މިފަހަރުގެ ފުޅަނދު ބުރު ވާދަވެރިވާނެ، ތަފާތުވާނެ: ސަލީމް

މިދިޔަ އަހަރުގެ މިނިވަން ދުވަސް ފާހަގަކުރަން ބޭއްވި ފްލޯޓެއް.--ފޮޓޯ:ރައީސް އޮފީސް

އާސިމާ ނިޒާރު، މިހާރު

12 ޖުލައި 2016 - 12:37

މި އަހަރުގެ މިނިވަން ދުވަހާ ގުޅުވައިގެން ބާއްވާ ފުޅަނދުބުރުގެ ވާދަވެރިކަން ބޮޑުވުމުގެ އިތުރުން ވަރަށް ތަފާތު ވާނެ ކަމަށް ހޯމް މިނިސްޓްރީގެ ޑެޕިއުޓީ މިނިސްޓަރު އަހުމަދު ސަލީމް (މާޒް ސަލީމް) މިއަދު ވިދާޅުވެއްޖެ އެވެ.

އޭނާ ވިދާޅުވީ ޖުލައި 28 ވަނަ ދުވަހުގެ ރޭ އޮންނަ ފުޅަނދު ބުރުގައި މި އަހަރު 15 ފުޅަނދު ދައްކާލާނެ އެވެ. އެ އެއްޗެހި ތައްޔާރުކުރަމުން އަންނަނީ ސަރުކާރުގެ ބައެއް އޮފީސްތަކާއި ކުންފުނިތަކާއި އަމިއްލަ ބައެއް ކުންފުނިތަކުންނެވެ.

"ވަރަށް ތަފާތު ފުޅަނދު ދައްކާލާނެ. ވަރަށް ވާދަވެރިކޮށް މިފަހަރު މިދަނީ. އެހެންވެެ އެއްބަޔަކު ހަދާ ކޮންސެޕްޓެއް އަނެއް ބަޔަކަށް ވެސް ނުދައްކާނެ،" ސަލީމް ވިދާޅުވި އެވެ.

"ސަރުކާރުގެ ވިސްނުން ހުރީ އަމިއްލަ ފަރުދުން މިކަމުގައި ވީހާ ވެސް ބޮޑަށް ބައިވެރިކުރުވުން. އެހެންވެ އަޅުގަނޑުމެންނަށް ވިސްނުނީ މިކަންް އެންމެ ރަނގަޅުވާނީ ވާދަވެރިގޮތަކަށް ހުޅުވާލީމައޭ."

މިދިޔަ އަހަރުގެ މިނިވަން ދުވަސް ފާހަގަކުރަން ބޭއްވި ފުޅަނދު ބުރުގައި ފުޅަނދެއް ދައްކާލަނީ --ފޮޓޯ:ރައީސް އޮފީސް

ސަލީމް ވިދާޅުވީ އެންމެ ރީތި ފުޅަނދަށް 50،000ރ. އާއި ޓްރޮފީއެއް ދޭން ހަމަޖައްސާފައިވާ ކަމަށެވެ. އެކަން އިންސާފުކުރާނީ އާޓްސްގެ ދާއިރާގެ ތަޖުރިބާކާރުންގެ ބޯޑަކުން ކަމަށް ވެސް އޭނާ ވިދާޅުވި އެވެ.

"ވަރަށް މިނިވަންކޮށް ބޯޑުގެ މަސައްކަތް ދާނީ،" ސަލީމް ވިދާޅުވި އެވެ.

ރާއްޖޭގެ މިނިވަންކަމުގެ ރަން ޔޫބީލް މިދިއަ އަހަރު ކުލަގަދަކޮށް ފާހަގަކުރި އިރު ވަރަށް ތަފާތު ފުޅަނދުތައް ދައްކާލައިފައިވެ އެވެ. އެ ފުޅަނދުތައް ބަލަން އާންމުންގެ އެތައް ހާސް ބަޔަކު މަގުތަކަށް ނުކުތެވެ.

މިނިވަން ދުވަހާ ގުޅުވައިގެން ފަންނާނުންގެ މިއުޒިކީ އީދެއް ބާއްވަން ވެސް ހޯމް މިނިސްޓްރީން ވަނީ ނިންމައިފަ އެވެ.

