ގާނޫނުތައް އުވިގެންނެއް ނުދޭ، ގާނޫނީ ހުސް ކަމެއް ނެތް: އޭޖީ އޮފީސް

ްއޭޖީ އަނިލް: ގާނޫނުތައް އުވާލުމާ މެދު ގޮތެއް ނިންމަންޖެހޭނީ އުވާލުމަށް ފެންނަ ނަމަ ކަމަށް އޭޖީ އޮފީހުން ބުނޭ --ފޮޓޯ/މިހާރު

17 ޖުލައި 2016 - 18:09

8 comments

އާ ގާނޫނުލް އުގޫބާތަށް އަމަލުކުރަން ފެށިތާ އިއްޔެ އެއް އަހަރު ފުރުމާ އެކު، ބޮޑެތި ކުށްތަކަށް އަދަބު ކަނޑައަޅާ ބައެއް ގާނޫނުތައް އުވި ގާނޫނީ ހުސް ކަމަކަށް ހިނގައިދާނެ ކަމުގެ ބިރު ހީވިޔަސް އެއިން އެއްވެސް ގާނޫނެއް ނުއުވޭނެ ކަމަށާއި ގާނޫނީ ހުސް ކަމަކަށް ނުދާނެ ކަމަށް އެޓާނީ ޖެނެރަލްގެ އޮފީހުން މިއަދު ބުނެފި އެވެ.

ގާނޫނުލް އުގޫބާތަށް މިދިޔަ އަހަރު ގެނައި ފުރަތަމަ އިސްލާހު ބުނާގޮތުން އެ ގާނޫނަށް އަމަލުކުރަން ފަށާތާ އެއް އަހަރުގެ ތެރޭގައި މުހިންމު ހަތް ގާނޫނެއް އުވާލުމާ މެދު ގޮތެއް ނިންމަންޖެހެ އެވެ. އެއީ؛

- މަސްތުވާތަކެއްޗާ ބެހޭ ގާނޫނާއި ކުޑަކުދިންނަށް ޖިންސީ ގޯނާކުރާ މީހުންނާ މެދު ޚާއްސަ އުސޫލުތަކަށް އަމަލު ކުރުމުގެ ގާނޫން

- ބިރު ދެއްކުމާއި ނުރައްކާތެރި ހަތިޔާރާއި ތޫނު އެެއްޗެހި ގެންގުޅުން މަނާ ކުރުމުގެ ގާނޫނު

- މީހުން ޓްރެފިކް ކުރުން ހުއްޓުވުމުގެ ގާނޫނު

- އެންޓި ޓޯޗާ ގާނޫނު

- މަނީ ލޯންޑްރިން އަދި ޓެރަރިޒަމަށް ފައިނޭންސް ކުރުން ހުއްޓުވުމުގެ ގާނޫނު

- ޖިންސީ ކުށުގެ ގާނޫނު

ގާނޫނުލް އުގޫބާތަށް އަމަލުކުރަން ފެށިތާ އިއްޔެ އެއް އަހަރު ފުރިފައިވާއިރު އެ ގާނޫނުތައް އުވާލުމާ މެދު ގޮތެއް ނުނިންމާ އޮތުމުން ބައެއް ވަކީލުން ދަނީ އެކަމުގައި ގާނޫނީ ހުސްކަމަކަށް ގޮސްފައިވާ ކަމަށް ބުނެ، އެ ގާނޫނުތަކުގެ ދަށުން ދައުވާ ނުކުރެވޭނެ ކަމަށް ބުނަމުންނެވެ.

އެކަމާ ގުޅިގެން ޑެޕިއުޓީ އެޓާނީ ޖެނެރަލް އަހުމަދު އުޝާމް ވިދާޅުވީ އެކަމުގައި ގޮތެއް ނިންމަންޖެހެނީ އެއިން ގާނޫނެއް އުވާލާ ނަމަ ކަމަށާއި އެކަމަކު އެއިން އެއްވެސް ގާނޫނެއް އުވާނުލަން ނިންމާފައިވާ ކަމަށެވެ. އެހެންވެ ކުރިއެކޭ ވެސް އެއްގޮތަށް އެ ގާނޫނުތަކުގެ ބާރު ހިނގާނެ ކަމަށާއި އެއްވެސް ގާނޫނީ ހުސްކަމެއް އެކަމުން ނާންނާނެ ކަމަށް އުޝާމް ވިދާޅުވި އެވެ.

