖެހޭބާއޭ ހިތައް އަރާ !