ޖަޕާނުގައި ރެކޯޑް ބޮޑު އަގެއްގައި ވިކުނު ކަންނެއްޔާ އެކު ބަޔަކަށް ފޮޓޯއަކަށް ހުއްޓިގެން
06 ޖެނުއަރީ 2025 - 06:44
3 comments
އާދައިގެ ސައިކަލެއްގެ ސައިޒާއި ބަރުދަން ހުރި ނޫއުރަހަ ކަންނެއްޔެއް 207 މިލިއަން ޔެން (1.3 މިލިއަން ޑޮލަރު) އަށް ޖަޕާނުގެ ސޫޝީ ރެސްޓޯރަންޓަކުން ނީލަމެއްގައި ގަނެފި އެވެ.
މިއީ ޖަޕާނުގެ ވެރިރަށް ޓޯކިޔޯގައި އޮންނަ ޓޮޔޯސޫ މަސް މާރުކޭޓުގައި ކޮންމެ އަހަރަކު ބާއްވަމުން އަންނަ އާ އަހަރުގެ ބީލަމުގައި މިހާތަނަށް ދެވަނަ އަށް އެންމެ ބޮޑު އަގުގައި ވިކުނު މަހެވެ.
ނީލަން ކާމިޔާބުކުރި އޮނޮޑޭރާ ގްރޫޕުން ބުނީ 276 ކިލޯގެ ބަރުދަން ހުރި މަހުގެ ކެއުންތައް ގިންޒާ އޮނޮޑޭރާ ރެސްޓޯރެންޓްތަކުގެ އިތުރުން ގައުމުގެ އެކި ކަންކޮޅުތަކުގައި ހުންނަ ނަޑަމަން ރެސްޓޯރެންޓްތަކުން ވެސް ލިބޭނެ އިންތިޒާމް ހަމަޖައްސާނެ ކަމަށެވެ.
"އެންމެ ފުރަތަމަ ލިބޭ ކަންނެއްޔަކީ ނަސީބު ރަނގަޅުކޮށްދޭ އެއްޗެއްގެ ގޮތުގައި އޮންނަނީ ބެލެވިފައި،" އޮނޮޑޭރާގެ އޮފިޝަލް ޝިންޖީ ނާގާއޯ އޭއެފްޕީއަށް ވިދާޅުވި އެވެ.
ނާގާއޯ ވިދާޅުވީ ޖަޕާނުގެ އުތުރުގެ އަމޯރީ ސަރަހައްދުން ހިފާފައިވާ މި މަސް ކައިގެން، "އުފާވެރި އަހަރެއް" ލިބޭނެ ކަމަށް އުއްމީދުކުރައްވާ ކަމަށެވެ.
މި ނީލަމުގައި މިއީ އެ ކުންފުނިން އެންމެ ބޮޑު އަގު ހުށަހަަޅައިގެން ޖެހިޖެހިގެން ފަސް ވަނަ އަހަރު ނީލަން ކާމިޔާބުކުރި އަހަރެވެ. މިދިޔަ އަހަރު އެ މީހުން ކަންނެލި ގަތީ 114 މިލިއަން ޔެން އަށެވެ.
މިގޮތަށް މަސް ވިއްކުމުގެ ރެކޯޑް 1999 ވަނަ އަހަރު ބަލަހައްޓަން ފެށި ފަހުން އެންމެ ބޮޑު އަގަކަށް ކަންނެއްޔެއް ވިކުނީ 2019 ވަނަ އަހަރު އެވެ. އެއީ 278 ކިލޯގެ ނޫއުރަހަ ކަންނެއްޔަކަށް 333.6 މިލިއަން ޔެން އެވެ.
ނަވާރަ ސަތޭކަ ތިރީސް ފަސް ވަނަ އަހަރު ހުޅުވި ޓޮޔޯސޫ މަސް މާރުކޭޓަކީ ދުނިޔޭގެ އެންމެ ބޮޑު މަސްމާރުކޭޓުގެ ގޮތުގައި އޮންނަނީ ބެލެވިފަ އެވެ. އެ މާރުކޭޓުގައި ދުވަސް ފަށަނީ ވެސް މަހުގެ ބާވަތްތަކުގެ ބޮޑެތި ނީލަންތަކުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެޔޮޅުބޭބެ
06 January 2025
މި ކަންނެޔައް އެނގޭބާ ވިއްކާލި އަގު
ސަމީހާ
06 January 2025
ޢޯކޭ! ޙެވެއްނު، އަހަރަމެންގެ މިފްކޯ އިން ދުނިޔޭގެ އަގުބޮޑު މަސްކޮޅު ވިއްކައިގެން ދެކޮޅު ނުޖެހޭ. ޢެފްބީއަޑީ އިން ފެށިގެން މިއަދާ ހަމައަށް މުއްސަދިވީ އެތާއުޅުނު މީހުން. އެމީހުން އިނދެގެން އުޅުނު މީހުން. ދެން އެމީހުން ނުކުތީ ސިޔަސީ ޕާޓީތަކުގެ މަންމަ ގެ ނަމުގަ.
ނުރަބޯ
06 January 2025
މިފްކޯ އަކަށް އެ ކޮލިޓީގެ މަހެއް ވިއްކާކަށް ނުލިބޭ. ދިވެހިން ދޮށިން ބާނާ މަސް ނުލާހިކު ފޯސްގައި މި ޖެހެނީ އޮޑީގެ ތައްޓުމައްޗަށް. ގިނަ ދޯނިތަކުގައި އެކަށީގެންވާ މިންވަރަށް މިސް ފިނިނުވޭ. ނަތީޖާ އަކީ ދިވެހި މަހުގެ ހިސްޓަމިން އިންތިހާ އަށް މަތިވެ، މަހުގެ ކޮލިޓީ ނެތުން. ޖަޕާން ފަދަ ގައުމު ތަކުގައި މަސް ބޭނުމާއެކު ބޯޓުތަކުގައި އަލްޓްރާ ލޯ ޓެމްޕަރޭޗަރ (ޔޫ.އެލް.ޓީ) ގައި 86- ޑީގްރީ ފްރީޒަރަށް މަސްލައިގެން ބޮޑު އަގު އެ ހޯދަނީ.