ސްޓިކާ ޖެހުން މަދުކޮށް، ޕާކިން ޒޯނުތަކަށް ބަދަލު ގެންނަނީ

ޓްރެފިކް ޕޮލިހުން ސައިކަލުތަކެއްގައި ސްޓިކާ ޖަހަނީ: ތޮއްޖެހިފައިވާ މާލޭގައި ވެހިކަލް ޕާކު ކުރާނެ ތަނެއް ހޯދުމަކީ ފަސޭހަކަމެއް ނޫން-- ފޮޓޯ: މުހައްމަދު ޝަރުހާން/ މިހާރު

އާމިނަތު ޝިފްލީން، މިހާރު

02 ޖުލައި 2016 - 16:24

34 comments

ގަވާއިދާ ހިލާފަށް ޕާކު ކުރާ އުޅަނދުތަކުގައި ސްޓިކާ ޖެހުން މަދުކޮށް، ޕާކު ކުރުމުގައި ލުޔެއް ހޯދައި ދިނުމަށް މަސައްކަތް ކުރަމުން އަންނަ ކަމަށް ފުލުހުން މިއަދު ބުނެފި އެވެ.

ފުލުހުންގެ ޓްރެފިކް މެނޭޖްމެންޓް ޑިޕާޓްމެންޓްގެ ހެޑް، ފަތުހުﷲ ވަހީދު ވިދާޅުވީ މާލޭގައި ޓްރެފިކްގެ މައްސަލަ ބޮޑުވުމުގެ ސަބަބުން ވެހިކަލްތަކަށް ޕާކު ކުރުމުގައި ދަތިތަކެއް ހުރި ކަމަށެވެ. އެހެންވެ، މަގަށް އުނދަގޫ ނުވާ ގޮތަށް ޕާކުކޮށްފައި ހުންނަ އުޅަނދުތަކުގައި ނުވަތަ ނަމާދަށް މިސްކިތަށް އަރާއިރު ޕާކުކޮށްފައި ހުންނަ އުޅަނދުތަކުގައި މިހާރު ސްޓިކާ ނުޖަހާ ކަމަށް އޭނާ ވިދާޅުވި އެވެ.

"މީގެ މާނައަކީ އަޅުގަނޑުމެން އެއްގޮތަކަށް ވެސް ސްޓިކާ ނުޖަހާނެއެކޭ ނޫން. އެކަމަކު މިހާރު ސްޓިކާ ޖަހަނީ ވަރަށް ބަލައިގެން،" ފަތުހުﷲ ވިދާޅުވި އެވެ.

އޭނާ ވިދާޅުވީ ރޯދަ މަހު ރައްޔިތުންނަށް ދިން މި ލުއި ދެމެހެއްޓުމަށް އުޅަނދުތައް ޕާކު ކުރާނެ ގޮތްތަކެއް މިހާރު ހޯދަމުން އަންނަ ކަމަށެވެ. އެގޮތުން މިހާރު ހުރި ޕާކިން ޒޯންތަކަށް ބަދަލު ގެނެސް، އާ ޒޯންތަކެއް ކަނޑައަޅާނެ ކަމަށް ވިދާޅުވި އެވެ.

އެކަމަކު މި މަސައްކަތް މުޅިން އަދި ނުނިމޭތީ އޭގެ ތަފްސީލެއް ފަތުހުﷲ ނުދެއްވަ އެވެ.

މާލޭގައި ޕާކު ކުރާނެ އާ ސަރަހައްދުތަކެއް ކަނޑަައަޅާނެ ކަމަށާއި އެކަން ކުރާނީ ދައުލަތަށް ލިބިފައިވާ ހުސް ބިންތަކުގައި ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ވެސް ވަނީ ވިދާޅުވެފަ އެވެ.

މާލޭގައި ދުއްވާ އުޅަނދުތައް އިންތިހާ އަށް އިތުރުވެފައިވާތީ އެ އުޅަނދުތައް ޕާކު ކުރާނެ ތަނެއް ނުލިބެ އެވެ. އަދި ގަވައިދާ ހިލާފަށް ސްޓިކާ ޖަހައިގެން ކޮންމެ ފަހަަރަކު ވެސް ބޮޑެތި އަދަދުތަކުން ޖޫރިމަނާ ކުރެ އެވެ.

