ބީޗު ވޮލީ ކުޅޭ ސަރަހައްދު ކައިރީގައި ކާނިވަލެއް ތަރައްގީ ކޮށްދޭނެ ބަޔަކު ހޯދަނީ

މަޖީދިއްޔާ ސްކޫލަށް 75 އަހަރުފުރުން ފާހަގަކުރަން ބޭއްވި އަލިމަސް ކާނިލުގައި ކުދިންތަކެއް ކުޅެނީ.-- ފޮޓޯ: ހަވީރު

އާސިމާ ނިޒާރު، މިހާރު

24 ޖުލައި 2025 - 20:03

މާލޭގައި ބީޗު ވޮލީ ކުޅޭ ސަރަހައްދުގެ އިރުމައްޗަށް އޮތް ހުސްބިމުގައި، މުނިފޫހިފިލުވުމުގެ ހަރަކާތްތައް ހިންގާ ގޮތަށް ކާނިވަލެއް ހަދައިދޭނެ ބަޔަކު ހޯދަން ސިޓީ ކައުންސިލުން މިއަދު އިއުލާންކޮށްފި އެވެ.

އެ އިއުލާނުގައި ބުނީ އަމިއްލަ ހަރަދުގައި ކާނިވަލެއް ހަދައި، ދިގު މުއްދަތަކަށް އެ އެތަން ބަލަހައްޓަން ޝައުގުވެރިވާ ފަރާތްތަކުން މައުލޫމާތު ސާފުކުރުން އަންނަ މަހުގެ 7 ވަނަ ދުވަހު އޮންނާނެ ކަމަށެވެ.

އަންދާސީ ހިސާބު ހުށަހެޅުން އޮންނާނީ އަންނަ މަހުގެ 14 ވަނަ ދުވަހު އެވެ.

މާލޭގައި ކާނިވަލެއް ހެދުމަކީ މޭޔަރު އާދަމް އާޒިމްގެ ވައުދެކެވެ.

އަލިމަސް ކާނިވަލުގެ ގޮތުގައި މިހާރު މަޝްހޫރު ސްޓޭޖު ސަރަހައްދަކީ މަޖީދިއްޔާ ސްކޫލަށް 75 އަހަރު ފުރުން ފާހަގަކުރަން 2004 ވަނަ އަހަރު ހުޅުވި ތަނެކެވެ. އޭރު އެ ތަނުގައި ތަފާތު ކުޅިވަރުތައް ކުޅެވުނެވެ.

ސިޓީ ކައުންސިލުން ކާނިވަލެއް ހަދަނީ އެ ކޮންސެޕްޓަށެވެ.

މާލެ ސިޓީ ކައުންސިލް އާދަމް އާޒިމް (މާލޭގެ މޭޔަރު)

4 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

2025

27 July 2025

ހުޅުމާލެ ފޭސް 3 ގަ ހަދާ...... ބޮއިހަލަކި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަރޭ

25 July 2025

ތަފާތު ކުޅިވަރުތަކާ މުނިފޫހި ފިލުވުމާ ކެއިންބުއިމުގެ ހިދުމަތާއެކު ތިޔަ ފަދަ ތަނެއް އެބަޖެހޭ އޮންނަން. މި ކޮންކުރީޓު ޖަންގަލީގައި އުޅޭއިރު ބޯހަމަ ޖައްސާލާ ކުދިވެރިންނާ އެކު ނިކުމެ ރަނގަޅު ވަގުތުކޮޅެއް ހޭދަކޮށްލަން ޖެހޭ.. އެކަމަަކު ތިޔަ ބުނާ ސަރަހައްދަކީ އެ ޒާތުގެ ކަމެއް ކުރެވޭ ވަރަށްވުރެ މާ ބޮޑަށްވެސް ކުޑަ ތަނެއް. ހުޅުމާލޭގެ ބިން ބޮޑު ސަރަހައްދެއްގައި ޓްރެފިކްއަށް ދަތި ނުވާނެހެން ވަކި އެންޓްރީއަކުން ވަދެ ނިކުމެ ހެދޭ ގޮތަށް ކާނިވާ ހެދުން މާ ރަނގަޅު.