ބިދޭސީންގެ ބަޔޯމެޓްރިކްސް އަޕްޑޭޓުކުރަން ފަހު ފުރުސަތު ދީފި

އިމިޤްރޭޝަން ޤާނޫނާއި ޙިލާފް ބިދޭސިން ހުއްޓުވޭނީ ފުރަތަމަ އެމީހުނަށް ނާދެވޭގޮތް ހެދުމަށްޓަކާ ޔޯރަޕިއަން ޔޫނިއަންގެ ޤައުމުތަކާއި، އިޤިރޭސިވިލާތް، ސްވިޓްޒަލެންޑް، ޖެޕާން، ކޮރެއާ، ސައުދީ، ޤަޓަރ، ކްވެއިތު، ޔޫއޭއީ، ރަޝިޔާ، ސިންގަޕޯރ، ތައިލެންޑް، މެލޭޝިޔާ، އޮސްޓްރޭލިއާ، ނިއުޒީލަންޑް، ކެނަޑާ، އެމަރިކާ، ސައުތުއެފްރިކާ ޗައިނާ، އިންޑިޔާ، އާއި ލަންކާ ނޫން ޤައުމުތަކުގެ އޯޑިނެރީ ޕާސްޕޯޓް ހޮލްޑަރުންނަށް އެޑްވާންސް ވީސާނެތި ރާއްޖެއަށް ނާދެވޭގޮތް ހަދައިގެން.

ދުނިޔޭގެ އެންމެ އަގުބޮޑު ލަޤްޒަރީ ޓްއަރިޒަމް އޮތް މި ޤައުމުގެ ފަތުރުވެރި ކަމުގެ ސިނާއަތުގެ ރައްކާތެރި ކަމަށްޓަކާވެސް މިފަދަ ބިދޭސިންނަށް ހިތުހުރި ގޮތަކަށް ރާއްޖެ އެތެރެ ނުވެވޭނެ ގޮތް ހެދުމަށް ދުނިޔޭގެ ޤައުމު ތަކުންވެސް މިހާރު ކަންކުރާ ގޮތަށް ރާއްޖޭގައިވެސް ރާއްޖެ އައުމުގެ 24 ގަނޑި އިރު ކުރިން Electronic Travel Authorization (ETA) ފޯމް އޮންލައިންކޮށް ފުރައި އަންނަ މީހާގެ މުހިންމު މޢުލޫމާތު ޙިއްސާކުރަން ޖެހޭގޮތް ހެދުމަކީ ވަރަށް މުހިންމު ކަމެއް.

"މީހުން ދިރިއުޅޭ ގިނަ ރަށްރަށާއި ސިނާއީ މަސައްކަތްކުރާ ތަންތަނުން ވަނީ މައުލޫމާތު އެއްކޮށްފަ އެވެ. އޭގެ ތެރެއިން 25،000 އަށްވުރެ ގިނަ ބިދޭސީން ރެގިއުލޭޓް ކޮށްފައިވާ ކަމަށް ސަރުކާރުން ބުނެއެވެ." ބެލީ ކިހިނެއްތޯ. ހަމަ ޤަބޫލު ނުކުރެވޭތީ އަހާލީ. އެއްވެސް ރަށަކުން ބޭރުމީހަކު ނުފުރޭގޮތަށް ރަށްތައް ބަންދުކޮށްލާފަ ނޫނީ ލާހިކެއްނޫން ތިކަން ހަމަ މަގަށް އަޅުވާކަށް. ބޭރުމީހުން ފޮރުވައިދޭނީވެސް ޤައުމަށް ޣައްދާރު މުއްސަނދިންނާ ދަނޑުވެރި ރަށްތަކުގައި.

