ރައީސް ވިދާޅުވީ، ސިޔާސީ ވާދަވެރިކަމުގައި އެއްބަޔަކަށް އަނިޔާކޮށް، ހައްޔަރުކޮށް، ޖަލަށް ލައި، އުނދަގޫކޮށް ހެދުމަކީ ގަބޫލުފުޅު ކުރައްވާ ކަމެއް ނޫން ކަމަށް.
ދެކުނުގެ ރަށްތަކަށް ކުރައްވާ ދަތުރުފުޅުގެ ތެރެއިން މާމެންދޫގައި މިރޭ ބޭއްވި ޖަލްސާގައި ރައީސް ޑރ. މުއިއްޒު (މ) ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް
09 ޖެނުއަރީ 2025 - 09:08
22 comments
ތަރައްގީގެ ފުރިހަމަ ފައިދާ ރައްޔިތުންނަށް ލިބޭނީ ގައުމުގައި ހަމަޖެހުން އޮވެގެން ކަމަށާއި އެ ފައިދާ ނަގާލަން ފުރުސަތު ނުދެއްވާނެ ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.
ދެކުނުގެ އަތޮޅުތަކަށް ކުރައްވާ ދަތުރުފުޅުގައި ގއ. މާމެންދޫގައި ބޭއްވި ޖަލްސާގައި އެ މަނިކުފާނު ވިދާޅުވީ ރައްޔިތުން ބޭނުންވަނީ ބަނދަރާއި މަގުތަކުން ފެށިގެން އުމްރާނީ ތަރައްގީ ކަމަށެވެ. ނަމަވެސް، ސަރުކާރުން މަސައްކަތް ކުރަނީ ހަގީގީ މާނައިގައި ތަރައްގީ ގެނައުމަށް ކަމަށް ވިދާޅުވި އެވެ.
އެ މަނިކުފާނު ވިދާޅުވީ، އެ ތަރައްގީ ގެންނައިރު ގައުމުގައި ހަގީގީ މާނައިގައި ހަމަޖެހުން ގާއިމް ވެގެން ދިއުމަކީ ވެސް ބޭނުމެއް ކަމަށެވެ. މި ސަރުކާރަށް މި ވީ 14 މަސް ދުވަހުގެ ތެރޭގައި ގައުމުގައި ހަމަޖެހުން ގާއިމްވެފައި އެބައޮތް ކަމަށާއި ބަދަލު ހިފުމުގެ ރޫހުގެ އެއްވެސް ކަމެއް ނުހިނގާ ކަމަށް އެ މަނިކުފާނު ވިދާޅުވި އެވެ.
"އަޅުގަނޑުމެން ނުހިންގާނަން ބަދަލު ހިފާކަށް އެއްވެސް ކަމެއް. ސިޔާސީ ވާދަވެރިކަމުގެ ތެރެއިން އެއްބަޔަކަށް އަނިޔާކޮށް، ސިޔާސީ ވިސްނުމުގެ ތެރެއިން ގެންގޮސް ހައްޔަރުކޮށް، ޖަލަށް ލައި، އުނދަގޫކޮށް ހެދުމަކީ އަޅުގަނޑު ގަބޫލުކުރާ ކަމެއް ނޫން. އަޅުގަނޑު އެ ކަމަށް ވައުދުވިން އެކަން އެ ގޮތަށް ނުހިންގާނެ ކަމަށް،" ބަނދަރު ސަރަހައްދުގައި ބޭއްވި ޖަލްސާގައި ރައީސް މުއިއްޒު ވިދާޅުވި އެވެ.
އެ މަނިކުފާނު ވަނީ ސިޔާސީ ގޮތުން އެއްވެސް މީހަކަށް އަނިޔާއެއްކޮށް ބަދަލު ހިފުމެއް ނޯންނާނެ ކަމަށް ވިދާޅުވާ ވިދާޅުވުން ތަކުރާރު ކުރައްވައިފަ އެވެ. ރައީސް ވިދާޅުވީ އެ ގޮތަށް ކަންތައް ކުރައްވަނީ ހަގީގީ މާނައިގައި މި ގައުމުގައި ހަމަޖެހުން އޮންނަން ބޭނުންވާތީ ކަމަށެވެ.
