ލަންކާއާ އެކު އޮތް ގުޅުން އިިތުރަށް ބަދަހިކުރުމަށް އާ މަގުތަކެއް ހޯދަން ރާއްޖެއިން ޝައުގުވެރިވެއްޖެ

ރާއްޖޭގެ ފޮރިން މިނިސްޓަރު ހަލީލް، ލަންކާގެ ރައީސް އަނޫރާއާ އިއްޔެ ބައްދަލުކުރައްވަނީ.- ފޮޓޯ: ފޮރިން މިނިސްޓްރީ

އާސިމާ ނިޒާރު، މިހާރު

21 ފެބުރުއަރީ 2025 - 14:01

ލަންކާއާ ދެމެދު އޮތް ޒަމާންވީ ރަހުމަތްތެރިކަމުގެ ގުޅުން އިިތުރަށް ބަދަހިކުރުމަށް އާ މަގުތަކެއް ހޯދުމުގެ ޝައުގުވެރިކަން ރާއްޖެއިން ފާޅުކޮށްފި އެވެ.

ފޮރިން މިނިސްޓަރު ޑރ. އަބްދުﷲ ހަލީލް ލަންކާއަށް ކުރައްވާ ރަސްމީ ދަތުރުގައި ވަނީ އެ ގައުމުގެ ލަންކާގެ ރައީސް އަނޫރާ ކުމަރާ ދިސަޔަންކާއާ އިއްޔެ ބައްދަލުކުރައްވައިފަ އެވެ.

އެ ބައްދަލުވުމާ ގުޅޭގޮތުން ފޮރިން މިނިސްޓްރީން ބުނީ ދެ ގައުމުގެ ދެމެދުގައި އޮތް ރަހުމަތްތެރިކަމުގެ ގުޅުން އިތުރަށް ބަދަހިކުރުމަށް އާ މަގުތައް ހޯދުމުގެ ޝައުގުވެރިކަން ރާއްޖެއިން ފާޅުކޮށްފައިވާ ކަމަށެވެ.

އޭގެ އިތުރުން ލަންކާގެ ސަރުކާރުން ރާއްޖޭގެ ތަރައްގީއަށް ކޮށްދެމުން އަންނަ މަސައްކަތްތަކާއި އެހީތެރިކަމަށް ވަނީ ޝުކުރު އަދާކުރައްވައިފަ އެވެ.

Yesterday (20), I met with @abkhaleel, the Maldivian Minister of Foreign Affairs, at the Presidential Secretariat. I appreciate his kind words about our electoral victory and the positive changes in Sri Lanka. Together, we will strengthen our bilateral relations for a brighter… pic.twitter.com/oEsEQu9Vzl
— Anura Kumara Dissanayake (@anuradisanayake) February 20, 2025

އަނޫރާ އެކްސްގައި ކުރެއްވި ޕޯސްޓުގައި ވަނީ، ލަންކާގެ އާ ސަރުކާރުން އިންތިހާބުގައި ހޯދި ކާމިޔާބީ އަދި އެ ގައުމަށް ގެންނަ ހެޔޮ ބަދަލުތަކާ ގުޅޭގޮތުން ދެއްކެވި ވާހަކަތަކަށް ޝުކުރު އަދާކުރައްވައިފަ އެވެ.

އުޖާލާ މުސްތަގުބަލަކަށްޓަކައި ދެ ގައުމުގެ ގުޅުން އިތުރަށް ބަދަހިކުރާނެ ކަމަށް އަނޫރާ ވިދާޅުވި އެވެ.

ރާއްޖެއާ ލަންކާއިން ސިޔާސީ ގުޅުން ގާއިމްކުރީ މީގެ 60 ވަރަކަށް އަހަރުކުރިން، ޖުލައި 26، 1965 ގަ އެވެ.

ފޮރިން މިނިސްޓްރީ ރާއްޖެ-ލަންކާ ޑރ. އަބްދުﷲ ހަލީލް (ފޮރިން މިނިސްޓަރު)

3 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަމީރުބެ

21 February 2025

މަ ލަންކާ އަށް ދިޔަ ދަތުރެއްގައި މަ ޕާސްޕޯޓް ދޭއިރަށް ލަންކާ އެއަރޕޯޓް އެރައިވަލްގަ އިން އިމިގްރޭޝަން މީހާ " އަރ ޔޫ ފުރޮމް ސިންކިން ކަންޓްރީ " ؟ އަހަރެން ބުނިން އާއެކޭ، އެއީ 2008ގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސްތަފާބެ

21 February 2025

ލަންކާ އަކީ ގުޅިގެން އުޅެންޖެހޭވަރަށް ވުރެ ރެސިސްޓް ގައުމެއް ، ހަނދާން އެބަހުރި ތަ ލަންކާ ޓްއަރރިޒަމް މިނިސްޓަރު ރާއްޖެ ބަދުނާމުކޮށް ދެއްކި ވާހަހަކަ ، ހާލީލް ލަންކާ ރައީސްގާތު އަހާބަލަ ލަންކާގެ ސްކޫލް ފޮތްތަކުގަ ރާއްޖެ އަޑިޔަށް ހިގާއިދާނެ ކަމަށް ބުނެ ކިޔަވާދެނީ ކޮން ބޭނުމަކުތޯ ؟ މޯލްޑިވިޔަން އަށް ލަންކާ ދަތުރައް ހުއްދަ ނުދިނީ ކީއްވެހޭ އަހާބަލަ .