ތިޔަމީހުންތައް މަދުނުކޮށް ގައުމުގަ ޑޮލަރގެއަގު ތިރިކުރުމަކީ އުނދަގޫކަމެއް. ކުރާނެކޮންމެ ވިޔަފާރުއެއްކުރަންވީ ހުއްދައެއް ބޭނުމެއްނުވޭ ބަލާނެބަޔަކުނެތް ކޮރަޕްސަން ބޮޑުކަމުން. ދެން އެފައިސާގަ ކޮންމެއަގެއްގަ ބްލެކްގަ ޑޮލަރހުއްޓަސް ބަންގާޅީންތައް ޑޮލަރގަނެފަ ފޮނުވަނީ. މިގައުމު މީހީވަނީ ބަންގާޅީން ގެހިތަކަށް. ދިވެހިންގެ ވިޔަފާރިތައް ބަނގުރޫޓު.

މިމަހު 30 ވަނަ ދުވަހުގެ ނިޔަލަށް ބައޯމެޓްރިކްސް އަޕްޑޭޓް ނުދީފިނަމަ އަޅާނެ ފިޔަވަޅުތައް ކަމަށް ބުނެފައިވާ ފިޔަވަޅު ތަކުގެ ތެރެއިން އެންމެ ފުރަތަމަ އޮތް ފިޔަވަޅު ފިޔަވާ ދެންހުރީ މުޅިންވެސް "އޭގެ މަޤސަދު ހާސިލް ނުވާނެ" އަދި ބައޯމެޓްރިކްސް ނުދިން ފަރާތަށް އަދަބެއް ދިނުމަށް އަޅާފައިވާ ފިޔަވަޅު ތަކެއް ކަމަށް ޤަބޫލު ކުރަން ވަަރަށް ދަތި. ފުރަތަމަ ފިޔަވަޅުގައިވެސް ބިދޭސިމީހާ އަށް ވުރެން ބޮޑަށް އަދަބު ދީފައިވަނީ ދިވެހި މީހާއަށް ކަންވެސް ފާހަގަ ކުރެވޭ.

އަޅާ ފިޔަވަޅުގެ 2 ވަނައަށް އޮތް ނުކުތާގައި ބުނާ ބައޯމެޓްރިކް އަޕްޑޭޓްކުރަން އަންގާފައިވަނިކޮށް އެކަން ނުކޮށް ފުރައިގެންގޮސް 4 މަސް ފަހުން ރާއްޖެ އަންނަ ބިދޭސިމީހާގެ މުއްދަތު ހަމަނުވާ ވާކްވީސާއެއް އޮތް ކަމަށް ވިޔަސް "އިތުރު ޝަރުތެއް ނެތި" އޭނާގެ ވާކްވީސާ ކެންސަލް ނުކުރާންވީ ކީއްވެ؟! ކުރިން ލުއިދިންގޮތަށް އަނެއްކާވެސް ލުއިދޭން ފަށައިފިނަމަ ކުރި ހުރިހާ މަސައްކަތެއް ބޭކާރުވެ ދައުލަތުން ކުރި ޙަރަދަކީ އިސްރާފެއް ކަމަށް ވެގެން ހިގައިދާނެ އިގޭތޯ.

ތިންވަނަ ނުހުތާގައި ބުނާގޮތަށް "ބައޯމެޓްރިކްސް އަޕްޑޭޓްނުކޮށް، އެކްޓިވް ނޫން ވޯކުޕާމިޓެއްގައި ރާއްޖޭގައި ހުރިމީހާއަށް ޤާނޫނާއި ޤަވާއިދުގެ ތެރެއިން ވަޒީފާދޭ ފަރާތެއް ހުރިނަމަ ބައޯމެޓްރިކްސް އަޕްޑޭޓްކުރުމަށްފަހު ރެގިއުލަރައިޒް ކުރުމުގެ ފުރުސަތު ދިނުމަކީ އެއްގޮތަކަށްވެސް ކޮށްގެން ވާނެ ކަމެއްނޫން. މިއީ މިކަމުގައި ނާޖާއިޒު މަންފާ ނެގުމަށްޓަކާ މިކަން ކުރި ބަޔަކު ގަސްތުގައި ހިމަނާފައިއޮތް ހީލަތްތެރި ޕޮއިންޓެއް ކަމަށް ދެކެން. މިކަން ބަދަލު ކުރާންޖެހޭ.