ފުލުހުން ޓްރެފިކް ޕާކިން ޒޯން ޕާކިން

34 ކޮމެންޓް, 111 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަޅުމީހާ

03 July 2016

ބަލަ ،ސިންގަޕޯރ ގައި ޕާރކް ކުރަން އުނދަގޫ ވެގެންނެއް ނޫޅޭ މިހާރު ތިކިޔަނީ ކީކޭ.....؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަތލިބޯ

03 July 2016

އެއްގަމު އުޅަނދު ރަޖިސްޓަރީ ކުރުމަށް ބަދަލު ގެންނަން ޖެހޭ. 18 އަހަރުވުމުން ކޮންމެ މީހަކަށް ރަޖިސްޓަރީ ކރެވެން ޖެހެންވީ. އަދި ކުރެވޭނީ މީހަކަށް އެއް އުޅަނދު އިތުރަށް ރަޖިސްޓަރީ ކުރާ އުޅަނދަށް ދެގުނަ ސަރުކާރަށް ނަގަނވީ. އެއަވުރެއިތުރިއްޔާ ތިން ގުނަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނުން

03 July 2016

މާލޭގެ މަގުތަކުގައި ސައިކަލު ޕާރކުރުން 02 ބަރިއަށްވެސް ހެދިދާނެ މަގުތަށް އެބަހުރި. އެހެނަސް އެކަމަށް ތަން ނުލިބެނީ 04 ފުރޮޅުލީ އުޅަނދުތަށް މަގުމަތީ ޕާރކްކުރުން. އެހެންކަމުން 04 ފުރޮޅުލީ އުޅަނދު ޕާރކްކުރުމަށް ހާއްސަ ޕާރކިން އެއް ހެދިއްޖެނަމަ ގިނަ ބަޔަކު އެކަމުގެ ބޭނުން ހެޔޮގޮތުގައި ހިފާނެ. އަދި ކާރުގެ ޖާގަ ނުވަތަ ޕިކަޕުގެ ޖާގައިގައި 02 ބަރިއަށް ސައިކަލު ޕާރކްކުރުމަށް ފުރުސަތު ހުޅުވިގެންދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްލަށް އެދޭ މީހާ

03 July 2016

މާލޭގައި ޕާކިންއަށް ހަމައެކަނި ހައްލެއް ދެންނލިބޭނީ ކޮންމެ ބިމަކުންވެސް، އެބިމެއްގެ ދިގުމިނުން 10 ފޫޓްގެ ފުޅާ ޖާގައެއް ނަގައި ޕާކިން ހެދުން، މިކަން ފެށުމަށް ފުރަތަމަ ސަރުކާރުގެ/ދައުލަތުގެ އިމާރާތް ތަކުން ފަށަންވީ، 2ވަނަ ގޮތަކީ ހުރިހާ ސަރުކާރުގެ އޮފީސްތަކުގެ ތިރީބައި (ގްރައުންޑް) ޕާކިންއަށް ނެގުން، ހަމަ މިގޮތަށް ގާނޫނަށް ބަދަލު ގެނަސްގެން ނަމަވެސް އެހެން އިމާރާތް ތަކުންވެސް އިމާރާތުގެ ނުވަތަ ބިމުގެ ނިސްބަތުން ވަކިވަރެއް ޕާކިންއަށް ހާއްސަކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒަބީބު

03 July 2016

ޕާކިންގ ބިލްޑިންގް ހަދާބަލަ. ހުރަވީ ތަޅާލާފަ 10 ބުރީގެ ޕާކިން ބިލދިންގެއް ހެދީމަ ސަރުކާރު އޮފީސް ތައްކާރީ ތޮއްޖެހުން ކުޑަވާނެއެވެ. އަދިވެސް ގިނައިން ޕާކް ކޮށްފައި ހުންނަ ތަންތަނުގައި މިކަހަލަ ބިލްޑިން ހެދުމުން ލުއިވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު އަލީ

