ޚަބަރު / ހީނާ ވަލީދު (ސީއީއޯ، އެންސްޕާ)

ސޯޝަލް މީޑިއާގެ އެއްވެސް ޕްލެޓްފޯމެއް ބްލޮކް ނުކުރާނެ: ހީނާ

އެކްސް: ސޯޝަލް މީޑިއާގެ އެއްވެސް ޕްލެޓްފޯމެއް ބްލޮކް ނުކުރާނެ ކަމަށް ސަރުކާރުން ބުނޭ.

މާއިދާ މުހައްމަދު ރަޝާދު، މިހާރު

15 ޖެނުއަރީ 2025 - 13:31

16 comments

ސޯޝަލް މީޑިއާގެ އެއްވެސް ޕްލެޓްފޯމެއް ބްލޮކްކުރަން ނިންމާފައި ނުވާ ކަމަށް ސަރުކާރުން މިއަދު ބުނެފި އެވެ.

ރާއްޖޭގައި ޓިކްޓޮކާއި އެކްސް ބޭނުން ކުރުން މަނާކުރަން އުޅޭ ކަމަށް ދެކެވޭ ވާހަކަތަކާ ގުޅިގެން ރައީސް އޮފީހުގެ ތަރުޖަމާނު ހީނާ ވަލީދު އެކްސްގައި ކުރެއްވި ޕޯސްޓެއްގައި ވަނީ އެކަން ދޮގު ކުރައްވައިފަ އެވެ.

ހީނާ ވިދާޅުވީ ސޯޝަލް މީޑިއާގެ ބައެއް ޕްލެޓުފޯމުތައް ބްލޮކުކުރުމަށް ސަރުކާރުން ވިސްނަމުންދާ ކަމަށް ބުނެ ފަތުރަމުންދާ ވާހަކަތަކަކީ ކަނޑައެޅިގެން ދޮގު ވާހަކަތަކެއް ކަމަށެވެ. އަދި އެއްވެސް ފްލެޓްފޯމެއް ބްލޮކް ނުކުރާނެ ކަމަށާއި އެކަމާ ގުޅޭ މަޝްވަރާއެއް ވެސް ކޮށްފައި ނުވާ ކަމަށް ހީނާ ވިދާޅުވި އެވެ.

ސޯޝަލް މީޑިޔާގެ ބައެއް ޕްލެޓުފޯމުތައް ބްލޮކުކުރުމަށް ސަރުކާރުން ވިސްނަމުންދާކަމަށް ބުނެ ފަތުރަމުންދާ ވާހަކަތަކަކީ ކަނޑައެޅިގެން ދޮގު ވާހަކަތަކެއް ކަމުގައި ދަންނަވަމެވެ. ސޯޝަލް މީޑިޔާގެ އެއްވެސް ޕްލެޓުފޯމެއް ބްލޮކުކުރުމަށް ސަރުކާރުން ނިންމާފައިނުވެއެވެ. އަދި އެފަދަ ފިޔަވަޅެއް…
— Heena Waleed (@MvSpokesperson) January 15, 2025

ހީނާ ކުރެއްވި ޕޯސްޓް

"ސޯޝަލް މީޑިއާގެ އެއްވެސް ޕްލެޓްފޯމެއް ބްލޮކުކުރުމަށް ސަރުކާރުން ނިންމާފައިނުވެ އެވެ. އަދި އެފަދަ ފިޔަވަޅެއް އެޅުމަށް ސަރުކާރުން މަޝްވަރާކޮށްފައި ވެސް ނުވެއެވެ،" ހީނާ ވިދާޅުވި އެވެ.

ހީނާ ވިދާޅުވި ގޮތުގައި ރައީސް ޑރ. މުހައްމަދު މުއިއްޒުގެ ވިސްނުންފުޅަކީ ގާނޫނުއަސާސީން ލިބިފައިވާ އަސާސީ ހައްގުތަކާއި މިނިވަންކަން ގާނޫނުއަސާސީގެ އިންތަކާއި ހުދޫދުގެ ތެރެއިން އެންމެ ފުޅާ ދާއިރާއެއްގައި ފޯރުކޮށް ދިނުމެވެ.

ސޯޝަލް މީޑިއާ ހީނާ ވަލީދު (ސީއީއޯ، އެންސްޕާ) ރައީސް ޑރ. މުހައްމަދު މުއިއްޒު

16 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝިމްލާާ

16 January 2025

ތަނަކުން މީހަކު ބެރެއް ޖަހާލާއިރަށް އެމްޑީޕީ މީހުން ނުކުމެ ގައުމް ހަލަބޮލިކޮށްލާނެ. މިހާރުވެސް މީހަކުބުނެބަލަ މި ރާއްޖޭގެ ލަވަކިޔުމާއި މުޔުޒިކް ކުޅުން މަނާ ކުރަނީއޭ. ހަމަ ބުނީ ބޮޑެތި ނޫސްބަޔާނަށް ދަންދެންއަންނާނެ. އެމްޑީޕީއަކީ އަބަދުވެސް އެކަހަލަ ބަޔެއް. ތެދުދޮގެއް ނުބަލާ ރައްޔިތުމީހާ ހާސްކަމަކަށް ވައްޓާލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯބު

16 January 2025

ސިޔާސީ ފިކުރު އެއްކިބާކޮށް އިޖްތިމާއީ ނަޒަރަކުން ބަލާއިރު ޓިކްޓޮކް ބުލޮކް ކުރުން ރަގަޅު. އަޅުގަނޑުމެން މިސާލު ނަގައިގެން އުޅޭ ބައެއް ގައުމުތަކުގައިވެސް މިކަންވަނީ ކޮށްފައި.