މިނިވަން ދުވަސް ހޯމްލޭންޑް ސެކިއުރިޓީ މިނިސްޓްރީ މާޒް ސަލީމް

6 ކޮމެންޓް, 38 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަަޔާނާ

13 July 2016

މި ހަރަކާތް ބާއްވާ ދުވަހު މަގުތަށް ބަންދުކުރުމުން ދުއްވާއެއްޗެއްސަށް އުނދަގޫނުވާނެތަ؟ ތި ބަލަން ބޭނުން ނުވާ ބަޔަކަށް އުނދަގޫނުވާނެތަ؟ މާލޭ މަގުމަތީ ހިނގާލުމެއް ނުބޭއްވޭ ކަމަށް ވާނަމަ މިވެސް ބޭއްވިގެން ނުވާނެ! ހުޅުމާލޭގަ ތިކަން ކުރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލަތު

13 July 2016

ތޮއްޖެހޮފައިވާ މާލޭގެ މަގުމަތީގައި މިހަރަކާތް ހިންގުމުގެ ހުއްދަ ފުލުހުން ދޭނެކަމަކަށް ނުބެލެވެއެވެ. ވަރަށް ގިނަ ބައެއްގެ ހައްގުތައް މިކަމުގެ ސަބަބުން ގެއްލިގެން ދާނެއެެވ. އާންމު ދަތުރުފަތުރުގެ ނިޒާމަށް ބުރޫއަރާނެއެވެ. ހިނގާބިނގާ އުޅޭ މީހުންނަށް އުގަދޫވާނެއެެވެ. މަޖީދީމަގު ފިޔަފާރިތަކަށް އުނިކަން އަންނާނެއެވެ. ގޭގޭގައި ނިދާފައިތިބި ކުޑަކުދިންނާއި އުމުރުން ދުވަސްވީ މީހުންނަށް ނިދުމަށް އުދަގޫވާނެއެވެ. ވީމާ، މިކަން ހުއްޓުވަން ފުލުހުން ނުކުންނަށް ޖެހޭނެކަމަށް ފެނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓީވީ ސޮރު

13 July 2016

ބަލަ ސަލީމް! ކޮބާތޯ މިނިވަން 50 ފާހަގަކުރާށޭ ކިޔަިގެން އަހަރެމެން ޜާއްޖެތެރޭ މީހުން ލައްވާ ސްކޫލްތަކުން ކުދިން ނެރެ ބޭއްވި "ފުނަ" ހަރަކާތް؟ މާލެ ގެނެސް ގަލޮޅު ދަނޑުގަ އޮންނަ ރަސްމިއްޔާތުގަ ޕާފޯމް ކޮއްދޭނަމޭ ކިޔައިގެން؟ އަތޮޅު ތަކުގެ ރައްޔަތުން ގުނބޯ ހެއްދީދޯ؟ ދެން ކޮބާތޯ ކާނިވާ ސަރަހައްދުން ފެށިގެން ސުނާމީ ބިނާ އާ ހަމައަށް ހަދަން ބުނި ކޮންމެ އަތޮޅަކުން މީހުން ގެނެސްގެން އެ އަތޮޅެއް ތަމްސީލު ކޮށްދޭ "ކަލްޗަރަލް ވިލެޖް"؟ ކަލޭމެން ބޯފަން ޢަބްދުﷲ އާ ތި ސަލީމް އާ ޓީވީ ތަކަށް އަރާ ފޮނިކަނޑާ ދިން އިންޓަވިއު ތަކުގެ ރެކޯޑިންގ އަދިވެސް މިހުރީ! އޮންއެއަރ ކުރަންވީތަ ޓީވީން؟ އަދިވެސް ފޮނި ކަނޑާތި މަށަށް މިކަން ވާނޭ ކިޔާފަ! މީޓިންތައް ބާއްވަ އިފަ ސައި ބުއިން ނޫން ކަމެއް ނުކުރޭ.. ރައްޔިތުންގެ ލާރިން ހަމަ އިސްރާފް.. މިފަހަރު ޓާޓާ.....