ދެކުނުގެ ރަށްތަކަށް ކުރައްވާ ދަތުރުފުޅުގެ ތެރެއިން މާމެންދޫގައި ރޭ ބޭއްވި ޖަލްސާގައި ރައީސް ޑރ. މުއިއްޒު (މ) މި ރަށުގެ ތަރައްގީގައި ކުރިން މަސައްކަތްކުރެއްވި ބޭފުޅަކާ ސަލާމްކުރައްވަނީ-- ފޮޓޯ: ރައީސް އޮފީސް
"ތަރައްގީ ގެނެސްދޭ ކަމަށް ވަންޏާ، ތަރައްގީގެ ފުރިހަމަ ނަފާ ރައްޔިތުންނަށް ލިބޭނީ ގައުމުގައި ސްޓެބިލިޓީ އޮވެގެން، ހަމަޖެހުން އޮވެގެން. ރައްޔިތުންގެ ކިބައިން އަޅުގަނޑު އެދެނީ މި ހަމަޖެހުމުގައި ފުރިހަމަ އަށް އެއްބާރުލުން ދޭން،" ރައީސް ވިދާޅުވި އެވެ.
"....މި ގައުމުގައި ސިޔާސީ ފަރާތްތަކުން އަދި އެނޫން ވެސް ވެސް ބަޔަކު ހަމަޖެހުން ނަގާލުމަކަށް އަޅުގަނޑެއް ޖާގައެއް ނުދޭނަން، އެއްވެސް ފުރުސަތެއް ނުދޭނަން. އެކަމަށް އެއްވެސް ބަޔަކު އެއްވެސް ފުރުސަތެއް ނަގަން މަސައްކަތްކޮށްފި ނަމަ އަޅުގަނޑު އެކަން ގައުމީ ވިސްނުމެއްގައި ހުއްޓުވައި ގައުމުގައި ހަމަޖެހުން ޔަގީން ކުރާނަން."
ރައީސް ވިދާޅުވި ގޮތުގައި، ކުދިންނަށް އުފާވެރި އަދި އުފާފާގަތި ދުވަސްތަކެއް ފަހިކޮށްދިނުމަށް އެ މަނިކުފާނު ބޭނުންފުޅުވެ އެވެ. މިނިވަން ގައުމެއްކަން ފަހުރުވެރިކަމާ އެކު ގަބޫލުކުރާ ގައުމެއްގެ ގޮތުގައި ކުރިއަށް ދާން ބޭނުންފުޅުވާ ކަމަށް ވެސް ވިދާޅުވި އެވެ.
"އެހެންވީމަ އަމިއްލަ ފައިމައްޗަށް ތެދުވެ، އަޅުގަނޑުމެންގެ ގައުމުގެ ކަންކަން ކުރުމަށް އަމިއްލަ އަށް މަސައްކަތް ކުރަނީ ވެސް. ބޭރުގެ އެއްވެސް ގައުމަކާ ރުޅިވެރި ކަމެއް ނުބާއްވާ، އަޅުގަނޑުމެންނަށް ހެޔޮ އެދޭ ކަމުގައިވާ ނަމަ އަޅުގަނޑުމެންގެ މިނިވަންކަމާއި ސިޔާދަތު ހިމާޔަތް ކޮށްދޭކަމުގައިވާ ނަމަ އަޅުގަނޑުމެންނަކީ ވެސް ފަހުރުވެރި މިނިވަން ގައުމެއްކަން ގަބޫލުކުރާ ނަމަ ހަމަ ކޮންމެ ބަޔަކާ އެކީ ވެސް އަޅުގަނޑުމެންނަށް ފައިދާވާ ކަންކަމުގައި ކުރިއަށް ދިއުމަކީ އަޅުގަނޑުމެން ހިތުން ކޮންމެ ރައްޔިތަކު ވެސް ބޭނުންވާނެ ކަމެއް،" އެ މަނިކުފާނު ވިދާޅުވި އެވެ.