އަޅާނެ ކަމަށް ވިދާޅުވާ ފިޔަވަޅު ތަކުގެ 4 ވަނަ ނުގުތާގައިވެސް ތަރުތީބު އޮޅުވާލާފައި "ރާއްޖެއިން ޑީޕޯޓްކޮށް، ވާކްވީސާ ކެންސަލް ކުރާނެ ވާހަކަ އޮތުމުން" ކަން ބޮޑުވޭ. ޑީޕޯޓް ކުރާން ޖެހެނީ އޭނާ ރާއްޖޭގެ ޤާނޫނާއި ޤަވާއިދާއި ޙިލާފުވެފައިވާތީ ކަމަށް ވާނަމަ އޭނާ ޑީޕޯޓް ކުރުމުގެ ކުރިން ވާކްވީސާ ފަދަ އޭނައަށް ދީފައިވާ ހުރިހާ ހުއްދަ ތަކެއް ކެންސަލް ކުރާން ވާނެ ކަމަށް އަޅުގަނޑު ޤަބޫލު ކުރަނީ. ކީއްވެ މި ތަރުތީބު އޮޅުވާލާފައި ވަނީ؟! ގަސްތުގައި ކުރިކަމެއްތޯ.

ބައޯމެޓްރިކްސް ނުދީ އަދި އެކްޓިވް ނޫން ވާކްޕާމިޓެއް އޮތް މީހަކު ރާއްޖެ އައި ކަމަށް ވިޔަސް އެއްވެސް ރިކޯޑަކަށް ބަލާފައި އޭނާއަށް ރާއްޖޭގައި މަސައްކަތް ކުރަން ފުރުސަތު ދެވޭގޮތަށް 5 ވަނަ ނުގުތާގައި (އަޅާނެ ފިޔަވަޅު ތަކުގެ) އޮތް އޮތުން ބަދަލު ކުރާން ޖެހޭ. ރާއްޖޭގައި މަސައްކަތް ކުރަން އަންނަ މީހާ ރާއްޖެ އަންނާންވާނީ ވެސް ޤާނޫނާއި ޤަވާއިދު ތަކުގެ ތެރެއިން ނަގާންޖެހޭ ހުއްދަތައް ނަގައިގެން ޤަވާއިދާ އެއްގޮތަށް. އެނޫން ގޮތަކަށް މިކަން އޮވެގެން ނުވާނެ.

ހަވަނަ ނުކުތާގައި ބުނާ "ބައޯމެޓްރިކްސް އަޕްޑޭޓްކުރުމަށް ފަހު އެކްޓިވް ވޯކް ޕާމިޓެއްގައި 1 އަހަރަށްވުރެ ދިގުމުއްދަތަކަށް ރާއްޖެއިން ބޭރުގައިހުރި ބިދޭސީއެއް ނަމަ" ސިސްޓަމަށް ބަލާފައި ކެންސަލް ކުރާ ގޮތަށް އޮތުމުގެ ބަދަލުގައި ހަ މަސް ނުވަތަ 12 މަސް ދުވަސް ވުމާއިއެކު އޮޓަމެޓިކުމް ކެންސަލްވާނެ ކަމަށް ކަޑައަޅާ އެގޮތަށް ސިސްޓަމުގައި އެކަން ހަމަޖައްސާފައި ބޭއްވުން ރަނގަޅު. އެހެން ނޫނީ މިއީ ހަމަ ނެތް ނުކުތާ އެއް ފަދަ އެއްޗަކަށް ވެގެން ހިގައިދާނެ.