"ގާނޫނުލް އުގޫބާތުގައި ބުނަނީ އެ ގާނޫނުތައް އުވާލާ ނަމަ އެކަމުގައި ގޮތެއް ނިންމާށޭ. އުވާނުލަން ނިންމާ ނަމަ އެއްވެސް ކަމެއް ކުރަންޖެހޭނެ ކަމަށް ބުނެފައެއް ނެތް، އެހެންވީމަ އެ ގާނޫނުތައް އަދިވެސް ނުއުވޭ، ގާނޫނީ ހުސްކަމެއް ވެސް އެކަމަކުން ނެތް،" އުޝާމް ވިދާޅުވި އެވެ.

ގާނޫނުލް އުގޫބާތުގައި ބުނާ ހަތް ގާނޫނަކީ ވެސް ބޮޑެތި ކުށްތަކަށް އަދަބު ކަނޑައެޅުމަށް ފަހުން ހަދާފައިވާ ގާނޫނުތަކެކެވެ.

އެޓާނީ ޖެނެރަލް ވަކީލުން އެޓާނީ ޖެނެރަލްގެ އޮފީސް ގާނޫނުލް އުގޫބާތު

8 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާލަތު

18 July 2016

1-ގާނޫނުލް އުގޫބާތަށް މިދިޔަ އަހަރު ގެނައި ފުރަތަމަ އިސްލާހު ބުނާގޮތުން އެ ގާނޫނަށް އަމަލުކުރަން ފަށާތާ އެއް އަހަރުގެ ތެރޭގައި މުހިންމު ހަތް ގާނޫނެއް އުވާލުމާ މެދު ގޮތެއް ނިންމަންޖެހެ އެވެ. 2- ގާނޫނުލް އުގޫބާތުގައި ބުނަނީ އެ ގާނޫނުތައް އުވާލާ ނަމަ އެކަމުގައި ގޮތެއް ނިންމާށޭ. ރަގަޅު ގޮތަކީ ކޮބާ؟؟ 1 ގައި ބުނަނީ 7 ގާނޫނެއް އުވާލުމާ މެދު ގޮތެއް ނިންމަންޖެހޭ ކަމަށް. އެކަމަކު 2 ގައި ބުނަނީ ގާނޫނުތައް އުވާލާ ނަމަ އެކަމުގައި ގޮތެއް ނިންމަންޖެހޭ ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު

18 July 2016

އާ ޤާނޫނުލް އުޤޫބާތަށް ޢަމަލުކުރަން ފެށުމާއިއެކު އުވާލަންޖެހޭ ޤާނޫނުތައް އުވާނުލާނަމަ ބޮޑެތި ފުށުއެރުންތަކެއް އަންނާނެ. އަދި އިންޞާފުން ޝަރީއަތްތައްގެންދިއުމަށާ އިންޞާފުން ބޭރުން ހުކުމް ކުރަން ފުރުޞަތު ލިބޭނެ. އަދި އެއާއެކު އާ ޤާނޫނުލްޢުޤޫބާތުގެ ބޭނުން ނުހިފި ހިނގައިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Dhera

18 July 2016

އޭޖީ.... މިހާރު ބޭނުނަވަނީ ސަރުކާރު ބަދަލުކުރަން.... އިސްލާމްދީނަށް ފުރައްސާރަކޮށް، ލިބޭމ މުއްސަނދިކަމަކީ ހަލާލު ތަކެތިތޯ ބެލުމެއްނުހުންނަމީހަކު ވަލީއުލްއަރްރަކަށް ކުފޫއެއް ހަމައެއްނުވޭ.... ވީމާ، ގާނޫނީ އިމުގެ ތެރޭން މިރައީސް ބޭލުވޭނެ ގޮތެއްއޮތްތޯ ބަލާފަ ނިއުސްކޮންފަރެންސްއެއް ދޭންވީނު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައީމު ސ.މީދޫ

