ޚަބަރު / ހާއްސަ އެހީއަށް ބޭނުންވާ މީހުން

ނުކުޅެދުންތެރިކަން ހުންނަ ކުދިންގެ ތެރަޕީ ފީ ލަސްވާތީ ހުށަހެޅި މައްސަލަ ބަލައިނުގަތް

ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ): ނުކުޅެދުންތެރިކަން ހުންނަ ކުދިންގެ ތެރަޕީ ފީ އެންސްޕާ އިން ދެއްކުން ލަސްވާތީ ހުށަހެޅި މައްސަލަ ވަނީ ބޭރުކޮށްލާފައި. -- ފޮޓޯ: މަޖިލިސް

އައިޝަތު ނުޒުހާ، މިހާރު

15 އެޕްރީލް 2025 - 09:46

8 comments

ނުކުޅެދުންތެރިކަން ހުންނަ ކުދިންގެ ރައްކާތެރިކަމާއި އެ ކުދިންނަށް ދޭން ޖެހޭ ބޭސްފަރުވާ އާއި ބޭނުންވާ މާލީ އެހީ ފޯރުކޮށްދިނުމުގައި ސަރުކާރުން އިހުމާލުވަމުންދާ ކަމަށް ރައްޔިތުންގެ މަޖިލީހަށް ހުށަހެޅި މައްސަލަ ބަލައިނުގަނެ ބޭރުކޮށްލައިފި އެވެ.

މި މައްސަލަ މަޖިލީހަށް ހުށަހެޅުއްވީ ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) އެވެ.

އޭނާ ހުށަހެޅުއްވި މައްސަލާގައި ވިދާޅުވީ، މިފަދަ ކުދިންނަކީ ގާނޫނުން ހާއްސަ ރައްކާތެރިކަމެއް ލިބެން ޖެހޭ ބަޔަކަށް ވެފައި، އެ ފަރާތްތަކަށް ބޭނުންވާ ހާއްސަ ރައްކާތެރިކަމާއި އިނާޔަތްތައް ލިބޭނެ ގާނޫނީ ނިޒާމެއް އެކުލަވާލާފައިވީ ނަމަވެސް، އެ ގޮތަށް ކަންކަން ހިނގަމުން ނުދާ ކަމަށެވެ.

އެ މައްސަލާގައި ބުނެފައިވާ ގޮތުގައި އެފަދަ ކުދިންނަށް ދައުލަތުން ފޯރުކޮށްދޭން ލާޒިމްކޮށްފައިވާ ރައްކާތެރިކަމާއި މާލީ އެހީގެ އިތުރުން ބޭސް ފަރުވާ ފޯރުކޮށްދިނުމުގައި އެންސްޕާ އިން ވަނީ އިހުމާލުވެފަ އެވެ.

މިގޮތުން، ނުކުޅެދުންތެރިކަން ހުންނަ ފަރާތްތަކަށް ދޭން ޖެހޭ ތެރަޕީ ހިދުމަތްތައް ހިލޭ ލިބޭނެ ގޮތް 2019 ވަނަ އަހަރު ހަދާފައިވީ ނަމަވެސް، ވޭތުވެދިޔަ އެއް އަހަރު ތެރޭގައި ތެރަޕީއަށް ފައިސާ ދައްކަން ޖެހިފައިވަނީ އެ ކުދިންގެ އަމިއްލަ ޖީބުން ކަން ފާހަގަކޮށްފައިވެ އެވެ.

އެއާއެކު ތެރަޕީ ސެންޓަރުތަކުގެ ފީތައް ބޮޑުވުމާއި ކިއު ދިގުވުން ފަދަ ސަބަބުތަކާ އެކު، ގިނަ ކުދިންތަކެއް ތެރަޕީ ހިދުމަތުން މަހުރޫމުވަމުން ދާ ކަމަށް ވެސް މައްސަލާގައި ބުނެފައިވެ އެވެ.

