ވިޔަފާރި / ފެނަކަ ކޯޕަރޭޝަން

ފެނަކައިގެ ސީއެފްއޯއަކަށް ޖިހާދު

ފެނަކައިގެ ސީއެފްއޯއަކަށް އައްޔަންކުރި މުހައްމަދު ޖިހާދު.

މާއިދާ މުހައްމަދު ރަޝާދު، މިހާރު

01 ސެޕްޓެމްބަރ 2025 - 21:10

5 comments

ފެނަކަ ކޯޕަރޭޝަންގެ ޗީފް ފައިނޭންޝަލް އޮފިސަރު (ސީއެފްއޯ) ގެ މަގާމަށް މުހައްމަދު ޖިހާދު އައްޔަންކޮށްފި އެވެ.

އެ ކުންފުނީގެ ސީއެފްއޯގެ މަގާމަށް ޖިހާދު އައްޔަންކުރީ އެ މަގާމުގައި ހުންނެވި އަބްދުﷲ ވަހީދު މިއަދު އިސްތިއުފާ ދެއްވުމާ ގުޅިގެންނެވެ.

ފެނަކައިން ކުރި ޕޯސްޓެއްގައި ވަނީ ސީއެފްއޯގެ މަގާމަށް ޖިހާދު އައްޔަން ކުރިކަން އިއުލާންކޮށް، އޭނާ އަށް މަރުހަބާ ކިޔައިފަ އެވެ.

މި ކުންފުނީގެ ޗީފް ފައިނޭންޝަލް އޮފިސަރުގެ ޒިންމާތަކާ ޙަވާލުވެވަޑައިގަތް އަލްފާޟިލް މުޙައްމަދު ޖިހާދަށް މަރުޙަބާ ދަންނަވަން! #TeamFenaka pic.twitter.com/homlNzDUM6
— Fenaka Corporation Ltd (@TeamFenaka) September 1, 2025

ސީއެފްއޯ ކަމުން ވަހީދު އިސްތިއުފާ ދެއްވީ ސީއެފްއޯގެ މަގާމުން ޗީފް ލެވެލްގެ އެހެން މަގާމަކަށް އޭނާ ބަދަލުކުރުމުގެ މަޝްވަރާތަކެއް ކުރާތީ އެކަމަށް އެއްބާރުލުން ދެއްވުމަށް ކަމަށް މިއަދު ވިދާޅުވި އެވެ.

ފެނަކައިގެ ސީއެފްއޯގެ މަގާމަށް ވަހީދު އައްޔަންކުރީ ސެޕްޓެމްބަރު 11، 2014 ގަ އެވެ.

Fenakaige CFO ge magaamun Waheed isthiufa dhevvaifi

The most trusted news source in the Maldives

Mihaaru

އެކަމަކު އޮކްޓޫބަރު 26، 2023 ގައި އޭނާ އެ މަގާމުން ވަކި ކުރުމާ ހަމައަށް، ގާތްގަނޑަކަށް އަހަރު ދުވަސް ވަންދެން ވަހީދު ހުރީ އެ މަގާމުގެ މަސްއޫލިއްޔަތުތަކުން އެކަހެރި ކޮށްފަ އެވެ. ނަމަވެސް އޭނާގެ ފަރާތުން ވަޒީފާއާ ބެހޭ ޓްރައިބިއުނަލަށް މައްސަލައެއް ހުށަހެޅުމުން، އެ ތަނުން ނިންމީ އެ ވަޒީފާ އިން ވަކިކޮށްފައި ވަނީ އެކަށީގެންވާ ސަބަބެއް ނެތި ކަމަށެވެ.

އެހެންވެ އަނބުރާ ވަޒީފާ ދިނުމަށް ޓްރައިބިއުނަލުން އެންގި އެންގުމާ އެއްގޮތަށް އޭނާ އަށް އަނބުރާ ވަޒީފާ ދިނެވެ.

ފެނަކަ ކޯޕަރޭޝަން

5 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކެހުވޭ

02 September 2025

ސަރުކާރު އޮޔާދަނީއެވެ. މިއީ މިކަމުގެ ކޮޅުމައްޗެވ. ލޯކަލް ކައުންސިލް އިންތިޚާބު އައިސް ބޯމަތިވެ އެމްޑީވެސް އާއްވެ މައްޗަށް އަރައިދާނެ ތޯއްޗެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާމިނަތު ޒުހެއިރު

02 September 2025

ތަންދޮރު ނުފިލާ މީހުން ގޮވައިގެން އެއްމެފަހުން ސަރުކާރު އަރާނީ ފަރަށެވެ. އިންޖީނުގަންނަން އަމިއްލައަށް އިމަރޖެންސީ ޕްރޮކިޔުމެންޓް ނެރޭށޭ ކިޔާފައި މެއިލްކުރިކަމަށް ކުރީ ދުވަހުވެސް ނޫހަކުން ފެނުނެވެ. ދެން ނޫސްވެރިންގެ ލޮލަށް ބޮލަށް ގޮވާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙދ

02 September 2025

ނޫސްތަކުން މީހުންގެ އަބުރު ކަތިލަން ތިހެންޖަހާ އެއްޗެތި މަމެން ގަބޫލެއް ނުކުރަން. ޝަހާދަތުގެވެސް އެއްބައި ކިއީމަ މާނަ ނިކުންނާނީ އެހެން ގޮތަކަށް. ތިއީ އެކަހަލަ ކަމެއް.. ޖިހާދަކީ ފަސްބައި ސާފު މީހެއް. ތެދުވެރި ނަޒާހަތްތެރި މީހެއް.