ތަރައްގީ ގެނެސްދޭ ކަމަށް ވަންޏާ، ތަރައްގީގެ ފުރިހަމަ ނަފާ ރައްޔިތުންނަށް ލިބޭނީ ގައުމުގައި ސްޓެބިލިޓީ އޮވެގެން، ހަމަޖެހުން އޮވެގެން. ރައްޔިތުންގެ ކިބައިން އަޅުގަނޑު އެދެނީ މި ހަމަޖެހުމުގައި ފުރިހަމައަށް އެއްބާރުލުން ދޭން.-- ރައީސް
އެ ޖަލްސާގައި ރައީސް ވަނީ މި ރަށު ކައުންސިލުން ހުށަހަޅާފައިވާ ކަންބޮޑުވުންތަކަށް ހައްލު ހޯދައިދީ، މާމެންދޫގެ ތަރައްގީ އަށް ކޮށްދެއްވާނެ ބައެއް ކަންތައްތައް ހިއްސާ ކުރައްވައިފަ އެވެ. އޭގެ ތެރޭގައި ނަރުދަމާ ނިޒާމް ގާއިމްކުރުމުގެ މަސައްކަތް އަލުން ފެށުމާއި އަޑިގުޑަންތައް ހެދިފައިވާ މަގުތަކަށް ދާއިމީ ހައްލެއް ލިބެންދެން، ވަގުތީ ހައްލެއް ގެނެސްދިނުމާއި ގިރާ ސަރަހައްދު ހިމާޔަތް ކޮށްދެއްވާނެ ކަމަށް ވިދާޅުވި އެވެ.
އޭގެ އިތުރުން ސިއްހީ މަރުކަޒާއި ސްކޫލުގެ ޖާގަ ތަނަވަސްކޮށްދިނުމާއި ޒުވާނުން ކުޅިވަރު ކުޅޭނެ ވަސީލަތްތައް ގާއިމްކުރުމަކީ ބަޖެޓުގައި ހިމަނާފައިވާ މުހިއްމު ކަންތައްތަކެއްކަން ފާހަގަކުރެއްވި އެވެ.
ރައީސް މުއިއްޒު ވިދާޅުވީ މި އަހަރުގެ ބަޖެޓުން އެންމެ އިސްކަންދީފައިވަނީ ބޯހިޔާވަހިކަމުގެ މައްސަލައަށް ހައްލެއް ގެނައުމަށް ކަމަށެވެ. އޭގެ ތެރެއިން، ފަސް ޕަސެންޓް އިންޓްރެސްޓުގައި ހައުސިން ލޯނު ދޫކުރަން ފަށައި، އެ ފުރުސަތުގެ ބޭނުން ހިފުމަށް އެދިވަޑައިގެންނެވި އެވެ. އޭގެ އިތުރުން ސަރުކާރުން ހިންގާ ހައުސިން މަޝްރޫއުތަކާއެކު، ބޯހިޔާވަހިކަން ބޭނުންވާ އެންމެންނަށް މި ފަސް އަހަރުގެ ތެރޭގައި އެ މަގު ތަނަވަސްކޮށްދިނުމަކީ އެންމެ ސަމާލުކަން ދޭ ކަންތައް ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަ ބުނީ
09 January 2025
މަ ބުނީ ލޯބިވާ ރައީސް އޭ މަނިކުފާނު ތިރުކުރެއްވި އިންޑިއާ އައުޓް ޓީޝާޓު ލައިގެން އޭރު މަނިކުފާނު ބައިވެރިވެގެން އެކީހާ ބައްޖާއި ޅެމާއި ފަރިހި އަޅުގަނޑުވެސް ހަމައެނިޔަތުގައި ކިޔާލުމުގެ ފުރުޝަތުވެސް ނުލިބޭނެތޯ ! އެހެންވެއްޖެނަމަ އެކަމުގެ މުރާދަކީ ކޮބައިތޯ ! އަދި އެކަމުގެ މާނައަކީ ކޮބައިތޯ !
ރާވެރިބެ
09 January 2025
ރައީސަކަށް ހުންނަ މީހަކަށް ރައްޔިތުން ފާޑު ކިޔަނީ ޒާތީ ވާކަށެއް ނޫން. ވައުދު ތަކެއް ވެގެން ވަކި ގޮތަކަށް ކަންކުރާނެ ކަމަށް އަހުދު ވެގެން ރައްޔިތުން ވެރިކަމަށް ހޮވީމަ އެ ވައުދުވީ ގޮތަށް ގައުމު ހިންގުމުގެ މަސްއޫލިއްޔަތު އަދާ ނުކުރާ ކަމަށް ރައްޔިތުންނަށް ހީވާނަމަ އެވާހަކަ ދައްކާނެ. ދައްކަން ޖެހޭނެ. ދެޓްސް އޯލް.
