ޓްރީ ޓޮޕް ހޮސްޕިޓަލުގެ ގެސްޓްރޯ ޑޮކްޓަރު އޮންލައިންކޮށް ބަލަނީ

ޓްރީ ޓޮޕް ހޮސްޕިޓަލުގެ މަގްބޫލު ގެސްޓްރޯ ކޮންސަލްޓަންޓް ޑރ. ޑިއޭގޯ އަލިހަންޑްރޯ ބަލްގެރޯނީ އަށް ޓެލެމެޑިސިން މެދުވެރިކޮށް ދެއްކޭ ގޮތަށް ހަދައިފި އެވެ.

ޓެލެމެޑިސިންއަކީ ވީޑިއޯ ކޯލް މެދުވެރިކޮށް ދޭ އޮންލައިން ކޮންސަލްޓޭޝަނެވެ.

އެ ހޮސްޕިޓަލުން ބުނީ ޑރ. ޑިއޭގޯ އަކީ ގޭސްޓްރޯގެ މައްސަލަތަކަށް ގިނަ ބަޔަކު ދައްކާ ޑޮކްޓަރަކަށްވުމުން މާލެއިން ބޭރުގައި ދިރިއުޅޭ ފަރާތްތަކަށް އޮންލައިން ކޮންސަލްޓޭޝަނާ އެކު ބޮޑު ލުއިފަސޭހައެއް ލިބޭނެ ކަމަށެވެ. އަދި އެ ހޮސްޕިޓަލުން މަސައްކަތް ކުރަނީ ރާއްޖޭގެ ހުރިހާ ހިސާބަކަށް އެ ހޮސްޕިޓަލުގެ ހިދުމަތްތައް އެކި ގޮތް ގޮތުން ފޯރުކޮށްދިނުމަށް ކަމަށް ވެސް ބުންޏެވެ.

ގެސްޓްރޯ ކޮންސަލްޓަންޓް, ޑރ. ޑިއޭގޯ އަކީ ބަނޑާއި ގޮހޮރުގެ މައްސަލަތަކާއި، ގޭސްވުމާއި، ހަޖަމުކުރުމުގެ ނިޒާމާ ގުޅުންހުރި މައްސަލަތަކަށް ފަރުވާދޭ ޑޮކްޓަރެކެވެ.

ޓްރީ ޓޮޕް ހޮސްޕިޓަލުން ބުނީ އެ ހޮސްޕިޓަލުން މިފަދަ އެކި ހިދުމަތްތަކާއި އެކު ބަލިމީހުންނަށް ފަސޭހައިން ހިދުމަތް ހޯދޭނެ މަގު ތަނަވަސްކުރުމަށް މަސައްކަތް ކުރަމުން އަންނަ ކަމަށެވެ. ޑރ. ޑިއޭގޯގެ އޮންލައިން ކޮންސަލްޓަންޓަށް މިހާރު އެ ހޮސްޕިޓަލުން އެޕޮއިންޓްމަންޓު ހެއްދޭނެ އެވެ.