17 July 2016

އެތިބީ ނޫންތޯ މޮޅަތި މީހުންނަކީ އެބޭފުޅުންވިދާޅުވީމާ އެއޮތީނިމިފާ.ބުނާނެ ހަމަ އެކައްޗެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްޕޭސް.މޭން

17 July 2016

ގަބޫލުކޮށްފިން. އެއްވެސް ހުސްކަމެއް ނެތް. ހުސް ތަންކޮޅެއް ވެސް ނެތް. އޮބިސިޓީއެއް ވެސް ނެތް. މާރާމާރީއެއް ވެސް ނެތް. މަސްތުވާމީހުންނެއް ވެސް ނެތް. ވަގުންނެއް ވެސް ނެތް. ވަރަށް ސަލާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގފ

17 July 2016

ޤާނޫނު އިޒް ޔޫޒްލެސް. އަމިއްލައަތުން މޮޑޭފުއްގަނޑެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމީޒު

17 July 2016

މިއީ އެއްަކަލަ އަވަސް އަރުވާލައިގެން ގެނައި އިސްލާހުގެ ކަންތަކެވެ. ޤާނޫން ޢުޤޫބާތު ފާސްކުރި އިރު 18-ނ ގައި އިންނަނީ މި ޤާނޫނާ ތަޢާރުޟު ވާ ޤާނޫން ތަކާއި ޤާނޫންތަކުގެ ބައިތަކު ގެ ތެރެއިން އުވާލަން ޖެހޭ ނުވަތަ އިޞްލާހު ކުރަން ޖެހޭ ބައިތައް ފާހަގަ ކޮށް އޭގެ ލިސްޓެއް ސަރުކާރުން އެކުލަވާލާ 6 މަސް ދުވަހު ތެރޭ މަޖިލީހަށް ހުށަހަޅާ އެ ޤާނޫން ތަކާ ދޭތެރޭ ޢަމަލު ކުރާނެ ގޮތް މަޖިލީހުން ފާސް ކުރާށެވެ. ޕީޕީއެމް އިން ގެނައި އިސްލާހުގައި މި މާއްދާ އަށް "ރ" އަދި "ބ" އިތުރު ކޮށް "ރ" ގައި ވަނީ ބައެއް ޤާނޫން ތަކަށް ޤާނޫން އުޤޫބާތަށް ވުރެ އިސްކަން ދީފައެވެ. "ބ" ގައި ވަނީ "ރ" ގައި އިސްކަން ދިން ޤާނޫން ތައް މުރާޖާއާ ކުރުމަށް ފަހު 1 ވަނަ އިޞްލާހަށް އަމަކު ކުރަން ފަށާތާ 12 މަސް ދުވަހުގެ ތެރޭގައި އެ ޤާނޫން ތައް އުވާލުމާ މެދު ގޮތެއް ކަޑައެޅުމެވެ. ------------------------------------ ޤާނޫން ޢުޤޫބާތުގެ 18-ނ އުވާނުލާ އިނުމުން ސަރުކާރުން ކުަރަން ޖެހޭކަންތައް ކުރަން ޖެހެއެވެ. އެޢީ 6 މަސް ދުވަސް ތެރޭ އެ ޤާނޫނާ ތަޢާރުޟު ވާ ބައިތަކުގެ ލިސްޓެއް މަޖިލީހަށް ހުށަހެޅުމެވެ. އެ ކަން ކުރެވުނު ބާއެވެ؟ ޤާނޫން ޢުޤޫބާތު ގެ ފުރަތަމަ އިސްލާހު ގެ "ބ" ގައި އެ ބުނާ ގޮތެއް ކަޑައަޅައި ފާސް ކުރަން ޖެހެނީ މަޖިލީހަށެވެ، އެއީ އެޓާރނީ ޖެނެރަލް އަށް ނިންމޭނެ ކަމެއް ނޫނެވެ. އޭ.ޖީ އަށް ފެންނަ ގޮތް މަޖިލީހަށް ހުށަހެޅިދާނެއެވެ، އަދި މިހާރު އޮތް ގޮތުން ފާސްވެސް ވާނެއެވެ. ނަމަވެސް މި ފަހަރު މިއޮތީ އަނެއްކާވެސް އަތްދަށުން ގޮސްފަކަން ޤަބޫލު ކުރައްވާށެވެ.