ރާވެރިބެ
09 January 2025
ގައުމުގަ ހަމަޖެހުން އޮނާނީ ވެރިން އިންސާފުން ކަންކަން ކޮށްގެން. ސަރުކާރުގެ ބޮޑުން ދައުލަތުން ވައްކަން ކުރުން ހުއްޓުވިގެން. ވެރިން ރައްޔިތުންނަށް ދޮގުހެދުން ހުއްޓައިގެން. ނުފުއްދޭނެ ވައުދު އަބަދު ނުވުން. އޭގެ ގިނަ ވައުދު މިވަނީ ރައްޔިތުން ބުނެ ގެނެއް ވެސް ނުން.
އަހުމަދު ޝަރީފް
09 January 2025
ރައީސް މުއިއްޒު އާއި އެހެން ރައީސުންގެ އެންމެ ބޮޑު ތަފާތަކީ މިއީ ކަމުގައި ދެކެމެވެ، އެއްވެސް މީހަކާ ޒާތީ ގޮތުން ޖައްސާލައިގެން އުޅޭތަނެއް ނުފެނެއެވެ. ރައްދު ދެއްވާ ތަނެއްވެސް ނުފެނެއެވެ.
ސީޒަން ޖެކްޝަން
09 January 2025
ބަދަލުހިފިޔަސްނުހިފިޔަސް މަށަށް ހެޔޮ. އާވައުދުނުވެ މިހާތަނަށް ވެފާހުރި ވައުދުތައް ފުއްދާންއުޅޭ.
އަނިޔާ
09 January 2025
ރައީސްގެ ވާހަކަފުޅުގައި ދެއްވީ އިންޒާރު. އިދިކޮޅު ފަރާތްތައް ހަންމަތަ ކުރާނެ ކަމަށް ވިދާޅުވި
އަދުހަމް ރަސީދު
09 January 2025
ގާނޫނާ ހިލާފު ކަންކަން ކުރަން ފުރުސަތު ނުދޭނެ ވާހަކަ ބުނީ
ކޮރަލް
09 January 2025
ކޮރަޕްޝަން ގެ މައްސަލަ ތައް ބަލާ ހުކުމް ކުރުމަކީ އަނިޔާވެރި ވުމެއް ނޫނެވެ. ކޮރަޕްޝަން ގެ މައްސަލަ ތައް ނު ބަލާ ހުކުމް ނު ކުރުމަކީ ރައްޔިތުންނަށް އަނިޔާވެރި ވުމެވެ. މިސަރުކާރު އައިފަހުން ކޮރަޕްޝަން ގެ ބޮޑޫ މައްސަލަ އެއް ބަލާ ހުކުމް ކުރި ފަރާޓެއް ބުނެ ބަލާށެވެ. ކޮންމެ ބަޔަކު ވެސް ވެރި ކަމާ ހެދި އެވެ.،
އައުލަމް
09 January 2025
ދެން ތި ފެށުނީ ތިކަން. މިސަރުކާރުގައި އޮންނަނީ ކަމެއް ބުނެފި ނަމަ އޭގެ އިދިކޮޅަށް ކަންކަން ކުރުން
އާދަމް މަނިކް
09 January 2025
އިނދިކޮޅު ބަޔަކަށް ގެއްލުމެއް ނޫނީ އުނދަގުލެއް ދެރައެއް ދޭކަށްނޫން މި ވެރިކަން އައީ. މީ ރައްޔިތުންގެ ގައުމު ކުރިއަރުވަން މަސައްކަތް ކުރަން އައި ވެރިކަމެއް. ސިޔާސީ ފިކުރުރު ތަފާތުވެގެން މި ކަނކަމަށް ހުރަސް އަޅާ މީހުން ތިބޭތީ ދެރައީ.
ހައިލަމް
09 January 2025
މި ސަރުކާރު އައީ ގައުމުގެ ކުރިއެރުމާ ރައްޔިތުންގެ މަންފާއަށް މަސައްކަތް ކޮށްދެއްވުމަށް. ސިޔާސީ ބޭނުމުގަ އެކަންކަމަށް ހުރަސް އަޅާ މީހުން ގިނައީ.
އެކަލޯ1
09 January 2025
އެހެންވެތާ ރައްޔިތުންނަށް އެހާވަރަށް ތުރާޖައްސާ މަސްވެރިންނަށް ލާރިނުދީ ހިފަހައްޓާ ތަރައްގީގެ އެއްވެސް މަސްރޫއެއް ނުފެނި 55 ބިޔަންގެ ބަޖެޓެއް ހުސްކޮށްލީ