03 July 2016

ނުވާނެ ރަގަޅެއް. ދިވެހި ބަހުގަ ބުނެއުޅޭނޫންތޯ ކައްޗަށް އެޅި ބިންގާ ކެއްޗާ ހަމައަށް ދިޔައަސް ވާނީ ކައްޗޭ. މި މާލޭގެ ޕާކިން ކަންތައްތަކާ ޓްރެފިކް ކަންތައް އެކަށީގެންވާ ގޮތަކަށް ހަަމަޖެއްސޭނީ، ވަރަށް ތެދުވެރިކަމާއެކު، ގިނަ މަސައްކަތްތަކެއް ކޮށްގެން. އަދި މިކަމުގަ ގިނަބަޔަކު ޝާމިލުވެސް ކޮށްގެން. ހަމައެކަނި ޓްރެފިކް ޑިޕާރޓްމަންޓުގަ ތިބި ވިއްސަކަށް މުއައްޒިފުން އުޅެގެން ނުވާނެކަން ކަށަވަރު. ފޫނެއް ފަޔަށް ފެން ފުރަންއުޅޭ ވާހަކަ ޚަބަރެއްގަ އޮތީމާ ކޮމެންޓު ކޮށްލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

03 July 2016

ހަތަރު ފުރޮޅުލީ ވެހިކަލް ރަޖިސްޓްރީ ކޮށްދެނީ ގަރާޖެއް ދެއްކީމަ. އެކަމަކު ހުރިހާއެއްޗެއް ތާއަބަދު މަގުމަތީގަ ޕާކްކޮށްފަ. އެންމެންނަށްވެސް އެނގޭ ވަގުހަދައިގެންކަން ރަޖިސްޓްރީ ކުރަނީ. އެކަމަކު ހުއްޓުވާކަށްވެސް ރަޖިސްޓްރީ ބާތިލްކުރާކަށްވެސް ނުކެރޭ. ތަންފީޒުނުކުރެވޭ ގަވައިދު ހަދައިގެން ސަރުކާރުހިންގަންޏާ ވާނީ މިހެން. ދެންބަލާބަލަ މާލޭގެ އެންމެ މުހިންމު ދެމަގު މެދުތެރެއިން ބަންދުކޮށްގެން އެއޮތް ގަންނަ ގަނޑު. މީގެ ދެއަހަރުކުރިން މާލޭގެ ޓްރެފިކް ބޮޑު. އެކަމަކު މިވަރެއްނޫންކަން އެންމެންވެސް ގަބޫލުކުރާނެ. އެކަމަކު ކީއްކުރާނީ. ސިޔާސީ ފައިދާއަށް މާލެތެރެހަލާކުކުރަނީ ވިއްޔަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު

03 July 2016

ކަލޯ މީވާ ގައުމެއް ހިނގޭ....އިރާދަކުރެއްވިއްޔާ...... ތަރައްގީވެގެން ގޮސް އަނެއް ކޮޅުގައި......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޭޑް

03 July 2016

މާލޭގައި ބޭނުމެއް ނުކޮށް ހުރި ބިންތައް ވަގުތީ ޕާކިން ޒޯންތަކަށް ބަދަލުކޮށް ކާރޫބާރު ބޮޑެތި މަގުތަކުގައި ޕާކު ނުކުރެވޭގޮތް ހަދާށެވެ. ހާއްސަކޮށް ހަތަރު ފޮރޮޅުލީ އުޅަނދުތަކެވެ. މިސާލަކަށް ޗާންދަނީމަގު ކުރިން އެމްއެމްއޭ ހުރި އިމާރާތް ވަގުތީ ގޮތުން ޕާކިންޒޯނަކަށް ބަދަލުކޮށް ޗާންދަނީމަގުގެ އެބައިގައި ޕާކު ނުކުރާގޮތަށް ހެދިދާނެވެ. އަދި ވިޔަފާރިވެރިންގެ މިސްކިތްކައިރީ އޮތްބިންވެސް ޕާކިން ސްޕޭސްއަކަށް ބަދަލު ކުރެވިދާނެއެވެ. ހެންވޭރާއި މަންޗަންގޮޅި ސަހަރާއިން ބައެއް ޕާކިންޒޯނަށް ބަދަލު ކުރިގޮތަށް މާފަންނު ސަހަރާގެ ބައެއްވެސް ޕާކިންނަށް ބަދަލު ކޮށް ނަލަހިޔާއިން ފެށިގެން ސަހަރާއާ ހަމައަށް މަޖީދީމަގުގައިވެސް ޕާކު ނުކުރާގޮތަށް ހެދުމުން އެ ހިސާބުގެ ޓްރެފިކަށް ލުޔެއް ލިބޭނެއެވެ.