މި މައްސަލަ ސަރުކާރުގެ ސަމާލުކަމަށް ގެނެސް، އެކަމަށް ފިޔަވަޅު އެޅުމަށް ގޮވާލައި ހުށަހެޅި މައްސަލަ ބޭރުކޮށްލާފައިވަނީ ސަރުކާރު ހިންގާ ޕީއެންސީއަށް ނިސްބަތްވާ 44 މެންބަރުންގެ ވޯޓުންނެވެ. މައްސަލަ ބަލައިގަންނަން ފެންނަ ކަމަށް ވޯޓު ދެއްވީ 12 މެންބަރުންނެވެ.

ރައްޔިތުންގެ މަޖިލިސް ހާއްސަ އެހީއަށް ބޭނުންވާ މީހުން މުހައްމަދު އިބްރާހިމް (ގަލޮޅު އުތުރު ދާއިރާ)

8 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާތު

15 April 2025

މިވެރިން ވޯޓު ހޯދަން ވީމާ މިކުދިން ސްޓޭޖް ތަކަށް އަރުވާ ޗަރުކޭސް ކުޅެ މިކުދިންގެ ގައިގާ ފިރުމާ، ރޮއެ މިކުދިންގެ އިހުސާސްތައް މި ޢިއްޒަތްތެރި މެމްބަރުންގެ ހިތުގާ ވިންދު ޖަހާ ވަރުން ހިތަށްއަރާ މިކުދިންނާނުލާ ސަރުކާރު ވެސް ނުހިންގޭނޭޔޭ. އެކަމަކު އާރާ ބާރު ލިބުނީމަ މިކުދިންގެ ދިރިތިބުމާ ގުޅިފައިވާ ޙައްގުތަކުގެ ދިފާއުގައި ބަހެއް ބުނެލަންވެސް ކުފޫހަމަވާ ބަޔަކައްވެސްް ނުވި. ކޮޅުފައިން ޖަހާ ތިޔަ ބޭރު ކޮށްލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރުބެއްޔާ

15 April 2025

އަފިރިންގެ މެންބަރު އަޒާނު ތިޔާއް ވޯޓުދިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެތެރޭ މީހާ ގަނޑު

15 April 2025

ސަރުކާރުން ކޮންމެ އަތޮޅު ހޮސްޕިޓަލް އަކުން ތެރަޕީގެ ހިދުމަތް ލިބޭ ފޮތް ހަމަޖައްސަދީބަލަ! ވޯޓު ނުދިނަސް މެމްބަރުން އާއިލާ ތައް މާލޭ ގައި އުޅޭއިރު އޯޓިޒަމް އެސޯސިއޭޝަން އިން ތެރަޕީ ލިބޭ! ރަށްރަށުގެ މީހުން ކީއްކުރާނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނޭނގޭ

15 April 2025

އެންސްޕާ ގެ ކަންކަން ރަނގަޅުކުރުމަށް ދިމަ ދިމާއިން ލިބޭހާ ފަންޑް ތަކަށް ވާގޮތް ބަލަން ރަނގަޅު އޮޑިޓް އެއް ނިކަން ކޮއްބަލަ. 2016 އިން ފެށިގެން ކޮންސަލްޓަންޓުން ހަޔަރ ކޮށް އެކި ވަރުވަރުުން ދިމަ ދިމާއިން ވެރިން ލާ ސިސްޓަމް ތައް އައުޓުސޯސް ކޮށް ފައިސާ ހަރަދު ކުރޭ. އެކަމަކު ހުރިހާ ކަމެއް އަދިވެސް ކުރަނީ އެހާމެނުއަލް ކޮށް ކަރުދާސް ބޮނޑިބޮނޑީގައި.. ކޮންމެ މަހަކު ރިޕީޓް ކޮށް އާކޭހެއްހެން ކޮމިޓީ ތަކުގައި ހާލަތު ބަލައިގެން އެޕްރޫވް ކޮށްގެން .