ޝަރީއަތަށް ސާބިތުނުވާ ވާހަކަތައް މަޖިލީހުގައި ދައްކައިގެން ނުވާނެ: އަބްދުއްރަހީމް

ދައުލަތުގެ އިދާރާތަކުގެ އަގު ވެއްޓޭ ފަދަ ވާހަކަތަކާއި ޝަރީއަތަށް ސާބިތުނުވާ ވާހަކަތައް ރައްޔިތުންގެ މަޖިލީހުގައި ދެއްކުމަކީ ކޮށްގެން ވާނެ ކަމެއް ނޫން ކަމަށް މަޖިލީހުގެ ރައީސް އަބްދުއްރަހީމް އަބްދުﷲ މިއަދު ވިދާޅުވެއްޖެ އެވެ.

އެ މަނިކުފާނު އެހެން ވިދާޅުވީ "އެމްއެމް ޓީވީ" ގެ ނަމުގައި މިދިޔަ ހަފުތާގައި އިފުތިތާހުކުރި ޗެނަލް ހިންގާ ކުންފުނިން ކުއްޔަށް ދޫކުރާ ފްލޯތަކެއްގައި ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) ހިންގަން އެވޯޑްކުރި މައްސަލައަށް އިޝާރަތްކޮށް މިއަދުގެ ޖަލްސާގައި ގަލޮޅު ދެކުނު ދާއިރާގެ މެންބަރު މީކައިލް ނަސީމް ވާހަކަ ދެއްކެވުމުންނެވެ.

އެ ވާހަކަތައް ހުއްޓުވައި އަބްދުއްރަހީމް ވިދާޅުވީ، މީކައިލް އެކަމަށް އިޝާރަތް ކުރައްވައި ވާހަކަ ދައްކަވާ ނަމަ ޖެހޭނީ ބަހުސް ކުރުމުގެ ފުރުސަތު ބަންދު ކުރަން ކަމަށެވެ. އެއީ ދައުލަތުގެ މުއައްސަސާތަކުގެ އަގު ވައްޓާލެވޭ ގޮތަށް ހަގީގަތެއް ނެތް، ޝަރީއަތަށް ސާބިތުނުވާ ކަންކަމުގެ މައްޗަށް މަޖިލީހުގައި ވާހަކަ ދައްކައިގެން ނުވާތީ ކަމަށް އަބްދުއްރަހީމް ވިދާޅުވި އެވެ.

"މިތަނުގައި މި މުހާތަބު ކުރަނީ ވެސް އިއްޒަތްތެރި މެންބަރު ކިޔާފައި. އެހެންވީމާ އިއްޒަތްތެރި މެންބަރުންގެ އިއްޒަތްތެރިކަން ހިފެހެއްޓޭ ގޮތަށް ހުރިހާ މެންބަރުންގެ އަމަލުތައް ބެހެއްޓެވުމަށް ދަންނަވަން،" މަޖިލީހުގެ ރައީސް ވިދާޅުވި އެވެ.

އެހެން ވިދާޅުވުމަށް ފަހު، މީކައިލަށް ވާހަކަ ދައްކަވަން ފުރުސަތު ދެއްވާފައެެއް ނުވެ އެވެ.

NSPA ah kuraa thuhumathu: Kulli massalagai hageegatheh neiy kamah bune beyru kohlaifi

The most trusted news source in the Maldives

Mihaaru

އެންސްޕާ އަށް ކުރެވޭ ތުހުމަތުތަކާ ގުޅޭ ގޮތުން މީކައިލް މިއަދު ހުށަހެޅުއްވި ކުއްލި މައްސަލަ ވެސް ވަނީ ބޭރުކޮށްލައިފަ އެވެ. އެ މައްސަލަ ބޭރުކޮށްލީ މަޖިލީހުގެ ގަވާއިދުގެ 197 ވަނަ މާއްދާގައި ބަޔާން ކުރާ ޝަރުތުތައް އެ މައްސަލާގައި ފުރިހަމަ ނުވާ ކަމަށް ބުނެ އެވެ. އެ މާއްދާގައި ބުނެފައި ވަނީ އެ ކުއްލި މައްސަލައަކީ ހަގީގަތެއްގެ މައްޗަށް ބިނާކޮށް ހުށަހެޅޭ މައްސަލައަކަށް ވާން ޖެހޭ ކަމަށެވެ.

ގާނޫނުއަސާސީގައި މަޖިލީހުގެ މެންބަރުންގެ އިމްތިޔާޒު ކަނޑައަޅާފައިވާ ގޮތުން ރައްޔިތުންގެ މަޖިލީހުގެ ޖަލްސާއެއްގައި، ނުވަތަ އެ މަޖިލީހުގެ ކޮމިޓީއެއްގައި މަޖިލީހުގެ މެންބަރަކު އިސްލާމްދީނުގެ އަސްލަކާ ހިލާފު ނުވާ ގޮތުގެ މަތިން ވާހަަކަ ދެއްކޭނެ އެވެ.

އެންސްޕާގެ ވާހަކަ ދައްކަން ފުރުސަތު ނުލިބުނު މައްސަލާގައި މީކާއިލް ވިދާޅުވީ ރައްޔިތުންގެ މަޖިލިސް ސަރުކާރުގެ "ގޮނޑިކޮއްކޮ" އަކަށް ވެ ނިމިފައިވާ ކަމަށާއި ބާކީ ވަގުތު އޮއްވައި ވެސް ވަގުތު ނެތްކަމަށް ބުނެ، ރިޔާސަތުން އިދިކޮޅު މެންބަރުންގެ ބަހުސް ހުއްޓުވަން ފަށައިފި ކަމަށެވެ.

"މަޖިލިސް ގަވާއިދާ ކަނޑައެޅިގެން ހިލާފަށް، ވައްކަމާއި ހިޔާނާތުގެ ވާހަކަ ދެއްކުން ހުއްޓުވަން ފަށައިފި،" މީކާއިލް ވިދާޅުވި އެވެ،